ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 1995 թ. N 493

Քաղ. Երևան

1995 ԹՎԱԿԱՆԻ ՀԱՄԱՇԽԱՐՀԱՅԻՆ ՈՒՍԱՆՈՂԱԿԱՆ ՄԱՐԶԱԿԱՆ ԽԱՂԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՒՍԱՆՈՂԱԿԱՆ ՄԱՐԶԱԿԱՆ ՊԱՏՎԻՐԱԿՈՒԹՅԱՆ ՄԱՍՆԱԿՑՈՒԹՅԱՆ ՄԱՍԻՆ

Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության բարձրագույն կրթության և գիտության նախարարության, Հայաստանի Հանրապետության կառավարությանն առընթեր ֆիզիկական կուլտուրայի, սպորտի և երիտասարդության հարցերի վարչության, Հայաստանի Հանրապետության ուսանողական մարզական ֆեդերացիայի և արհմիությունների «Հայաստան» մարզական միության առաջարկությունը և 1995 թվականի օգոստոսին Ճապոնիայի Ֆուկայուկա քաղաքում անցկացվող համաշխարհային ուսանողական մարզական խաղերին Հայաստանի Հանրապետության ուսանողական մարզական պատվիրակության մասնակցությունն ապահովելու նպատակով 1995 թվականի օգոստոսի 21-ից սեպտեմբերի 4-ը Ճապոնիա գործուղել Հայաստանի Հանրապետության ուսանողական մարզական պատվիրակություն (23 մարդ)։

2. Հայաստանի Հանրապետության ուսանողական մարզական պատվիրակության գործուղման ծախսերը կատարել Հայաստանի Հանրապետության կառավարությանն առընթեր ֆիզիկական կուլտուրայի, սպորտի և երիտասարդության հարցերի վարչությանը բյուջեով նախատեսված միջոցների հաշվին։

3. Հայաստանի Հանրապետության էներգետիկայի և վառելիքի նախարարությանը՝ լուծել ուսանող մարզիկների նախապատրաստման մարզաբազայի՝ «Սպարտակ մարզահամալիրի (քաղ. Երևան, Ագաթանգեղոսի 6) անխափան էլեկտրամատակարարման հարցը:

4. Հայաստանի Հանրապետության արտաքին գործերի նախարարությանը և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը՝ լուծել Հայաստանի Հանրապետության ուսանողական մարզական պատվիրակության Ճապոնիա մեկնելու հետ կապված հարցերը։