ՀՀ ՕՐԵՆՔԸ ««ԱՆԿԱՆԽԻԿ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2025 թվականի դեկտեմբերի 17-ին

Հոդված 1․ ««Անկանխիկ գործառնությունների մասին» օրենքում լրացում կատարելու մասին» 2024 թվականի հոկտեմբերի 24-ի ուղղ.ՀՕ-395-Ն օրենքի 1-ին հոդվածով լրացվող 6.1-ին հոդվածում՝

1) 1-ին մասը «չափից» բառից հետո լրացնել «, բացառությամբ սույն հոդվածի ուղղ.3-րդ մասով սահմանված դեպքի» բառերով․

2) լրացնել հետևյալ բովանդակությամբ ուղղ.3-րդ մասով․

«ուղղ.3․ Սույն հոդվածի 1-ին մասով սահմանված գործարքը կարող է իրականացվել կանխիկ ձևով, եթե՝

1) գործարքի գումարը չի գերազանցում 300,000 Հայաստանի Հանրապետության դրամը․

2) կրիպտոակտիվներով գործարքն իրականացվում է կրիպտոակտիվներով ծառայություններ մատուցող անձի հետ կամ նրա միջոցով․

3) սույն մասի 2-րդ կետով նախատեսված անձն իրականացնում է հաճախորդի նույնականացում և ինքնության ստուգում պետական իրավասու մարմնի տված արժանահավատ ու վավեր փաստաթղթերի և այլ տեղեկությունների հիման վրա, որոնք պետք է առնվազն ներառեն անձի անունը, ազգանունը, քաղաքացիությունը, հաշվառման հասցեն (առկայության դեպքում), ծննդյան տարին, ամիսը, ամսաթիվը, անձը հաստատող փաստաթղթի սերիան, համարը, տրամադրման տարին, ամիսը, ամսաթիվը, ինչպես նաև վարում է հաճախորդի հետ կամ հաճախորդի հաշվին կնքված գործարքի բոլոր էական պայմանների վերաբերյալ գրանցումներ։»։

Հոդված 2․ Սույն օրենքն ուժի մեջ է մտնում 2026 թվականի հունվարի 1-ից։ Սույն օրենքի 1-ին հոդվածի ուղղ.3-րդ մասը գործում է մինչև 2028 թվականի հունվարի 1-ը։

Հանրապետության նախագահ	Վ. Խաչատուրյան
2025 թ. դեկտեմբերի 29 Երևան ՀՕ-516-Ն

Պաշտոնական հրապարակման օրը՝ 29 դեկտեմբերի 2025 թվական: