ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ 1995 ԹՎԱԿԱՆԻ ԿԱՊԻՏԱԼ ՇԻՆԱՐԱՐՈՒԹՅԱՆ ՊԵՏԱԿԱՆ ՊԱՏՎԵՐԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 փետրվարի 1995 թ. N 87

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1995 ԹՎԱԿԱՆԻ ԿԱՊԻՏԱԼ ՇԻՆԱՐԱՐՈՒԹՅԱՆ ՊԵՏԱԿԱՆ ՊԱՏՎԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության 1995 թվականի կապիտալ շինարարության պետական պատվերը` 8264,0 մլն դրամ ծավալով, համաձայն N 1 հավելվածի:

2. Հայաստանի Հանրապետության նախարարություններին, պետական վարչություններին, գերատեսչություններին, պատգամավորների տեղական խորհուրդների գործադիր կոմիտեներին` մինչև 1995 թվականի մարտի 1-ը Հայաստանի Հանրապետության էկոնոմիկայի նախարարության համաձայնեցմանը ներկայացնել 1995 թվականի կապիտալ շինարարության պետական պատվերում ընդգրկված օբյեկտների շինարարության տիտղոսացուցակները և դրանց ամենամսյա ֆինանսավորման վերաբերյալ առաջարկությունները:

Հայաստանի Հանրապետության էկոնոմիկայի նախարարությանը` մինչև 1995 թվականի մարտի 10-ը ավարտել օբյեկտների շինարարության տիտղոսացուցակների համաձայնեցումը և Հայաստանի Հանրապետության ֆինանսների նախարարության հետ համատեղ հաստատել 1995 թվականի կապիտալ շինարարության պետական պատվերի ֆինանսավորման ամենամսյա ժամկետացանկերը (գրաֆիկները):

ՀՀ սպասարկող բանկերին` կատարված շինարարական աշխատանքների ֆինանսավորումն իրականացնել միայն համաձայնեցված տիտղոսացուցակներին համապատասխան:

3. Պատվիրատուներին`

ա) օբյեկտների շինարարության տիտղոսացուցակների համաձայնեցումից և 1995 թվականի կապիտալ շինարարության պետական պատվերի ֆինանսավորման ամենամսյա ժամկետացանկերի հաստատումից հետո մեկշաբաթյա ժամկետում հայտարարել օբյեկտների շինարարության պետպատվերի տեղադրման մրցույթ, բացառությամբ այն օբյեկտների, համաձայն N 2 հավելվածի, որոնց մրցույթն անցկացվում է պատվիրատուի հայեցողությամբ.

բ) մրցույթի արդյունքներն ամփոփելուց հետո մեկամսյա ժամկետում ապահովել օբյեկտի ընդունումը նախկին կապալառուից և հանձնումը` մրցույթում հաղթող ճանաչված կապալառուին:

4. Հայաստանի Հանրապետության փախստականների հարցերի պետական վարչությանը` մեկամսյա ժամկետում Հայաստանի Հանրապետության էկոնոմիկայի նախարարության համաձայնեցմանը ներկայացնել կառուցվող օբյեկտների շինարարության տիտղոսացուցակները` սույն որոշմամբ հաստատված սահմանաչափին համապատասխան:

5. Հայաստանի Հանրապետության էներգետիկայի և վառելիքի նախարարությանը, գյուղատնտեսության նախարարությանը, Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` 15-օրյա ժամկետում Հայաստանի Հանրապետության էկոնոմիկայի նախարարություն ներկայացնել 1995 թվականի ինվեստիցիոն վարկերի հաշվին իրականացվող օբյեկտների (ենթաօբյեկտներով) շինարարության տիտղոսացուցակներն ու ֆինանսավորման ժամկետացանկերը:

6. Հայաստանի Հանրապետության էկոնոմիկայի նախարարությանը` անհրաժեշտության դեպքում 1995 թվականի առաջին կիսամյակի արդյունքներով առաջարկություններ ներկայացնել Հայաստանի Հանրապետության կառավարություն` սույն որոշմամբ նախատեսված կապիտալ շինարարության ծավալների հնարավոր փոփոխությունների վերաբերյալ:

7. Պատվիրատուներին` 1995 թվականի կապիտալ շինարարության պետական պատվերում չընդգրկված բնակարանային, սոցիալական և արտադրական ոլորտների անավարտ շինարարության բոլոր օբյեկտներն ընդունել սեփական հաշվեկշռում և մինչև 1995 թվականի հուլիսի 1-ը կատարման մասին զեկուցել Հայաստանի Հանրապետության կառավարությանը:

8. Իրենց հաշվեկշռում անավարտ շինարարության օբյեկտներ ունեցող պատվիրատու կազմակերպություններին` կապալառուների հետ համատեղ`

ա) 1995 թվականի հունվարի 1-ի դրությամբ ճշտել օբյեկտների անավարտ շինարարության ծավալները, ինչպես նաև այդ օբյեկտներում առկա նյութերի ու սարքավորումների քանակը.

բ) Հայաստանի Հանրապետության ճարտարապետության և քաղաքաշինության պետական վարչության հետ համատեղ 3-ամսյա ժամկետում որոշել անավարտ շինարարության օբյեկտների պատրաստվածության աստիճանը և տեխնիկական վիճակը, ճշտել ցածր պատրաստվածությամբ այն օբյեկտների ցանկը, որոնց շինարարությունը նպատակահարմար չէ շարունակել, և այն ներկայացնել Հայաստանի Հանրապետության էկոնոմիկայի նախարարություն:

Հայաստանի Հանրապետության էկոնոմիկայի նախարարությանն ու ֆինանսների նախարարությանը` Հայաստանի Հանրապետության ճարտարապետության և քաղաքաշինության պետական վարչության հետ համատեղ ամփոփել նշված նյութերը և, ելնելով օբյեկտների փաստացի վիճակից, Հայաստանի Հանրապետության կառավարություն ներկայացնել դրանց պահպանման և կոնսերվացման, ապագա շահագործող կազմակերպությունների հաշվեկշիռներին հանձնման կամ սահմանված կարգով դուրսգրման վերաբերյալ առաջարկություններ:

9. Հայաստանի Հանրապետության էկոնոմիկայի նախարարությանը` պատվիրատուների հետ համատեղ պետական վարկային ինվեստիցիոն ծրագրերի նախագծերը մշակելիս դրանցում ընդգրկել բնակարանային, սոցիալական և այլ ոլորտների անավարտ շինարարության օբյեկտները:

10. Պատգամավորների տեղական խորհուրդների գործկոմներին` Հայաստանի Հանրապետության էկոնոմիկայի նախարարություն ներկայացնել սեփական միջոցների հաշվին իրականացվող բնակարանային և սոցիալական ոլորտի օբյեկտների շինարարության հաստատված ծրագրերը:

11. Հայաստանի Հանրապետության էկոնոմիկայի նախարարությանը` մեկամսյա ժամկետում Հայաստանի Հանրապետության կառավարության հաստատմանը ներկայացնել Ռուսաստանի Դաշնության, Եվրոբանկի և Համաշխարհային բանկի ինվեստիցիոն վարկերի հաշվին իրականացվող կապիտալ շինարարության 1995 թվականի ամփոփ ծրագիրը:

12. Գաղտնի:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉի առաջին տեղակալ

Վ. ՄԱՆՈՒԿՅԱՆ

Հավելված N 1 ՀՀ կառավարության 1995 թ. փետրվարի 20-ի N 87 որոշման

1995 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՀԱՇՎԻՆ ԻՐԱԿԱՆԱՑՎՈՂ ԿԱՊԻՏԱԼ ՇԻՆԱՐԱՐՈՒԹՅԱՆ ՊԵՏԱԿԱՆ ՊԱՏՎԵՐԸ

(մլն դրամ)

Պատվիրատուի, օբյեկտի անվանումը	Հանրապետական բյուջեից կապիտալ ներդրումներ` ընդամենը	այդ թվում`
		արտասահմանյան վարկերի հաշվին նախատեսվող շինարարությունում հանրապետության մասնաբաժինը
1	2	3
Ընդամենը	8264,0	2016,0
այդ թվում`
1. ՀՀ էներգետիկայի և վառելիքի նախարարություն	5055,0	-
ՀԱԷԿ	3500,0	-
Իջևան-Բերդ բարձր լարման էլեկտրահաղորդման գիծ	100,0	-
չորս փոքր ՀԷԿ-երի շինարարություն և վերակառուցում	230,0	-
Հրազդանի ՊՇԷԿ (Եվրոբանկի վարկ)	1030,0	1030,0
Էներգետիկայի ծրագիր (Համաշխարհային բանկի վարկ)	195,0	195,0
2. ՀՀ պարենի և մթերումների նախարարություն	30,0	-
Սպիտակի հացամթերումների կոմբինատ (էլևատոր)	30,0	-
3. ՀՀ գյուղատնտեսության նախարարություն	500,0	-
հիդրոտեխնիկական կառույցներ Որոտան գետի վրա	250,0	-
ոռոգման ցանցերի վերակառուցում (Համաշխարհային բանկի վարկ)	250,0	250,0
4. ՀՀ տրանսպորտի և հաղորդակցության նախարարություն	606,0	-
կամուրջ Խրամ գետի վրա	20,0	-
ավտոճանապարհների և երկաթգծերի վրա սողանքների հետևանքների վերացում	225,0	-
կամուրջ Արաքս գետի վրա	86,0	-
Երևան քաղաքի մետրոպոլիտեն	250,0	-
Երևան քաղաքի կոնտակտային ցանցի վերակառուցում	25,0	-
5. ՀՀ փախստականների հարցերի պետական վարչություն	250,0	-
բնակարանային շինարարություն	241,0	241,0
6. Պատգամավորների Երևանի քաղխորհրդի գործկոմ	280,0	-
Դավթաշենի կամուրջ	110,0	-
Հայոց ցեղասպանության թանգարան	170,0*)	-
7. ՀՀ կառավարությանն առընթեր քաղաքացիական ավիացիայի գլխավոր վարչություն	300,0	-
«Զվարթնոց» օդանավակայանի բեռնահամալիր (Եվրոբանկի վարկ)	300,0	300,0
8. ՀՀ մշակույթի նախարարություն	12,0	-
Երևանի երիտասարդական պալատ	12,0	-
9.10. Գաղտնի

_____________

*) Օբյեկտի շահագործման հանձնման համար մնացած միջոցները հատկացվելու են «Հայաստան» համահայկական հիմնադրամի կողմից:

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉի առաջին տեղակալ

Վ. ՄԱՆՈՒԿՅԱՆ

Հավելված N 2 ՀՀ կառավարության 1995 թ. փետրվարի 20-ի N 87 որոշման

Ց Ա Ն Կ

ԱՅՆ ՕԲՅԵԿՏՆԵՐԻ, ՈՐՈՆՑ ՄՐՑՈՒՅԹՆ ԱՆՑԿԱՑՎՈՒՄ Է ՊԱՏՎԻՐԱՏՈՒԻ ՀԱՅԵՑՈՂՈՒԹՅԱՄԲ

1. Սպիտակի հացամթերքների կոմբինատ

2. Որոտան գետի վրա հիդրոտեխնիկական կառույցներ

3. Ավտոճանապարհների և երկաթգծերի վրա սողանքների հետևանքների վերացում

4. Հայոց ցեղասպանության թանգարան

5. Երևանի երիտասարդական պալատ (ամրացում)

6. Հրազդանի ՊՇԷԿ

7. Գաղտնի

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉի առաջին տեղակալ

Վ. ՄԱՆՈՒԿՅԱՆ