ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ԿԱՐԳԱԴՐՈՒԹՅՈՒՆԸ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԵՎ ԴՐԱ ԱՆԴԱՄ ՊԵՏՈՒԹՅՈՒՆՆԵՐԻ` ՄԻ ԿՈՂՄԻՑ, ԵՎ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ՄԻՋԵՎ՝ ՄՅՈՒՍ ԿՈՂՄԻՑ, ԱՌԵՎՏՐԱՏՆՏԵՍԱԿԱՆ ՀԱՄԱԳՈՐԾԱԿՑՈՒԹՅԱՆ ՄԱՍԻՆ» 2018 ԹՎԱԿԱՆԻ ՄԱՅԻՍԻ 17-Ի ՀԱՄԱՁԱՅՆԱԳՐԻ ԻՐԱԳՈՐԾՄԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

Կ Ա Ր Գ Ա Դ Ր ՈՒ Թ Յ ՈՒ Ն

14 սեպտեմբերի 2018 թվականի

թիվ 28

քաղ. Մոսկվա

1. Հաստատել կից ներկայացվող՝ «Եվրասիական տնտեսական միության և դրա անդամ պետությունների` մի կողմից, և Չինաստանի Ժողովրդական Հանրապետության միջև՝ մյուս կողմից, առևտրատնտեսական համագործակցության մասին» 2018 թվականի մայիսի 17-ի համաձայնագրի իրագործմանն ուղղված միջոցառումների պլանը։

2. Դիմել Եվրասիական տնտեսական միության անդամ պետությունների կառավարություններին՝ արագացնել «Եվրասիական տնտեսական միության և դրա անդամ պետությունների` մի կողմից, և Չինաստանի Ժողովրդական Հանրապետության միջև՝ մյուս կողմից, առևտրատնտեսական համագործակցության մասին» 2018 թվականի մայիսի 17-ի համաձայնագիրն ուժի մեջ մտնելու համար անհրաժեշտ ներպետական ընթացակարգերի անցկացումն արագացնելու խնդրանքով՝ հաշվի առնելով նշված համաձայնագիրը Եվրասիական տնտեսական միության համար պարատադիր լինելու վերաբերյալ դրա համաձայնությունն արտահայտելու մասին ակտը Եվրասիական տնտեսական բարձրագույն խորհրդի քննարկմանը հնարավորինս կարճ ժամկետներում ներկայացնելու նպատակահարմարությունը։

3. Սույն կարգադրությունն ուժի մեջ է մտնում դրա ընդունման օրվանից։

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից`
Մ. Գրիգորյան	Ի. Պետրիշենկո	Ա. Մամին	Ժ. Ռազակով	Ա. Սիլուանով

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2018 թվականի սեպտեմբերի 14-ի թիվ 28 կարգադրությամբ

Միջոցառում	Կատարող		Ժամկետ
1. «Եվրասիական տնտեսական միության և դրա անդամ պետությունների` մի կողմից, և Չինաստանի Ժողովրդական Հանրապետության միջև՝ մյուս կողմից, առևտրատնտեսական համագործակցության մասին» 2018 թվականի մայիսի 17-ի համաձայնագիրը (այսուհետ՝ Համաձայնագիր) Եվրասիական տնտեսական միության (այսուհետ՝ Միություն) համար պարտադիր լինելու վերաբերյալ դրա համաձայնությունն արտահայտելու մասին Եվրասիական տնտեսական բարձրագույն խորհրդի ակտի նախագիծը սահմանված կարգով նախապատրաստելը	Եվրասիական տնտեսական հանձնաժողով (այսուհետ՝ Հանձնաժողով)		2018 թվականի հոկտեմբեր (հաշվի առնելով Համաձայնագիրն ուժի մեջ մտնելու համար անհրաժեշտ ներպետական ընթացակարգերն ավարտելը)
2. Համաձայնագիրը Միության համար պարտադիր լինելու վերաբերյալ դրա համաձայնությունն արտահայտելու մասին ակտի նախագիծը Եվրասիական տնտեսական բարձրագույն խորհրդի քննարկմանը ներկայացնելը	Հանձնաժողով, անդամ պետություններ		2018 թվականի դեկտեմբեր (Համաձայնագիրն ուժի մեջ մտնելու համար անհրաժեշտ ներպետական ընթացակարգերն ավարտելու պայմանով)
3. Համաձայնագիրն ուժի մեջ մտնելու համար անհրաժեշտ ընթացակարգերը Միության և անդամ պետությունների կողմից ավարտելու մասին ծանուցումը Չինական կողմին ուղարկելը	Հանձնաժողով		բոլոր համապատասխան ընթացակարգերն ավարտելու օրվանից 10 աշխատանքային օրվա ընթացքում
4. Չինական կողմին և անդամ պետություններին Համաձայնագիրն ուժի մեջ մտնելու ամսաթվի մասին ծանուցում ուղարկելը	Հանձնաժողով		Համաձայնագիրն ուժի մեջ մտնելու համար անհրաժեշտ ներպետական ընթացակարգերի կատարման մասին Չինական կողմից ծանուցում ստանալու օրվանից 3 աշխատանքային օրվա ընթացքում (եթե Միության կողմից համապատասխան ծանուցումը նախկինում արդեն ուղարկվել է Չինական կողմին), կամ Միության կողմից համապատասխան ծանուցում ստանալու մասին Չինական կողմից հայտագիր ստանալու օրվանից (եթե Միության կողմից ծանուցումն ուղարկվել է Չինական կողմից համապատասխան ծանուցումն ստանալուց հետո)
5. Հանձնաժողովի առևտրի հարցերով կոլեգիայի անդամին (նախարարին)՝ որպես Համատեղ հանձնաժողովի համանախագահ նշանակելու հարցը և Համատեղ հանձնաժողովում անդամ պետությունների ներկայացուցիչների կազմի վերաբերյալ առաջարկներն Առևտրի հարցերով խորհրդատվական կոմիտեի քննարկմանը ներկայացնելը (Համաձայնագրի 12.1-րդ հոդվածին համապատասխան)	Հանձնաժողով		Համաձայնագիրն ուժի մեջ մտնելու օրվանից 60 օրացուցային օրվանից ոչ ուշ
6. Չինական կողմին Համատեղ հանձնաժողովի համանախագահի վերաբերյալ տեղեկատվություն ուղարկելը (Համաձայնագրի 12.1-րդ հոդվածին համապատասխան)	Հանձնաժողով		Համաձայնագիրն ուժի մեջ մտնելու օրվանից 75 օրացուցային օրվանից ոչ ուշ
7. Համատեղ հանձնաժողովում Չինական կողմի ներկայացուցիչների թեկնածուների վերաբերյալ տեղեկատվությունը Հանձնաժողովում ստանալու մասին անդամ պետություններին ծանուցելը (Համաձայնագրի 12.1-րդ հոդվածին համապատասխան)	Հանձնաժողով		Չինական կողմի ծանուցումը ստանալու օրվանից հետո 5 աշխատանքային օրվանից ոչ ուշ
8. Միության կողմից կոնտակտային կետեր սահմանելու հարցը Հանձնաժողովի խորհրդի քննարկմանը ներկայացնելը	Հանձնաժողով		Համաձայնագիրն ուժի մեջ մտնելու օրվանից 60 օրացուցային օրվա ընթացքում
	անդամ պետություններ		Համաձայնագիրն ուժի մեջ մտնելու օրվանից 60 օրացուցային օրվա ընթացքում
9. Համաձայնագրի դրույթների իրագործման գծով կոնտակտային կետեր և լիազորված մարմիններ սահմանելը (նշանակելը) և հետևյալ տեղեկատվությունը Հանձնաժողով ուղարկելը՝   կոնտակտային կետերի անվանման և կոնտակտային տվյալների մասին (Համաձայնագրի 12.2-րդ հոդվածին համապատասխան).   տեխնիկական կանոնակարգման ոլորտում կոնտակտային կետերի անվանման ու կոնտակտային տվյալների և այդ կետերում համապատասխան պաշտոնատար անձանց մասին (Համաձայնագրի 4.9-րդ հոդվածի 2-րդ և 3-րդ կետերին համապատասխան).   սանիտարական և բուսասանիտարական կարգավորման ոլորտում կոնտակտային կետերի անվանման ու կոնտակտային տվյալների և այդ կետերում համապատասխան պաշտոնատար անձանց մասին (Համաձայնագրի 5.8-րդ հոդվածի 2-րդ կետին համապատասխան).   մաքսային կարգավորման ոլորտում տեղեկատվական կենտրոնների մասին (Համաձայնագրի 6.21-րդ հոդվածի 1-ին կետին համապատասխան).   մտավոր սեփականության օբյեկտների նկատմամբ իրավունքների պաշտպանության ոլորտում իրավասու մարմինների և կոնտակտային կետերի անվանման և կոնտակտային տվյալների մասին (Համաձայնագրի 7.27-րդ հոդվածի 1-ին կետին համապատասխան). մտավոր սեփականության օբյեկտների նկատմամբ իրավունքների խախտմամբ ապրանքների առևտրի վերաբերյալ տեղեկատվության փոխանակման համար նախատեսված կոնտակտային կետերի անվանման և կոնտակտային տվյալների մասին (Համաձայնագրի 7.25-րդ հոդվածի 7-րդ կետին համապատասխան).   պետական գնումների ոլորտում պաշտոնական հարցումների ուսումնասիրման համար նախատեսված կոնտակտային կետերի անվանման և կոնտակտային տվյալների մասին (Համաձայնագրի 9.3-րդ հոդվածին համապատասխան)
10. Չինական կողմին հետևյալ տեղեկատվությունն ուղարկելը՝   կոնտակտային կետերի անվանման և կոնտակտային տվյալների մասին (Համաձայնագրի 12.2-րդ հոդվածին համապատասխան).   տեխնիկական կանոնակարգման ոլորտում կոնտակտային կետերի անվանման ու կոնտակտային տվյալների և այդ կետերում համապատասխան պաշտոնատար անձանց մասին (Համաձայնագրի 4.9-րդ հոդվածի 2-րդ և 3-րդ կետերին համապատասխան).   սանիտարական և բուսասանիտարական կարգավորման ոլորտում կոնտակտային կետերի անվանման ու կոնտակտային տվյալների և այդ կետերում համապատասխան պաշտոնատար անձանց մասին (Համաձայնագրի 5.8-րդ հոդվածի 2-րդ կետին համապատասխան).   մաքսային կարգավորման ոլորտում տեղեկատվական կենտրոնների մասին (Համաձայնագրի 6.21-րդ հոդվածի 1-ին կետին համապատասխան).   մտավոր սեփականության օբյեկտների նկատմամբ իրավունքների պաշտպանության ոլորտում իրավասու մարմինների և կոնտակտային կետերի անվանման և կոնտակտային տվյալների մասին (Համաձայնագրի 7.27-րդ հոդվածի 1-ին կետին համապատասխան).   մտավոր սեփականության օբյեկտների նկատմամբ իրավունքների խախտմամբ ապրանքների առևտրի վերաբերյալ տեղեկատվության փոխանակման համար նախատեսված կոնտակտային կետերի անվանման և կոնտակտային տվյալների մասին (Համաձայնագրի 7.25-րդ հոդվածի 7-րդ կետին համապատասխան).   պետական գնումների ոլորտում պաշտոնական հարցումների ուսումնասիրման համար նախատեսված կոնտակտային կետերի անվանման և կոնտակտային տվյալների մասին (Համաձայնագրի 9.3-րդ հոդվածին համապատասխան)	Հանձնաժողով		Համաձայնագիրն ուժի մեջ մտնելու օրվանից 75 օրացուցային օրվա ընթացքում
11. Ներքին շուկայի պաշտպանության միջոցների և սուբսիդիաների շուրջ (Համաձայնագրի 3-րդ գլխի շրջանակներում) Չինական կողմի հետ փոխգործակցության համար լիազորված իրավասու մարմինների անվանման և կոնտակտային տվյալների մասին տեղեկատվությունը Հանձնաժողով ուղարկելը	անդամ պետություններ		Համաձայնագիրն ուժի մեջ մտնելու օրվանից 15 օրացուցային օրվա ընթացքում
12. Չինական կողմին հետևյալ տեղեկատվությունն ուղարկելը (Համաձայնագրի 3.6-րդ հոդվածի 1-ին կետին համապատասխան)՝   Միությունում առևտրի պաշտպանության միջոցների կիրառման մասով քննություն անցկացնող մարմնի անվանման և կոնտակտային տվյալների մասին.   սույն պլանի 11-րդ կետի համաձայն անդամ պետությունների կողմից տրամադրված տեղեկատվության հիման վրա՝ ներքին շուկայի պաշտպանության միջոցների և սուբսիդիաների շուրջ (Համաձայնագրի 3-րդ գլխի շրջանակներում) Չինական կողմի հետ փոխգործակցության համար լիազորված՝ անդամ պետությունների իրավասու մարմինների անվանման և կոնտակտային տվյալների մասին	Հանձնաժողով		Համաձայնագիրն ուժի մեջ մտնելու օրվանից 30 օրացուցային օրվա ընթացքում
13. Ներքին շուկայի պաշտպանության միջոցների կիրառումը կարգավորող՝ Միության ակտերի մասին տեղեկատվությունը Չինական կողմին ուղարկելը	Հանձնաժողով		Համաձայնագիրն ուժի մեջ մտնելու օրվանից 30 օրացուցային օրվա ընթացքում
14. Ապրանքների ծագման տեղանունների և աշխարհագրական նշումների պահպանման և պաշտպանության հարցերի շուրջ համագործակցության զարգացման վերաբերյալ առաջարկները Հանձնաժողով ուղարկելը (Համաձայնագրի 7.12-րդ հոդվածին համապատասխան)	անդամ պետություններ		Համաձայնագիրն ուժի մեջ մտնելու օրվանից 90 օրացուցային օրվա ընթացքում
15. «Ինտերնետ» տեղեկատվական-հեռահաղորդակցական ցանցում այն պաշտոնական կայքերի դոմենային հասցեների փոփոխման մասին Հանձնաժողովին տեղեկացնելը, որտեղ հրապարակվում է պետական գնումների ոլորտին առնչվող տեղեկատվությունը (Համաձայնագրի 9.2-րդ հոդվածին համապատասխան)	անդամ պետություններ		համապատասխան փոփոխության օրվանից 10 աշխատանքային օրվա ընթացքում
16. Անդամ պետություններից համապատասխան տեղեկատվություն ստանալու դեպքում «Ինտերնետ» տեղեկատվական- հեռահաղորդակցական ցանցում այն պաշտոնական կայքերի դոմենային հասցեների փոփոխման մասին Չինական կողմին տեղեկացնելը, որտեղ հրապարակվում է պետական գնումների ոլորտին առնչվող տեղեկատվությունը, և Չինական կողմից այդպիսի տեղեկատվություն ստանալու դեպքում անդամ պետություններին այդ մասին տեղեկացնելը (Համաձայնագրի 9.2-րդ հոդվածին համապատասխան)	Հանձնաժողով		համապատասխան տեղեկատվություն ստանալու օրվանից 10 աշխատանքային օրվա ընթացքում
17. Ենթակոմիտեների և աշխատանքային խմբերի ստեղծման մասին որոշում ընդունելը (անհրաժեշտության դեպքում), ճյուղային համագործակցության հարցերով ենթակոմիտեներում և աշխատանքային խմբերում ներկայացուցիչների թեկնածուներին որոշելը (Համաձայնագրի 10.4-րդ հոդվածին համապատասխան), այդ թվում՝   գյուղատնտեսություն (Հանձնաժողովի արդյունաբերության և ագրոարդյունաբերական համալիրի հարցերով կոլեգիայի անդամ (նախարար)).   էներգետիկա (Հանձնաժողովի էներգետիկայի և ենթակառուցվածքի հարցերով կոլեգիայի անդամ (նախարար)).   տրանսպորտ (Հանձնաժողովի էներգետիկայի և ենթակառուցվածքի հարցերով կոլեգիայի անդամ (նախարար)).   արդյունաբերական կոոպերացիա և տեխնոլոգիաներ ու նորարարություններ (Հանձնաժողովի արդյունաբերության և ագրոարդյունաբերական համալիրի հարցերով կոլեգիայի անդամ (նախարար)).   Տեղեկատվական-հեռահաղորդակցական ենթակառուցվածք (Հանձնաժողովի ներքին շուկաների, տեղեկատվայնացման, տեղեկատվական-հեռահաղորդակցական տեխնոլոգիաների հարցերով կոլեգիայի անդամ (նախարար)).   ֆինանսներ (Հանձնաժողովի տնտեսության և ֆինանսական քաղաքականության հարցերով կոլեգիայի անդամ (նախարար))	Հանձնաժողով, անդամ պետություններ		Համաձայնագրի գործողության ժամկետի ընթացքում
18. Ենթակոմիտեների և աշխատանքային խմբերի ստեղծման վերաբերյալ առաջարկները Համատեղ հանձնաժողով ուղարկելը (անհրաժեշտության դեպքում) (Համաձայնագրի 10.4-րդ հոդվածին համապատասխան)	Հանձնաժողով		Համաձայնագրի գործողության ժամկետի ընթացքում
19. Միության հետևյալ առաջարկների մշակումը՝   մաքսային համագործակցության և առևտրի ընթացակարգերի պարզեցման հարցերով ենթակոմիտեի օրակարգի ու խնդիրների վերաբերյալ (Համաձայնագրի 6.24-րդ հոդվածի 2-րդ կետին համապատասխան).   մաքսային համագործակցության և առևտրի ընթացակարգերի պարզեցման հարցերով ենթակոմիտեում Միության ներկայացուցիչների թեկնածուների վերաբերյալ (Համաձայնագրի 6.24-րդ հոդվածի 3-րդ կետին համապատասխան).	Հանձնաժողով, անդամ պետություններ		2019 թվականի ապրիլ
20. Չինական կողմին հետևյալ առաջարկներն ուղարկելը՝   մաքսային համագործակցության և առևտրի ընթացակարգերի պարզեցման հարցերով ենթակոմիտեի օրակարգի ու խնդիրների վերաբերյալ (Համաձայնագրի 6.24-րդ հոդվածի 2-րդ կետին համապատասխան).   մաքսային համագործակցության և առևտրի ընթացակարգերի պարզեցման հարցերով ենթակոմիտեում Միության ներկայացուցիչների թեկնածուների վերաբերյալ (Համաձայնագրի 6.24-րդ հոդվածի 3-րդ կետին համապատասխան)	Հանձնաժողով		առանձին պայմանավորվածության համաձայն
21. Միության հետևյալ առաջարկները մշակելը՝   էլեկտրոնային առևտրի ոլորտում սպառողների իրավունքների պաշտպանության հարցերով կոնտակտային խմբի օրակարգի ու խնդիրների վերաբերյալ.   էլեկտրոնային առևտրի ոլորտում սպառողների իրավունքների պաշտպանության հարցերով կոնտակտային խմբում Միության ներկայացուցիչների թեկնածուների վերաբերյալ (Համաձայնագրի 11.5-րդ հոդվածի 5-րդ կետին համապատասխան).   էլեկտրոնային առևտրի հարցերով ենթակոմիտեի օրակարգի և խնդիրների վերաբերյալ (Համաձայնագրի 11.7-րդ հոդվածին համապատասխան).   էլեկտրոնային առևտրի հարցերով ենթակոմիտեում Միության ներկայացուցիչների թեկնածուների վերաբերյալ (Համաձայնագրի 11.7-րդ հոդվածի 2-րդ կետին համապատասխան).	Հանձնաժողով, անդամ պետություններ		2019 թվականի ապրիլ
22. Չինական կողմին հետևյալ առաջարկներն ուղարկելը՝   էլեկտրոնային առևտրի ոլորտում սպառողների իրավունքների պաշտպանության հարցերով կոնտակտային խմբի օրակարգի ու խնդիրների վերաբերյալ.   էլեկտրոնային առևտրի ոլորտում սպառողների իրավունքների պաշտպանության հարցերով կոնտակտային խմբում Միության ներկայացուցիչների թեկնածուների վերաբերյալ (Համաձայնագրի 11.5-րդ հոդվածի 5-րդ կետին համապատասխան).   էլեկտրոնային առևտրի հարցերով ենթակոմիտեի ստեղծման վերաբերյալ. էլեկտրոնային առևտրի հարցերով ենթակոմիտեի օրակարգի ու խնդիրների վերաբերյալ. էլեկտրոնային առևտրի հարցերով ենթակոմիտեում Միության ներկայացուցիչների թեկնածուների վերաբերյալ (Համաձայնագրի 11.7-րդ հոդվածի 2-րդ կետին համապատասխան)	Հանձնաժողով		առանձին պայմանավորվածության համաձայն
23. Միության և Չինաստանի Ժողովրդական Հանրապետության մաքսային սահմանով տեղափոխվող ապրանքների և տրանսպորտային միջոցների մասին էլեկտրոնային տեղեկատվության փոխանակման վերաբերյալ համաձայնագրի կնքմանն ուղղված աշխատանք անցկացնելը (Համաձայնագրի 6.20-րդ հոդվածին համապատասխան)	Հանձնաժողով, անդամ պետություններ	Համաձայնագիրն ուժի մեջ մտնելու օրվանից
24. Ապրանքների ծագման ոչ առանձնաշնորհային սերտիֆիկատների տրամադրման համար լիազորված մարմինների անվանումների ու հասցեների վերաբերյալ տեղեկությունները, ինչպես նաև ապրանքների ծագման ոչ առանձնաշնորհային սերտիֆիկատների վերիֆիկացման համար լիազորված՝ անդամ պետությունների մարմինների անվանումների ու հասցեների մասին տեղեկությունները Հանձնաժողով ուղարկելը (Համաձայնագրի 6.12-րդ հոդվածին համապատասխան)	անդամ պետություններ	Համաձայնագիրն ուժի մեջ մտնելու օրվանից 90 օրացուցային օրվա ընթացքում
25. Ապրանքների ծագման ոչ առանձնաշնորհային սերտիֆիկատների տրամադրման համար լիազորված մարմինների անվանումների ու հասցեների վերաբերյալ տեղեկությունները, ինչպես նաև ապրանքների ծագման ոչ առանձնաշնորհային սերտիֆիկատների վերիֆիկացման համար լիազորված՝ անդամ պետությունների մարմինների անվանումների ու հասցեների մասին տեղեկությունները Չինական կողմին ուղարկելը (Համաձայնագրի 6.12-րդ հոդվածին համապատասխան)	Հանձնաժողով	անդամ պետություններից համապատասխան տեղեկատվությունն ստանալու օրվանից 10 աշխատանքային օրվա ընթացքում
26. Չինական կողմի՝ ապրանքների ծագման ոչ առանձնաշնորհային սերտիֆիկատների տրամադրման համար լիազորված մարմինների անվանումների ու հասցեների վերաբերյալ Չինական կողմից ստացված տեղեկությունները, ինչպես նաև Չինական կողմի՝ ապրանքների ծագման ոչ առանձնաշնորհային սերտիֆիկատների վերիֆիկացման համար լիազորված մարմինների անվանումների ու հասցեների վերաբերյալ տեղեկություններն անդամ պետություններին ուղարկելը (Համաձայնագրի 6.12-րդ հոդվածին համապատասխան)	Հանձնաժողով	Չինական կողմից համապատասխան տեղեկատվությունն ստանալու օրվանից 10 աշխատանքային օրվա ընթացքում
27. 2018 թվականին «Եվրասիական շաբաթ» ցուցահանդեսային ֆորումի անցկացման շրջանակներում անդամ պետությունների ու Չինական կողմի միջև առևտրատնտեսական համագործակցության ամրապնդման հարցերի շուրջ միջոցառումներ կազմակերպելը	Հանձնաժողով, անդամ պետություններ	2018 թվականի հոկտեմբեր
28. Անդամ պետությունների գործարար համայնքներին տեղեկացնելը և Չինաստանի Ժողովրդական Հանրապետության տարածքում ներմուծվող ապրանքների և ծառայությունների 1-ին միջազգային ցուցահանդեսին (2018 թվականի նոյեմբերի 5-10) դրանց ներկայացուցիչների մասնակցությանն աջակցելը	Հանձնաժողով, անդամ պետություններ	2018 թվականի սեպտեմբեր - հոկտեմբեր