ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅՇԻՆԱՆՏԱՌԹՈՒՂԹԱՌ» ԿՈՄԵՐՑԻՈՆ-ԱՌԵՎՏՐԱՅԻՆ ՄԻՋՆՈՐԴԱՅԻՆ ՖԻՐՄԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 1995 թ. N 515

Քաղ. Երևան

«ՀԱՅՇԻՆԱՆՏԱՌԹՈՒՂԹԱՌ» ԿՈՄԵՐՑԻՈՆ-ԱՌԵՎՏՐԱՅԻՆ ՄԻՋՆՈՐԴԱՅԻՆ ՖԻՐՄԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սեփականաշնորհել «Հայշինանտառթուղթառ» կոմերցիոն-առևտրային միջնորդային ֆիրմա» պետական ձեռնարկությունը` «Հայշինանտառթուղթառ» կոմերցիոն-առևտրային միջնորդային ֆիրմա» բաց բաժնետիրական ընկերություն ստեղծելու միջոցով:

2. «Հայշինանտառթուղթառ» կոմերցիոն-առևտրային միջնորդային ֆիրմա» պետական ձեռնարկության կազմից առանձնացնել «Սասուն» դուստր ձեռնարկությունը:

3. «Հայշինանտառթուղթառ» կոմերցիոն-առևտրային միջնորդային ֆիրմա» պետական ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց:

4. Սահմանել ընկերության նախնական կանոնադրական հիմնադրամը` 297 մլն 100 հազ. դրամ, որից բաժանորդագրության ենթակա մասը` 297 մլն 100 հազ. դրամ:

5. Վճարման ենթակա պասսիվները կազմում են 52 մլն 645 հազ. դրամ:

6. Ընկերության նախնական կանոնադրական հիմնադրամի բաժանորդագրության ենթակա մասը համապատասխանում է 29710 բաժնետոմսի` յուրաքանչյուրը 10000 դրամ անվանական արժեքով:

7. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Հայշինանտառթուղթառ» կոմերցիոն-առևտրային միջնորդային ֆիրմա» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

8. Սահմանել, որ «Հայշինանտառթուղթառ» կոմերցիոն-առևտրային միջնորդային ֆիրմա» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում:

9. Սահմանել, որ «Հայշինանտառթուղթառ» կոմերցիոն-առևտրային միջնորդային ֆիրմա» բաց բաժնետիրական ընկերության բաժնետոմսերի ազատ բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում 35 օրվա ընթացքում:

10. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը` սահմանված կարգով Հայխնայբանկում բացել «Հայշինանտառթուղթառ» կոմերցիոն-առևտրային միջնորդային ֆիրմա» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹյԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ