ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅՏԱՐԲԵՐՆՅՈՒԹՄԵԾԱՌ» ՀԱՆՐԱՊԵՏԱԿԱՆ ՄԵԾԱԾԱԽ ՄԻՋՆՈՐԴԱՅԻՆ ՖԻՐՄԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 1995 թ. N 478

Քաղ. Երևան

«ՀԱՅՏԱՐԲԵՐՆՅՈՒԹՄԵԾԱՌ» ՀԱՆՐԱՊԵՏԱԿԱՆ ՄԵԾԱԾԱԽ ՄԻՋՆՈՐԴԱՅԻՆ ՖԻՐՄԱ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սեփականաշնորհել «Հայտարբերնյութմեծառ» հանրապետական մեծածախ միջնորդային ֆիրմա» պետական ձեռնարկությունը` «Հայտարբերնյութմեծառ» հանրապետական մեծածախ միջնորդային ֆիրմա» բաց բաժնետիրական ընկերություն ստեղծելու միջոցով:

2. «Հայտարբերնյութմեծառ» հանրապետական մեծածախ միջնորդային ֆիրմա» պետական ձեռնարկության կազմից առանձնացնել NN 4, 9, 11, 14, 18 դուստր ձեռնարկությունները և սեփականաշնորհել որպես «փոքր» օբյեկտներ` առաջարկելով դրանց աշխատավորական կոլեկտիվին:

3. «Հայտարբերնյութմեծառ» հանրապետական մեծածախ միջնորդային ֆիրմա» պետական ձեռնարկության կազմից առանձնացնել «Վարձույթ» պետական ձեռնարկությանը վարձակալությամբ տրված շենքը և այն հանձնել վերջինիս հաշվեկշռին:

4. «Հայտարբերնյութմեծառ» հանրապետական մեծածախ միջնորդային ֆիրմա» պետական ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց:

5. Սահմանել ընկերության նախնական կանոնադրական հիմնադրամը` 179690 հազ. դրամ, որից բաժանորդագրության ենթակա մասը` 179690 հազ. դրամ:

6. Վճարման ենթակա պասսիվները կազմում են 1550,4 հազ. դրամ:

7. Ընկերության նախնական կանոնադրական հիմնադրամի բաժանորդագրության ենթակա մասը համապատասխանում է 17969 բաժնետոմսի` յուրաքանչյուրը 10000 դրամ անվանական արժեքով:

8. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Հայտարբերնյութմեծառ» հանրապետական մեծածախ միջնորդային ֆիրմա» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

9.  Սահմանել, որ «Հայտարբերնյութմեծառ» հանրապետական մեծածախ միջնորդային ֆիրմա» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում:

10. Սահմանել, որ «Հայտարբերնյութմեծառ» հանրապետական մեծածախ միջնորդային ֆիրմա» բաց բաժնետիրական ընկերության բաժնետոմսերի ազատ բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում 35 օրվա ընթացքում:

11. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը` սահմանված կարգով Հայխնայբանկում բացել «Հայտարբերնյութմեծառ» հանրապետական մեծածախ միջնորդային ֆիրմա» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹյԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ