1.

Ծրագրի նպատակը

Հայաստանի Հանրապետությունում գիտության զարգացմանը նպաստելու նպատակով գիտական դրամաշնորհների տրամադրում գիտնականներին և գիտական խմբերին:

2.

Ծրագրի բարեգործական որակման նպատակը

Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից:

3.

Բարեգործը

Հայ օգնության ֆոնդ (630 երկրորդ պողոտա, Նյու-Յորք, ԱՄՆ)

4.

Ծրագիրը կատարողը

Հայ օգնության ֆոնդի Հայաստանի մասնաճյուղ (Հայաստանի Հանրապետություն, քաղ. Երևան, Մ. Խորենացու փողոց 22, ՀՎՀՀ՝ 02517115)

5.

Ծրագրի իրականացման վայրը և բնագավառը

Հայաստանի Հանրապետության գիտությունների ազգային ակադեմիայի գիտահետազոտական ինստիտուտներ, Հայաստանի Հանրապետության կրթության, գիտության, մշակույթի և սպորտի նախարարության ենթակայության տակ գործող գիտական և կրթական հիմնարկներ, բնագավառը՝ գիտական

6.

Ծրագրի բյուջեն

42,900,000 դրամ

7.

Բարեգործություն ստացողը

13 գիտական խմբերում ընդգրկված 52 գիտնականներ

8.

Ծրագրի իրականացման տևողությունը

2026 թվականի հունվարի 1-ից մինչև 2027 թվականի մայիսի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Մրցույթի հայտարարում կայքերում, Նյու Յորքում գտնվող դրամաշնորհի մրցույթի անցկացման կազմկոմիտեի կողմից մասնակիցների հայտերի ընդունում, հետազոտական խորհրդի կողմից հայտերի գնահատում և հաղթողների ընտրություն, Հայ օգնության ֆոնդի Հայաստանի մասնաճյուղի կողմից գիտական խմբերի հետ դրամաշնորհային պայմանագրերի կնքում և դրամաշնորհի վճարում, աշխատանքների ընթացքին ծանոթանալու նպատակով Հայ օգնության ֆոնդի մոնիթորինգի հանձնաժողովի այցելություններ գիտական խմբերին, կազմկոմիտեի կողմից միջանկյալ հաշվետվությունների ընդունում, կազմկոմիտեի կողմից ամփոփիչ հաշվետվությունների ընդունում: Նախատեսվում է իրականացնել 2026 թվականի հունվարի 1-ից մինչև 2027 թվականի մայիսի 31-ն ընկած ժամանակահատվածում՝ 42,900,000 դրամի չափով, որից՝ դրամաշնորհների տրամադրում գիտնականներին՝ 37,500,000 դրամ և կազմակերպական ծախսեր՝ 5,400,000 դրամ։

10.

Ձեռք բերվող (ներմուծվող) ապրանքների ու ծառա-յությունների համառոտ նկարագիրը, ծավալները և նախատեսվող գինը

1) կոմունալ ծառայությունների ձեռքբերում՝ 1,600,000 դրամ առանց ավելացրած արժեքի հարկի.

2) գրասենյակային պիտույքների ձեռքբերում՝ 800,000 դրամ առանց

ավելացրած արժեքի հարկի։

11.

Ծրագրի իրականացման հետ կապված կազմակերպական ծախսերը

Կազմակերպական ծախսերը կազմելու են 5,400,000 դրամ՝ ծրագրի ընդհանուր բյուջեի 12.6 %-ը՝

1) ծրագրի ղեկավարի աշխատավարձ՝ 3,000,000 դրամ.

2) կոմունալ ծառայությունների ձեռքբերում՝ 1,600,000 դրամ.

3) գրասենյակային պիտույքների ձեռքբերում՝ 800,000 դրամ:

12.

Համագործակցությունը պետական կառավարման, տեղական ինքնակառա-վարման մարմինների, այլ

կազմակերպությունների հետ

Հայաստանի Հանրապետության կրթության, գիտության, մշակույթի և սպորտի նախարարություն, Հայաստանի Հանրապետության գիտությունների ազգային ակադեմիա:

13.

Ծրագրի արդյունավետու-թյան նկատմամբ վերահսկողության մեխանիզմների նկարագրությունը

Վերահսկողությունը կատարվելու է Հայ օգնության ֆոնդի հոգաբարձուների խորհրդի կողմից, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: