ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՀԱՆՁՆԱՐԱՐԱԿԱՆԸ ՆԵՐՔԻՆ ԸՆԴՈՒՆՄԱՆ ՄՈԴԻՖԻԿԱՑՎԱԾ ՁԵՐԲԱԶԱՏՄԱՄԲ ԴԵՂԱՊԱՏՐԱՍՏՈՒԿՆԵՐԻ ՈՐԱԿԻ ՎԵՐԱԲԵՐՅԱԼ ՁԵՌՆԱՐԿ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Հ Ա Ն Ձ Ն Ա Ր Ա Ր Ա Կ Ա Ն

ՆԵՐՔԻՆ ԸՆԴՈՒՆՄԱՆ ՄՈԴԻՖԻԿԱՑՎԱԾ ՁԵՐԲԱԶԱՏՄԱՄԲ ԴԵՂԱՊԱՏՐԱՍՏՈՒԿՆԵՐԻ ՈՐԱԿԻ ՎԵՐԱԲԵՐՅԱԼ ՁԵՌՆԱՐԿ

Եվրասիական տնտեսական հանձնաժողովի կոլեգիան, «Եվրասիական տնտեսական միության մասին» 2014 թվականի մայիսի 29-ի պայմանագրի 30-րդ հոդվածին, «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրի 3-րդ հոդվածի 3-րդ կետին համապատասխան,

Եվրասիական տնտեսական միության անդամ պետությունների օրենսդրությամբ սահմանված՝ ներքին ընդունման մոդիֆիկացված ձերբազատմամբ դեղապատրաստուկների գրանցման դոսյեում փոփոխություններ կատարելիս և դրանց համարժեքությունը գնահատելիս որակի հաստատմանը ներկայացվող պահանջներում տարբերությունները վերացնելու նպատակներով՝

հանձնարարում է Եվրասիական տնտեսական միության անդամ պետություններին Եվրասիական տնտեսական միության պաշտոնական կայքում սույն հանձնարարականի հրապարակման օրվանից 6 ամիսը լրանալուց հետո Եվրասիական տնտեսական հանձնաժողովի խորհրդի 2016 թվականի նոյեմբերի 3-ի թիվ 85 որոշմամբ հաստատված՝ Եվրասիական տնտեսական միության շրջանակներում դեղապատրաստուկների կենսահամարժեքության հետազոտությունների անցկացման կանոններին համապատասխան կենսահամարժեքության հետազոտությունների անցկացում պլանավորելիս և Եվրասիական տնտեսական հանձնաժողովի խորհրդի 2016 թվականի նոյեմբերի 3-ի թիվ 78 որոշմամբ հաստատված՝ Բժշկական կիրառման համար նախատեսված դեղամիջոցների գրանցման և փորձաքննության կանոններին համապատասխան ներքին ընդունման մոդիֆիկացված ձերբազատմամբ դեղապատրաստուկների գրանցման դոսյեում փոփոխություններ կատարելիս կիրառել ներքին ընդունման մոդիֆիկացված ձերբազատմամբ դեղապատրաստուկների որակի վերաբերյալ ձեռնարկը՝ համաձայն հավելվածի։

Եվրասիական տնտեսական հանձնաժողովի կոլեգիայի նախագահի ժամանակավոր պաշտոնակատար՝

Կ. Մինասյան

ՁԵՌՆԱՐԿ

ներքին ընդունման մոդիֆիկացված ձերբազատմամբ դեղապատրաստուկների որակի վերաբերյալ