ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Հ Ա Ն Ձ Ն Ա Ր Ա Ր Ա Կ Ա Ն
|
24 նոյեմբերի 2020 թվականի |
թիվ 22 |
քաղ. Մոսկվա |
ՕԴԱՅԻՆ ՏԱՐԱԾՔԻ ՕԳՏԱԳՈՐԾՄԱՆ ԵՎ ՕԴԱՅԻՆ ԵՐԹԵՎԵԿՈՒԹՅԱՆ ԿԱԶՄԱԿԵՐՊՄԱՆ ՊԼԱՆԱՎՈՐՄԱՆ ՄԱՍՈՎ ՀԱՄԱՁԱՅՆԵՑՎԱԾ ՄՈՏԵՑՈՒՄՆԵՐԻ ՄԱՍԻՆ
Եվրասիական տնտեսական հանձնաժողովի կոլեգիան, Եվրասիական միջկառավարական խորհրդի 2017 թվականի օգոստոսի 14-ի թիվ 2 որոշմամբ հաստատված՝ «Եվրասիական տնտեսական միության անդամ պետությունների համակարգված (համաձայնեցված) տրանսպորտային քաղաքականության իրականացման հիմնական ուղղությունների և փուլերի իրագործմանն ուղղված՝ օդային տրանսպորտի մասով 2018-2020 թվականների միջոցառումների պլանի («ճանապարհային քարտեզի»)» 26-րդ կետին համապատասխան, Եվրասիական տնտեսական միության (այսուհետ՝ Միություն) շրջանակներում օդային տրանսպորտի ծառայությունների ընդհանուր շուկայի փուլային ձևավորման նպատակով,
հանձնարարում է Միության անդամ պետություններին (այսուհետ՝ անդամ պետություններ) Միության պաշտոնական կայքում սույն հանձնարարականը հրապարակելու օրվանից կիրառել օդային տարածքի օգտագործման և օդային երթևեկության պլանավորման մասով համաձայնեցված մոտեցումներ՝ հաշվի առնելով հետևյալ խնդիրների լուծման արդիականությունը.
Քաղաքացիական ավիացիայի միջազգային կազմակերպության կողմից հրապարակված՝ 2016-2030 թվականների Գլոբալ աերոնավիգացիոն պլանի դրույթների կիրառում (այդ թվում՝ ավիացիոն համակարգերի բլոկային արդիականացում իրագործելու շրջանակներում).
անդամ պետությունների աերոնավիգացիոն համակարգերի համատեղելիության և ներդաշնակեցման ապահովում.
օդային տարածքի ճկուն օգտագործման հայեցակարգի իրագործում.
անդամ պետությունների ավիափոխադրողների կողմից շահագործվող օդանավերին՝ միջազգային օդային կանոնավոր հաղորդակցություններ իրականացնելիս օդային տարածքի օգտագործման թույլտվությունների (ծանուցումների) տրման ընթացակարգերի ներդաշնակեցում:
|
Եվրասիական տնտեսական հանձնաժողովի կոլեգիայի նախագահ` |
Մ. Մյասնիկովիչ |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|