ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ԿԱՐԳԱԴՐՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻՑ ԾԱԳՈՂ ԱՊՐԱՆՔՆԵՐԻ՝ ՊԵՏԱԿԱՆ ԳՆՈՒՄՆԵՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ  

ԽՈՐՀՈՒՐԴ

Կ Ա Ր Գ Ա Դ Ր ՈՒ Թ Յ ՈՒ Ն

13 հուլիսի 2018 թվականի

թիվ 20

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻՑ ԾԱԳՈՂ ԱՊՐԱՆՔՆԵՐԻ՝ ՊԵՏԱԿԱՆ ԳՆՈՒՄՆԵՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ՄԱՍԻՆ

Ի կատարումն «Գնումների կարգավորման կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի 25-րդ հավելված) 30-րդ կետի և նշված պայմանագրի 28-րդ հոդվածի 1-ին կետի, Եվրասիական տնտեսական միության անդամ պետություններից ծագող ապրանքների՝ պետական գնումներին մասնակցելու թույլտվությունն ապահովելու նպատակներով.

1. Խնդրանքով դիմել Եվրասիական տնտեսական միության անդամ պետություններին՝ մինչև 2018 թվականի օգոստոսի 1-ը Եվրասիական տնտեսական հանձնաժողով ուղարկել Եվրասիական տնտեսական միության անդամ պետություններից ծագող այն առանձին ապրանքների թույլտվության վերաբերյալ առաջարկներ, որոնց մասով Եվրասիական տնտեսական միության անդամ պետություններում սահմանված են պետական գնումներին մասնակցելու թույլտվության արգելքներ:

2. Եվրասիական տնտեսական հանձնաժողովի կոլեգիային՝ մինչև 2018 թվականի սեպտեմբերի 1-ն անցկացնել խորհրդակցություններ՝ Եվրասիական տնտեսական միության անդամ պետությունների պետական իշխանության լիազորված մարմինների ներկայացուցիչների մասնակցությամբ՝ Եվրասիական տնտեսական միության անդամ պետությունների կողմից ներկայացված առաջարկները քննարկելու նպատակներով, և զեկուցել արդյունքների մասին Եվրասիական տնտեսական հանձնաժողովի խորհրդի հերթական նիստին:

3. Սույն կարգադրությունն ուժի մեջ է մտնում Եվրասիական տնտեսական միության պաշտոնական կայքում դրա հրապարակման օրվանից:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Վ. Մատյուշևսկի	Ա. Մամին	Ժ. Ռազակով	Ա. Սիլուանով