ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ԿԱՐԳԱԴՐՈՒԹՅՈՒՆԸ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԵՎ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՆԵՐՈՎ ՏԵՂԱՓՈԽՎՈՂ ԱՊՐԱՆՔՆԵՐԻ ԵՎ ՄԻՋԱԶԳԱՅԻՆ ՓՈԽԱԴՐՈՒՄ ԻՐԱԿԱՆԱՑՆՈՂ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՓՈԽԱՆԱԿՄԱՆ ՄԱՍԻՆ» ՀԱՄԱՁԱՅՆԱԳՐԻ ՆԱԽԱԳԾԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ

1. Հավանություն տալ «Եվրասիական տնտեսական միության և Չինաստանի Ժողովրդական Հանրապետության մաքսային սահմաններով տեղափոխվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման մասին» համաձայնագրի նախագծին (կցվում է) և ուղարկել այն Եվրասիական տնտեսական միության անդամ պետություններ՝ ներպետական համաձայնեցում անցկացնելու համար։

2. Դիմել Եվրասիական տնտեսական միության անդամ պետություններին՝ Համաձայնագրի նախագծի` սույն կարգադրության 1-ին կետում նշված ներպետական համաձայնեցումն անցկացնելու արդյունքների մասին մինչև 2018 թվականի փետրվարի 20-ը Եվրասիական տնտեսական հանձնաժողովին տեղեկացնելու խնդրանքով։

3. Սույն Կարգադրությունն ուժի մեջ է մտնում դրա ընդունման օրը։

Նախագիծ

Եվրասիական տնտեսական միության անդամներ հանդիսացող Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը (այսուհետ՝ Եվրասիական տնտեսական միության անդամ պետություններ) և Եվրասիական տնտեսական միությունը՝ մի կողմից, և Չինաստանի Ժողովրդական Հանրապետությունը (ՉԺՀ)՝ մյուս կողմից, այսուհետ՝ Կողմեր՝

գիտակցելով առևտրի աջակցմանն ու անվտանգության ապահովմանն ուղղված համատեղ միջոցառումների անցկացման, Եվրասիական տնտեսական միության և ՉԺՀ-ի տնտեսական շահերի պաշտպանության, վարչական փոխգործակցության ոլորտում համագործակցության ամրապնդման, մաքսային գործի ոլորտում տեղեկատվության և փորձի փոխանակման անհրաժեշտությունը,

ձգտելով Եվրասիական տնտեսական միության և ՉԺՀ-ի մաքսային սահմաններով տեղափոխվող ապրանքների ու միջազգային փոխադրում իրականացնող տրանսպորտային միջոցների վերաբերյալ տեղեկատվության կանոնավոր փոխանակման միջոցով կանխարգելել, հայտնաբերել ու կանխել Եվրասիական տնտեսական միության իրավունքի մաս կազմող՝ մաքսային իրավահարաբերությունները կարգավորող միջազգային պայմանագրերի և ակտերի, Եվրասիական տնտեսական միության անդամ պետությունների օրենսդրության և ՉԺՀ-ի օրենսդրության խախտումները,

մտադրություն ունենալով պարզեցնելու մաքսային ընթացակարգերը, նպաստելու մաքսային գործառնությունների կատարման ու տեղափոխվող ապրանքների և միջազգային փոխադրում իրականացնող տրանսպորտային միջոցների մաքսային հսկողության անցկացման արագացմանը,

սատարելով Մետաքսի ճանապարհի տնտեսական գոտու կառուցման գործընթացների և Եվրասիական տնտեսական միության փոխադարձ կապակցման, ՉԺՀ-ի, Եվրասիական տնտեսական միության և Եվրոպայի միջև միջազգային լոգիստիկ ուղիների ստեղծման ջանքերը,

ղեկավարվելով միջազգային իրավունքի՝ համընդհանուր ճանաչում ունեցող սկզբունքներով և նորմերով,

համաձայնեցին հետևյալի մասին.

Հոդված 1

Սահմանումները

Սույն Համաձայնագրի նպատակներով օգտագործվում են հասկացություններ, որոնք ունեն հետևյալ իմաստը՝

«տեղեկատվություն»՝ տեղեկություններ, տվյալներ, փաստաթղթեր, հաշվետվություններ և գրություններ, որոնք ներկայացվում են էլեկտրոնային տեսքով՝ սույն Համաձայնագրին համապատասխան սահմանված՝ կառուցվածքին և ձևաչափին ներկայացվող պահանջների պահպանմամբ,

«խորհրդապահական տեղեկատվություն»՝ այն տեղեկատվության բոլոր տեսակները, որին առնչվելու հնարավորությունը, որի փոխանակումն ու տարածումը սահմանափակված են Կողմերի օրենսդրությանը համապատասխան,

«նշանակման երկիր»՝ ապրանքների ներմուծման մաքսային փաստաթղթերի ձևակերպման երկիր (տարածաշրջան),

«ուղարկող երկիր»՝ ապրանքների արտահանման մաքսային փաստաթղթերի ձևակերպման երկիր (տարածաշրջան),

«տարանցման երկիր»՝ ապրանքների տարանցիկ փոխադրման մաքսային փաստաթղթերի ձևակերպման երկիր (տարածաշրջան),

«Եվրասիական տնտեսական միության մաքսային տարածք՝» Եվրասիական տնտեսական միության անդամ պետությունների տարածքները, ինչպես նաև դրանց սահմաններից դուրս գտնվող այն արհեստական կղզիները, կառույցները, կայանքները և այլ օբյեկտներ, որոնց նկատմամբ Եվրասիական տնտեսական միության անդամ պետություններն ունեն բացառիկ իրավազորություն,

«ՉԺՀ-ի մաքսային տարածք»՝ տարածք, որտեղ կիրառվում է ՉԺՀ-ի մաքսային օրենսդրությունը,

«մաքսային փաստաթղթեր»՝ մաքսային հայտարարագիր և այլ փաստաթղթեր, որոնք կազմվում են բացառապես մաքսային գործառնությունների կատարման և մաքսային հսկողության անցկացման համար, ինչպես նաև մաքսային գործառնությունների կատարման ու մաքսային հսկողության անցկացման ընթացքում և դրանց արդյունքներով,

«ապրանք»՝ ցանկացած շարժական գույք, ապրանքներ և առարկաներ, որոնք ուղարկողի (ստացողի) կողմից Եվրասիական տնտեսական միության և ՉԺՀ-ի մաքսային սահմաններով տեղափոխվում են Կողմերի մաքսային օրենսդրությանը համապատասխան,

«միջազգային փոխադրում իրականացնող տրանսպորտային միջոցներ»՝ Կողմերի օրենսդրությանը համապատասխան սահմանվող տրանսպորտային միջոցներ, որոնք օգտագործվում են բեռների միջազգային փոխադրման համար:

Հոդված 2

Համաձայնագրի նպատակը

Սույն Համաձայնագրի նպատակը Եվրասիական տնտեսական միության և ՉԺՀ-ի մաքսային սահմաններով տեղափոխվող ապրանքների ու միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակմանն ուղղված համագործակցության կազմակերպումն է, որը հնարավորություն է տալիս ապահովելու՝

Եվրասիական տնտեսական միության և ՉԺՀ-ի մաքսային տարածքներ ներմուծվող ապրանքների, ինչպես նաև տարանցիկ կարգով տեղափոխվող ապրանքների մաքսային ձևակերպման ընթացակարգերի արագացումը.

ապրանքների և միջազգային փոխադրում իրականացնող տրանսպորտային միջոցների վերաբերյալ՝ տեղեկատվության փոխանակման ժամանակ ստացված տվյալների օգտագործումը՝ ռիսկերի կառավարման ոլորտում արդյունավետության բարձրացման և մաքսային հսկողության ձևերի կատարելագործման համար.

Եվրասիական տնտեսական միության և ՉԺՀ-ի մաքսային տարածքներ մաքսային հսկողությունից խուսափելու ճանապարհով պոտենցիալ վտանգավոր, տեղափոխման համար արգելված և սահմանափակված ապրանքների ներմուծման հետ կապված ռիսկերի և անվտանգության ապահովման ոլորտում Կողմերի շահերին առնչվող այլ ռիսկերի նվազեցումը:

Հոդված 3

Համաձայնագրի առարկան

1. Սույն Համաձայնագրի իրականացման շրջանակներում Կողմերն իրականացնելու են ավտոմոբիլային, երկաթուղային, օդային, ջրային (ծովային և գետային) տրանսպորտի տեսակներով Եվրասիական տնտեսական միության և ՉԺՀ-ի մաքսային սահմաններով տեղափոխվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակում:

2. Տեղեկատվության փոխանակումն իրականացվելու է փուլ առ փուլ՝ Կողմերի կողմից այն առանձին միջազգային պայմանագրերին համապատասխան տեխնիկական պատրաստվածության մակարդակին հասնելուն զուգընթաց, որոնք կնքվում են Եվրասիական տնտեսական միության անդամ պետությունների կենտրոնական մաքսային մարմինների և ՉԺՀ-ի գլխավոր մաքսային վարչության միջև, որոնք իրենց պետությունների օրենսդրության հիման վրա իրականացնում են պետական քաղաքականության, մաքսային գործի ոլորտում նորմատիվ ակտերի իրականացման գործառույթներ, ինչպես նաև մաքսային գործի ոլորտում հսկողության և վերահսկողության գործառույթներ՝ հաշվի առնելով սույն Համաձայնագրի դրույթները: Նշված միջազգային պայմանագրերից առաջինը պետք է ստորագրվի սույն Համաձայնագիրն ուժի մեջ մտնելու օրվանից հետո 12 ամիսը լրանալուց ոչ ուշ:

3. Սույն հոդվածի 2-րդ կետում նշված միջազգային պայմանագրերով սահմանվելու են այն ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկությունների ծավալն ու կազմը, որոնց մասով իրականացվելու է տեղեկատվության փոխանակումը՝ հաշվի առնելով սույն հոդվածի 6-8-րդ կետերը, սույն Համաձայնագրի 1-ին հավելվածը և Կողմերի կողմից սահմանված չափանիշները, այդ թվում՝ տեղափոխման ուղղությունները և եղանակները (տրանսպորտի տեսակները), ապրանքների խմբերը (ապրանքային դիրքերը), անցակետերը, ինչպես նաև ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման տեխնիկական պայմանները (տեղեկությունների կառուցվածքը և ձևաչափը, օգտագործվող դասակարգիչներն ու տեղեկագրքերը, փոխանակման կարգը և կանոնակարգը, փոխանակման եղանակները, տեղեկատվական փոխգործակցության կազմակերպման սխեման, տեղեկատվության փոխանակման ժամանակ անվտանգության ապահովմանը ներկայացվող պահանջները):

4. Կողմերը ձգտելու են ընդլայնել փոխանակման ենթակա տեղեկությունների ծավալն ու կազմը՝ հաշվի առնելով սույն հոդվածի 6-8-րդ կետերը և սույն Համաձայնագրի 2-րդ հավելվածը:

5. Այն տեղեկությունների կառուցվածքն ու ձևաչափը, որոնց փոխանակումն իրականացվում է սույն հոդվածի 2-րդ կետում նշված միջազգային պայմանագրերին համապատասխան, սահմանվում են՝ հաշվի առնելով միջազգային ստանդարտները, Միավորված ազգերի կազմակերպության Եվրոպական տնտեսական հանձնաժողովի և Համաշխարհային մաքսային կազմակերպության հանձնարարականները՝ տվյալների էլեկտրոնային փոխանակման ոլորտում:

6. Եվրասիական տնտեսական միության անդամ պետությունները տեղեկատվություն են տրամադրում այն ապրանքների և միջազգային փոխադրում իրականացնող տրանսպորտային միջոցների վերաբերյալ, որոնք Եվրասիական տնտեսական միության անդամ պետություններից արտահանվում են՝

ՉԺՀ,

երրորդ երկրներ (տարածաշրջաններ)՝ ՉԺՀ-ի մաքսային տարածքով տարանցմամբ:

7. ՉԺՀ-ն տեղեկատվություն է տրամադրում այն ապրանքների և միջազգային փոխադրում իրականացնող տրանսպորտային միջոցների վերաբերյալ, որոնք ՉԺՀ-ից արտահանվում են՝

Եվրասիական տնտեսական միության անդամ պետություններ,

երրորդ երկրներ (տարածաշրջաններ)՝ Եվրասիական տնտեսական միության մաքսային տարածքով տարանցմամբ:

8. Տեխնիկական պատրաստվածության մակարդակին հասնելուց հետո Եվրասիական տնտեսական միության անդամ պետությունները և ՉԺՀ-ն փոխանակելու են տեղեկատվություն այն ապրանքների և միջազգային փոխադրում իրականացնող տրանսպորտային միջոցների վերաբերյալ, որոնք երրորդ երկրներից (տարածաշրջաններից) տարանցիկ կարգով տեղափոխվում են՝

Եվրասիական տնտեսական միության անդամ պետություններ՝ ՉԺՀ-ի մաքսային տարածքով,

ՉԺՀ՝ Եվրասիական տնտեսական միության մաքսային տարածքով,

երրորդ երկրներ (տարածաշրջաններ)՝ Եվրասիական տնտեսական միության և ՉԺՀ-ի մաքսային տարածքներով:

9. Սույն Համաձայնագրի իրականացման շրջանակներում չի իրականացվում ֆիզիկական անձանց կողմից որպես անձնական օգտագործման ապրանքներ տեղափոխվող, ինչպես նաև միջազգային փոստային առաքանիներով ուղարկվող ապրանքների վերաբերյալ տեղեկատվության փոխանակում:

10. Սույն Համաձայնագրի իրականացման շրջանակներում չի իրականացվում Եվրասիական տնտեսական միության անդամ պետությունների օրենսդրությանը և ՉԺՀ-ի օրենսդրությանը համապատասխան պետական գաղտնիք (պետական գաղտնիքներ) կազմող տեղեկություններին վերաբերող տեղեկատվության փոխանակում:

Հոդված 4

Փոխգործակցության մեխանիզմը

1. Եվրասիական տնտեսական միության անդամ պետությունների կողմից սույն Համաձայնագրի շրջանակներում տեղեկատվության փոխանակման համար պատասխանատու լիազորված մարմինները կենտրոնական մաքսային մարմիններն են:

2. ՉԺՀ-ի կողմից սույն Համաձայնագրի շրջանակներում տեղեկատվության փոխանակման համար պատասխանատու լիազորված մարմինը ՉԺՀ-ի գլխավոր մաքսային վարչությունն է:

3. Եվրասիական տնտեսական հանձնաժողովն ապահովում է սույն Համաձայնագրի դրույթների իրականացման համակարգումը և նպաստում Եվրասիական տնտեսական միության ինտեգրացված տեղեկատվական համակարգի օգտագործմամբ տեղեկատվության փոխանակման իրականացմանը՝ հաշվի առնելով սույն Համաձայնագրի դրույթները:

4. Եթե Եվրասիական տնտեսական միության անդամ պետությունների մաքսային մարմինները հանդես են գալիս որպես ուղարկող երկրի կամ տարանցման երկրի մաքսային մարմիններ, ապա համապատասխան լիազորված մարմիններն ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվությունը փոխանցում են Եվրասիական տնտեսական միության ինտեգրացված տեղեկատվական համակարգ՝ ՉԺՀ-ի լիազորված մարմնին այն փոխանցելու համար:

5. Եթե ՉԺՀ-ի մաքսային մարմինները հանդես են գալիս որպես ուղարկող երկրի կամ տարանցման երկրի մաքսային մարմիններ, ապա ՉԺՀ-ի լիազորված մարմինն ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվությունը փոխանցում է Եվրասիական տնտեսական միության ինտեգրացված տեղեկատվական համակարգ՝ Եվրասիական տնտեսական միության անդամ պետությունների լիազորված մարմիններին այն փոխանցելու համար:

Հոդված 5

Տեղեկատվության փոխանակումը

1. Սույն Համաձայնագրի իրականացման շրջանակներում փոխանակման ենթակա՝ ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվությունը ձևավորվում է մաքսային փաստաթղթերում պարունակվող տեղեկությունների հիման վրա:

Այդպիսի տեղեկատվության փոխանակումն իրականացվում է էլեկտրոնային տեսքով կանոնավոր կերպով:

2. Տեղեկատվության փոխանակումն իրականացվում է ռուսերենով կամ չինարենով։

Առանձին վավերապայմանների մասով տեղեկությունները կարող են ներկայացվել լատիներեն այբուբենի կիրառմամբ:

Ծածկագրված տեսքով տրամադրվող տեղեկատվության փոխանցման դեպքում օգտագործվում են միջազգային ստանդարտների հիման վրա մշակված դասակարգիչներ և տեղեկագրքեր:

3. Սույն Համաձայնագրի իրականացման շրջանակներում տեղեկատվության փոխանակումն ապահովելու նպատակով Կողմերը կարդիականացնեն իրենց տեղեկատվական համակարգերը և նախօրոք կիրականացնեն տեղեկատվության փոխանակմանը պատրաստվելու համար անհրաժեշտ բոլոր տեխնիկական աշխատանքները:

Հոդված 6

Տեղեկատվության օգտագործումն ու պաշտպանությունը

1. Սույն Համաձայնագրի շրջանակներում ստացված տեղեկատվությունն օգտագործվում է Եվրասիական տնտեսական միության անդամ պետությունների և ՉԺՀ-ի՝ սույն Համաձայնագրի շրջանակներում տեղեկատվության փոխանակման համար պատասխանատու լիազորված մարմինների կողմից բացառապես մաքսային նպատակներով և ենթակա չէ փոխանցման այլ անձանց, այդ թվում՝ դատական ընթացակարգերում որպես ապացույց օգտագործվելու համար՝ առանց այդ տեղեկատվությունը տրամադրած լիազորված մարմնի գրավոր համաձայնության:

2. Եվրասիական տնտեսական միության անդամ պետությունների և ՉԺՀ-ի՝ սույն Համաձայնագրի շրջանակներում տեղեկատվություն ստացած լիազորված մարմիններն ապահովում են դրա պաշտպանությունը իրենց պետության օրենսդրությանը համապատասխան:

Հոդված 7

Փոխադարձ կապը այլ միջազգային պայմանագրերի հետ

Սույն Համաձայնագիրը կիրառվում է առանց հակասելու Կողմերի՝ այլ միջազգային պայմանագրերից բխող իրավունքներին և պարտավորություններին, որոնց մասնակիցն են իրենք։

Հոդված 8

Համաձայնագրի իրականացման հարցերով փոխգործակցությունը

1. Տարեկան մեկ անգամ Կողմերն անցկացնում են սույն Համաձայնագրի իրականացման հարցերի քննարկման աշխատանքային հանդիպում:

Անհրաժեշտության դեպքում խորհրդակցությունների միջոցով Կողմերը կարող են համաձայնեցնել լրացուցիչ աշխատանքային հանդիպումների անցկացումը:

2. Սույն Համաձայնագրի իրականացման հարցերի վերաբերյալ նամակագրությունն իրականացվում է ռուսերենով կամ չինարենով։

Հոդված 9

Տարաձայնությունների կարգավորումը

Սույն Համաձայնագրի իրականացման ընթացքում ծագած ցանկացած տարաձայնություն կարգավորվում է խորհրդակցությունների և բանակցությունների միջոցով:

Հոդված 10

Համաձայնագրում փոփոխություններ կատարելը

Կողմերի փոխադարձ համաձայնությամբ սույն Համաձայնագրում կարող են կատարվել փոփոխություններ, որոնք ձևակերպվում են առանձին արձանագրություններով և սույն Համաձայնագրի անբաժանելի մասն են կազմում։

Հոդված 11

Համաձայնագրին միանալը

Եվրասիական տնտեսական միությանը նոր պետության միանալու դեպքում այդ պետությունը միանում է սույն Համաձայնագրին: Համաձայնագրին նոր պետության միանալը ձևակերպվում է առանձին արձանագրությամբ:

Հոդված 12

Համաձայնագիրն ուժի մեջ մտնելը

Սույն Համաձայնագիրն ուժի մեջ է մտնում սույն Համաձայնագիրն ուժի մեջ մտնելու համար անհրաժեշտ ներպետական ընթացակարգերը Եվրասիական տնտեսական միության անդամ պետությունների և ՉԺՀ-ի կողմից կատարելու մասին վերջին գրավոր ծանուցումն ստանալու օրվանից սկսած 60 օրը լրանալուց հետո: Այդ ծանուցումների փոխանակումն իրականացվում է Եվրասիական տնտեսական հանձնաժողովի և ՉԺՀ-ի միջև:

Հոդված 13

Համաձայնագրի գործողության դադարեցումը

Կողմերից յուրաքանչյուրն իրավունք ունի դադարեցնելու սույն Համաձայնագրի գործողությունը մյուս Կողմին գրավոր ծանուցում ուղարկելու միջոցով։ Համաձայնագրի գործողությունը դադարում է մյուս Կողմի կողմից այդպիսի ծանուցումն ստանալու օրվանից սկսած 6 ամիսը լրանալուց հետո:

Կատարված է ________ քաղաքում, 201___ թվականի ________ «_____»-ին, ____ օրինակից՝ ռուսերենով և չինարենով, ընդ որում՝ երկու տեքստերն էլ հավասարազոր են:

Հայաստանի Հանրապետության կողմից	Չինաստանի Ժողովրդական Հանրապետության կողմից
Բելառուսի Հանրապետության կողմից
Ղազախստանի Հանրապետության կողմից
Ղրղզստանի Հանրապետության կողմից
Ռուսաստանի Դաշնության կողմից
Եվրասիական տնտեսական միության կողմից

ՀԱՎԵԼՎԱԾ ԹԻՎ 1 «Եվրասիական տնտեսական միության և Չինաստանի Ժողովրդական Հանրապետության մաքսային սահմաններով տեղափոխվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման մասին»  համաձայնագրի

Անվանումը	Նկարագրությունը
1. Տեղեկատվություն ապրանքային խմբաքանակի վերաբերյալ
1. Ապրանքային խմբաքանակի եզակի համարը	ապրանքների հայտարարագրի համարը
2. Ապրանքների անվանումների ընդհանուր քանակը	ապրանքային խմբաքանակում ապրանքների անվանումների քանակը (թվային արժեքը)
2. Տեղեկատվություն ապրանքները տեղափոխող կամ որպես ապրանքների տեղափոխման նախաձեռնող հանդես եկող անձանց վերաբերյալ
1. Ապրանքներն ուղարկողը	ուղարկողի երկրի՝ երկու պայմանանշանից կազմված ալֆա ծածկագիրը՝ ISO 3166 դասակարգչին համապատասխան։ Ուղարկողի ծածկագիրը, որը տրվել է Կողմի օրենսդրությանը համապատասխան (նշվում է ապրանքներն արտահանելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ուղարկող
2. Ապրանքներն ստացողը	ստացողի երկրի՝ երկու պայմանանշանից կազմված ալֆա ծածկագիրը՝ ISO 3166 դասակարգչին համապատասխան։ Ստացողի ծածկագիրը, որը տրվել է Կողմի օրենսդրությանը համապատասխան (նշվում է ապրանքները ներմուծելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ստացող
3. Ապրանքները փոխադրողը (առկայության դեպքում)	տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքները փոխադրող
3. Տեղեկատվություն միջազգային փոխադրում իրականացնող այն տրանսպորտային միջոցի (տրանսպորտային միջոցների) վերաբերյալ, որում ապրանքները գտնվել են մաքսային տարածքից մեկնելիս
1. Տրանսպորտային միջոցի համարը	ապրանքներն ավտոմոբիլային տրանսպորտով փոխադրելիս՝ տրանսպորտային միջոցների գրանցման համարները, ապրանքները երկաթուղային տրանսպորտով փոխադրելիս՝ երկաթուղային վագոնների (բաց վագոնների, ցիստեռնների և այլնի) համարները, ապրանքները ծովային (գետային) տրանսպորտով փոխադրելիս՝ նավերի անվանումները, ապրանքները օդային տրանսպորտով փոխադրելիս՝ չվերթների համարները
2. Տրանսպորտային միջոցի գրանցման երկրի ծածկագիրը	այն երկրի՝ երկու պայմանանշանից կազմված ալֆա ծածկագիրը, որտեղ գրանցված է տրանսպորտային միջոցը, իսկ եթե փոխադրումն իրականացնելիս օգտագործվում է տրանսպորտային միջոցների շարժակազմ՝ այն երկրինը, որտեղ գրանցվել է մյուս տրանսպորտային միջոցը (մյուս տրանսպորտային միջոցները) շարժման մեջ դնող տրանսպորտային միջոցը՝ ISO 3166 դասակարգչին համապատասխան
3. Բեռնարկղերի համարները	բեռնարկղերի նույնականացման համարները
4. Կցորդների համարները	կցորդների, կիսակցորդների և այլնի համարները (ավտոմոբիլային տրանսպորտի համար)
5. Տրանսպորտային միջոցի տեսակի ծածկագիրը	10՝ ծովային (գետային) տրանսպորտ, 20՝ երկաթուղային տրանսպորտ, 30՝ ավտոճանապարհային տրանսպորտ՝ բացառությամբ 31, 32 ծածկագրերով նշված տրանսպորտային միջոցների, 31՝ տրանսպորտային միջոցների շարժակազմ (քարշակ կիսակցորդով կամ կցորդով), 32՝ տրանսպորտային միջոցների շարժակազմ (քարշակ կցորդով (կցորդներով) և կիսակցորդով (կիսակցորդներով)), 40՝ օդային տրանսպորտ
6. Ելքի ամսաթիվը	ապրանքների մեկնման ամսաթիվը
7. Մաքսային կապարակնիքի համարը	մաքսային կապարակնիքի նույնականացման համարը
4. Տեղեկատվություն ապրանքների վերաբերյալ
1. Ապրանքի ծածկագիրը	դասակարգման ծածկագիրը՝ ըստ Ապրանքների նկարագրման և ծածկագրման ներդաշնակեցված համակարգի (6 նիշից ոչ պակաս)
2. Ապրանքների նկարագրությունը	ապրանքների անվանումը (առևտրային, կոմերցիոն կամ այլ ավանդական անվանում) և տեղեկություններ ապրանքային նշանների, մակնիշների, մոդելների, ապրանքատեսակների (արտիկուլների), սորտերի, ստանդարտների և այլ տեխնիկական ու առևտրային բնութագրերի վերաբերյալ, ինչպես նաև տեղեկություններ հայտարարագրվող ապրանքի քանակական և որակական կազմի վերաբերյալ (առկայության դեպքում)
3. Ապրանքի գինը (առկայության դեպքում)	ապրանքի գինը, որը նշված է հայտարարագրի մեջ (ներկայացվում է Կողմի օրենսդրությանը համապատասխան: ՉԺՀ-ն ներկայացնում է հայտարարատուի համաձայնության առկայության դեպքում)
4. Պայմանագրի գնի արժույթի ծածկագիրը	ISO 4217 դասակարգչին համապատասխան
5. Բեռնատեղիների ընդհանուր քանակը	նշվում է հայտարարագրվող ապրանքների բեռնատեղիների քանակը՝ մաքսային փաստաթղթերին համապատասխան
6. Ապրանքի համաքաշը (կգ)	ապրանքի ընդհանուր զանգվածը
7. Ապրանքի զտաքաշը (կգ)	հայտարարագրվող ապրանքի զանգվածը՝ առանց որևէ փաթեթվածքի
8. Փաթեթվածքների նկարագրությունը	քանակն ու տեսակը
5. Տեղեկատվություն ապրանքաուղեկից, տրանսպորտային և այլ փաստաթղթերի վերաբերյալ
1. Մատակարարման պայմանի ծածկագիրը, աշխարհագրական կետի անվանումը	մատակարարման պայմանների դասակարգչին համապատասխան մատակարարման պայմանների վերաբերյալ տեղեկությունները (Incoterms 2000 և Incoterms 2010) և աշխարհագրական կետի անվանումը, որոնք նշված են արտաքին առևտրային պայմանագրում
2. Արտաքին առևտրային պայմանագրի համարը	արտաքին առևտրային պայմանագրի համարը, որը նշված է հայտարարագրի մեջ
3. Տեղեկություններ տրանսպորտային (փոխադրման) փաստաթղթերի վերաբերյալ	տրանսպորտային (փոխադրման) փաստաթղթերի համարները և ամսաթվերը

ՀԱՎԵԼՎԱԾ ԹԻՎ 2 «Եվրասիական տնտեսական միության և Չինաստանի Ժողովրդական Հանրապետության մաքսային սահմաններով տեղափոխվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման մասին»  համաձայնագրի

Անվանումը	Նկարագրությունը
I. Եվրասիական տնտեսական միության անդամ պետությունների կողմից ՉԺՀ արտահանելիս (ապրանքների հայտարարագրից) և ՉԺՀ-ի կողմից Եվրասիական տնտեսական միության անդամ պետություններ արտահանելիս (մաքսային հայտարարագրից) ներկայացվող՝ ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության կազմը
1. Տեղեկատվություն ապրանքային խմբաքանակի վերաբերյալ
1. Ապրանքային խմբաքանակի եզակի համարը	ապրանքների հայտարարագրի համարը
2. Ապրանքների անվանումների ընդհանուր քանակը	ապրանքային խմբաքանակում ապրանքների անվանումների քանակը (թվային արժեքը)
3. Ապրանքներն ուղարկող երկրի ծածկագիրը	ապրանքներն ուղարկող երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
4. Ապրանքների նշանակման երկրի ծածկագիրը	ապրանքների նշանակման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
2. Տեղեկատվություն ապրանքները տեղափոխող կամ որպես այդ ապրանքների տեղափոխման նախաձեռնող հանդես եկող անձանց վերաբերյալ
1. Ապրանքներն ուղարկողը	ուղարկողի ծածկագիրը՝ տրված Կողմի օրենսդրությանը համապատասխան (նշվում է ապրանքներն արտահանելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ուղարկող
2. Ապրանքներն ուղարկողի հասցեն	ուղարկողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ուղարկողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
3. Ապրանքներն ստացողը	ստացողի ծածկագիրը՝ տրված Կողմի օրենսդրությանը համապատասխան (նշվում է ապրանքները ներմուծելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ստացող
4. Ապրանքներն ստացողի հասցեն	ստացողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ստացողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
5. Ապրանքները փոխադրողը	փոխադրողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքները փոխադրող
6. Ապրանքները փոխադրողի հասցեն	փոխադրողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ապրանքները փոխադրողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
7. Տեղեկատվական բնույթի տեղեկություններ	ցանկացած լրացուցիչ տեղեկատվություն
3. Տեղեկատվություն միջազգային փոխադրում իրականացնող այն տրանսպորտային միջոցի (տրանսպորտային միջոցների) վերաբերյալ, որում ապրանքները գտնվել են մաքսային տարածքից մեկնելիս
1. Տրանսպորտային միջոցի համարը	ապրանքներն ավտոմոբիլային տրանսպորտով փոխադրելիս՝ տրանսպորտային միջոցների գրանցման համարները, ապրանքները երկաթուղային տրանսպորտով փոխադրելիս՝ երկաթուղային վագոնների (բաց վագոնների, ցիստեռնների և այլնի) համարները, ապրանքները ծովային (գետային) տրանսպորտով փոխադրելիս՝ նավերի անվանումները, ապրանքները օդային տրանսպորտով փոխադրելիս՝ չվերթների համարները
2. Բեռնարկղերի համարները	բեռնարկղերի նույնականացման համարները
3. Կցորդների համարները	կցորդների, կիսակցորդների և այլնի համարները (ավտոմոբիլային տրանսպորտի համար)
4. Տրանսպորտային միջոցի տեսակի ծածկագիրը	10՝ ծովային (գետային) տրանսպորտ, 20՝ երկաթուղային տրանսպորտ, 30՝ ավտոճանապարհային տրանսպորտ՝ բացառությամբ 31, 32 ծածկագրերով նշված տրանսպորտային միջոցների, 31՝ տրանսպորտային միջոցների շարժակազմ (քարշակ կիսակցորդով կամ կցորդով), 32՝ տրանսպորտային միջոցների շարժակազմ (քարշակ կցորդով (կցորդներով) և կիսակցորդով (կիսակցորդներով)), 40՝ օդային տրանսպորտ
5. Տրանսպորտային միջոցի գրանցման երկրի ծածկագիրը	այն երկրի՝ երկու պայմանանշանից կազմված ալֆա-ծածկագիրը, որտեղ գրանցված է տրանսպորտային միջոցը, իսկ եթե փոխադրումն իրականացնելիս օգտագործվում է տրանսպորտային միջոցների շարժակազմ՝ այն երկրինը, որտեղ գրանցվել է մյուս տրանսպորտային միջոցը (մյուս տրանսպորտային միջոցները) շարժման մեջ դնող տրանսպորտային միջոցը՝ ISO 3166 դասակարգչին համապատասխան
6. Ելքի ամսաթիվը	ապրանքների մեկնման ամսաթիվը
7. Մաքսային կապարակնիքի համարը	մաքսային կապարակնիքի նույնականացման համարը
8. Տեղեկատվական տեղեկություններ	ցանկացած լրացուցիչ տեղեկատվություն
4. Տեղեկատվություն ապրանքների վերաբերյալ
1. Ապրանքի հերթական համարը	թվային արժեքը
2. Ապրանքի ծածկագիրը	ապրանքի դասակարգման ծածկագիրը՝ ըստ Ապրանքների նկարագրման և ծածկագրման ներդաշնակեցված համակարգի (6 նիշից ոչ պակաս)
3. Ապրանքների նկարագրությունը	ապրանքների անվանումը (առևտրային, կոմերցիոն կամ այլ ավանդական անվանում) և տեղեկություններ ապրանքային նշանների, մակնիշների, մոդելների, ապրանքատեսակների (արտիկուլների), սորտերի, ստանդարտների և այլ տեխնիկական ու առևտրային բնութագրերի վերաբերյալ, ինչպես նաև տեղեկություններ հայտարարագրվող ապրանքի քանակական և որակական կազմի վերաբերյալ (առկայության դեպքում)
4. Տեղեկություններ ապրանքներն արտադրողի վերաբերյալ	տեղեկություններ արտադրողի վերաբերյալ (նրա վերաբերյալ տեղեկությունների առկայության դեպքում)
5. Ապրանքների ծագման երկրի ծածկագիրը	ապրանքների ծագման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
6. Ապրանքի գինը	ապրանքի գինը, որը նշված է հայտարարագրի մեջ (ներկայացվում է Կողմի օրենսդրությանը համապատասխան)
7. Պայմանագրի գնի արժույթի ծածկագիրը	ISO 4217 դասակարգչին համապատասխան
8. Բեռնատեղիների ընդհանուր քանակը	հայտարարագրվող ապրանքների բեռնատեղիների քանակը՝ մաքսային փաստաթղթերին համապատասխան
9. Ապրանքի համաքաշը (կգ)	ապրանքի ընդհանուր զանգվածը
10. Ապրանքի զտաքաշը (կգ)	հայտարարագրվող ապրանքի զանգվածը՝ առանց որևէ փաթեթվածքի
11. Փաթեթվածքի տեսակի ծածկագիրը	թվային արժեքը՝ UN/CEFACT թիվ 21 հանձնարարականին համապատասխան
12. Փաթեթվածքների նկարագրությունը	քանակն ու տեսակը
13. Հայտագրվող մաքսային ընթացակարգի (մաքսային ռեժիմի) ծածկագիրը	հայտագրվող մաքսային ընթացակարգի երկնիշ ծածկագիրը՝ մաքսային ընթացակարգերի տեսակների դասակարգչին համապատասխան
14. Նախորդող մաքսային ընթացակարգի (մաքսային ռեժիմի) ծածկագիրը	նախորդող մաքսային ընթացակարգի երկնիշ ծածկագիրը՝ մաքսային ընթացակարգերի տեսակների դասակարգչին համապատասխան, եթե հայտարարագրվող ապրանքները նախկինում ձևակերպվել են այլ մաքսային ընթացակարգով
15. Լրացուցիչ չափման միավորի ծածկագիրը	թվային արժեքը՝ չափման միավորների դասակարգչին համապատասխան
16. Ապրանքների քանակը՝ լրացուցիչ չափման միավորներով	ապրանքների քանակը՝ լրացուցիչ չափման միավորներով (թվային արժեքը)
17. Ապրանքի վիճակագրական արժեքը	ապրանքի վիճակագրական արժեքն ԱՄՆ դոլարով՝ մաթեմատիկական կանոններով կլորացված ՝ ստորակետից հետո երկու նիշի ճշգրտությամբ
18. Տեղեկատվական բնույթի տեղեկություններ	ցանկացած լրացուցիչ տեղեկատվություն
5. Տեղեկատվություն ապրանքաուղեկից, տրանսպորտային և այլ փաստաթղթերի վերաբերյալ
1. Մատակարարման պայմանի ծածկագիրը, աշխարհագրական կետի անվանումը	մատակարարման պայմանների դասակարգչին համապատասխան մատակարարման պայմանների վերաբերյալ տեղեկությունները (Incoterms 2000 և Incoterms 2010) և աշխարհագրական կետի անվանումը, որոնք նշված են արտաքին առևտրային պայմանագրում
2. Տեղեկություններ փոխադրվող ապրանքների առևտրային փաստաթղթերի վերաբերյալ	առևտրային փաստաթղթերի համարները և ամսաթվերը (արտաքին առևտրային պայմանագիր, ապրանքների համար վճարման և մատակարարման հաշիվ, հաշիվ-ապրանքագիր (ինվոյս), հաշիվ-պրոֆորմա, (պրոֆորմա-ինվոյս) և այլն)
3. Տեղեկություններ տրանսպորտային (փոխադրման) փաստաթղթերի վերաբերյալ	տրանսպորտային (փոխադրման) փաստաթղթերի համարները և ամսաթվերը
4. Տեղեկատվական բնույթի տեղեկություններ	ցանկացած լրացուցիչ տեղեկատվություն
II. Եվրասիական տնտեսական միության անդամ պետությունների կողմից՝ ՉԺՀ-ի մաքսային տարածքով տարանցման կարգով երրորդ երկրներ արտահանելիս (ապրանքների մասին հայտարարագրից) և ՉԺՀ-ի կողմից Եվրասիական տնտեսական միության անդամ պետությունների մաքսային տարածքով տարանցման կարգով երրորդ երկրներ արտահանելիս (մաքսային հայտարարագրից) ներկայացվող՝ ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության կազմը
1. Տեղեկատվություն ապրանքային խմբաքանակի վերաբերյալ
1. Ապրանքային խմբաքանակի եզակի համարը	ապրանքների հայտարարագրի համարը
2. Ապրանքների անվանումների ընդհանուր քանակը	ապրանքային խմբաքանակում ապրանքների անվանումների քանակը (թվային արժեքը)
3. Ապրանքներն ուղարկող երկրի ծածկագիրը	ապրանքներն ուղարկող երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
4. Ապրանքների նշանակման երկրի ծածկագիրը	ապրանքների նշանակման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
2. Տեղեկատվություն ապրանքները տեղափոխող կամ որպես այդ ապրանքների տեղափոխման նախաձեռնող հանդես եկող անձանց վերաբերյալ
1. Ապրանքներն ուղարկողը	ուղարկողի ծածկագիրը՝ տրված Կողմի օրենսդրությանը համապատասխան (նշվում է ապրանքներն արտահանելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ուղարկող
2. Ապրանքներն ուղարկողի հասցեն	ուղարկողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ուղարկողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
3. Ապրանքներն ստացողը	ստացողի ծածկագիրը՝ տրված Կողմի օրենսդրությանը համապատասխան (նշվում է ապրանքները ներմուծելիս): Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ստացող
4. Ապրանքներն ստացողի հասցեն	ստացողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ստացողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
5. Ապրանքները փոխադրողը	փոխադրողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքները փոխադրող
6. Ապրանքները փոխադրողի հասցեն	փոխադրողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ապրանքները փոխադրողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
7. Տեղեկատվական բնույթի տեղեկություններ	ցանկացած լրացուցիչ տեղեկատվություն
3. Տեղեկատվություն միջազգային փոխադրում իրականացնող այն տրանսպորտային միջոցի (տրանսպորտային միջոցների) վերաբերյալ, որում ապրանքները գտնվել են մաքսային տարածքից մեկնելիս
1. Տրանսպորտային միջոցի համարը	ապրանքներն ավտոմոբիլային տրանսպորտով փոխադրելիս՝ տրանսպորտային միջոցների գրանցման համարները, ապրանքները երկաթուղային տրանսպորտով փոխադրելիս՝ երկաթուղային վագոնների (բաց վագոնների, ցիստեռնների և այլնի) համարները, ապրանքները ծովային (գետային) տրանսպորտով փոխադրելիս՝ նավերի անվանումները, ապրանքները օդային տրանսպորտով փոխադրելիս՝ չվերթների համարները
2. Բեռնարկղերի համարները	բեռնարկղերի նույնականացման համարները
3. Կցորդների համարները	կցորդների, կիսակցորդների և այլնի համարները (ավտոմոբիլային տրանսպորտի համար)
4. Տրանսպորտային միջոցի տեսակի ծածկագիրը	10՝ ծովային (գետային) տրանսպորտ, 20՝ երկաթուղային տրանսպորտ, 30՝ ավտոճանապարհային տրանսպորտ՝ բացառությամբ 31, 32 ծածկագրերով նշված տրանսպորտային միջոցների, 31՝ տրանսպորտային միջոցների շարժակազմ (քարշակ կիսակցորդով կամ կցորդով), 32՝ տրանսպորտային միջոցների շարժակազմ (քարշակ կցորդով (կցորդներով) և կիսակցորդով (կիսակցորդներով)), 40՝ օդային տրանսպորտ
5. Տրանսպորտային միջոցի գրանցման երկրի ծածկագիրը	այն երկրի՝ երկու պայմանանշանից կազմված ալֆա-ծածկագիրը, որտեղ գրանցված է տրանսպորտային միջոցը, իսկ եթե փոխադրումն իրականացնելիս օգտագործվում է տրանսպորտային միջոցների շարժակազմ՝ այն երկրինը, որտեղ գրանցվել է մյուս տրանսպորտային միջոցը (մյուս տրանսպորտային միջոցները) շարժման մեջ դնող տրանսպորտային միջոցը՝ ISO 3166 դասակարգչին համապատասխան
6. Ելքի ամսաթիվը	ապրանքների մեկնման ամսաթիվը
7. Մաքսային կապարակնիքի համարը	մաքսային կապարակնիքի նույնականացման համարը
8. Տեղեկատվական բնույթի տեղեկություններ	ցանկացած լրացուցիչ տեղեկատվություն
4. Տեղեկատվություն ապրանքների վերաբերյալ
1. Ապրանքի հերթական համարը	թվային արժեքը
2. Ապրանքի ծածկագիրը	ապրանքի դասակարգման ծածկագիրը՝ ըստ Ապրանքների նկարագրման և ծածկագրման ներդաշնակեցված համակարգի (6 նիշից ոչ պակաս)
3. Ապրանքների նկարագրությունը	ապրանքների անվանումը (առևտրային, կոմերցիոն կամ այլ ավանդական անվանում) և տեղեկություններ ապրանքային նշանների, մակնիշների, մոդելների, ապրանքատեսակների (արտիկուլների), սորտերի, ստանդարտների և այլ տեխնիկական և առևտրային բնութագրերի վերաբերյալ, ինչպես նաև տեղեկություններ հայտարարագրվող ապրանքի քանակական և որակական կազմի վերաբերյալ
4. Տեղեկություններ ապրանքներն արտադրողի վերաբերյալ	տեղեկություններ արտադրողի վերաբերյալ (նրա վերաբերյալ տեղեկությունների առկայության դեպքում)
5. Ապրանքների ծագման երկրի ծածկագիրը	ապրանքների ծագման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
6. Ապրանքի գինը	ապրանքի գինը, որը նշված է հայտարարագրի մեջ (ներկայացվում է Կողմի օրենսդրությանը համապատասխան)
7. Պայմանագրի գնի արժույթի ծածկագիրը	ISO 4217 դասակարգչին համապատասխան
8. Բեռնատեղիների ընդհանուր քանակը	հայտարարագրվող ապրանքների բեռնատեղիների քանակը՝ մաքսային փաստաթղթերին համապատասխան
9. Ապրանքի համաքաշը (կգ)	ապրանքի ընդհանուր զանգվածը
10. Ապրանքի զտաքաշը (կգ)	հայտարարագրվող ապրանքի զանգվածը՝ առանց որևէ փաթեթվածքի
11. Փաթեթվածքի տեսակի ծածկագիրը	թվային արժեքը՝ UN/CEFACT թիվ 21 հանձնարարականին համապատասխան
12. Փաթեթվածքների նկարագրությունը	քանակն ու տեսակը
13. Հայտագրվող մաքսային ընթացակարգի (մաքսային ռեժիմի) ծածկագիրը	հայտագրվող մաքսային ընթացակարգի երկնիշ ծածկագիրը՝ մաքսային ընթացակարգերի տեսակների դասակարգչին համապատասխան
14. Նախորդող մաքսային ընթացակարգի (մաքսային ռեժիմի) ծածկագիրը	նախորդող մաքսային ընթացակարգի երկնիշ ծածկագիրը՝ մաքսային ընթացակարգերի տեսակների դասակարգչին համապատասխան, եթե հայտարարագրվող ապրանքները նախկինում ձևակերպվել են այլ մաքսային ընթացակարգով
15. Լրացուցիչ չափման միավորի ծածկագիրը	թվային արժեքը՝ չափման միավորների դասակարգչին համապատասխան
16. Ապրանքների քանակը՝ լրացուցիչ չափման միավորներով	ապրանքների քանակը՝ լրացուցիչ չափման միավորներով (թվային արժեքը)
17. Ապրանքի վիճակագրական արժեքը	ապրանքի վիճակագրական արժեքն ԱՄՆ դոլարով՝ մաթեմատիկական կանոններով կլորացված ՝ ստորակետից հետո երկու նիշի ճշգրտությամբ
18. Տեղեկատվական բնույթի տեղեկություններ	ցանկացած լրացուցիչ տեղեկատվություն
5. Տեղեկություններ ապրանքաուղեկից, տրանսպորտային և այլ փաստաթղթերի վերաբերյալ
1. Մատակարարման պայմանի ծածկագիրը, աշխարհագրական կետի անվանումը	մատակարարման պայմանների դասակարգչին համապատասխան մատակարարման պայմանների վերաբերյալ տեղեկությունները (Incoterms 2000 և Incoterms 2010) և աշխարհագրական կետի անվանումը, որոնք նշված են արտաքին առևտրային պայմանագրում
2. Տեղեկություններ փոխադրվող ապրանքների առևտրային փաստաթղթերի վերաբերյալ	առևտրային փաստաթղթերի համարները և ամսաթվերը (արտաքին առևտրային պայմանագիր, ապրանքների համար վճարման և մատակարարման հաշիվ, հաշիվ-ապրանքագիր (ինվոյս), հաշիվ-պրոֆորմա, (պրոֆորմա-ինվոյս) և այլն)
3. Տեղեկություններ տրանսպորտային (փոխադրման) փաստաթղթերի վերաբերյալ	տրանսպորտային (փոխադրման) փաստաթղթերի համարները և ամսաթվերը
4. Տեղեկատվական բնույթի տեղեկություններ	ցանկացած լրացուցիչ տեղեկատվություն
III. Եվրասիական տնտեսական միության և ՉԺՀ-ի մաքսային տարածքներով երրորդ պետություններից տարանցման կարգով երրորդ պետություններ փոխադրվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության կազմը (տարանցման հայտարարագրից)
1. Տեղեկատվություն ապրանքային խմբաքանակի վերաբերյալ
1. Ապրանքային խմբաքանակի եզակի համարը	ապրանքների հայտարարագրի համարը
2. Ապրանքներն ուղարկող երկրի ծածկագիրը	ապրանքներն ուղարկող երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
3. Ապրանքների նշանակման երկրի ծածկագիրը	ապրանքների նշանակման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
2. Տեղեկատվություն ապրանքները տեղափոխող կամ որպես ապրանքների տեղափոխման նախաձեռնող հանդես եկող անձանց վերաբերյալ
1. Ապրանքներն ուղարկողը	ուղարկողի ծածկագիրը՝ տրված Կողմի օրենսդրությանը համապատասխան։ Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ուղարկող
2. Ապրանքներն ուղարկողի հասցեն	ուղարկողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ուղարկողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
3. Ապրանքներն ստացողը	ստացողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ստացող
4. Ապրանքներն ստացողի հասցեն	ստացողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ստացողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
5. Ապրանքները փոխադրողը	փոխադրողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքները փոխադրող
6. Ապրանքները փոխադրողի հասցեն	փոխադրողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ապրանքները փոխադրողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
7. Տեղեկություններ վարորդի վերաբերյալ	վարորդի ազգանունը, անունը և հայրանունը
8. Տեղեկատվական բնույթի տեղեկություններ	ցանկացած լրացուցիչ տեղեկատվություն
3. Տեղեկատվություն միջազգային փոխադրում իրականացնող այն տրանսպորտային միջոցի (տրանսպորտային միջոցների) վերաբերյալ, որում ապրանքները գտնվել են մաքսային տարածքից մեկնելիս
1. Տրանսպորտային միջոցի համարը	ապրանքներն ավտոմոբիլային տրանսպորտով փոխադրելիս՝ տրանսպորտային միջոցների (եթե ապրանքները փոխադրվում են ավտոտրանսպորտային միջոցների շարժակազմով՝ միջազգային փոխադրում իրականացնող բոլոր տրանսպորտային միջոցների) գրանցման համարները, երկաթուղային տրանսպորտով ապրանքները փոխադրելիս՝ երկաթուղային վագոնների (կիսավագոնների, բաց վագոնների, ցիստեռնների և այլնի) համարները, ապրանքները բեռնարկղերով փոխադրելիս՝ տարանցման հայտարարագիր ներկայացնելու պահին կիսավագոնների, բաց վագոնների համարների վերաբերյալ տեղեկությունների բացակայության դեպքում թույլատրվում է նշել տեղեկություններ բեռնարկղերի համարների վերաբերյալ, ապրանքները ծովային (գետային) տրանսպորտով փոխադրելիս՝ նավերի անվանումները, ապրանքները օդային տրանսպորտով փոխադրելիս՝ չվերթների համարները
2. Բեռնարկղերի համարները	բեռնարկղերի նույնականացման համարները
3. Կցորդների համարները	կցորդների, կիսակցորդների և այլնի համարները (ավտոմոբիլային տրանսպորտի համար)
4. Տրանսպորտային միջոցի տեսակի ծածկագիրը	10՝ ծովային (գետային) տրանսպորտ, 20՝ երկաթուղային տրանսպորտ, 30՝ ավտոճանապարհային տրանսպորտ՝ բացառությամբ 31, 32 ծածկագրերով նշված տրանսպորտային միջոցների, 31՝ տրանսպորտային միջոցների շարժակազմ (քարշակ կիսակցորդով կամ կցորդով), 32՝ տրանսպորտային միջոցների շարժակազմ (քարշակ կցորդով (կցորդներով) և կիսակցորդով (կիսակցորդներով)), 40՝ օդային տրանսպորտ:
5. Տրանսպորտային միջոցի գրանցման երկրի ծածկագիրը	այն երկրի՝ երկու պայմանանշանից կազմված ալֆա-ծածկագիրը, որտեղ գրանցված է տրանսպորտային միջոցը, իսկ եթե փոխադրումն իրականացնելիս օգտագործվում է տրանսպորտային միջոցների շարժակազմ՝ այն երկրինը, որտեղ գրանցվել է մյուս տրանսպորտային միջոցը (մյուս տրանսպորտային միջոցները) շարժման մեջ դնող տրանսպորտային միջոցը՝ ISO 3166 դասակարգչին համապատասխան
6. Ելքի ամսաթիվը	ապրանքների մեկնման ամսաթիվը
7. Մաքսային կապարակնիքի համարը	մաքսային կապարակնիքի նույնականացման համարը
8. Տեղեկատվական բնույթի տեղեկություններ	ցանկացած լրացուցիչ տեղեկատվություն
4. Տեղեկատվություն ապրանքների վերաբերյալ
1. Ապրանքի հերթական համարը	թվային արժեքը
2. Ապրանքի ծածկագիրը	ապրանքի դասակարգման ծածկագիրը՝ ըստ Ապրանքների նկարագրման և ծածկագրման ներդաշնակեցված համակարգի (6 նիշից ոչ պակաս)
3. Ապրանքների նկարագրությունը	նկարագրությունը՝ առևտրային, տրանսպորտային (փոխադրման) փաստաթղթերին համապատասխան
4. Ապրանքի գինը	ապրանքի գինը, որը նշված է հայտարարագրի մեջ (ներկայացվում է Կողմի օրենսդրությանը համապատասխան)
5. Պայմանագրի գնի արժույթի ծածկագիրը	ISO 4217 դասակարգչին համապատասխան
6. Բեռնատեղիների ընդհանուր քանակը	նշվում է փաթեթվածք ունեցող ապրանքների համար
7. Ապրանքի համաքաշը կամ ապրանքի ծավալը (կգ)	ապրանքի ընդհանուր զանգվածը կիլոգրամներով՝ ներառյալ մինչև շրջանառության մեջ դրվելն ապրանքի անփոփոխ վիճակն ապահովելու համար անհրաժեշտ բոլոր տեսակի փաթեթվածքները
8. Ընդամենը ապրանքներ	տարանցման հայտարարագրում ապրանքների անվանումների ընդհանուր քանակը
9. Փաթեթվածքի տեսակի ծածկագիրը	թվային արժեքը՝ UN/CEFACT թիվ 21 հանձնարարականին համապատասխան
10. Փաթեթվածքների նկարագրությունը	քանակն ու տեսակը
11. Լրացուցիչ չափման միավորի ծածկագիրը	թվային արժեքը՝ չափման միավորների դասակարգչին համապատասխան
12. Ապրանքների քանակը՝ լրացուցիչ չափման միավորներով	ապրանքների քանակը՝ լրացուցիչ չափման միավորներով (թվային արժեքը)
13 եղեկատվական բնույթի տեղեկություններ	ցանկացած լրացուցիչ տեղեկատվություն
5. Տեղեկություններ ապրանքաուղեկից, տրանսպորտային և այլ փաստաթղթերի վերաբերյալ
1. Տեղեկություններ փոխադրվող ապրանքների առևտրային փաստաթղթերի վերաբերյալ	ապրանքների արժեքը հաստատող առևտրային փաստաթղթերի համարները և ամսաթվերը
2. Տեղեկություններ տրանսպորտային (փոխադրման) փաստաթղթերի վերաբերյալ	տրանսպորտային (փոխադրման) փաստաթղթերի համարները և ամսաթվերը
3. Տեղեկատվական բնույթի տեղեկություններ	ցանկացած լրացուցիչ տեղեկատվություն
IV. Երրորդ պետություններից Չինաստանի Ժողովրդական Հանրապետության մաքսային տարածքով Եվրասիական տնտեսական միության անդամ պետություններ և երրորդ պետություններից Եվրասիական տնտեսական միության մաքսային տարածքով Չինաստանի Ժողովրդական Հանրապետություն տարանցման կարգով փոխադրվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության կազմը (տարանցման հայտարարագրից)
1. Տեղեկատվություն ապրանքային խմբաքանակի վերաբերյալ
1. Ապրանքային խմբաքանակի եզակի համարը	ապրանքների հայտարարագրի համարը
2. Ապրանքներն ուղարկող երկրի ծածկագիրը	ապրանքներն ուղարկող երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
3. Ապրանքների նշանակման երկրի ծածկագիրը	ապրանքների նշանակման երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան
2. Տեղեկատվություն ապրանքները տեղափոխող կամ որպես ապրանքների տեղափոխման նախաձեռնող հանդես եկող անձանց մասին
1. Ապրանքներն ուղարկողը	ուղարկողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ուղարկող
2. Ապրանքներն ուղարկողի հասցեն	ուղարկողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ուղարկողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
3. Ապրանքներն ստացողը	ստացողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքներն ստացող
4. Ապրանքներն ստացողի հասցեն	ստացողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ստացողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
5. Ապրանքները փոխադրողը	փոխադրողի ծածկագիրը՝ տրված Կողմի օրենսդրությանը համապատասխան: Տեղեկություններ այն անձի վերաբերյալ, որը մաքսային փաստաթղթերում նշված է որպես ապրանքները փոխադրող
6. Ապրանքները փոխադրողի հասցեն	փոխադրողի երկրի՝ երկու պայմանանշանից կազմված ալֆա-ծածկագիրը՝ ISO 3166 դասակարգչին համապատասխան։ Ապրանքները փոխադրողի գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, շենքի (մասնաշենքի, շինության), բնակարանի (սենյակի, գրասենյակի) համարը)
7. Տեղեկություններ վարորդի մասին	վարորդի ազգանունը, անունը և հայրանունը
8. Տեղեկատվական բնույթի տեղեկություններ	ցանկացած լրացուցիչ տեղեկատվություն
3. Տեղեկատվություն միջազգային փոխադրում իրականացնող այն տրանսպորտային միջոցի (տրանսպորտային միջոցների) վերաբերյալ, որում ապրանքները գտնվել են մաքսային տարածքից մեկնելիս
1. Տրանսպորտային միջոցի համարը	ապրանքներն ավտոմոբիլային տրանսպորտով փոխադրելիս՝ տրանսպորտային միջոցների (եթե ապրանքները փոխադրվում են ավտոտրանսպորտային միջոցների շարժակազմով՝ միջազգային փոխադրում իրականացնող բոլոր տրանսպորտային միջոցների) գրանցման համարները, երկաթուղային տրանսպորտով ապրանքները փոխադրելիս՝ երկաթուղային վագոնների (կիսավագոնների, բաց վագոնների, ցիստեռնների և այլնի) համարները, ապրանքները բեռնարկղերով փոխադրելիս՝ տարանցման հայտարարագիր ներկայացնելու պահին կիսավագոնների, բաց վագոնների համարների վերաբերյալ տեղեկատվության բացակայության դեպքում թույլատրվում է նշել տեղեկություններ բեռնարկղերի համարների վերաբերյալ, ապրանքները ծովային (գետային) տրանսպորտով փոխադրելիս՝ նավերի անվանումները, ապրանքները օդային տրանսպորտով փոխադրելիս՝ չվերթների համարները
2. Բեռնարկղերի համարները	բեռնարկղերի նույնականացման համարները
3. Կցորդների համարները	կցորդների, կիսակցորդների և այլնի համարները (ավտոմոբիլային տրանսպորտի համար)
4. Տրանսպորտային միջոցի տեսակի ծածկագիրը	10՝ ծովային (գետային) տրանսպորտ, 20՝ երկաթուղային տրանսպորտ, 30՝ ավտոճանապարհային տրանսպորտ՝ բացառությամբ 31, 32 ծածկագրերով նշված տրանսպորտային միջոցների, 31՝ տրանսպորտային միջոցների շարժակազմ (քարշակ կիսակցորդով կամ կցորդով), 32՝ տրանսպորտային միջոցների շարժակազմ (քարշակ կցորդով (կցորդներով) և կիսակցորդով (կիսակցորդներով)), 40՝ օդային տրանսպորտ:
5. Տրանսպորտային միջոցի գրանցման երկրի ծածկագիրը	այն երկրի՝ երկու պայմանանշանից կազմված ալֆա-ծածկագիրը, որտեղ գրանցված է տրանսպորտային միջոցը, իսկ եթե փոխադրումն իրականացնելիս օգտագործվում է տրանսպորտային միջոցների շարժակազմ՝ այն երկրինը, որտեղ գրանցվել է մյուս տրանսպորտային միջոցը (մյուս տրանսպորտային միջոցները) շարժման մեջ դնող տրանսպորտային միջոցը՝ ISO 3166 դասակարգչին համապատասխան
6. Ելքի ամսաթիվը	ապրանքների մեկնման ամսաթիվը
7. Մաքսային կապարակնիքի համարը	մաքսային կապարակնիքի նույնականացման համարը
8. Տեղեկատվական բնույթի տեղեկություններ	ցանկացած լրացուցիչ տեղեկատվություն
4. Տեղեկատվություն ապրանքների վերաբերյալ
1. Ապրանքի հերթական համարը	թվային արժեքը
2. Ապրանքի ծածկագիրը	ապրանքի դասակարգման ծածկագիրը՝ ըստ Ապրանքների նկարագրման և ծածկագրման ներդաշնակեցված համակարգի (6 նիշից ոչ պակաս)
3. Ապրանքների նկարագրությունը	նկարագրությունը՝ առևտրային, տրանսպորտային (փոխադրման) փաստաթղթերին համապատասխան
4. Ապրանքի գինը	ապրանքի գինը, որը նշված է հայտարարագրի մեջ (ներկայացվում է Կողմի օրենսդրությանը համապատասխան)
5. Պայմանագրի գնի արժույթի ծածկագիրը	ISO 4217 դասակարգչին համապատասխան
6. Բեռնատեղիների ընդհանուր քանակը	նշվում է փաթեթվածք ունեցող ապրանքների համար
7. Ապրանքի համաքաշը կամ ապրանքի ծավալը (կգ)	ապրանքի ընդհանուր զանգվածը կիլոգրամներով՝ ներառյալ բոլոր տեսակի փաթեթվածքները, որոնք անհրաժեշտ են ապրանքի անփոփոխ վիճակն ապահովելու համար՝ մինչև շրջանառության մեջ մտնելը
8. Ընդամենը ապրանքներ	տարանցման հայտարարագրում ապրանքների անվանումների ընդհանուր քանակը
9. Փաթեթվածքի տեսակի ծածկագիրը	թվային արժեքը՝ UN/CEFACT թիվ 21 հանձնարարականին համապատասխան
10. Փաթեթվածքների նկարագրությունը	քանակն ու տեսակը
11. Լրացուցիչ չափման միավորի ծածկագիրը	թվային արժեքը՝ չափման միավորների դասակարգչին համապատասխան
12. Ապրանքների քանակը՝ լրացուցիչ չափման միավորներով	ապրանքների քանակը՝ լրացուցիչ չափման միավորներով (թվային արժեքը)
13. Տեղեկատվական բնույթի տեղեկություններ	ցանկացած լրացուցիչ տեղեկատվություն
5. Տեղեկատվություն ապրանքաուղեկից, տրանսպորտային և այլ փաստաթղթերի վերաբերյալ
1. Տեղեկություններ փոխադրվող ապրանքների առևտրային փաստաթղթերի վերաբերյալ	ապրանքների արժեքը հաստատող առևտրային փաստաթղթերի համարները և ամսաթվերը
2. Տեղեկություններ տրանսպորտային (փոխադրման) փաստաթղթերի վերաբերյալ	տրանսպորտային (փոխադրման) փաստաթղթերի համարները և ամսաթվերը
3. Տեղեկատվական բնույթի տեղեկություններ	ցանկացած լրացուցիչ տեղեկատվություն