ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Հ Ա Ն Ձ Ն Ա Ր Ա Ր Ա Կ Ա Ն

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ԱՐԴՅՈՒՆԱԲԵՐԱԿԱՆ ՀԱՄԱԳՈՐԾԱԿՑՈՒԹՅԱՆ ԹՎԱՅԻՆ ՓՈԽԱԿԵՐՊՄԱՆ ԵՎ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻ ԱՐԴՅՈՒՆԱԲԵՐՈՒԹՅԱՆ ԹՎԱՅԻՆ ՓՈԽԱԿԵՐՊՄԱՆ ՀԱՄԱՐ ՊԱՅՄԱՆՆԵՐԻ ՍՏԵՂԾՄԱՆ ՎԵՐԱԲԵՐՅԱԼ ՀԱՅԵՑԱԿԱՐԳԻ ՄԱՍԻՆ

Եվրասիական տնտեսական հանձնաժողովի խորհուրդը Եվրասիական տնտեսական միության մասին 2014 թվականի մայիսի 29-ի պայմանագրի 92-ր հոդվածի 11-րդ կետին, Արդյունաբերական համագործակցության մասին արձանագրության (նշված Պայմանագրի հավելված 27) 2-րդ կետին, Եվրասիական միջկառավարական խորհրդի 2015 թվականի սեպտեմբերի 8-ի թիվ 9 որոշմամբ հաստատված՝ Եվրասիական տնտեսական միության շրջանակներում արդյունաբերական համագործակցության հիմնական ուղղությունների 2.6-րդ և 4.4.1-րդ ենթակետերին, Եվրասիական տնտեսական հանձնաժողովի խորհրդի 2016 թվականի մարտի 17-ի թիվ 17 որոշմամբ հաստատված՝ Եվրասիական տնտեսական միության շրջանակներում արդյունաբերական համագործակցության հիմնական ուղղությունների իրականացման մասով ակտերի և միջոցառումների մշակման ծրագրի 25-րդ կետին և Եվրասիական տնտեսական բարձրագույն խորհրդի 2017 թվականի հոկտեմբերի 11-ի թիվ 12 որոշմամբ հաստատված՝ Եվրասիական տնտեսական միության մինչև 2025 թվականը թվային օրակարգի իրականացման հիմնական ուղղություններին համապատասխան,

հանձնարարում է Եվրասիական տնտեսական միության անդամ պետություններին (այսուհետ համապատասխանաբար՝ Միություն, անդամ պետություններ) Միության պաշտոնական կայքում սույն հանձնարարականի հրապարակման օրվանից.

1. Իրականացնել համաձայն հավելվածի՝ թվային արդյունաբերական կոոպերացիայի, Միության շրջանակներում արդյունաբերական կոոպերացիայի թվային փոխակերպման և անդամ պետությունների արդյունաբերության թվային փոխակերպման զարգացման ապահովումը՝ Եվրասիական տնտեսական միության մինչև 2025 թվականը թվային օրակարգի իրականացման հիմնական ուղղություններին և Եվրասիական տնտեսական միության շրջանակներում արդյունաբերական համագործակցության թվային փոխակերպման և Միության անդամ պետությունների արդյունաբերության թվային փոխակերպման համար պայմանների ստեղծման հայեցակարգին համապատասխան:

2. Եվրասիական տնտեսական հանձնաժողովի հետ համատեղ իրականացնել Միության շրջանակներում արդյունաբերական համագործակցության թվային փոխակերպման և անդամ պետությունների արդյունաբերության թվային փոխակերպման իրականացման համար անհրաժեշտ ընդհանուր տեղեկատվական ռեսուրսների ձևավորումը և Միության ինտեգրված տեղեկատվական համակարգի օգտագործմամբ անցկացնել դրա հետագա ինտեգրումը:

3. Մինչև 2019 թվականի ապրիլի 1-ը Եվրասիական տնտեսական հանձնաժողով ուղարկել.

ա) եվրասիական թվային հարթակի ստեղծման մասով առաջարկությունները և Միության շրջանակներում թվային արդյունաբերական կոոպերացիայի իրականացման մասով նախաձեռնությունների ու նախագծերի ցանկը.

բ) Միության շրջանակներում արդյունաբերական համագործակցության թվային փոխակերպման և անդամ պետությունների արդյունաբերության թվային փոխակերպման իրականացման համար անհրաժեշտ ընդհանուր տեղեկատվական ռեսուրսների կազմի և բնութագրերի վերաբերյալ առաջարկությունները:

Եվրասիական տնտեսական հանձնաժողովի խորհրդի անդամներ՝

ՀԱՅԵՑԱԿԱՐԳ

Եվրասիական տնտեսական միության շրջանակներում արդյունաբերական համագործակցության թվային փոխակերպման և Միության անդամ պետությունների արդյունաբերության թվային փոխակերպման համար պայմանների ստեղծման

I. Ընդհանուր դրույթներ

1. Սույն հայեցակարգը մշակվել է Եվրասիական միջկառավարական խորհրդի 2015 թվականի սեպտեմբերի 8-ի թիվ 9 որոշմամբ հաստատված՝ Եվրասիական տնտեսական միության շրջանակներում արդյունաբերական համագործակցության հիմնական ուղղությունների 2.6-րդ և 4.4.1-րդ ենթակետերի, Եվրասիական տնտեսական հանձնաժողովի խորհրդի 2016 թվականի մարտի 17-ի թիվ 17 որոշմամբ հաստատված՝ Եվրասիական տնտեսական միության շրջանակներում արդյունաբերական համագործակցության հիմնական ուղղությունների իրականացման մասով ակտերի և միջոցառումների մշակման ծրագրի 25-րդ կետի և Եվրասիական տնտեսական բարձրագույն խորհրդի 2017 թվականի հոկտեմբերի 11-ի թիվ 12 որոշմամբ հաստատված՝ Եվրասիական տնտեսական միության մինչև 2025 թվականը թվային օրակարգի իրականացման հիմնական ուղղությունների իրականացման նպատակով:

Սույն Հայեցակարգով նկարագրվում է Եվրասիական տնտեսական միության (այսուհետ՝ Միություն) շրջանակներում արդյունաբերական համագործակցության թվային փոխակերպման և Միության անդամ պետությունների (այսուհետ՝ անդամ պետություններ) արդյունաբերության թվային փոխակերպման համար պայմանների ստեղծման նպատակները, խնդիրները, սկզբունքները և մեխանիզմները:

2. Արդյունաբերական համագործակցության թվային փոխակերպումը և արդյունաբերական թվային փոխակերպումը իրենից ներկայացնում են արդյունաբերական համագործակցության զարգացմանը և արդյունաբերության թվային փոխակերպման համար պայմանների ստեղծմանն ուղղված համալիր միջոցառումների իրականացում նախատեսվող նախագիծ, ինչպես նաև անդամ պետությունների տնտեսությունները տեխնոլոգիական զարգացման առավել բարձր մակարդակի հասցնելու զարգացման փուլ:

3. Սույն հայեցակարգի նպատակներով օգտագործվում են հասկացություններ, որոնք նշանակում են հետևյալը.

«եվրասիական թվային հարթակ»՝ թվային հարթակ, որն իրենից ներկայացնում է այդ թվում արդյունաբերական կոոպերացիայի ոլորտում զգալի քանակի տնտեսավարող սուբյեկտների կողմից թվային գործընթացների, ռեսուրսների և ծառայությունների օգտագործման հնարավորությանը աջակցող և դրանց «անկար» փոխգործակցության հնարավորությունն ապահովող միջոցների ամբողջություն.

«արդյունաբերական համագործակցության թվային փոխակերպում»՝ արդյունաբերական արտադրանքի մշակման, արտադրության և սպասարկման ու արդյունաբերության ոլորտում ծառայությունների տրամադրման հարցերով տնտեսավարող սուբյեկտների փոխգործակցության ավանդական ձևերից թվային հարթակների օգտագործմամբ փոխգործակցությանը անցում արտացոլող գործընթաց.

«արդյունաբերության թվային փոխակերպում»՝ արդյունավետության և մրցունակության բարձրացման նպատակով թվային և տեղակատվական-հաղորդակցական տեխնոլոգիաների լայնամասշտաբ օգտագործման միջոցով արդյունաբերական հատվածի մեկ տեխնոլոգիական կացութաձևից մյուսին անցումն արտացոլող գործընթաց:

Սույն հայեցակարգում օգտագործվող այլ հասկացությունները կիրառվում են Եվրասիական տնտեսական միության մասին 2014 թվականի մայիսի 29-ի պայմանագրով և Եվրասիական տնտեսական միության մինչև 2025 թվականը թվային օրակարգի իրականացման հիմնական ուղղություններով սահմանվող իմաստներով:

II. Արդյունաբերական համագործակցության թվային փոխակերպման և արդյունաբերության թվային փոխակերպման նպատակները և խնդիրները

4. Սույն Հայեցակարգի նպատակներն են.

ա) արդյունաբերությունում ինտեգրացիոն համագործակցության ձևավորված մեխանիզմների արդիականացումը՝ հաշվի առնելով անդամ պետություններում արդյունաբերությունում թվայնացման մասով իրականացվող ազգային օրակարգերը.

բ) արդյունաբերության թվային փոխակերպման ապահովման ռազմավարությունների և գործիքակազմի որոշման մասով հանձնարարականների մշակումը:

5. Արդյունաբերական համագործակցության թվային փոխակերպման և արդյունաբերության թվային փոխակերպման հիմնական խնդիրներն են.

ա) Միության շրջանակներում արդյունաբերական համագործակցության և արդյունաբերական կոոպերացիայի զարգացմանը նպաստող տեղեկատվական ռեսուրսների և մեխանիզմների ստեղծումը.

բ) արդյունաբերության ճյուղերի, արտադրական, կառավարման և ապահովող գործընթացների թվայնացմանն աջակցելը.

գ) արդյունաբերության ճյուղերում թվային հարթակների կիրառմանը աջակցությունը, արտադրական գործընթացների ավտոմատացման հաշվին աշխատանքի արտադրողականության և արտադրական ռեսուրսների օգտագործման արդյունավետության բարձրացումը.

դ) արտադրական գործընթացներում տեղեկատվական համակարգերի, թվային հարթակների կիրառման միջոցով արտադրական անվտանգության մակարդակի բարձրացումը.

ե) նոր կազմակերպչական սկզբունքների և ժամանակակից տեխնոլոգիական բազայի հիման վրա արդյունաբերության հեռանկարային կառուցվածքի ձևավորումը.

զ) արդյունաբերության թվային փոխակերպման գործիքների համակարգի ձևավորումը:

III. Սկզբունքներ, որոնց հիման վրա իրականացվում է արդյունաբերական համագործակցության թվային փոխակերպումը և արդյունաբերության թվային փոխակերպումը

6. Արդյունաբերական համագործակցության թվային փոխակերպումը և արդյունաբերության թվային փոխակերպումն իրականացվում են անդամ պետությունների կողմից հետևյալ սկզբունքների հիման վրա.

ա) արդյունաբերական համագործակցության թվային փոխակերպման և արդյունաբերության թվային փոխակերպման գործընթացների մշակման և համակարգման դեպքում համակարգայնությունը.

բ) որպես արդյունաբերական համագործակցության թվային փոխակերպման և արդյունաբերության թվային փոխակերպման կազմակերպիչներ և համակարգողներ անդամ պետությունների բիզնես համայնքների հետ գործընկերությամբ պետական մարմինների ղեկավար դերը.

գ) արդյունաբերության թվային փոխակերպման նախագծեր իրականացնելիս պետական- մասնավոր գործընկերության մեխանիզմների կիրառումը.

դ) արդյունաբերության թվային փոխակերպման գործընթացների՝ տվյալ ոլորտում Միության քաղաքականության, ինչպես նաև առանցքային համաշխարհային միտումների հետ համակարգվածությունը.

ե) արդյունաբերական համագործակցության թվային փոխակերպման և արդյունաբերության թվային փոխակերպման մասով մոտեցումների, հայեցակարգերի և նախագծերի գիտական մշակումը.

զ) ազգային տնտեսությունների ռեսուրսային հնարավորությունների հաշվառումը.

է) արդյունաբերական համագործակցության թվային փոխակերպման և արդյունաբերության թվային փոխակերպման նախագծերի արդյունարարության ցուցիչներ համարվող՝ ժամանակային, ֆինանսական, կազմակերպչական ծախսերի օպտիմալացումը, ավելացված արժեքի բարձրացումը.

ը) թվային առևտրի, լոգիստիկայի և տրանսպորտի ու տնտեսության այլ ճյուղերում ցանցային կառուցվածքների և թվային էկոհամակարգերի հետ միջհատվածային ինտեգրումը:

IV. Արդյունաբերական համագործակցության թվային փոխակերպման և արդյունաբերության թվային փոխակերպման հիմնական գործիքներն են

7. Արդյունաբերական համագործակցության թվային փոխակերպումը և արդյունաբերության թվային փոխակերպումն իրականացվում են արդյունաբերական կոոպերացիայի և սուբկոնտրակտացիայի եվրասիական ցանցի, տեխնոլոգիաների փոխանցման եվրասիական ցանցի և եվրասիական տեխնոլոգիական հարթակների հետ փոխգործակցությամբ եվրասիական թվային հարթակի և Միության ինտեգրված տեղեկատվական համակարգի ծառայությունների օգտագործմամբ:

Եվրասիական թվային հարթակը կարող է ձևավորվել միջպետական ծրագրերի (նախագծերի) իրականացման շրջանակներում Եվրասիական միջկառավարական խորհրդի 2018 թվականի փետրվարի 2-ի թիվ 1 որոշման համապատասխան, ինչպես նաև Եվրասիական միջկառավարական խորհրդի 2017 թվականի հոկտեմբերի 25-ի թիվ 4 որոշմամբ հաստատված՝ Եվրասիական տնտեսական միության թվային օրակարգի իրականացման շրջանակներում նախաձեռնությունների մշակման կարգին համապատասխան:

8. Արդյունաբերության թվային փոխակերպման համար պայմանների ստեղծման նպատակով հանձնարարվում է հետևյալ միջոցառումների անցկացումը.

ա) արդյունաբերական ձեռնարկությունների, արդյունաբերական համալիրների, արդյունաբերության ճյուղերի, արդյունաբերական-նորարարական ենթակառուցվածքի գնահատման և վարկանշային համակարգի ստեղծումը՝ ելնելով արդյունաբերության թվային փոխակերպումից.

բ) արդյունաբերության թվային փոխակերպման ընթացքում համակարգային հիմնախնդիրների բացահայտումը.

գ) լավագույն գործելակերպերի և թվային արդյունաբերական տեխնոլոգիաների ներդրումը.

դ) արդյունաբերության թվային փոխակերպման հարցերի շուրջ երրորդ երկրների հետ համագործակցության հաստատումը.

ե) արդյունաբերությունում թվային հարթակների ներդրման խթանման ֆինանսական գործիքների սահմանումը.

զ) անդամ պետությունների բիզնես համայնքների միջև փոխգործակցության խթանումը.

է) անդամ պետությունների արդյունաբերական արտադրանքի կատալոգիզացման համակարգի ստեղծումը:

9. Արդյունաբերական համագործակցության թվային փոխակերպման և արդյունաբերության թվային փոխակերպման համար հանձնարարվում է.

ա) արտադրանքի ստանդարտացման, կատալոգիզացման և նույնականացման, տեղեկատվության փոխանակումը սահմանող տեխնիկական մասնագրերի, ինչպես նաև անդամ պետությունների՝ որակի ենթակառուցվածքների և չափագիտական ենթակառուցվածքների, ներառյալ չափիչ տեխնոլոգիաների.

բ) տեղեկատվական-հաղորդակցական ենթակառուցվածքի (լայնաշերտ ինտերնետի).

գ) տեղեկատվական անվտանգության և տվյալների պաշտպանության.

դ) արտադրական գործընթացի տարրերի էլեկտրոնային նույնականացման միջոցների և համակարգերի (տեխնոլոգիաների) և հետագծման.

ե) կիբերֆիզիկական համակարգերի, ներառյալ ռոբոտացված համալիրներ (ինքնավար ռոբոտներ), սենսորներ և տվիչներ, որոնք ապահովում են արտադրական-տեխնոլոգիական գործընթացների վերահսկողությունը և մոնիթորինգը իրական ժամանակի ռեժիմում, ծառայությանը կողմնորոշված ճարտարապետության, ցանցային ենթակառուցվածքի (տվյալների փոխանակման համար միջավայրի), իրական ժամանակի ռեժիմում մոնիթրինգի և կառավարման համար կիրառական ծրագրային ապահովումը.

զ) ադիտիվ արտադրության.

է) արդյունաբերական «իրերի ինտերնետի» տեխնոլոգիաների. «իրերի ինտերնետի» արդյունաբերական հարթակների, միջմեքենայական փոխգործակցության, շարժական հարթակների և «իրերի ինտերնետի» համար անլար կապի (ռադիոհաճախությունների ընդգրկույթների և կապի հաղորդակարգերի) ոլորտում տեխնոլոգիական լուծումների ստանդարտացման, նշված նպատակներով ռադիոհաճախությունների գոտիների (ռադիոհաճախային ուղիների) հատկացման.

ը) արդյունաբերության թվային փոխակերպման ներուժն ուժեղացնող թվային տեխնոլոգիաների. 3D մոդելավորման և նախատիպավորման, ամպային հաշվարկումների և ամպային ենթակառուցվածքների, բլոքչեյն-տեխնոլոգիաների (ներառյալ սմարթ-պայմանագրերը), մեծ տվյալների և դրանց անալիտիկայի, լրացված և վիրտուալ իրականության, արհեստական բանականության, թվային В2В և В2С հարթակների («բիզնես բիզնեսի համար», «բիզնես սպառողի համար»).

թ) ընդհանուր ճարտարապետության և ապահովող ենթակառուցվածքի հիման վրա թվային հարթակների և էկոհամակարգերի.

ժ) արդյունաբերությունում այլ թվային տեխնոլոգիաների զարգացումը:

V. Արդյունաբերական համագործակցության թվային փոխակերպման և արդյունաբերության թվային փոխակերպման իրականացման փուլերը

10. Արդյունաբերական համագործակցության թվային փոխակերպումը և արդյունաբերության թվային փոխակերպումն իրականացվում են փուլ առ փուլ.

ա) առաջին փուլ (2019 – 2020 թվականներ)՝ ընդհանուր տեղեկատվական ռեսուրսների մշակումը և գործարկումը, ներառյալ արդյունաբերական կոոպերացիայի և սուբկոնտրակտացիայի եվրասիական ցանցի արդյունաբերական ձեռնարկությունների միասնական ռեեստրը և տեխնոլոգիաների փոխանցման եվրասիական ցանցից օգտվողների մասին տեղեկություններ պարունակող միասնական ռեեստրը.

բ) երկրորդ փուլ (մինչև 2021 թվականը)՝ Միության շրջանակներում թվային արդյունաբերական կոոպերացիայի մի շարք նախաձեռնությունների և պիլոտային նախագծերի ձևավորումը և իրականացումը, եվրասիական թվային հարթակի ձևավորումը.

գ) երրորդ փուլ (մինչև 2025 թվականը)՝ եվրասիական թվային հարթակի լիամասշտաբ մշակումը և գործարկումը, պիլոտային մշակում անցած՝ Միության շրջանակներում թվային արդյունաբերական կոոպերացիայի նախագծերի իրականացումը:

VI. Արդյունաբերական համագործակցության թվային փոխակերպման և արդյունաբերության թվային փոխակերպման պայմանների ստեղծումը

11. Արդյունաբերական համագործակցության թվային փոխակերպման և արդյունաբերության թվային փոխակերպման պայմանների ստեղծման նպատակով.

ա) սահմանել արդյունաբերության թվային փոխակերպման անցկացման համար պատասխանատու լիազորված մարմինները.

բ) պատրաստել անդամ պետություններում արդյունաբերության թվային փոխակերպման ոլորտում համալիր միջոցառումների կատարում նախատեսող ծրագրային-ռազմավարական փաստաթղթերը և ապահովել դրանց իրագործումը.

գ) կազմակերպել փոխգործակցությունը լիազորված մարմինների միջև.

դ) ապահովել անդամ պետությունների շահագրգիռ կազմակերպությունների մասնակցությամբ լիազորված մարմինների կողմից՝ արդյունաբերության թվային փոխակերպման ապահովմանն ուղղված նախաձեռնությունների և նախագծերի նախաձեռնումը և հետագա իրագործումը.

ե) ապահովել լիազորված մարմինների կողմից ինտեգրացիոն նախագծերի հիման վրա թվային փոխակերպման ոլորտում արդյունաբերական քաղաքականության ձևավորումը և անցկացումը.

զ) իրականացնել Միությունում թվային առևտրի, թվային լոգիստիկայի և թվային տրանսպորտային միջանցքների, թվային հետագծելիության խնդիրներն իրականացնող թվային հարթակների հետ եվրասիական թվային հարթակի ինտեգրումը:

12. Արդյունաբերական համագործակցության թվային փոխակերպման և արդյունաբերության թվային փոխակերպման համար պայմանները կարող են ստեղծվել համաձայն հավելվածի՝ մեխանիզմների կիրառման միջոցով:

VII. Արդյունաբերական համագործակցության թվային փոխակերպման և արդյունաբերության թվային փոխակերպման իրականացման մոնիթորինգը և վերլուծությունը

13. Արդյունաբերական համագործակցության թվային փոխակերպման և արդյունաբերության թվային փոխակերպման իրականացման մոնիթորինգը և վերլուծությունը անցկացվում է Հանձնաժողովի կողմից՝ անդամ պետությունների հետ համատեղ:

14. Արդյունաբերական համագործակցության թվային փոխակերպման և արդյունաբերության թվային փոխակերպման իրականացման մոնիթորինգով և վերլուծությամբ լուծվում են հետևյալ խնդիրները.

ա) արդյունաբերական համագործակցության թվային փոխակերպման և արդյունաբերության թվային փոխակերպման իրականացման խնդրահարույց հարցերի բացահայտումը և դրանց լուծման մասով առաջարկությունների պատրաստումը.

բ) գիտատեխնոլոգիական զարգացման, ապրանքային շուկաներում գների, արդյունաբերությունում ապրանքների և ծառայությունների շուկաների ծավալների կանխատեսումների, անդամ պետությունների արդյունաբերության մրցունակության վերլուծության հիման վրա արդյունաբերության թվային փոխակերպման համար անհրաժեշտ կրիտիկական տեխնոլոգիաները սահմանելը:

VIII. Արդյունաբերական համագործակցության թվային փոխակերպման և արդյունաբերության թվային փոխակերպման իրականացման համակարգումը

15. Հանձնաժողովն իրականացնում է արդյունաբերական համագործակցության թվային փոխակերպման և արդյունաբերության թվային փոխակերպման համար պայմանների ստեղծման ընթացքում համակարգում և անդամ պետություններին խորհրդատվական աջակցություն:

16. Հանձնաժողովը անդամ պետությունների հետ համագործակցությամբ ապահովում է Միության ինտեգրված տեղեկատվական համակարգի միջոցներով արդյունաբերական համագործակցության թվային փոխակերպման և արդյունաբերության թվային փոխակերպման իրականացման համար ստեղծվող ընդհանուր տեղեկատվական ռեսուրսների ձևավորման և օգտագործման համար նախատեսված՝ Միության շրջանակներում ընդհանուր գործընթացների իրականացումը:

17. Արդյունաբերական համագործակցության թվային փոխակերպումը և արդյունաբերության թվային փոխակերպումն իրականացվում են Միության շրջանակներում ընդհանուր գործընթացների, միջպետական ծրագրերի (նախագծերի) իրականացման, նախաձեռնությունների ձևավորման և մշակման, ինպես նաև Եվրասիական տնտեսական միության թվային օրակարգի իրականացման մինչև 2025 թվականը հիմնական ուղղությունների շրջանակներում նախագծերի իրականացման միջոցով:

ՄԵԽԱՆԻԶՄՆԵՐ

Եվրասիական տնտեսական միության շրջանակներում արդյունաբերական համագործակցության թվային փոխակերպման և Միության անդամ պետությունների արդյունաբերության թվային փոխակերպման համար պայմանների ստեղծման