ԵՐԵՎԱՆԻ ՔԱՂԱՔԱՊԵՏ
|
N 5169-Ա |
«17» դեկտեմբերի 2025 թ. |
Ո Ր Ո Շ ՈՒ Մ
ՅՈՒ.ՖՈՒՉԻԿԻ ՓՈՂՈՑԻ Հ.28 ԱՐՏԱԴՐԱՄԱՍ ՀԱՍՑԵՈՒՄ ԳՏՆՎՈՂ ՀՈՂԱՄԱՍԻ ՆՊԱՏԱԿԱՅԻՆ ԵՎ ԳՈՐԾԱՌՆԱԿԱՆ ՆՇԱՆԱԿՈՒԹՅՈՒՆՆԵՐԸ ՓՈԽԵԼՈՒ ՄԱՍԻՆ
Վարչական ակտի ընդունման համար հիմք է հանդիսացել լ/ա Էրիկ Խաչատրյանի դիմումը՝ սեփականության իրավունքով Սամվել Զաքարյանին պատկանող Յու.Ֆուչիկի փողոցի հ.28 արտադրամաս հասցեի 01-001-0206-0002 կադաստրային ծածկագրով հողամասի (անշարժ գույքի նկատմամբ իրավունքների պետական գրանցման 23.05.2025թ. N23052025-01-0199 վկայական) նպատակային և գործառնական նշանակությունները փոխելու մասին:
Հարցի քննարկման համար հիմք են հանդիսացել անշարժ գույքի նկատմամբ իրավունքների պետական գրանցման 23.05.2025թ․ N 23052025-01-0199 վկայականը, «Հայաստանի էլեկտրական ցանցեր» ՓԲԸ-ի 20.08.2025թ. h.ԴԳ 8439, «Վեոլիա ջուր» ՓԲԸ-ի 20.08.2025թ. հ.ՄՇ/29865, «Գազպրոմ Արմենիա» ՓԲԸ-ի 20.08.2025թ. հ․53/53․13/6206-2025 և «Տելեկոմ Արմենիա» ՓԲԸ-ի 14.08.2025թ. հ.1978/25-1 գրությունները, նախագծման թույլտվությունը:
Երևան քաղաքի ավագանու 10.09.2024թ. հ.204-Ն որոշումով հաստատված Երևան քաղաքի գլխավոր հատակագծի համաձայն՝ հողամասը գտնվում է բնակավայրերի նպատակային և հասարակական կառուցապատման գործառնական նշանակության հողերի գոտում։
Քննարկվող հողամասն ընդգրկված չէ ՀՀ հողային օրենսգրքի 60-րդ հոդվածի սահմանափակումների ցանկում։ ՀՀ կառավարության 04.06.2020թ. հ.1023-Ն որոշմամբ հաստատված հավելվածների համաձայն՝ ըստ տարածագնահատման համաձայնեցված սխեմայի, հողամասը գտնվում է 6-րդ գոտում:
Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, hողային օրենսգրքի 7-րդ հոդվածի 4-րդ և 5-րդ, 10-րդ հոդվածի 1-ին և 2-րդ կետերով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, «Քաղաքաշինության մասին» օրենքի 14.3-րդ հոդվածի 12-րդ մասով, հիմք ընդունելով Երևան քաղաքի ավագանու 2024 թվականի սեպտեմբերի 10-ի հ.204-Ն որոշումը, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության հ.Դ-133031-25 եզրակացությունը.
1. Երևան քաղաքի ավագանու 2024 թվականի սեպտեմբերի 10-ի հ.204-Ն որոշմամբ հաստատված Երևան քաղաքի գլխավոր հատակագծում ամրագրված պայմանական նշանների համաձայն՝ Յու. Ֆուչիկի փողոցի հ.28 արտադրամաս հասցեի 01-001-0206-0002 կադաստրային ծածկագրով Սամվել Զաքարյանին սեփականության իրավունքով պատկանող 0.03893հա մակերեսով հողամասի նպատակային նշանակությունը սահմանել բնակավայրերի, իսկ գործառնական նշանակությունը /օգտագործման նպատակը/` հասարակական կառուցապատման:
2. Հողամասի նկատմամբ փոփոխված նպատակային և գործառնական նշանակությամբ իրավունքները ենթակա են պետական գրանցման ՀՀ կադաստրի կոմիտեում` համաձայն կից ներկայացված նախագծման թույլտվության /ճարտարապետահատակագծային առաջադրանք/։
3. Որոշումն ուժի մեջ է մտնում այն ստանալու հաջորդ օրը:
4. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։
5. Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության վարչության պետի և Աջափնյակ վարչական շրջանի ղեկավարի վրա:
6. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:
| Տ. Ավինյան |