ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՀԱՆՁՆԱՐԱՐԱԿԱՆԸ ԱՊՐԱՆՔՆԵՐԻ ՄԱՆՐԱԾԱԽ ԱՌԵՎՏՐԻ ՈԼՈՐՏՈՒՄ ՍՊԱՌՈՂՆԵՐԻ ՆԿԱՏՄԱՄԲ ԲԱՐԵԽԻՂՃ ԳՈՐԾԱՐԱՐ ՊՐԱԿՏԻԿԱՅԻ ՍԿԶԲՈՒՆՔՆԵՐԻ ԵՎ ՉԱՓՈՐՈՇԻՉՆԵՐԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Հ Ա Ն Ձ Ն Ա Ր Ա Ր Ա Կ Ա Ն

12 հունվարի 2021 թվականի

թիվ 1

քաղ. Մոսկվա

Եվրասիական տնտեսական հանձնաժողովի կոլեգիան՝ «Սպառողների իրավունքների պաշտպանության ոլորտում համաձայնեցված քաղաքականություն իրականացնելու մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 13 հավելված) 6-րդ կետի իրագործման նպատակներով,

հաշվի առնելով «Եվրասիական տնտեսական միության շրջանակներում ինտեգրացիոն գործընթացների հետագա զարգացման մասին» 2018 թվականի դեկտեմբերի 6-ի հռչակագրով ամրագրված՝ միջազգային և ազգային լավագույն գործելակերպերի հիման վրա շուկայական ինստիտուտների կատարելագործման մասով եվրասիական ինտեգրման զարգացման, ապրանքների շուկաների գործունեության արդյունավետության բարձրացման առանցքային ուղղությունները, ելնելով շրջանառվող ապրանքների որակի, անվտանգության երաշխիքների ապահովման, սպառողների տեղեկացվածության և իրավունքների պատշաճ պաշտպանության անհրաժեշտությունից՝

հանձնարարում է Եվրասիական տնտեսական միության անդամ պետություններին Եվրասիական տնտեսական միության պաշտոնական կայքում սույն հանձնարարականը հրապարակելու օրվանից առաջնորդվել ապրանքների մանրածախ առևտրի ոլորտում սպառողների նկատմամբ բարեխիղճ գործարար գործելակերպի այն սկզբունքներով և չափորոշիչներով, որոնք տեղադրված են Միության պաշտոնական կայքում, հետևյալ հասցեով. http://eec.eaeunion.org/ru/act/texnreg/depsanmer/regulation/Documents/

Բարեխիղճ_գործարար_գործելակերպի_սկզբունքներ և_չափորոշիչներ.pdf.

Եվրասիական տնտեսական հանձնաժողովի կոլեգիայի նախագահ`

Մ. Մյասնիկովիչ