ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ԿԱՐԳԱԴՐՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ««ԱՐԴՅՈՒՆԱԲԵՐԱԿԱՆ ԿՈՈՊԵՐԱՑԻԱՅԻ, ՍՈՒԲԿՈՆՏՐԱԿՏԱՑԻԱՅԻ ԵՎ ՏԵԽՆՈԼՈԳԻԱՆԵՐԻ ՓՈԽԱՆՑՄԱՆ ԵՎՐԱՍԻԱԿԱՆ ՑԱՆՑ» ՆԱԽԱԳԾԻ ՀԱՄԱԿԱՐԳՄԱՆ ՀԱՐՑԵՐՈՎ ԱՇԽԱՏԱՆՔԱՅԻՆ ԽՄԲԻ ՄԱՍԻՆ» ԿԱՐԳԱԴՐՈՒԹՅԱՆ ՆԱԽԱԳԾԻ ՎԵՐԱԲԵՐՅԱԼ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ««ԱՐԴՅՈՒՆԱԲԵՐԱԿԱՆ ԿՈՈՊԵՐԱՑԻԱՅԻ, ՍՈՒԲԿՈՆՏՐԱԿՏԱՑԻԱՅԻ ԵՎ ՏԵԽՆՈԼՈԳԻԱՆԵՐԻ ՓՈԽԱՆՑՄԱՆ ԵՎՐԱՍԻԱԿԱՆ ՑԱՆՑ» ՆԱԽԱԳԾԻ ՀԱՄԱԿԱՐԳՄԱՆ ՀԱՐՑԵՐՈՎ ԱՇԽԱՏԱՆՔԱՅԻՆ ԽՄԲԻ ՄԱՍԻՆ» ԿԱՐԳԱԴՐՈՒԹՅԱՆ ՆԱԽԱԳԾԻ ՎԵՐԱԲԵՐՅԱԼ

1. Հավանություն տալ Եվրասիական տնտեսական հանձնաժողովի խորհրդի ««Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի մասին» կարգադրության նախագծին (կցվում է) և ներկայացնել այն Եվրասիական տնտեսական հանձնաժողովի խորհրդի քննարկմանը:

2. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

«Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի մասին

Հիմնվելով Եվրասիական միջկառավարական խորհրդի 2019 թվականի փետրվարի 1-ի թիվ 1 որոշմամբ հաստատված՝ Եվրասիական տնտեսական միության թվային օրակարգի շրջանակներում նախագծերի իրագործման մեխանիզմների 7-րդ կետի «ա» ենթակետի վրա, Եվրասիական միջկառավարական խորհրդի 2019 թվականի ապրիլի 30-ի թիվ 2 որոշման 4-րդ կետի երկրորդ պարբերության վրա և Եվրասիական տնտեսական հանձնաժողովի խորհրդի 2019 թվականի մայիսի 28-ի թիվ 21 կարգադրությամբ հաստատված՝ «Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի իրագործման բարձր մակարդակի միջոցառումների պլանը կատարելու նպատակով՝

1. Ստեղծել «Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խումբ:

2. Հաստատել կից ներկայացվող՝

«Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի մասին հիմնադրույթը.

«Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի կազմը:

3. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից։

Եվրասիական տնտեսական հանձնաժողովի խորհրդի անդամներ՝

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2019 թվականի ի թիվ կարգադրությամբ

ՀԻՄՆԱԴՐՈՒՅԹ

«Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի մասին

I. Ընդհանուր դրույթներ

1. Սույն հիմնադրույթը մշակվել է Եվրասիական տնտեսական հանձնաժողովի խորհրդի 2019 թվականի մայիսի 28-ի թիվ 21 կարգադրությամբ հաստատված՝ «Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի իրագործման բարձր մակարդակի միջոցառումների պլանը (այսուհետ՝ բարձր մակարդակի պլան) կատարելու նպատակով և սահմանում է «Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի (այսուհետ համապատասխանաբար՝ նախագիծ, համակարգող խումբ) գործունեության կարգը:

2. Համակարգող խումբն իր գործունեության ընթացքում առաջնորդվում է Եվրասիական տնտեսական միության (այսուհետ՝ Միություն) իրավունքի մաս կազմող միջազգային պայմանագրերով և ակտերով, ինչպես նաև սույն հիմնադրույթով:

3. Սույն հիմնադրույթում օգտագործվող հասկացությունները կիրառվում են «Եվրասիական տնտեսական միության մասին» 2014 թվականի մայիսի 29-ի պայմանագրով, Եվրասիական միջկառավարական խորհրդի 2019 թվականի փետրվարի 1-ի թիվ 1 որոշմամբ հաստատված՝ Եվրասիական տնտեսական միության թվային օրակարգի շրջանակներում նախագծերի իրագործման մեխանիզմներով, Եվրասիական միջկառավարական խորհրդի 2019 թվականի օգոստոսի 9-ի թիվ 8 որոշմամբ հաստատված՝ «Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի անձնագրով և բարձր մակարդակի պլանով սահմանված նշանակություններով:

II. Համակարգող խմբի հիմնական խնդիրները

4. Համակարգող խմբի հիմնական խնդիրներն են՝

ա) նախագծի կառավարման մեթոդաբանության սահմանումը.

բ) նախագծային գործունեության համակարգումը.

գ) նախագծի իրագործման նկատմամբ մոնիթորինգը և նախագծի իրագործման ընթացքի մասին հաշվետվությունների նախապատրաստումը՝ համակարգող խմբի կողմից սահմանվող ձևով.

դ) անհրաժեշտության դեպքում նախագծի փաստաթղթերում փոփոխություններ կատարելու վերաբերյալ առաջարկությունների նախապատրաստումը.

ե) նախագծի մասնակիցների միջև առկա խնդրահարույց հարցերի և տարաձայնությունների քննարկումը.

զ) նախագծի ընդունման-հանձնման փորձարկումների, այդ թվում՝ մատուցվող ծառայությունների փորձաքննության կազմակերպումը.

է) նախագծային գործունեության համակարգման հետ կապված այլ գործառույթների իրականացումը։

III. Նախագծի իրագործման նկատմամբ մոնիթորինգի հարցերով համակարգող խմբի գործառույթները

5. Նախագծի իրագործման նկատմամբ մոնիթորինգի անցկացմանն ուղղված գործունեությունն իրականացվում է համակարգող խմբի կողմից՝ նախագծի միջոցառումների կատարողի հետ փոխգործակցությամբ։

6. Նախագծի իրագործման նկատմամբ մոնիթորինգն ու արդյունքների վերլուծությունն իրականացվում են՝ հաշվի առնելով նախագծի անձնագրում նշված նպատակային ցուցիչներն ու ցուցանիշները։ Նպատակային ցուցիչներից և ցուցանիշներից շեղվելու դեպքում համակարգող խմբի կողմից նախապատրաստվում են նախագծի փաստաթղթերում փոփոխություներ կատարելու մասին առաջարկություններ և անցկացվում են այլ շտկող միջոցառումներ։

7. Հրապարակայնության և նախագծի իրագործման նկատմամբ անկախ մոնիթորինգ ապահովելու համար Միության պաշտոնական կայքում հրապարակվում են նախագծի անձնագիրը, նախագծի իրագործման ընթացքի մասին հաշվետվությունները, կատարողի, կոնսորցիումի մասին տեղեկատվությունը, այլ տեղեկություններ՝ բացի սահմանափակ տարածման տեղեկություններ կամ առևտրային գաղտնիք պարունակող նյութերից։

8. Նախագծի իրագործման նկատմամբ մոնիթորինգի ընթացքում համակարգող խմբի կողմից ոչ պակաս, քան տարին 2 անգամ նախապատրաստվում են հաշվետվություններ (ներառյալ ամփոփիչ հաշվետվությունը) և ուղարկվում են Եվրասիական տնտեսական հանձնաժողով (այսուհետ՝ Հանձնաժողով)՝ Հանձնաժողովի խորհրդի կողմից այն քննարկվելու նպատակով: Հաշվետվության ձևը սահմանվում է համակարգող խմբի կողմից:

IV. Համակարգող խմբի կազմը և գործունեությունը

9. Համակարգող խմբի կազմը և դրա ղեկավարը հաստատվում են Հանձնաժողովի խորհրդի կողմից:

Համակարգող խմբի կազմում ընդգրկելու համար ներկայացվում են թեկնածուներ նախագծի մասնակիցների թվից:

Ընդ որում, համակարգող խմբի կազմում պարտադիր ընդգրկվում են Միության անդամ պետությունների (այսուհետ՝ անդամ պետություններ) լիազորված մարմինների ներկայացուցիչները:

10. Համակարգող խմբի ղեկավարը՝

ա) ղեկավարում է համակարգող խմբի գործունեությունը և կազմակերպում է համակարգող խմբի վրա դրված խնդիրների կատարումը.

բ) համակարգող խմբի անդամների հետ համաձայնեցմամբ սահմանում է համակարգող խմբի նիստի անցկացման ամսաթիվը, ժամը և վայրը.

գ) հաստատում է համակարգող խմբի նիստի օրակարգը.

դ) նախագահում է համակարգող խմբի նիստերին.

ե) ստորագրում է համակարգող խմբի նիստերի արձանագրությունները (այսուհետ՝ արձանագրություն).

զ) իրականացնում է համակարգող խմբի գործունեությունն ապահովելու համար անհրաժեշտ այլ գործողություններ:

11. Համակարգող խմբի ղեկավարի տեղակալը նշանակվում է համակարգող խմբի ղեկավարի կողմից՝ համակարգող խմբի անդամների թվից:

12. Համակարգող խմբի ղեկավարի տեղակալը համակարգող խմբի ղեկավարի բացակայության ընթացքում իրականացնում է սույն հիմնադրույթի 10-րդ կետով նախատեսված՝ համակարգող խմբի ղեկավարի գործառույթները:

13. Համակարգող խմբի պատասխանատու քարտուղարը նշանակվում է համակարգող խմբի ղեկավարի կողմից՝ Հանձնաժողովի աշխատակիցների թվից, ինչը Հանձնաժողովի առաջին նիստին ամրագրվում է արձանագրության մեջ:

14. Համակարգող խմբի պատասխանատու քարտուղարն ապահովում է՝

ա) համակարգող խմբի նիստի օրակարգի նախագիծը նախապատրաստելը, ինչպես նաև այն աշխատանքային խմբի ղեկավարին (ղեկավարի տեղակալին) հաստատման համար ներկայացնելը.

բ) համակարգող խմբի անդամներին ոչ ուշ, քան նիստի անցկացման օրվանից 10 աշխատանքային օր առաջ համակարգող խմբի նիստի օրակարգը և դրան կից նյութերը, ինչպես նաև դրա անցկացման ամսաթվի, ժամի և վայրի մասին տեղեկատվությունն ուղարկելը (այդ թվում նաև՝ էլեկտրոնային եղանակով).

գ) արձանագրությունները վարելը, դրանք համակարգող խմբի ղեկավարի (ղեկավարի տեղակալի) ստորագրմանը ներկայացնելը և արձանագրությունների պատճեններն ուղարկելը համակարգող խմբի անդամներին.

դ) համակարգող խմբի նիստի նյութերը նախապատրաստելու և ներկայացնելու նկատմամբ հսկողությունը.

ե) նյութերի նախապատրաստումն այն դեպքում, երբ համակարգող խումբը որոշում է ընդունել նախագծի իրագործման հարցերին վերաբերող՝ Հանձնաժողովի ակտի նախագծի մշակման անհրաժեշտության մասին.

զ) արձանագրություններում առկա որոշումները կատարելու նկատմամբ հսկողությունը:

V. Համակարգող խմբի աշխատանքի կարգը

15. Համակարգող խմբի նիստի օրակարգը ձևավորվում է համակարգող խմբի ղեկավարի և անդամների առաջարկությունների հիման վրա:

16. Նախագծի իրագործման համար պատասխանատու՝ անդամ պետությունների լիազորված մարմինների (կազմակերպությունների) առաջարկով կամ համակարգող խմբի ղեկավարի հրավերով դրա նիստերին կարող են մասնակցել անդամ պետությունների պետական մարմինների և կազմակերպությունների ներկայացուցիչները, ազգային բաղադրիչների օպերատորները, գործարար համայնքների, գիտական և հասարակական կազմակերպությունների ներկայացուցիչները, ինչպես նաև այլ անկախ փորձագետներ, որոնց իրավասությանն են վերապահվում քննարկվող հարցերը:

Համակարգող խմբի ղեկավարի հրավերով դրա նիստերին կարող են մասնակցել համակարգող խմբի անդամներ չհանդիսացող այլ անձինք:

17. Համակարգող խմբի նիստերին անդամ պետությունների հրավիրված ներկայացուցիչների մասնակցության հետ կապված ծախսերը կրում են նրանց ուղարկող կազմակերպությունները և անձինք:

18. Համակարգող խմբի որոշումներն ընդունվում են կոնսենսուսով և ձևակերպվում են արձանագրությամբ:

Յուրաքանչյուր անդամ պետության կողմից ձայնի իրավունք ունի այդպիսի անդամ պետության լիազորված մարմնի ներկայացուցիչը, իսկ նրա բացակայության դեպքում՝ ազգային օպերատորի ներկայացուցիչը:

19. Համակարգող խմբի պատասխանատու քարտուղարն ապահովում է համակարգող խմբի անդամներին նիստի արձանագրության պատճենի ուղարկումը՝ ոչ ուշ, քան համակարգող խմբի նիստի անցկացման օրվանից 5 աշխատանքային օրվա ընթացքում:

20. Համակարգող խմբի գործունեությանն առնչվող արձանագրությունները և մյուս փաստաթղթերը պահվում են համակարգող խմբի պատասխանատու քարտուղարի մոտ:

21. Համակարգող խմբի գործունեության կազմակերպչական-տեխնիկական ապահովումն իրականացվում է Հանձնաժողովի համապատասխան կառուցվածքային ստորաբաժանումների կողմից։

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2019 թվականի ի թիվ կարգադրությամբ

ԿԱԶՄ

«Արդյունաբերական կոոպերացիայի, սուբկոնտրակտացիայի և տեխնոլոգիաների փոխանցման եվրասիական ցանց» նախագծի համակարգման հարցերով աշխատանքային խմբի