ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հոկտեմբերի 2025 թվականի N 1503-Ա

ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածի 1-ին մասը, «Պետական գույքի կառավարման մասին» օրենքի 6-րդ հոդվածի 1-ին կետն ու 22-րդ հոդվածի 4-րդ մասը՝ Հայաստանի Հանրապետության կառավարությունը որոշում է.

1․ Հայաստանի Հանրապետության սեփականություն հանդիսացող՝ 44 260 000 դրամ սկզբնական արժեքով «էկզոսկելետոն» աջակցող միջոցը (UAN/GO, REF-GMO4001, SN-009, այսուհետ՝ գույք) նվիրաբերել «Զինվորի տուն» բարեգործական հասարակական կազմակերպությանը (այսուհետ՝ կազմակերպություն)՝ համաձայն կազմակերպության կողմից ներկայացված հանրօգուտ ծրագրի՝ շահառուների վերականգնողական բուժման գործընթացն առավել արդյունավետ դարձնելու նպատակով:

2․ Հայաստանի Հանրապետության աշխատանքի և սոցիալական հարցերի նախարարին՝

1) սույն որոշումն ուժի մեջ մտնելուց հետո մեկամսյա ժամկետում կազմակերպության հետ կնքել 2022 թվականի հուլիսի 29-ին կնքված անհատույց օգտագործման պայմանագիրը լուծելու մասին համաձայնագիր․

2) սույն որոշման 3-րդ կետում նշված աշխատանքների ավարտից հետո մեկամսյա ժամկետում կազմակերպության նախագահի հետ համատեղ ապահովել գույքի հանձնման-ընդունման աշխատանքների կատարումը:

3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշման 2-րդ կետի 1-ին ենթակետում նշված աշխատանքների ավարտից հետո երկամսյա ժամկետում կազմակերպության նախագահի հետ կնքել գույքի նվիրաբերության պայմանագիր։