ՀԱՅԿԱԿԱՆ ՍՍՌ ՄԻՆԻՍՏՐՆԵՐԻ ՍՈՎԵՏ

Ո Ր Ո Շ ՈՒ Մ

30 դեկտեմբերի 1964 թվականի N 510

Քաղ. Երևան

ՍՍՌՄ Գերագույն Սովետի Նախագահության 1942 թվականի ապրիլի 10-ի «Տեղական հարկերի ու գանձույթների մասին» Հրամանագրի 2-րդ հոդվածի հիման վրա Հայկական ՍՍՌ Մինիստրների Սովետը որոշում է`

1. Կոոպերատիվ բնակարանային շինարարությունը խրախուսելու և այն ավելի մասսայական դարձնելու նպատակով բնակարանային շինարարության կոոպերատիվների շենքերը, որոնք հատկացվել են այդ կոոպերատիվների անդամների մշտական օգտագործման, ազատել հարկ շենքերից և այդ շենքերին սպասարկող հողամասերը հողային ռենտայով հարկումից:

2. Շարքային և կրտսեր հրամկազմի զինծառայողների և նրանց ընտանիքների նյութական պայմանները բարելավելու նպատակով նրանց և իրենց ընտանիքներին պատկանող շենքերը, անկախ շենքերը վարձով տալուց, սկսած 1965 թվականի հունվարի 1-ից ազատել հարկ շենքերից և այդ շենքերին սպասարկող հողամասերը հողային ռենտայով հարկումից: 

Հայկական ՍՍՌ Մինիստրների սովետի նախագահ`

Ա. ՔՈՉԻՆՅԱՆ

Հայկական ՍՍՌ Մինիստրների սովետի գործերի կառավարիչ`

Հ. ՄԵԼՔՈՆՅԱՆ