ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ ԿԱՐԳԱԴՐՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ԾԱՌԱՅՈՒԹՅՈՒՆՆԵՐԻ ԱՌԱՆՁԻՆ ՈԼՈՐՏՆԵՐԻ ԱԶԱՏԱԿԱՆԱՑՄԱՆ ԾՐԱԳՐԵՐԻ ԻՐԱԿԱՆԱՑՄԱՆ ՄԱՍԻՆ

Հաշվի առնելով Եվրասիական տնտեսական հանձնաժողովի կոլեգիայի նախագահ Տ. Ս. Սարգսյանի զեկույցը՝ 2018 թվականի դեկտեմբերի 1-ից մինչև 2019 թվականի օգոստոսի 31-ը Եվրասիական տնտեսական բարձրագույն խորհրդի 2016 թվականի դեկտեմբերի 26-ի թիվ 23 որոշմամբ հաստատված՝ ազատականացման ծրագրերով նախատեսված միջոցառումների կատարման մոնիթորինգ և դրանց կատարման նկատմամբ հսկողություն անցկացնելու արդյունքների վերաբերյալ (կցվում է որպես տեղեկատվական նյութ) (այսուհետ համապատասխանաբար՝ զեկույց, ազատականացման ծրագրեր)՝

1. Եվրասիական տնտեսական միության անդամ պետությունների կառավարություններին և Եվրասիական տնտեսական հանձնաժողովին՝

ա) «Եվրասիական տնտեսական միության մասին» 2014 թվականի մայիսի 29-ի պայմանագրի XV բաժնի դրույթների իրականացման շրջանակներում աշխատանքներ կատարելիս հաշվի առնել զեկույցի դրույթները.

բ) ակտիվացնել ազատականացման ծրագրերի իրականացման աշխատանքը՝ հաշվի առնելով զեկույցի դրույթները, և ապահովել ազատականացման ծրագրերով նախատեսված միջոցառումների կատարումը՝ ելնելով ազատականացման ծրագրերով նախատեսված ժամկետներում առանց արգելքների, առգրավումների, սահմանափակումների, լրացուցիչ պահանջների և պայմանների ծառայությունների միասնական շուկայի գործունեության սկիզբն ապահովելու անհրաժեշտությունից։

2. Եվրասիական տնտեսական միության անդամ պետությունների կառավարություններին՝ միջոցներ ձեռնարկել ապահովելու՝

ա) ծառայությունների միասնական շուկայի ձևավորման և առանց արգելքների, առգրավումների, սահմանափակումների, լրացուցիչ պահանջների և պայմանների գործունեության մասով Եվրասիական տնտեսական միության մարմինների ակտերի և «Եվրասիական տնտեսական միության մասին» 2014 թվականի մայիսի 29-ի պայմանագրի դրույթների կատարումը.

բ) Եվրասիական տնտեսական հանձնաժողովի համակարգմամբ, ի կատարումն «Եվրասիական տնտեսական միության մասին» 2014 թվականի մայիսի 29-ի պայմանագրի 68-րդ հոդվածի և Եվրասիական տնտեսական միության անդամ պետությունների լիազորված մարմինների կողմից ազատականացման ծրագրերի, վարչական համագործակցության մասին համաձայնագրերի կնքումը՝

շինարարության, ինժեներական, քաղաքաշինական նախագծման բնագավառների ծառայությունների ոլորտների մասով.

գույքի գնահատման ծառայությունների ոլորտի մասով.

ճանապարհորդական բյուրոների և տուրիստական գործակալությունների ծառայությունների (տուրօպերատորների և տուրիստական գործակալների ծառայություններ) ոլորտի մասով.

եղանակի կանխատեսման և օդերևութաբանության հետ կապված ծառայությունների ոլորտի մասով.

կինո-և տեսաֆիլմերի արտադրման և տարածման հետ կապված, ինչպես նաև տեսաֆիլմերի ցուցադրման ծառայությունների ոլորտների մասով.

գիտահետազոտական աշխատանքների բնագավառի ծառայությունների ոլորտների մասով։

3. Եվրասիական տնտեսական հանձնաժողովին՝ զեկույցը տեղադրել Եվրասիական տնտեսական միության պաշտոնական կայքում հետևյալ հասցեով՝ http://www.eurasiancommission.org/ru/act/finpol/dobd/work_group/ Documents/REPORT3 .pdf։

4. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից 10 օրացուցային օրը լրանալուց հետո։

Եվրասիական տնտեսական բարձրագույն խորհրդի անդամներ՝