ՀՀ ՆԱԽԱԳԱՀԻ ՀՐԱՄԱՆԱԳԻՐԸ ԱԿՑԻԶԱՅԻՆ ՀԱՐԿԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ԱԿՑԻԶԱՅԻՆ ՀԱՐԿԻ ՄԱՍԻՆ

Ազատ գների և սակագների անցնելու կապակցությամբ և մինչև Հայաստանի Հանրապետության Գերագույն խորհրդի կողմից ակցիզային հարկի վերաբերյալ օրենքի ընդունումը, որոշում եմ.

1. 1992 թվականի փետրվարի 1-ից գինե-օղու արտադրանքի, շոկոլադի, ծխախոտի արտադրանքի, մարդատար ավտոմեքենաների ավտոդողերի, ոսկերչական արտադրանքի, մորթու և մորթեղենի, բարձրորակ ճենապակյա և բյուրեղապակյա արտադրանքի, գորգերի և գորգագործական արտադրանքի, բնական կաշվից հագուստի իրացումից գանձել ակցիզային հարկ:

2. Ակցիզային հարկ գանձել այն ձեռնարկություններից ու կազմակերպություններից, այդ թվում` օտարերկրյա ինվեստիցիաներով ձեռնարկություններից, ինչպես նաև ձեռնարկությունների` Հայաստանի Հանրապետության տարածքում գտնվող մասնաճյուղերից, բաժանմունքներից և այլ առանձնացված ստորաբաժանումներից, որոնք ինքնուրույն  արտադրում և իրացնում են ակցիզներով հարկվող ապրանքներ:

3. Սահմանել ակցիզային հարկի հետևյալ դրույքաչափերը.

Իրացված ապրանքների անվանումը	Դրույքաչափը տոկոսներով` իրացված ապրանքների գների նկատմամբ
Օղի	60
Լիկյոր-օղու արտադրանք	73
Խաղողի գինիներ	35
Կոնյակ	50
Շամպայն գինիներ	40
Շոկոլադ	34
Ծխախոտի արտադրանք`
1-ին կարգի սիգարետներ ֆիլտրով	38
2-րդ և 3-րդ կարգի սիգարետներ ֆիլտրով	20
4-րդ կարգի սիգարետներ ֆիլտրով	9
Մարդատար ավտոմեքենաների ավտոդողեր	57
Ոսկերչական արտադրանք (ներառյալ ադամանդներով իրեր)	10
Մորթի և մորթեղեն (բացի ոչխարի, ճագարի և շան մորթուց)	30
Բարձրորակ ճենապակյա և բյուրեղապակյա արտադրանք	40
Գորգեր և գորգագործական արտադրանք
(մեքենայական արտադրության),
ներառյալ` ժակկարդային երկշերտ կիսաբրդյա	15
Բնական կաշվից հագուստ	30

4. Հայաստանի Հանրապետության կառավարությանը` 5-օրյա ժամկետում ընդունել սույն հրամանագրի կիրարկումն ապահովող համապատասխան ակտեր:

5. Սույն հրամանագիրը ուժի մեջ է մտնում ստորագրման պահից:

Հայաստանի Հանրապետության նախագահ`	Լ. ՏԵՐ-ՊԵՏՐՈՍՅԱՆ
27 հունվարի 1992 թվականի, քաղ. Երևան