ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ԿԱՐԳԱԴՐՈՒԹՅՈՒՆԸ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆՈՒՄ ՆՈՒՅՆԱԿԱՆԱՑՄԱՆ ՄԻՋՈՑՆԵՐՈՎ ԱՊՐԱՆՔՆԵՐԻ ԴՐՈՇՄԱՎՈՐՄԱՆ ՀԱՄԱԿԱՐԳԻ ԲԱԶԱՅԻՆ ՏԵԽՆՈԼՈԳԻԱԿԱՆ ԿԱԶՄԱԿԵՐՊՉԱԿԱՆ ՄՈԴԵԼԻ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Կ Ա Ր Գ Ա Դ Ր ՈՒ Թ Յ ՈՒ Ն

«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆՈՒՄ ՆՈՒՅՆԱԿԱՆԱՑՄԱՆ ՄԻՋՈՑՆԵՐՈՎ ԱՊՐԱՆՔՆԵՐԻ ԴՐՈՇՄԱՎՈՐՄԱՆ ՀԱՄԱԿԱՐԳԻ ԲԱԶԱՅԻՆ ՏԵԽՆՈԼՈԳԻԱԿԱՆ ԿԱԶՄԱԿԵՐՊՉԱԿԱՆ ՄՈԴԵԼԻ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

1. Հավանություն տալ «Եվրասիական տնտեսական միությունում նույնականացման միջոցներով ապրանքների դրոշմավորման համակարգի բազային տեխնոլոգիական կազմակերպչական մոդելի մասին» Եվրասիական տնտեսական հանձնաժողովի խորհրդի որոշման նախագծին:

2. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից։

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆՈՒՄ ՆՈՒՅՆԱԿԱՆԱՑՄԱՆ ՄԻՋՈՑՆԵՐՈՎ ԱՊՐԱՆՔՆԵՐԻ ԴՐՈՇՄԱՎՈՐՄԱՆ ՀԱՄԱԿԱՐԳԻ ԲԱԶԱՅԻՆ ՏԵԽՆՈԼՈԳԻԱԿԱՆ ԿԱԶՄԱԿԵՐՊՉԱԿԱՆ ՄՈԴԵԼԻ ՄԱՍԻՆ

Եվրասիական միջկառավարական խորհրդի` 2020 թվականի հուլիսի 17-ի թիվ 11 կարգադրության 2-րդ կետին համապատասխան, Եվրասիական տնտեսական հանձնաժողովի խորհուրդը որոշեց․

1. Հաստատել Եվրասիական տնտեսական միությունում նույնականացման միջոցներով ապրանքների դրոշմավորման համակարգի՝ կից ներկայացվող բազային տեխնոլոգիական կազմակերպչական մոդելը:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի` 20 թվականի                 ի թիվ             որոշմամբ

Եվրասիական տնտեսական միությունում նույնականացման միջոցներով ապրանքների դրոշմավորման համակարգի բազային տեխնոլոգիական կազմակերպչական մոդելը

I. Ընդհանուր դրույթները

1. Սույն բազային մոդելը մշակվել է «Եվրասիական տնտեսական միությունում նույնականացման միջոցներով ապրանքների դրոշմավորման մասին» 2018 թվականի փետրվարի 2-ի համաձայնագրի (այսուհետ՝ Համաձայնագիր) իրականացման նպատակով և սահմանում է Եվրասիական տնտեսական միության անդամ պետություններում (այսուհետ համապատասխանաբար՝ Միություն, անդամ պետություններ) նույնականացման միջոցներով ապրանքների դրոշմավորում սահմանելիս միասնականացված մոտեցումները:

2. Սույն բազային մոդելը կիրառվում է Համաձայնագրի 5-րդ և 7-րդ հոդվածներին համապատասխան ապրանքների դրոշմավորումը սահմանելիս:

3. Ապրանքների դրոշմավորում սահմանելու վերաբերյալ որոշում ընդունելիս Եվրասիական տնտեսական հանձնաժողովի (այսուհետ՝ Հանձնաժողով) խորհուրդն իրավունք ունի սահմանելու սույն բազային մոդելի դրույթներից տարբերվող՝ ապրանքների առանձին տեսակների արտադրության և շրջանառության առանձնահատկությունների հետ կապված դրույթները:

4. Սույն բազային մոդելի նպատակներով օգտագործվում են հասկացություններ, որոնք ունեն հետևյալ իմաստը`

ագրեգացում՝ խմբային փաթեթվածքներում դրոշմավորված ապրանքների համալրման ժամանակ խմբային փաթեթվածքի վրա զետեղված նույնականացման միջոցի կազմի մեջ մտնող նույնականացման ծածկագրերի կամ դրոշմավորման ծածկագրերի հետ դրոշմավորված ապրանքների նույնականացման ծածկագրերի կամ դրոշմավորման ծածկագրերի փոխկապակցման ապահովումը, ինչպես նաև տրանսպորտային փաթեթվածքում համալրման ժամանակ, այդ թվում՝ ավելի բարձր մակարդակի տրանսպորտային փաթեթվածքներում տրանսպորտային փաթեթվածքները միավորելիս տրանսպորտային փաթեթվածքի նույնականացման ծածկագրի հետ դրոշմավորված ապրանքների և (կամ) խմբային փաթեթվածքների նույնականացման ծածկագրերի կամ դրոշմավորման ծածկագրերի փոխկապակցման ապահովումը՝ առանց ստեղծվող փաթեթվածքը բացելու անհրաժեշտության դրոշմավորված ապրանքի հաշվառումն ապահովելու նպատակով: Ագրեգացման տարբերակի ընտրությունը (նույնականացման ծածկագրերի փոխկապակցման կամ դրոշմավորման ծածկագրերի փոխկապակցման ապահովումը) որոշվում է անդամ պետությունների օրենսդրությամբ.

ներքին օպերատոր՝ այն անդամ պետության ազգային օպերատորը (ադմինիստրատորը), որն իր տարածքում չի սահմանել ապրանքների դրոշմավորում և որի տարածքից իրականացվում է դրոշմավորման ենթակա ապրանքների արտահանումն այն անդամ պետության տարածք, որը նման ապրանքների նկատմամբ դրոշմավորում է սահմանել.

խմբային փաթեթվածք՝ փաթեթվածք, որն ագրեգացման արդյունքում միավորում է դրոշմավորված ապրանքները, ենթակա է նույնականացման միջոցներով դրոշմավորմանն ու կարող է սպառողին իրացվել ամբողջությամբ կամ կազմացրվել՝ իր մեջ ներառված ապրանքներն առանձնաբար իրացնելու նպատակով՝ ապրանքների դրոշմավորման տեղեկատվական համակարգի ազգային բաղադրիչին այդ մասին տեղեկությունների տրամադրմամբ.

ներմուծող՝ ապրանքների շրջանառության մասնակից, որը գրանցված է այն անդամ պետությունում, որի տարածք իրականացվում է այլ անդամ պետության տարածքից դրոշմավորված ապրանքի մատակարարումը.

նույնականացման ծածկագիր՝ պայմանանշանների հերթականություն, որն ապրանքի նմուշի կամ խմբային փաթեթվածքի եզակի համար է, որն իր մեջ ներառում է GTIN-ը, ինչպես նաև դրոշմավորված ապրանքի կամ խմբային փաթեթվածքի սերիական համարը.

տրանսպորտային փաթեթվածքի նույնականացման ծածկագիր՝ պայմանանշանների հերթականություն, որը սահմանված դրոշմավորված ապրանքների և (կամ) խմբային փաթեթվածքների ագրեգացման հաշվառմամբ ձևավորված՝ տրանսպորտային փաթեթվածքի եզակի համար է.

դրոշմավորման ծածկագիր՝ պայմանանշանների եզակի հերթականություն, որն օգտագործվում է նույնականացման միջոցների ստեղծման համար, գեներացվում է ազգային օպերատորի (ադմինիստրատորի) կողմից, բաղկացած է նույնականացման ծածկագրից և ստուգման ծածկագրից.

ստուգման ծածկագիր՝ պայմանանշանների հերթականություն, որը ձևավորվել է նույնականացման ծածկագրի կրիպտոգրաֆիկ փոխակերպման արդյունքում և թույլ է տալիս հայտնաբերել դրա կեղծումը.

դրոշմավորված ապրանք՝ ապրանք, անմիջապես որի վրա կամ որի սպառողական փաթեթվածքի վրա զետեղված է նույնականացման միջոցը կամ նույնականացման միջոց պարունակող նյութական կրիչը, և որի վերաբերյալ հավաստի տեղեկությունները (այդ թվում՝ դրա վրա զետեղված նույնականացման միջոցի և (կամ) նույնականացման միջոց պարունակող նյութական կրիչի վերաբերյալ տեղեկությունները) ներառված են ապրանքների դրոշմավորման տեղեկատվական համակարգի ազգային բաղադրիչի մեջ.

ազգային օպերատոր (ադմինիստրատոր)՝ անդամ պետության լիազորված պետական մարմին կամ լիազորված կազմակերպություն, որն իրականացնում է դրոշմավորման ծածկագրերի և (կամ) նույնականացման միջոցների գեներացումը և (կամ) իրացումը (վաճառքը) և ապահովում է ապրանքների դրոշմավորման տեղեկատվական համակարգի ազգային բաղադրիչի աշխատանքը.

սպառողական փաթեթվածք՝ ապրանքի միավորի անբաժանելի մաս կազմող փաթեթվածք, որն ապրանքի հետ միասին իրացվում է սպառողին.

անդրսահմանային թողարկող՝ այն անդամ պետության ազգային օպերատորը (ադմինիստրատորը), որն իր տարածքում սահմանել է ապրանքների դրոշմավորում և որի տարածք իրականացվում է դրոշմավորման ենթակա ապրանքների ներկրում այն անդամ պետության տարածքից, որը նման ապրանքների նկատմամբ դրոշմավորում չի սահմանել.

տրանսպորտային փաթեթվածք՝ փաթեթվածք, որը միավորում է դրոշմավորված ապրանքները և (կամ) խմբային փաթեթվածքները, օգտագործվում է ապրանքների պահպանման և փոխադրման համար՝ դրանք տեղափոխելու ընթացքում վնասվածքներից պաշտպանելու նպատակով, և որն ինքնուրույն տրանսպորտային միավոր է կազմում: Տրանսպորտային փաթեթվածքն իր մեջ կարող է ներառել ավելի փոքր չափսի (ծավալի) տրանսպորտային փաթեթվածքներ.

ապրանքների շրջանառության մասնակիցներ՝ իրավաբանական անձինք, դրանց մասնաճյուղերը, անհատ ձեռնարկատերեր, որոնք գրանցված կամ հավատարմագրված են անդամ պետությունների օրենսդրությանը համապատասխան՝ դրանց տարածքներում, և իրականացնում են այն ապրանքների արտադրությունը և (կամ) շրջանառությունը, որոնց նկատմամբ դրոշմավորում սահմանելու որոշում է կայացվել.

արտահանող՝ ապրանքների շրջանառության մասնակից, որը գրանցված է այն անդամ պետությունում, որի տարածքից իրականացվում է այլ անդամ պետության տարածք դրոշմավորված ապրանքի մատակարարումը:

Սույն բազային մոդելում օգտագործվող մյուս հասկացությունները կիրառվում են «Եվրասիական տնտեսական միության մասին» 2014 թվականի մայիսի 29-ի պայմանագրով, Համաձայնագրով և Միության շրջանակներում կնքված միջազգային պայմանագրերով սահմանված իմաստներով:

5. Իրենց տարածքներում ապրանքների դրոշմավորում սահմանելու մտադրության մասին ծանուցումն (այսուհետ՝ ծանուցում) անդամ պետությունները Հանձնաժողով են ուղղում իրենց տարածքում չդրոշմավորված ապրանքների շրջանառությունն արգելելու թվականից ոչ ուշ, քան 9 ամիս առաջ:

6. Ծանուցումը պետք է պարունակի Համաձայնագրի 7-րդ հոդվածով նախատեսված տեղեկությունները, ինչպես նաև կարող է պարունակել Համաձայնագրի 3-րդ և 5-րդ հոդվածներին համապատասխան՝ Հանձնաժողովի խորհրդի կողմից քննարկման համար նախատեսված առաջարկություններ, որոնք ներառում են նաև՝

այն ապրանքների ցանկը, որոնց մասով առաջարկվում է նույնականացման միջոցներով դրոշմավորում սահմանել՝ նշելով ապրանքի ԵԱՏՄ ԱՏԳ ԱԱ ծածկագիրը և անվանումը.

ապրանքների, սպառողական, խմբային և (անհրաժեշտության դեպքում) տրանսպորտային փաթեթվածքների դրոշմավորման նպատակներով օգտագործման համար առաջարկվող նույնականացման միջոցների, դրանց բնութագրերի, կառուցվածքի և տեղեկատվության կազմի մասին տեղեկությունները.

ապրանքի առանձնահատկությունների մասին տեղեկությունների ցանկը.

չդրոշմավորված ապրանքների շրջանառության արգելքի սահմանման ամսաթիվը.

սպառողներին և այլ շահագրգռված անձանց տրամադրվող՝ դրոշմավորված ապրանքի մասին տեղեկությունների նվազագույն կազմը.

նույնականացման միջոցներով ապրանքների դրոշմավորման կազմը և դրանք զետեղելու եղանակները.

ապրանքների մնացորդների դրոշմավորման կարգն ու ժամկետները (անհրաժեշտության դեպքում):

Եթե ծանուցագրի մեջ անդամ պետության կողմից ներկայացված տեղեկատվությունը չի պարունակում Համաձայնագրի 7-րդ հոդվածով նախատեսված տեղեկությունները կամ դրանք պարունակում է ոչ լրիվ ծավալով, ապա ծանուցումն ստանալու ամսաթվից 3 աշխատանքային օրվա ընթացքում Հանձնաժողովը տվյալ անդամ պետությանը հարցում է ուղղում՝ համապատասխան տեղեկություններ տրամադրելու վերաբերյալ: Համաձայնագրի 7-րդ հոդվածում նշված ժամկետները հաշվարկվում են՝ ելնելով տվյալ հոդվածով նախատեսված տեղեկությունները Հանձնաժողովի կողմից ստանալու ամսաթվից:

7. Եթե սահմանված ժամկետներում Հանձնաժողովի խորհուրդը որոշում չի կայացնում որևէ ապրանքի մասով Միությունում դրոշմավորում սահմանելու մասին, ապա անդամ պետություններն իրենց տարածքներում կարող են միևնույն ապրանքի մասով դրոշմավորում սահմանել: Ընդ որում, ապրանքի դրոշմավորման վերաբերյալ պահանջներ են սահմանվում սույն բազային մոդելին համապատասխան՝ հաշվի առնելով ապրանքների առանձին տեսակների արտադրության և շրջանառության առանձնահատկությունները:

8. Սույն բազային մոդելի կիրառման նպատակներով անդրսահմանային առևտրին է դասվում նաև անդամ պետությունում հավատարմագրված մասնաճյուղի հասցեով ապրանքի մատակարարումը (մեկ իրավաբանական անձի շրջանակներում ապրանքի շարժը):

9. Ազգային օպերատորների (ադմինիստրատորների) (այսուհետ՝ օպերատորներ) միջև ու օպերատորների և Հանձնաժողովի միջև փոխանցվող տեղեկությունների կազմի, կառուցվածքի և ձևաչափի նկարագրությունը, ինչպես նաև սույն բազային մոդելին համապատասխան տեղեկատվական համագործակցության իրականացմանը ներկայացվող պահանջները սահմանվում են Հանձնաժողովի կողմից՝ հաստատվող ընդհանուր ընթացակարգերի շրջանակներում տեղեկատվական համագործակցությունը կանոնակարգելիս:

Անդամ պետությունների իրավասու (լիազորված) մարմինների միջև եւ անդամ պետությունների իրավասու (լիազորված) մարմինների ու Հանձնաժողովի միջև փոխանցվող դրոշմավորված ապրանքների կազմին, կառուցվածքին և դրանց մասին տեղեկությունների ձևաչափին ներկայացվող պահանջները, ինչպես նաև նման տեղեկությունների փոխանցման ժամկետները սահմանված են հավելվածում.

10. Դրոշմավորված ապրանքի մասին տեղեկությունների կազմը կարող է լրացվել՝ հաշվի առնելով այն ապրանքի առանձնահատկությունները, որի մասով որոշում է ընդունվում նույնականացման միջոցներով դրոշմավորում սահմանելու մասին:

II. Օպերատորների փոխգործակցության ապահովումը

11. Դրոշմավորման ծածկագրերը պատվիրելու և տրամադրելու, անդրսահմանային առևտրի շրջանակներում իրացված դրոշմավորված ապրանքների, ինչպես նաև նման ապրանքների վրա զետեղված նույնականացման միջոցների մասին տեղեկությունները փոխանցելու նպատակներով՝ օպերատորները տեղեկատվական փոխգործակցություն են իրականացնում Միության ինտեգրված տեղեկատվական համակարգի միջոցով (այսուհետ՝ ինտեգրված համակարգ):

12. Տեղեկատվական փոխգործակցության ապահովմանն ինտեգրված համակարգի պատրաստականությունը պետք է ապահովված լինի ոչ ուշ, քան ծանուցման մեջ նշված չդրոշմավորված ապրանքի շրջանառության արգելքի սահմանման ամսաթվից 1 ամիս առաջ: Ինտեգրված համակարգի ինտեգրացիոն հատվածի պատրաստականությունն ապահովում է Հանձնաժողովը: Ինտեգրված համակարգի ազգային հատվածների պատրաստականությունն ապահովում են անդամ պետությունները:

13. Մինչև օպերատորների միջև տեղեկատվական փոխգործակցությանն ինտեգրված համակարգի պատրաստ լինելը կամ օպերատորների միջև տեղեկատվական փոխգործակցության ապահովման տեխնոլոգիական անհնարինություն առաջացրած դրա անաշխատունակության դեպքում 24 ժամից ավելի ժամանակահատվածում նման փոխգործակցությունը կարող է նրանց կողմից ապահովվել երկկողմանի հիմունքով:

14. Սույն բազային մոդելով չսահմանված՝ օպերատորների միջև փոխգործակցության կարգն ու պայմանները սահմանվում են օպերատորների միջև երկկողմանի համաձայնագրերով:

Նման համաձայնագրերում նշված կարգն ու պայմանները որոշելիս միասնականացված մոտեցումներ կիրառելու նպատակով՝ Հանձնաժողովը օրինակելի համաձայնագիր է մշակում և համապատասխան հանձնարարական ընդունում:

III. Անդրսահմանային առևտրի շրջանակներում այն անդամ պետությունների միջև փոխգործակցությունը, որոնցից մեկի տարածքում սահմանված է ապրանքների դրոշմավորումը, իսկ մյուսի տարածքում ապրանքների դրոշմավորում սահմանված չէ

15. Նույնականացման միջոցներով ապրանքների դրոշմավորում սահմանած անդամ պետության տարածք մատակարարվող ապրանքների նույնականացման միջոցներով դրոշմավորումն ապահովելու համար արտահանողներն իրականացնում են ներքին օպերատորից դրոշմավորման ծածկագրերի պատվեր:

16. Ներքին օպերատորը դրոշմավորման ծածկագրերի անհրաժեշտ քանակություն է պահանջում անդրսահմանային թողարկողից, որն ապահովում է ներքին օպերատորին դրոշմավորման ծածկագրերի տրամադրումը՝ հարցումն ստանալու պահից 60 րոպեի ընթացքում:

Ներքին օպերատորին դրոշմավորման ծածկագրերի տրամադրման պայմանները պետք է չզիջեն տվյալ անդամ պետության դրոշմավորված ապրանքների շրջանառության մասնակիցների համար անդրսահմանային թողարկողի անդամ պետությունում սահմանված՝ դրոշմավորման ծածկագրերի տրամադրման պայմաններին:

17. Ներքին օպերատորն ապահովում է դրոշմավորման ծածկագրերի փոխանցումն արտահանողին: Մինչև դրոշմավորված ապրանքների բեռնառաքումը՝ արտահանողը տեղեկացնում է ներքին օպերատորին նման ապրանքների և դրանց վրա զետեղված նույնականացման միջոցների մասին: Տվյալ տեղեկատվությունն ստանալու պահից 60 րոպեի ընթացքում ներքին օպերատորն անդրսահմանային թողարկողին է ուղարկում սույն բազային մոդելին կից նշված պահանջներին համապատասխանող տեղեկությունները:

18. Դրոշմավորման ծածկագրերի պատվերի և տրման ընթացքում ներքին օպերատորի և անդրսահմանային թողարկողի միջև տեղեկատվական փոխգործակցությունն իրականացվում է սույն բազային մոդելով սահմանված կարգով: Ընդ որում, սույն բազային մոդելով չկարգավորված պայմանները սահմանվում են ներքին օպերատորի և անդրսահմանային թողարկողի միջև կնքված համաձայնագրով:

19. Ներքին օպերատորի բացակայության կամ ներքին օպերատորի և անդրսահմանային թողարկողի միջև համաձայնագրի բացակայության, կամ տեխնիկական պատճառներով ներքին օպերատորից դրոշմավորման ծածկագրեր ստանալու անհնարինության դեպքում արտահանողը՝ անդրսահմանային թողարկողի պետություն մատակարարվող ապրանքների դրոշմավորումն իրականացնելու նպատակով, կարող է դրոշմավորման ծածկագրերն ստանալ ներկրողից: Ընդ որում, արտահանողը պարտավոր է ներկրողին տրամադրել ապրանքների և դրանց վրա զետեղված նույնականացման միջոցների մասին տեղեկություններն այն ծավալով, որն անհրաժեշտ է՝ անդրսահմանային թողարկողին նման տեղեկություններ տրամադրելու մասով ներկրողի պարտականությունները կատարելու համար:

20. Ներկրողն անդրսահմանային թողարկողից պատվիրում է դրոշմավորման ծածկագրերի անհրաժեշտ քանակությունը, դրանք փոխանցում է արտահանողին և դրոշմավորված ապրանքների ներկրումից հետո իր անդամ պետության օրենսդրությամբ սահմանված կարգով անդրսահմանային թողարկողին տեղեկացնում է նման ապրանքների մասին:

IV. Ապրանքների դրոշմավորում սահմանած անդամ պետությունների միջև անդրսահմանային առևտրի շրջանակներում փոխգործակցությունը

21. Երկու և ավելի անդամ պետությունների կողմից իրենց տարածքներում ապրանքների դրոշմավորում սահմանելու ամսաթվից նրանք ապահովում են նույնականացման միջոցների փոխադարձ ճանաչումը՝ Հանձնաժողովի խորհրդի կողմից հաստատված նույնականացման միջոցների բնութագրերը, նույնականացման տվյալ միջոցների կազմին ու կառուցվածքին ներկայացվող պահանջները՝ նույնականացման միջոցների թվային (այդ թվում՝ գաղտնագրային) պաշտպանությունը կիրառելու և այդ անդամ պետությունների միջև անդրսահմանային առևտրի շրջանակներում օպերատորների միջև տեղեկատվական փոխգործակցությունն ապահովելու պայմանով:

22. Դրոշմավորված ապրանքների անդրսահմանային առևտուրն իրականացնելիս նույնականացման միջոցների փոխադարձ ճանաչման նպատակով արտահանողը, մինչև ապրանքի բեռնառաքումը, նման ապրանքների և դրանց վրա զետեղված նույնականացման միջոցների մասին տեղեկացնում է իր օպերատորին, որն, իր հերթին, այն անդամ պետության օպերատորին, որի տարածք է ներմուծվում նման ապրանքը, փոխանցում է դրոշմավորված ապրանքների վերաբերյալ տեղեկությունները՝ սույն բազային մոդելի հավելվածում նշված պահանջներին համապատասխան:

23. Այն անդամ պետության օպերատորը, որի տարածք է ներմուծվում դրոշմավորված ապրանքը՝ ներկրողից ստանալով դրոշմավորված ապրանքն այդ անդամ պետության տարածքում շրջանառության մեջ դնելու մասին տեղեկատվությունը, այդ մասին տեղեկացնում է արտահանող անդամ պետության օպերատորին:

24. Նույնականացման միջոցների փոխադարձ ճանաչման բացակայության դեպքում ապրանքների դրոշմավորում սահմանած անդամ պետությունների միջև անդրսահմանային առևտրի շրջանակներում փոխգործակցությունն իրականացվում է սույն բազային մոդելի III բաժնում սահմանված կարգով:

V. Նույնականացման միջոցների ձևավորումը

25. Ապրանքի և (կամ) սպառողական և (կամ) խմբային փաթեթվածքների դրոշմավորման համար նախատեսված նույնականացման միջոցը պարունակում է դրոշմավորման ծածկագիր և անհրաժեշտության դեպքում այլ տեղեկություններ ու ներկայացվում է Data Matrix ձևաչափով երկչափ ստվերագծային ծածկագրի տեսքով:

Նույնականացման միջոցը կարող է պարունակել նաև այլ տեղեկություններ և (կամ) ներկայացված լինել այլ տեսքով՝ եթե համապատասխան որոշումն ընդունվել է Հանձնաժողովի խորհրդի կողմից:

26. Դրոշմավորման ծածկագիրը ձևավորելիս պետք է ապահովվի դրոշմավորման ծածկագրերի ընտրության եղանակը՝ առավելագույնը 10 000-ից 1-ի կռահման հավանականությամբ :

27. Անդամ պետությունների տարածքներում ապրանքի և դրա փաթեթվածքի (փաթեթվածքների) դրոշմավորման նպատակով կիրառվող նույնականացման միջոցի կազմի, կառուցվածքի և բնութագրերի մասին տեղեկությունները Հանձնաժողովի կողմից ներառվում են նույնականացման միջոցների միասնական ռեեստրում՝ համապատասխան ծանուցման քննարկման արդյունքներով անդամ պետությունների միջև համաձայնեցված՝ նույնականացման միջոցների կազմի, կառուցվածքի և բնութագրերի մասին տեղեկությունների հիման վրա:

28. Նույնականացման միջոցները գեներացվում են անդամ պետությունների օպերատորների կամ ապրանքների շրջանառության մասնակիցների կողմից:

29. Նույնականացման ապօրինի միջոցներով դրոշմավորված ապրանքների օրինական շրջանառության մեջ գտնվելու հնարավորությունը բացառող պայմանների ստեղծման նպատակով կիրառվում են նույնականացման միջոցների պաշտպանության թվային (այդ թվում՝ գաղտնագրային) եղանակները:

30. Ապրանքի, սպառողական և խմբային փաթեթվածքի դրոշմավորման համար նախատեսված նույնականացման միջոցի թվային պաշտպանության նպատակով դրա կազմում ներառվում է ստուգման ծածկագիր, որն ստեղծվում է տեղեկատվության պաշտպանության գաղտնագրման միջոցների օգտագործմամբ:

31. Նույնականացման միջոցի կազմում ներառված ստուգման ծածկագիրն ապահովում է նույնականացման ծածկագրի ամբողջականության և հավաստիության ստուգումը:

Ստուգման ծածկագրի ձևավորման համար կարող են կիրառվել հետևյալ եղանակները՝

միայն նույնականացման ծածկագիրը գեներացրած անդամ պետության օպերատորին հայտնի գաղտնի տարրի (բանալու) օգտագործմամբ մշակված՝ հաղորդագրությունների իսկորոշման կոդի հաշվարկում.

միայն նույնականացման ծածկագիրը գեներացրած անդամ պետության օպերատորին հայտնի գաղտնի տարրի (էլեկտրոնային թվային ստորագրության բանալու) օգտագործմամբ մշակված էլեկտրոնային թվային ստորագրության հաշվարկում:

Ստուգման ծածկագիրը ձևավորվում է ծածկագրման նշված եղանակների օգտագործմամբ՝ Միության մարմինների ակտերով սահմանված պահանջներին համապատասխան: Մինչև Միության իրավունքի մեջ նման պահանջների սահմանումը՝ ստուգման ծածկագիրը ձևավորվում է անդամ պետությունների օրենսդրությամբ սահմանված պահանջներին համապատասխան:

32. Հաղորդագրությունների իսկորոշման կոդը որպես նույնականացման միջոցի թվային պաշտպանություն օգտագործելիս անդրսահմանային առևտրի շրջանակներում իրացված՝ դրոշմավորված ապրանքի նույնականացման միջոցի իսկության ստուգումն իրականացվում է հարցում ուղարկելու միջոցով՝ այն անդամ պետության օպերատորի կողմից, որի տարածք է ներկրվել դրոշմավորված ապրանքը, այն անդամ պետության օպերատորին, որը թողարկել է նույնականացման միջոցը՝ ինտեգրված համակարգի օգտագործմամբ:

33. Էլեկտրոնային ստորագրությունը որպես նույնականացման միջոցի թվային պաշտպանություն օգտագործելիս ստուգումն իրականացվում է այն անդամ պետության օրենսդրությամբ սահմանված կարգով, որի տարածքում իրականացվում է դրոշմավորված ապրանքի շրջանառությունը:

Մինչև Միության իրավունքի մեջ դրոշմավորված ապրանքների անդրսահմանային առևտրի ժամանակ միասնական ստանդարտներին համապատասխան նույնականացման միջոցների գաղտնագրային պաշտպանությանը ներկայացվող պահանջներ սահմանելը՝ ազգային ստանդարտներով ձևավորված էլեկտրոնային ստորագրություն պարունակող նույնականացման միջոցների փոխադարձ ճանաչման դեպքում նույնականացման միջոցների իսկության ստուգումն իրականացվում է օպերատորների միջև հարցումների միջոցով՝ ինտեգրված համակարգի օգտագործմամբ:

VI. Նույնականացման միջոցների զետեղումը

34. Ապրանքը դրոշմավորվում է դրա և (կամ) դրա սպառողական և (կամ) խմբային փաթեթվածքների վրա նույնականացման միջոցներ կամ նույնականացման միջոցներ պարունակող նյութական կրիչներ զետեղելու միջոցով՝ տպագրման, պիտակավորման կամ այլ մեթոդով, որն առանց այն վնասելու ապահովում է նույնականացման միջոցի և (կամ) նույնականացման միջոցներ պարունակող նյութական կրիչի անջատման անհնարինությունը:

Ընդ որում, վրան զետեղված նույնականացման միջոցով պիտակի տեղադրումը թույլատրվում է սպառողական փաթեթվածքի, այդ թվում՝ թափանցիկ փաթեթավորման թաղանթի կամ փաթեթավորման որևէ այլ արտաքին նյութի վրա՝ այլ տեղեկատվությամբ նույնականացման միջոցը փակված չլինելու պայմանով:

35. Նույնականացման միջոցի հետ միաժամանակ ապրանքի և (կամ) դրա սպառողական և (կամ) խմբային փաթեթվածքների վրա կարող է զետեղվել նույնականացման միջոցի մեջ պարունակվող տեղեկատվությունը՝ մարդկանց կողմից ընթերցվող ձևաչափով:

36. Ագրեգացման ապահովմամբ դրոշմավորված ապրանքները և (կամ) դրա սպառողական և (կամ) խմբային փաթեթվածքները տրանսպորտային փաթեթվածքում համալրելիս դրա վրա կարող է զետեղվել GS1 միջազգային ստանդարտներին համապատասխան ձևավորված նույնականացման միջոցը, որը պարունակում է տրանսպորտային փաթեթվածքի ծածկագիրը և, անհրաժեշտության դեպքում, այլ տեղեկություններ: Այլ տեղեկությունների կազմը որոշում է ապրանքների շրջանառության այն մասնակիցը, որն իրականացնում է տրանսպորտային փաթեթվածքում ապրանքների համալրումը:

VII. Ապրանքների դրոշմավորման տեղեկատվական համակարգին ներկայացվող պահանջները

37. Ապրանքների դրոշմավորման տեղեկատվական համակարգը՝ փոխգործակցող ազգային բաղադրիչների և Հանձնաժողովի ինտեգրացիոն բաղադրիչի համակցությունն է (այսուհետ տվյալ բաժնում՝ համապատասխանաբար ազգային բաղադրիչներ, ինտեգրացիոն բաղադրիչ):

38. Ազգային բաղադրիչները պետք է համապատասխանեն Համաձայնագրի դրույթներով, սույն բազային մոդելով, նույնականացման միջոցներով ապրանքների դրոշմավորման ոլորտում Միության մարմինների ակտերի, ինչպես նաև անդամ պետությունների օրենսդրության պահանջներին:

39. Անդամ պետությունները միջոցներ են ձեռնարկում այն ապրանքների դրոշմավորման անհնարինությունն ապահովելու ուղղությամբ, որոնց օրինականությունը հաստատված չէ, այդ թվում՝ ազգային բաղադրիչի և անդամ պետությունում գործող վերահսկողության այլ համակարգերի միջև տեղեկատվական փոխգործակցության միջոցով:

40. Անդամ պետության վերահսկողության տեղեկատվական համակարգերի հետ ազգային բաղադրիչի փոխգործակցությունը պետք է իրականացվի էլեկտրոնային ձևով՝ այդ անդամ պետության օրենսդրությամբ սահմանված կարգով:

41. Անդամ պետության օրենսդրությանը համապատասխան՝ լրացուցիչ կարող է ապահովվել ազգային բաղադրիչի փոխգործակցությունը դրոշմավորված ապրանքների շրջանառության մասնակիցների տեղեկատվական համակարգերի հետ:

42. Համաձայնագրի 9-րդ հոդվածում և (կամ) անդամ պետության օրենսդրության մեջ սահմանված շրջանառության փուլերում դրոշմավորված ապրանքի մասին շրջանառության մասնակիցների կողմից ազգային բաղադրիչին ուղարկվող տեղեկություններն անդամ պետության իրավասու (լիազորված) մարմնին պատշաճ ծանուցում են համարվում՝ Համաձայնագրի նշված հոդվածին համապատասխան:

Նման տեղեկությունների ուղարկումն ապրանքների շրջանառության մասնակիցների կողմից իրականացվում է էլեկտրոնային ձևով՝ անդամ պետության օրենսդրությամբ սահմանված կարգով:

43. Երրորդ երկրներից ներկրվող դրոշմավորված ապրանքի և անդամ պետություններում չարտադրված ու անդրսահմանային առևտրի շրջանակներում ներկրվող դրոշմավորված ապրանքի վերաբերյալ շրջանառության մասնակիցների կողմից փոխանցվող տեղեկությունների կազմը պետք է նույնական լինի:

44. Ապրանքների դրոշմավորման տեղեկատվական համակարգի շրջանակներում պետք է ապահովվի Հանձնաժողովի խորհրդի կամ անդամ պետության օրենսդրությամբ սահմանված՝ ապրանքի մասին տեղեկությունների նվազագույն կազմը տրամադրող տեղեկատվական սերվիսների գործունեությունը՝ դրոշմավորված ապրանքի մասին սպառողներին և այլ շահագրգռված անձանց տեղեկացնելու նպատակով:

Ընդ որում, նշված տեղեկատվական սերվիսների հասանելիությունը պետք է ապահովվի ազատ (ոչ խտրական) հիմունքով բոլոր շահագրգռված անձանց համար՝ Միության իրավունքին և (կամ) անդամ պետությունների օրենսդրությանը համապատասխան:

45. Ինտեգրացիոն բաղադրիչների հետ ազգային բաղադրիչների տեղեկատվական փոխգործակցությունը պետք է իրականացվի էլեկտրոնային ձևով՝ ինտեգրված համակարգի միջոցներով՝ Միության շրջանակներում ընդհանուր գործընթացն իրականացնելու միջոցով և Հանձնաժողովի կոլեգիայի կողմից հաստատվող, նման տեղեկատվական փոխգործակցությունը կանոնակարգող տեխնոլոգիական փաստաթղթերին համապատասխան:

46. Անդամ պետությունների իրավասու (լիազորված) մարմինների հետ ազգային բաղադրիչների և ինտեգրացիոն բաղադրիչի հետ ազգային բաղադրիչների տեղեկատվական փոխգործակցությունը պետք է իրականացվի Համաձայնագրի և սույն բազային մոդելի դրույթներին համապատասխան՝ հետևյալ խնդիրները լուծելու նպատակներով՝

ա) անդամ պետությունների տարածքներում դրոշմավորված ապրանքների շրջանառության վերահսկողության արդյունավետ գործիքակազմի ստեղծման և կիրառման ապահովում.

բ) անդամ պետությունների իրավասու (լիազորված) մարմինների կողմից իրենց տարածքներում դրոշմավորված ապրանքների շրջանառության վերահսկողության լիազորությունների իրագործումն ապահովելու համար պայմանների ստեղծում.

գ) անդամ պետություններում սպառողների իրավունքների պաշտպանության համար պայմանների ստեղծում.

դ) նույնականացման միջոցներով ապրանքների դրոշմավորում սահմանած անդամ պետությունների ազգային բաղադրիչներից ներքին օպերատորի համար դրոշմավորման ծածկագրերն ստանալու հնարավորության ապահովում:

47. Ինտեգրացիոն բաղադրիչը պետք է ապահովի ընդհանուր գործընթացի շրջանակներում տեղեկատվական փոխգործակցությունն ազգային բաղադրիչների, ինչպես նաև ազգային բաղադրիչների և ինտեգրացիոն բաղադրիչի միջև՝ հետևյալ դեպքերում՝

ա) անդրսահմանային առևտրի ժամանակ.

բ) դրոշմավորման ենթական և անդրսահմանայինառևտրի շրջանակներում իրացման համար նախատեսված ապրանքների մասին տեղեկություններ տրամադրելիս.

գ) դրոշմավորման ծածկագրեր պատվիրելիս ու ստանալիս.

դ) ապրանքների շրջանառության մասնակիցներին և այլ շահագրգռված անձանց տեղեկացնելիս.

ե) մշտադիտարկում և վերլուծություն իրականացնելու նպատակով Հանձնաժողովի կողմից անդրսահմանային առևտրի մասին տեղեկություններ ստանալիս.

զ) Միության մարմինների ակտերով սահմանված այլ դեպքերում;

48. Ինտեգրացիոն բաղադրիչի գործառույթներն իրականացվում են ինտեգրված համակարգի հետևյալ ենթահամակարգերի միջոցներով՝

ա) ինտեգրված համակարգի ինտեգրացիոն հարթակ.

բ) ընդհանուր գործընթացների կառավարման ենթահամակարգ.

գ) տեղեկատվական-վերլուծական ենթահամակարգ.

դ) Միության տեղեկատվական պորտալ.

ե) ինտեգրված համակարգի զարգացմանը զուգահեռ՝ դրա կազմում ներառվող և Միության շրջանակներում ընդհանուր գործընթացի իրագործման համար օգտագործվող այլ ենթահամակարգեր:

49. Ազգային բաղադրիչների գործող մասերի կազմը որոշվում է ազգային մակարդակով՝ հաշվի առնելով սույն բազային մոդելի 38-րդ կետի դրույթները:

50. Ազգային բաղադրիչի օպերատորն ապահովում է տեղեկատվական անվտանգությունն ու տեղեկատվության տեխնիկական պաշտպանությունը, ինչպես նաև օրը 24 ժամյա և շաբաթական 7- օրյա ռեժիմով դրա գործունեությունը՝ բացառությամբ կանոնակարգային և տեխնոլոգիական աշխատանքների կատարման ժամանակի:

Կանոնակարգային և տեխնոլոգիական աշխատանքների կատարման մասին ազգային բաղադրիչի օպերատորը ծանուցում է Հանձնաժողովին և այլ անդամ պետությունների օպերատորների, ինչպես նաև բոլոր շահագրգռված անձանց:

ՀԱՎԵԼՎԱԾ Եվրասիական տնտեսական միությունում նույնականացման միջոցներով ապրանքների դրոշմավորման համակարգի բազային տեխնոլոգիական կազմակերպչական մոդելի

ՊԱՀԱՆՋՆԵՐ

Եվրասիական տնտեսական միության անդամ պետությունների իրավասու (լիազորված) մարմինների միջև եւ անդամ պետությունների իրավասու (լիազորված) մարմինների ու Եվրասիական տնտեսական հանձնաժողովի միջև փոխանցվող՝ դրոշմավորված ապրանքների մասին տեղեկությունների կազմին, կառուցվածքին և ձևաչափին ներկայացվող

1. Դրոշմավորված ապրանքների անդրսահմանային առևտուր իրականացնելիս տեղեկատվական փոխգործակցության շրջանակներում ապրանքների դրոշմավորման տեղեկատվական համակարգի ազգային բաղադրիչների օպերատորների (ադմինիստրատորների) միջև XML-ձևաչափով փոխանցվում են նման ապրանքների և դրանց նույնականացման միջոցների մասին տեղեկությունները (այսուհետ՝ տեղեկություններ)՝ հետևյալ ստանդարտներին համապատասխան՝

"Extensible Markup Language (XML) 1.0 (Fifth Edition)" (հրապարակված է Ինտերնետ տեղեկատվական-հեռահաղորդակցական ցանցում հետևյալ հասցեով՝

"Namespaces in XML" (հրապարակված է Ինտերնետ տեղեկատվական-հեռահաղորդակցական ցանցում հետևյալ հասցեով՝ http://www.w3.org/TR/REC-xml-names

"XML Schema Part 1: Structures" և "XML Schema Part 2: Datatypes" (հրապարակված են Ինտերնետ տեղեկատվական-հեռահաղորդակցական ցանցում հետևյալ հասցեներով՝ և http://www.w3.org/TRxmlschema-2/)

2. Տեղեկությունների կազմին և կառուցվածքին ներկայացվող ընդհանուր պահանջները բերված են 1-10-րդ աղյուսակներում

3. Աղյուսակի մեջ ձևավորվում են հետևյալ դաշտերը (սյունակները)՝

«տարրի անվանումը»՝ տարրի հերթական համարը, նույնացուցիչը և կայունացած կամ պաշտոնական բառային նշումը.

«տարրի նկարագրությունը»՝ տարրի իմաստը (իմաստաբանությունը) պարզաբանող տեքստը

«ծանոթագրություն»՝ տարրի նշանակությունը ճշտող տեքստը, որը սահմանում է դրա ձևավորման (լրացման) կանոնները կամ տարրի հնարավոր նշանակությունների բառային նկարագրությունը.

«բզմ»՝ տարրերի բազմաքանակությունը (տարրի պարտադիր (ընտրովի) լինելը և հնարավոր կրկնողությունների քանակը):

4. Փոխանցվող տվյալների տարրերի բազմաքանակությունը նշելու համար օգտագործվում են հետևյալ նշանները՝

1՝ տարրը պարտադիր է, կրկնողություն չի թույլատրվում.

n՝ տարրը պարտադիր է, պետք է կրկնվի n անգամ (n > 1).

1..*՝ տարրը պարտադիր է, կարող է կրկնվել առանց սահմանափակումների

n..*՝ տարրը պարտադիր է, պետք է կրկնվի ոչ պակաս, քան n անգամ (n> 1),

կամ տարրը պարտադիր է, պետք է կրկնվի ոչ պակաս, քան n անգամ (n> 1) և ոչ ավելի, քան m անգամ (n > 1, m > n).

0..1՝ տարրն ընտրովի է, կրկնողություն չի թույլատրվում.

0..*՝ տարրն ընտրովի է, կարող է կրկնվել առանց սահմանափակումների.

0..m՝ տարրն ընտրովի է, կարող է կրկնվել ոչ ավելի, քան m անգամ (m > 1).

Աղյուսակ 1․ Անդրսահմանային առևտրի շրջանակներում վաճառված ապրանքների և նույնականացման միջոցների մասին տեղեկությունների կազմն ու կառուցվածքը

Տարրի անվանումը	Տարրի նկարագրությունը	Ծանոթագրություն	Բզմ.
1. Տեղեկությունների ձևավորման ամսաթիվն ու ժամը	տեղեկությունների ձևավորման ամսաթիվն ու ժամը		1
2. Տեղեկությունները ներկայացնող երկիրը	տեղեկությունները ներկայացնող երկրի երկնիշ տառային ծածկագիրը	նշվում է ISO-3166-ին համապատասխան	1
3. Ապրանքները վաճառողի (արտահանողի) և գնորդի, ապրանքների և նույնականացման միջոցների մասին տեղեկությունները	ապրանքները վաճառողի (արտահանողի) և գնորդի, ապրանքների և նույնականացման միջոցների մասին տեղեկությունները		1..*
3.1. Իրավաբանական անձի կամ անհատ ձեռնարկատիրոջ մասին տեղեկությունները	ապրանքը վաճառողի (արտահանողի) մասին տեղեկությունները		0..1
3.1.1. Հարկ վճարողի համարը	հարկ վճարողի համարը	նույնականացման ծածկագիրը (համարը) Հայաստանի Հանրապետության համար՝ հարկ վճարողի հաշվառման համարը (ՀՎՀՀ), Բելառուսի Հանրապետության համար՝ հարկ վճարողի հաշվառման համարը (ՀՎՀՀ), Ղազախստանի Հանրապետության համար՝ անհատական նույնականացման համարը (ԱՆՀ) կամ բիզնես-նույնականացման համարը (ԲՆՀ), Ղրղզստանի Հանրապետության համար՝ հարկ վճարողի նույնականացման հարկային համարը (ՀՎՆՀՀ), Ռուսաստանի Դաշնության համար՝ հարկ վճարողի նույնականացման համարը (ՀՎՆՀ)	1
3.1.2. հարկ վճարողի ՀԿՊԾ	հարկ վճարողի ՀԿՊԾ	օգտագործվում է Ռուսաստանի Դաշնությունում	0..1
3.1.3. GLN	ապրանքի վաճառողի GLN ծածկագիրը		0..1
3.1.4. Իրավաբանական անձի (անհատ ձեռնարկատիրոջ) լրիվ անվանումը	ապրանքը վաճառող (արտահանող) իրավաբանական անձի (անհատ ձեռնարկատիրոջ) լրիվ անվանումը		0..1
3.1.5. Իրավաբանական անձի (անհատ ձեռնարկատիրոջ) հասցեն	իրավաբանական անձի (անհատ ձեռնարկատիրոջ) հասցեի մասին տեղեկությունների ցանկը	նշվում է 3-րդ աղյուսակին համապատասխան	0..1
3.1.6. Իրավաբանական անձի (անհատ ձեռնարկատիրոջ) կոնտակտային վավերապայմանները	նշվում են իրավաբանական անձի (անհատ ձեռնարկատիրոջ) հեռախոսահամարի մասին տեղեկությունները	նշվում է 4- րդ աղյուսակին համապատասխան	0..*
3.2. Իրավաբանական անձի կամ անհատ ձեռնարկատիրոջ մասին տեղեկությունները	ապրանքի գնորդի մասին տեղեկությունները		0..1
3.2.1. Հարկ վճարողի համարը	հարկ վճարողի համարը	նույնականացման ծածկագիրը (համարը) Հայաստանի Հանրապետության համար՝ հարկ վճարողի հաշվառման համարը (ՀՎՀՀ), Բելառուսի Հանրապետության համար՝ հարկ վճարողի հաշվառման համարը (ՀՎՀՀ), Ղազախստանի Հանրապետության համար՝ անհատական նույնականացման համարը (ԱՆՀ) կամ բիզնես-նույնականացման համարը (ԲՆՀ), Ղրղզստանի Հանրապետության համար՝ հարկ վճարողի նույնականացման հարկային համարը (ՀՎՆՀՀ), Ռուսաստանի Դաշնության համար՝ հարկ վճարողի նույնականացման համարը (ՀՎՆՀ)	1
3.2.2. հարկ վճարողի ՀԿՊԾ	հարկ վճարողի ՀԿՊԾ	օգտագործվում է Ռուսաստանի Դաշնությունում	0..1
3.2.3. GLN	ապրանքի գնորդի GLN ծածկագիրը		0..1
3.2.4. Իրավաբանական անձի (անհատ ձեռնարկատիրոջ) լրիվ անվանումը	իրավաբանական անձի (անհատ ձեռնարկատիրոջ) լրիվ անվանումը		0..1
3.2.5. Իրավաբանական անձի (անհատ ձեռնարկատիրոջ) հասցեն	իրավաբանական անձի (անհատ ձեռնարկատիրոջ) հասցեի մասին տեղեկությունների ցանկը	նշվում է 3-րդ աղյուսակին համապատասխան	0..1
3.2.6. Իրավաբանական անձի (անհատ ձեռնարկատիրոջ) կոնտակտային վավերապայմանները	նշվում են իրավաբանական անձի (անհատ ձեռնարկատիրոջ) հեռախոսահամարի մասին տեղեկությունները	նշվում է 4-րդ աղյուսակին համապատասխան	0..*
3.3. Ապրանքի և նույնականացման միջոցների մասին տեղեկությունները	անդրսահմանային առևտրի շրջանակներում ձեռք բերված ապրանքի և դրա վրա զետեղված նույնականացման միջոցների մասին տեղեկությունները		1..*
3.3.1. Իրավաբանական անձի կամ անհատ ձեռնարկատիրոջ մասին տեղեկությունները	ապրանքն արտադրողի մասին տեղեկությունները		0..1
3.3.1.1. ապրանքն արտադրողի GLN	ապրանքն արտադրողի GLN ծածկագիրը		0..1
3.3.1.2. Հարկ վճարողի համարը	հարկ վճարողի համարը		0..1
3.3.1.3. հարկ վճարողի ՀԿՊԾ	հարկ վճարողի ՀԿՊԾ	օգտագործվում է Ռուսաստանի Դաշնությունում	0..1
3.3.1.4. Իրավաբանական անձի (անհատ ձեռնարկատիրոջ) լրիվ անվանումը	իրավաբանական անձի (անհատ ձեռնարկատիրոջ) լրիվ անվանումը		0..1
3.3.1.5. Իրավաբանական անձի (անհատ ձեռնարկատիրոջ) հասցեն	իրավաբանական անձի (անհատ ձեռնարկատիրոջ) հասցեի մասին տեղեկությունների ցանկը	նշվում է 3-րդ աղյուսակին համապատասխան	0..1
3.3.1.6. Իրավաբանական անձի (անհատ ձեռնարկատիրոջ) կոնտակտային վավերապայմանները	նշվում են իրավաբանական անձի (անհատ ձեռնարկատիրոջ) հեռախոսահամարի մասին տեղեկությունները	նշվում է 4-րդ աղյուսակին համապատասխան	0..*
3.3.2. GTIN նույնացուցիչը	առևտրային միավորի նույնականացման գլոբալ համարը Թվային նշանակությունը	տարրը նախատեսված է առևտրային միավորի եզակի նույնականացման համար	0..1
3.3.3. ԵԱՏՄ ԱՏԳ ԱԱ-ին համապատասխան ապրանքի ծածկագիրը	Եվրասիական տնտեսական միության արտաքին տնտեսական գործունեության ապրանքային անվանացանկին (ԵԱՏՄ ԱՏԳ ԱԱ) համապատասխան ապրանքի ծածկագիրը	անդամ պետություններում արտադրված ապրանքների համար նշվում է ոչ պակաս, քան ԵԱՏՄ ԱՏԳ ԱԱ ծածկագրի 4 նիշ երրորդ երկրներից ներկրված ապրանքների համար՝ ոչ պակաս, քան ԵԱՏՄ ԱՏԳ ԱԱ ծածկագրի 10 նիշ	0..1
3.3.4. Ապրանքի ծածկագիրն ըստ ապրանքների գրացուցակի	ապրանքի ծածկագիրն ըստ ապրանքների գրացուցակի		0..1
3.3.5. Ապրանքի ծածկագիրն ըստ ապրանքների ազգային դասակարգիչների	ապրանքի ծածկագիրն ըստ ԱՀՌԴ, ԲՀՀԴ և ապրանքների այլ ազգային դասակարգիչների		0..1
3.3.6. Ապրանքի ծածկագիրն ըստ GPC-ի	նշվում է Global Product Classification (արտադրանքի գլոբալ դասակարգիչ)-ին համապատասխան	ունի բարդ կառուցվածք	0..1
3.3.7. Ապրանքի ծագման երկիրը	տեղեկություններ ապրանքի ծագման երկրի մասին	տարրը նախատեսված է ապրանքի ծագման երկրի մասին տեղեկությունները նշելու համար (ISO-3166-ին համապատասխան ծածկագիրը)	0..1
3.3.8. Ապրանքի հայտարարագրումը հավաստող փաստաթղթի մասին տեղեկությունները	ապրանքների հայտարարագրի գրանցման համարի և ապրանքների հայտարարագրում ապրանքի համարի մասին տեղեկությունները		0..*
3.3.9. Ապրանքի որակին ներկայացվող պահանջները սահմանող փաստաթղթի մասին տեղեկությունները	Ապրանքի որակին ներկայացվող պահանջները սահմանող փաստաթղթի մասին տեղեկությունները		0..*
3.3.10. Տեղեկություններ Եվրասիական տնտեսական միության (այսուհետ՝ Միություն) տեխնիկական կանոնակարգերով սահմանված՝ համապատասխանության գնահատման մասին փաստաթղթի, կամ Միության անդամ պետության (այսուհետ՝ անդամ պետություն) օրենսդրությամբ նախատեսված պարտադիր պահանջներին ապրանքի համապատասխանությունը հաստատող այլ փաստաթղթի մասին	արտադրանքին ներկայացվող սահմանված պարտադիր պահանջների կատարումը հաստատող փաստաթղթի մասին տեղեկությունները		0..*
3.3.11. Ապրանքի մասին տեղեկությունները	ապրանքի բնութագրերի կառուցվածքավորված նկարագրությունը	տեղեկությունները նշվում են 5-րդ աղյուսակին համապատասխան	0..1
3.3.12. Զետեղված նույնականացման միջոցների ցանկը	նշվում է նույնականացման միջոցների ցանկը՝ հաշվի առնելով խմբային (տրանսպորտային) փաթեթվածքներում դրանց առկայությունը		0..*
3.3.12.1. Զետեղված նույնականացման միջոցի մասին տեղեկությունները	նշվում են նույնականացման միջոցի և դրոշմավորված ապրանքի կարգավիճակի մասին տեղեկությունները		1..*
3.3.12.1.1. Նույնականացման միջոցը	նույնականացման միջոցի վրա կառուցվածքավորված ձևով ներկայացված տեղեկությունները	տեղեկությունները նշվում են 6-րդ աղյուսակին համապատասխան	1
3.3.12.1.2. Ապրանքի կարգավիճակի մասին տեղեկությունը	բարդ տարր է, պարունակում է դրոշմավորված ապրանքի կարգավիճակի ծածկագրային նշանակման, կարգավիճակի սահմանման պատճառի ծածկագրի, ինչպես նաև ապրանքների դրոշմավորման տեղեկատվական համակարգի ազգային բաղադրիչում նման կարգավիճակի սահմանման ամսաթվի և ժամանակի մասին տեղեկությունները		1
3.3.12.1.2.1. Կարգավիճակի ծածկագիրը	դրոշմավորված ապրանքի կարգավիճակի ծածկագրային նշանակումը	տեղեկությունները նշվում են 10-րդ աղյուսակին համապատասխան	1
3.3.12.1.2.2. Կարգավիճակի սահմանման պատճառի ծածկագիրը	ապրանքների դրոշմավորման տեղեկատվական համակարգի ազգային բաղադրիչում ապրանքի կարգավիճակի սահմանման պատճառի ծածկագիրը		0..1
3.3.12.1.2.3. Ամսաթիվն ու ժամանակը	ապրանքների դրոշմավորման տեղեկատվական համակարգի ազգային բաղադրիչում ապրանքի կարգավիճակի սահմանման ամսաթիվն ու ժամանակը		1
3.3.12.2. Վերակա մակարդակի փաթեթվածքի հղումային նույնացուցիչը			0..1
3.3.12.2.1. Նույնականացման միջոցը	փաթեթվածքի նույնականացման միջոցի վրա կառուցվածքավորված ձևով ներկայացված տեղեկությունները	տեղեկությունները նշվում են 6-րդ աղյուսակին համապատասխան	1
3.3.13. Խմբային և (կամ) տրանսպորտային փաթեթվածքների ցանկը	այն խմբային և (կամ) տրանսպորտային փաթեթվածքների ցանկը, որոնցում գտնվում է դրոշմավորված ապրանքը		0..1
3.3.13.1. Խմբային կամ տրանսպորտային փաթեթվածքի մասին տեղեկությունները			1..*
3.3.13.1.1. Խմբավորման մակարդակը			1
3.3.13.1.2. Նույնականացման միջոցը	խմբային կամ տրանսպորտային փաթեթվածքի նույնականացման միջոցի վրա կառուցվածքավորված ձևով ներկայացված տեղեկությունները	տեղեկությունները նշվում են 6-րդ աղյուսակին համապատասխան	1
3.3.13.1.3. Վերակա մակարդակի փաթեթվածքի հղումային նույնացուցիչը			0..1
3.3.13.1.3.1. Նույնականացման միջոցը	փաթեթվածքի նույնականացման միջոցի վրա կառուցվածքավորված ձևով ներկայացված տեղեկությունները	տեղեկությունները նշվում են 6-րդ աղյուսակին համապատասխան	1

Աղյուսակ 2 Անդրսահմանային առևտրի շրջանակներում ձեռք բերված ապրանքների վրա զետեղված նույնականացման միջոցների մասին տեղեկատվության կազմն ու կառուցվածքը

Աղյուսակ 3․ Հասցեի մասին տեղեկությունների ցանկը

Համարը	Անվանումը	Նկարագրությունը	Բզմ.
1	Հասցեի տեսակի ծածկագիրը	հասցեի տեսակի ծածկագրային նշանակումը (գտնվելու վայրի, նամակագրության համար հասցեն և այլն) (նշվում է ցանկին համապատասխան՝ «1» ՝ գրանցման հասցե. «2» ՝ փաստացի հասցե. «3» ՝ փոստային հասցե)	0..1
2	երկրի ծածկագիրը	երկրի ծածկագրային նշանակումը (նշվում է ISO- 3166-ին համապատասխան)	0..1
3	տարածքի ծածկագիրը	վարչատարածքային բաժանման միավորի ծածկագիրը	0..1
4	տարածաշրջանը	վարչատարածքային բաժանման առաջին մակարդակի միավորի անվանումը	0..1
5	շրջանը	վարչատարածքային բաժանման երկրորդ մակարդակի միավորի անվանումը	0..1
6	քաղաքը	քաղաքի անվանումը	0..1
7	բնակավայրը	բնակավայրի անվանումը	0..1
8	փողոցը	քաղաքային ենթակառուցվածքի փողոցաճանապարհային ցանցի տարրի անվանումը	0..1
9	շենքի համարը	շենքի, մասնաշենքի, շինության նշանակումը	0..1
10	սենքի համարը	գրասենյակի կամ բնակարանի նշանակումը	0..1
11	փոստային հասցեն	փոստային կապի ձեռնարկության փոստային ինդեքսը	0..1
12	բաժանորդային արկղի համարը	փոստային կապի ձեռնարկությունում բաժանորդային արկղի համարը	0..1

Աղյուսակ 4․ Կոնտակտային վավերապայմանների մասին տեղեկությունների ցանկը

Համարը	Անվանումը	Նկարագրությունը	Բզմ.
1	կապի տեսակի ծածկագիրը	կապի տեսակի միջոցի (կապուղու) (հեռախոս, ֆաքս, էլեկտրոնային փոստ և այլն) ծածկագրային նշանակումը (նշվում է ցանկին համապատասխան՝«АО» ՝ Ինտերնետ տեղեկատվական-հեռահաղորդակցական ցանցում կայքի հասցեն. «ЕМ» ՝ էլեկտրոնային փոստ. «FX»՝ հեռաֆաքս. «ТЕ»՝ հեռախոս. «TG»՝ հեռագրություն. «TL» ՝ տելեքս)	0..1
2	կապի տեսակի անվանումը	կապի տեսակի միջոցի (կապուղու) (հեռախոս, ֆաքս, էլեկտրոնային փոստ և այլն) անվանումը	0..1
3	կապուղու նույնացուցիչը	կապուղին նույնականացնող պայմանանշանների հերթականությունը (հեռախոսի, ֆաքսի համարի, էլեկտրոնային փոստի և այլնի նշում)	0..*

Աղյուսակ 5․ Ապրանքի բնութագրերի մասին տեղեկությունների ցանկը

Համարը	Անվանումը	Նկարագրությունը	Ծանոթագրություն	Բզմ.
1	ապրանքի անվանումը	ապրանքի՝ գրանցային անվանմանը մոտարկված անվանումը		1
2	ապրանքանիշը/մակնիշը			0..1
3	չափման միավորը	սպառողական փաթեթվածքում ապրանքի քանակի չափման միավորը	տարրը նախատեսված է ապրանքի չափման միավորի ծածկագրի (ծածկագրային նշանակման) մասին տեղեկությունները նշելու համար	1

Աղյուսակ 6․ Ապրանքի նույնականացման միջոցի մասին տեղեկությունների ցանկը

Համարը	Անվանումը	Նկարագրությունը	Ծանոթագրություն	Բզմ.
1	նույնականացման միջոցի տեսակը	նշվում է նույնականացման միջոցի եռանիշ ծածկագիրը՝ նույնականացման միջոցների տեսակների ցանկին համապատասխան	նշվում է 7-րդ աղյուսակին համապատասխան	1
2	համարն ըստ գրանցամատյանի	նշվում է՝ ըստ նույնականացման միջոցների, գրանցամատյանի համարը		0..1
3	նույնականացման միջոցի տվյալների բլոկը			1..*
3.1	կիրառման նույնացուցիչը (AI)	կլոր փակագծերում նշված՝ կիրառման թվային նույնացուցիչը, որը նշում է նույնականացման միջոցում պարունակվող տեղեկատվության բլոկի նշանակությունը	նշվում է 8-րդ աղյուսակին համապատասխան՝ 9--րդ աղյուսակում սահմանված կանոնների համաձայն	0..1
3.2	տեղեկատվության բլոկի պայմանանշանային նշանակությունը	պարունակում է նույնականացման միջոցում ընդգրկված տեղեկատվության բլոկի պայմանանշանային նշանակությունը	նշվում է 9-րդ աղյուսակում սահմանված կանոնների համաձայն	1

Աղյուսակ 7 Նույնականացման միջոցի տեսակը

Բաժնի ծածկագիրը	Նույնականացման միջոցի տեսակի ծածկագիրը	Նույնականացման միջոցի տեսակի անվանումը
1	գծային ստվերագծային ծածկագիրը
	101	Code 128 գծային ստվերագծային ծածկագիրը
2	երկչափ բազմամակարդակ ստվերագծային ծածկագիրը
3	երկչափ մատրիցային ստվերագծային ծածկագիրը
	301	DataMatrix ծածկագիրը
	302	QR ծածկագիրը
	303	Micro QR к ծածկագիրը од
4	ռադիոնիշերը
	401	UHF-տիրույթի RFID-նիշը
9	նույնականացման միջոցների այլ տեսակները
	999	այլ

Աղյուսակ 8․ Ապրանքների դրոշմավորման ժամանակ օգտագործվող կիրառման նույնացուցիչների (AI) ցանկը

AI ծածկագիրը	AI լրիվ անվանումը	Տարրային տողի ձևաչափը	Նկարագրությունը	Ծանոթագրություն
00	տրանսպորտային փաթեթվածքի (տարայի) սերիական ծածկագիրը՝ SSCC (Serial Shipping Container Code)	N2+ N18	տվյալների դաշտը ներառում է SSCC համարը	AI (00) կիրառման նույնացուցիչը ցույց է տալիս, որ իրեն անմիջապես հաջորդող18 պայմանանշաններից բաղկացած թվային դաշտը պարունակում է տրանսպորտային փաթեթվածքի (տարայի) սերիական ծածկագիրը՝ (SSCC), որն օգտագործվում է լոգիստիկայի միավորի դրոշմավորման համար
01	գլոբալ ապրանքի միավորի նույնականացման համարը՝ GTIN (Global Trade Item Number)	N2+ N14	GTIN - Global Trade Item Number՝ GS1 բաց ստանդարտների համակարգում մեկ անվանմամբ (արտիկուլի) ապրանքի տեսակի նույնականացման գլոբալ համարը	AI (01) կիրառման նույնացուցիչը ցույց է տալիս, որ իրեն անմիջապես հաջորդող 14 պայմանանշաններից բաղկացած թվային դաշտը պարունակում է ապրանքի միավորի նույնականացման գլոբալ համարը՝ GTIN, որն օգտագործվում է ապրանքի միավորի նույնականացման համար
02	տրանսպորտային փաթեթվածքի (տարայի) ներսում ապրանքային միավորների GTIN (GTIN of Contained Trade Items)	N2+ N14		AI (02) կիրառման նույնացուցիչը ցույց է տալիս, որ իրեն անմիջապես հաջորդող 14 պայմանանշաններից բաղկացած թվային դաշտը պարունակում է տրանսպորտային փաթեթվածքի (տարայի) ներսում գտնվող ապրանքային միավորների GTIN՝ դրա համասեռ պարունակության դեպքում Պարզաբանում՝ Այս տարրային տողը կարող է օգտագործվել միայն այն լոգիստիկ միավորի համար, որն ինքնին առևտրային միավոր չէ, եթե դրանում պարունակվող նույն մակարդակի ապրանքներն ունեն միևնույն GTIN-ը: Տրանսպորտային փաթեթվածքի (տարայի) ներսում ապրանքային միավորների GTIN-ը՝ լոգիստիկ միավորի մեջ պարունակվող՝ ամենաբարձր մակարդակի ապրանքային միավորների նույնականացման համարն է
21	սերիական համարը (Serial Number)	N2 + Х..20	սերիական համարը (Serial Number)	AI (21) կիրառման նույնացուցիչը ցույց է տալիս, որ իրեն անմիջապես հաջորդող 1-ից 20 պայմանանշանների չափով թվային դաշտը պարունակում է ապրանքի սերիական համարը, որն արտադրողի կամ օպերատորի կողմից շնորհվում է ապրանքի՝ դրա ծառայության ամբող ժամկետի համար GTIN-ի հետ համադրությամբ սերիական համարը յուրաքանչյուր ապրանքային միավորի եզակի նույնացուցիչն է
91	ստուգման բանալու նույնացուցիչը		ստուգման բանալու նույնացուցիչը (անհատական հերթական համարը)	կիրառվում է անդամ պետության օրենսդրությանը համապատասխան Ապրանքների անդրսահմանային տեղաշարժի ժամանակ տվյալների փոխանցման անհրաժեշտությունը որոշվում է անդամ պետության օրենսդրությանը համապատասխան
92	ստուգման ծածկագիրը		ստուգման ծածկագրի նշանակությունը	կիրառվում է անդամ պետության օրենսդրությանը համապատասխան Ապրանքների անդրսահմանային տեղաշարժի ժամանակ տվյալների փոխանցման անհրաժեշտությունը որոշվում է անդամ պետության օրենսդրությանը համապատասխան

Աղյուսակ 9․ «Նույնականացման միջոցի տվյալների բլոկ» վավերապայմանի ձևավորման կանոնները

ԵԱՏՄ ԱՏԳ ԱԱ-ին համապատասխան ապրանքի ծածկագիրը	Նույնականացման միջոցի տեսակը	«Նույնականացման միջոցի տվյալների բլոկ» վավերապայմանի ձևավորման կանոնները
«Նույնականացման միջոցի տվյալների բլոկ» վավերապայմանի ձևավորման կանոններն ապրանքի, սպառողական կամ խմբային փաթեթվածքի վրա զետեղված նույնականացման միջոցի մասով
хххх	301	1. «Նույնականացման միջոցի տվյալների բլոկ» վավերապայմանի՝ ստեղծվող օրինակների նվազագույն քանակը՝ 2 2. «Նույնականացման միջոցի տվյալների բլոկ» վավերապայմանի առաջին օրինակին ներկայացվող պահանջները «AI կիրառման նույնացուցիչ» վավերապայմանի նշանակությունը՝«01» «Տեղեկատվության բլոկի պայմանանշանային նշանակությունը» վավերապայմանի նշանակությունը. վավերապայմանը պետք է պարունակի ապրանքի նույնականացման համարը (GTIN): 3. «Նույնականացման միջոցի տվյալների բլոկ» վավերապայմանի երկրորդ օրինակին ներկայացվող պահանջները «AI կիրառման նույնացուցիչ» վավերապայմանի նշանակությունը՝ «21» «Տեղեկատվության բլոկի պայմանանշանային նշանակությունը» վավերապայմանի նշանակությունը. վավերապայմանը պետք է պարունակի ապրանքի անհատական սերիական համարը (SN) «Նույնականացման միջոցի տվյալների բլոկ» վավերապայմանի օրինակներին ներկայացվող պահանջները 4. «AI կիրառման նույնացուցիչ» վավերապայմանի նշանակությունը՝ «91», « 92» «Տեղեկատվության բլոկի պայմանանշանային նշանակությունը» վավերապայմանի նշանակությունը. ստուգման բանալու նույնացուցիչը, ստուգման ծածկագիրը (կիրառվում է անդամ պետության օրենսդրությանը համապատասխան)
«Նույնականացման միջոցի տվյալների բլոկ» վավերապայմանի ձևավորման կանոնները տրանսպորտային փաթեթվածքի վրա զետեղված նույնականացման միջոցի մասով
ХХХХ	101	1. «Նույնականացման միջոցի տվյալների բլոկ» վավերապայմանի՝ ստեղծվող օրինակների քանակը՝ 1
		2. «Նույնականացման միջոցի տվյալների բլոկ» վավերապայմանի օրինակին ներկայացվող պահանջները «AI կիրառման նույնացուցիչ» վավերապայմանի նշանակությունը՝«00» «Տեղեկատվության բլոկի պայմանանշանային նշանակությունը» վավերապայմանի նշանակությունը

Աղյուսակ 10․ Դրոշմավորված ապրանքների և դրանց նույնականացման միջոցների մասին տեղեկությունների փոխանակման ժամանակ օգտագործվող դրոշմավորված ապրանքների կարգավիճակների ցանկը

Կարգավիճակի ծածկագիրը	Կարգավիճակի նկարագրությունը	Ծածկագրերի հնարավոր նշանակությունները և կարգավիճակի սահմանման պատճառի նկարագրությունը
00	վիճակը որոշված չէ	«99»՝ տեղեկատվությունը չեղարկված է (սահմանվում է ներկրողի համակարգում). «34» ՝ անդրսահմանային առևտրի շրջանակներում ապրանքի հետվերադարձը վաճառողին (սահմանվում է ներկրողի համակարգում)
10	ապրանքը շրջանառության մեջ է դրվել անդամ պետությունում	«33» ՝ անդրսահմանային առևտրի շրջանակներում ապրանքը հաշվառման վերցնելը (սահմանվում է ներկրողի համակարգում) «34» ՝ անդրսահմանային առևտրի շրջանակներում ապրանքի հետվերադարձը վաճառողին (սահմանվում է արտահանողի համակարգում) «99» ՝ տեղեկատվությունը չեղարկված է (սահմանվում է արտահանողի համակարգում)
20	ապրանքը դուրս է բերվել շրջանառությունից	«33»՝ անդրսահմանային առևտրի շրջանակներում ապրանքը հաշվառման վերցնելը (սահմանվում է արտահանողի համակարգում)
31	Ապրանքն իրացված է (նախատեսված է իրացման համար) անդրսահմանային առևտրի շրջանակներում