ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՈՐՈՇՈՒՄԸ ԳԱԶԱԳԵՆԵՐԱՏՈՐԱՅԻՆ ԱԿՏԻՎԱՐԱՐ ՄՈԴՈՒԼԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

ԳԱԶԱԳԵՆԵՐԱՏՈՐԱՅԻՆ ԱԿՏԻՎԱՐԱՐ ՄՈԴՈՒԼԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Գազագեներատորային ակտիվարար մոդուլը, որը գլանաձև պոլիմերային հենամարմին է՝ երկու կողաճակատի վրա սարքավորված խցափակիչներով, որոնցից մեկում ամրացված է հաղորդալարերի արտանցիչներով գործարկման տարրը, որը լցված է նատրիումի քլորատի հիմքով (80%-ից մինչև 99%) փոշենման օքսիդացնող բաղադրանյութով՝ ավելացնելով տեխնոլոգիական հավելումներ (որոնք չեն համարվում պայթուցիկ նյութեր), անավարտ տեսքով հրատեխնիկական արտադրատեսակ է, որի կիրառումից առաջ անմիջական օգտագործման վայրում անհրաժեշտ է հենամարմնի ներսում ավելացնել դիզելային վառելիք (կամ յուղ, կամ սպիրտ, կամ այլ դյուրավառ նյութ), և որը նախատեսված է լեռնային ապարների զանգվածից կտորների նուրբ անջատման համար՝ բացահանքերում բլոկային և արհեստագործական քարի արդյունահանման, ժայռային ապարները զգուշությամբ քանդելու և բետոնե ու երկաթբետոնե շինարարական կոնստրուկցիաները կազմատելու ժամանակ, Արտաքին տնտեսական գործունեության ապրանքային անվանացանկի մեկնաբանման 1-ին, 2(ա) և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 3604 90 000 0 ենթադիրքում:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 18 նոյեմբերի 2025 թվական: