ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅՈՑ ՑԵՂԱՍՊԱՆՈՒԹՅԱՆ 80-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հայոց ցեղասպանության 80-ամյակին նվիրված միջոցառումների նախապատրաստման ու անցկացման նպատակով, որոշում եմ.

1. Ստեղծել Հայոց ցեղասպանության 80-ամյակին նվիրված միջոցառումների կազմակերպման պետական հանձնաժողով (կազմը կցվում է):

2. Հանձնարարել հանձնաժողովին եռամսյա ժամկետում մշակել Հայոց ցեղասպանության 80-ամյակին նվիրված միջոցառումների ծրագիր` նրանում նախատեսելով պաշտոնական հանդիսավոր նիստի գումարում Երևանում, ցեղասպանության պրոբլեմներին նվիրված միջազգային գիտաժողովի կազմակերպում, Հայոց ցեղասպանության թանգարանային համալիրի հիմնում և այլ միջոցառումներ:

3. Հայաստանի Հանրապետության կառավարությանը` անհրաժեշտ պայմաններ ստեղծել և ապահովել հանձնաժողովի կողմից մշակված միջոցառումների նախապատրաստումն ու իրականացումը:

4. Սույն հրամանագիրն ուժի մեջ է մտնում հրապարակման պահից:

Հայաստանի Հանրապետության Նախագահ	Լ. Տեր-Պետրոսյան
Երևան 16 մայիսի 1994 թ. ՆՀ-292

ՀԱՅՈՑ ՑԵՂԱՍՊԱՆՈՒԹՅԱՆ 80-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ԿԱԶՄԸ

Լևոն Տեր-Պետրոսյան - Հայաստանի Հանրապետության նախագահ (հանձնաժողովի նախագահ)

Բաբկեն Արարքցյան - Հայաստանի Հանրապետության Գերագույն խորհրդի նախագահ

Գագիկ Հարությունյան - Հայաստանի Հանրապետության փոխնախագահ

Հրանտ Բագրատյան - Հայաստանի Հանրապետության վարչապետ

Ռաֆայել Ղազարյան - Հայաստանի Հանրապետության Գերագույն խորհրդի նախագահության անդամ

Ռաֆայել Պապայան - Հայաստանի Հանրապետության Գերագույն խորհրդի նախագահության անդամ

Վարդգես Գնունի - Հայաստանի Հանրապետության բարձրագույն կրթության և գիտության նախարար

Ժիրայր Լիպարիտյան - Հայաստանի Հանրապետության արտաքին գործերի նախարարի առաջին տեղակալ

Ֆադեյ Սարգսյան - Հայաստանի Հանրապետության գիտությունների ազգային ակադեմիայի պրեզիդենտ

Ռադիկ Մարտիրոսյան - Երևանի պետական համալսարանի ռեկտոր

Գագիկ Սարգսյան - Հայաստանի Հանրապետության գիտությունների ազգային ակադեմիայի արևելագիտության ինստիտուտի տնօրեն

Սեն Արևշատյան - Մատենադարանի տնօրեն

Մկրտիչ Ներսիսյան - ակադեմիկոս

Ռուբեն Սահակյան - պատմական գիտությունների դոկտոր, պրոֆեսոր

Կոնստանտին Խուդավերդյան - Հայկական հանրագիտարանի գլխավոր խմբագիր

Գրիգոր Խանջյան - նկարիչ

Վահագն Գրիգորյան - գրող

Սասուն Գրիգորյան - «Ուխտատուն» թանգարան-ինստիտուտի խորհրդի նախագահ

Լավրենտի ԲԱՐՍԵՂՅԱՆԻՆ - Հայաստանի Հանրապետության գիտությունների ազգային ակադեմիայի պրեզիդենտի ընդհանուր հարցերի գծով տեղակալ

(կազմը լրաց. 03.02.95 ՆՀ-416)