ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ԿԱՐԳԱԴՐՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ «ՉԱՓՄԱՆ ՄԻՋՈՑՆԵՐԻ ՏԵՍԱԿԻ ՀԱՍՏԱՏՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԾԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ «ՉԱՓՄԱՆ ՄԻՋՈՑՆԵՐԻ ՏԵՍԱԿԻ ՀԱՍՏԱՏՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԾԻ ՄԱՍԻՆ

1. Հավանություն տալ Եվրասիական տնտեսական հանձնաժողովի խորհրդի «Չափման միջոցների տեսակի հաստատման կարգը հաստատելու մասին» որոշման նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը:

2. Սույն կարգադրությունն ուժի մեջ է մտնում «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում դրա հրապարակման օրվանից:

Եվրասիական տնտեսական հանձնաժողովի կոլեգիայի նախագահի ժամանակավոր պաշտոնակատար՝

Կ. Մինասյան

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

«      »         20      թվականի

թիվ

քաղ.

Չափման միջոցների տեսակի հաստատման կարգը հաստատելու մասին

«Չափումների միասնականության ապահովման ոլորտում համաձայնեցված քաղաքականություն անցկացնելու մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 10 հավելված) 9-րդ կետի 3-րդ ենթակետի իրականացման նպատակներով և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 37-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Հաստատել կից ներկայացվող՝ Չափման միջոցների տեսակի հաստատման կարգը։

2. Սահմանել, որ Եվրասիական տնտեսական միության անդամ պետության օրենսդրությանը համապատասխան տրված՝ չափման միջոցների տեսակի հաստատման մասին փաստաթղթերը մինչև սույն որոշումն ուժի մեջ մտնելն այն չափումների մասով, որոնք պատրաստվել են Եվրասիական տնտեսական միության անդամ պետությունների տարածքում, գործում են մինչև դրանց գործողության ժամկետի ավարտի ամսաթիվը։

3. Սույն որոշումն ուժի մեջ է մտնում Եվրասիական տնտեսական հանձնաժողովի կողմից հաստատվող՝ չափումների միասնականության ապահովման աշխատանքների արդյունքների փոխադարձ ճանաչման կանոններն ուժի մեջ մտնելու օրվանից, սակայն սույն որոշման պաշտոնական հրապարակման օրվանից 30 օրացուցային օրը լրանալուց ոչ շուտ:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Վ. Գաբրիելյան	Վ. Մատյուշևսկի	Բ. Սագինտաև	Օ. Պանկրատով	Ի. Շուվալով

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 20 թվականի         ի  թիվ   որոշմամբ

չափման միջոցների տեսակի հաստատման

1. Սույն կարգը մշակվել է «Չափումների միասնականության ապահովման ոլորտում համաձայնեցված քաղաքականություն անցկացնելու մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 10 հավելված) 9-րդ կետի 3-րդ ենթակետին համապատասխան և սահմանում է Եվրասիական տնտեսական միության անդամ պետությունների տարածքում պատրաստված չափման միջոցների տեսակի հաստատման կանոնները (այսուհետ համապատասխանաբար՝ անդամ պետություններ, տեսակի հաստատում)։

2. Սույն կարգի նպատակների համար չափումների առաջնային հղումային մեթոդիկա (մեթոդ) ասելով՝ հասկացվում է չափումների այնպիսի մեթոդիկա (մեթոդ), որն անդամ պետությունում միակ իրավաբանական անձի 1 լրակազմով սարքավորմամբ իրականացվում է ամենաբարձր ճշգրտությամբ, կիրառվում է միևնույն, այդ թվում՝ հղումային մեծությունների չափումների այլ մեթոդիկաների (մեթոդների) օգնությամբ ստացված չափումների արդյունքների ճշտությունը գնահատելու համար, թույլ է տալիս չափումների արդյունքներն ստանալ՝ առանց միևնույն տեսակի մեծությունների միավորների նկատմամբ չափագիտական հետագծելիության, և հաստատված է որպես անդամ պետությունում կիրառվող առաջնային հղումային մեթոդիկա (մեթոդ):

Սույն կարգում այլ հասկացություններ օգտագործվում են «Չափումների միասնականության ապահովման ոլորտում համաձայնեցված քաղաքականություն անցկացնելու մասին» արձանագրությամբ («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 10 հավելված) սահմանված իմաստներով:

3. Չափումների միասնականության ապահովման պետական կարգավորման (օրենսդրական չափագիտության) ոլորտում կիրառվող չափման միջոցները պարտադիր կարգով ենթակա են տեսակի հաստատման։

Չափումների միասնականության ապահովման պետական կարգավորման (օրենսդրական չափագիտության) ոլորտից դուրս կիրառվող չափման միջոցների մասով տեսակի հաստատումն անցկացվում է կամավոր կարգով։

4. Տեսակի հաստատումն անցկացվում է չափումների միասնականության ապահովման ոլորտում պետական իշխանության այն մարմնի կողմից, որը լիազորված (հայտագրված) է այդ գործունեությունը՝ անդամ պետության (այսուհետ՝ լիազորված մարմին) օրենսդրությանը համապատասխան իրականացնելու համար՝ չափման միջոցների փորձարկումների դրական արդյունքների հիման վրա։

5. Տեսակի հաստատումն անցկացվում է անդամ պետության օրենսդրությանը համապատասխան՝ այդ անդամ պետության տարածքում գրանցված ցանկացած այն իրավաբանական անձի կամ որպես անհատ ձեռնարկատեր գրանցված ֆիզիկական անձի հայտի համաձայն, որն իր անունից իրականացնում է չափման միջոցների արտադրություն կամ արտադրություն ու իրացում և պատասխանատու է չափագիտական պահանջներին դրանց համապատասխանության համար կամ պատրաստողի կողմից լիազորված և անդամ պետության օրենսդրությանը համապատասխան` այդ անդամ պետության տարածքում գրանցված այն իրավաբանական անձի կամ որպես անհատ ձեռնարկատեր գրանցված ֆիզիկական անձի հայտի համաձայն, որը պատրաստողի հետ պայմանագրի հիման վրա այդ պատրաստողի անունից իրականացնում է գործողություններ անդամ պետությունների տարածքներում չափման միջոցները շրջանառության մեջ բաց թողնելիս (այսուհետ՝ հայտատու)։

6. Տեսակի հաստատման նպատակով փորձարկումները (այսուհետ՝ փորձարկումներ) անցկացվում են չափման միջոցների փորձարկումների անցկացման համար՝ անդամ պետության օրենսդրությանը համապատասխան լիազորված (հայտագրված) կազմակերպության կողմից (այսուհետ՝ լիազորված կազմակերպություն)։

Փորձարկումներն անցկացվում են չափումների միասնականության ապահովման ոլորտում անդամ պետությունների օրենսդրությամբ սահմանված կարգով։

7. Փորձարկումներն անցկացվում են փորձարկումների այն ծրագրով նախատեսված ծավալով, որը մշակվել է լիազորված կազմակերպության կողմից և համաձայնեցված է հայտատուի հետ (այսուհետ՝ փորձարկումների ծրագիր) հայտատուի այն հայտի հիման վրա, որը պարունակում է՝

ա) հայտատուի լրիվ անվանումը, իրավաբանական անձի գտնվելու վայրը (հասցեն) կամ ազգանունը, անունը, հայրանունը (առկայության դեպքում), որպես անհատ ձեռնարկատեր գրանցված ֆիզիկական անձի բնակության վայրը.

բ) չափման միջոցների անվանումը.

գ) չափման միջոցների նշանակությունը և կիրառման ոլորտը.

դ) չափման միջոցների արտադրության բնույթը.

ե) ծրագրային ապահովման մասին տեղեկությունները (առկայության դեպքում).

զ) հայտագրվող չափագիտական բնութագրերը, այդ թվում՝ ճշգրտության ցուցանիշները, ինչպես նաև չափման միջոցների տեխնիկական այն բնութագրերը, որոնցով որոշվում են այդպիսի չափման միջոցների կոնստրուկցիայի առանձնահատկությունները՝ շահագործման ընթացքում չափագիտական բնութագրերը պահպանելու նպատակով.

է) անդամ պետությունների նորմատիվ այն փաստաթղթերի մասին տեղեկությունները, որոնց համաձայն իրականացվում է չափման միջոցների պատրաստումը.

ը) Եվրասիական տնտեսական հանձնաժողովի կողմից հաստատվող՝ չափումների միասնականության ապահովման աշխատանքների արդյունքների փոխադարձ ճանաչման կանոններին համապատասխան՝ անդամ պետությունների կողմից տեսակի հաստատումը ճանաչելու անհրաժեշտության մասին տեղեկությունները.

թ) շահագործման փաստաթղթերը։

8. Փորձարկումների ծրագիրը պարունակում է հետևյալ տեղեկությունները՝

ա) փորձարկումների օբյեկտի անվանումը.

բ) փորձարկման համար ներկայացված չափման միջոցների նմուշների քանակը.

գ) փորձարկումների բովանդակությունը և ծավալը.

դ) փորձարկումների անցկացման պայմանները.

ե) փորձարկումներից ստացված արդյունքների մշակման ալգորիթմները։

9. Փորձարկումների ծրագրի նախագիծը կարող է հայտատուի կողմից մշակվել և ներկայացվել լիազորված կազմակերպություն։

10. Փորձարկումների ընթացքում անցկացվում է՝

ա) չափման միջոցների չափագիտական և տեխնիկական բնութագրերի, այդ թվում՝ ճշգրտության ցուցանիշների որոշում.

բ) փորձարկումների ծրագրով սահմանված չափագիտական և տեխնիկական պահանջներին՝ չափման միջոցների չափագիտական և տեխնիկական բնութագրերի համապատասխանության գնահատում.

գ) ծրագրային ապահովման նույնականացում (առկայության դեպքում).

դ) չափման միջոցների ստուգաչափման մեթոդիկայի փորձարկում.

ե) չափման միջոցների ստուգաչափումների միջև ժամանակային միջակայքի որոշում.

զ) չափման միջոցների առանձին մասերին հասանելիության սահմանափակման առկայության մասով՝ փորձարկվող չափման միջոցների կոնստրուկցիայի վերլուծություն (այդ թվում՝ ծրագրային ապահովում)՝ անթույլատրելի այն կարգավորումները և միջամտությունը կանխելու նպատակով, որոնք կարող են հանգեցնել չափումների արդյունքների աղավաղման։

11. Փորձարկումների անցկացման ժամանակ օգտագործվում են մեծությունների միավորների այնպիսի չափանմուշներ, չափման միջոցներ և ստանդարտ նմուշներ, որոնց համար ապահովված է դրանց օգնությամբ ստացվող չափման արդյունքների չափագիտական հետևելիությունը՝ Միավորների միջազգային համակարգի (ՄՀ), ազգային (առաջնային) չափանմուշների և (կամ) մեծությունների միավորների միջազգային չափանմուշների կամ չափումների առաջնային հղումային մեթոդիկաների (մեթոդների) նկատմամբ։

Չափման միջոցների չափագիտական և տեխնիկական բնութագրերն արտահայտվում են մեծությունների միավորներով կամ մեծությունների պայմանական սանդղակով (չափումների սանդղակով) գնահատվող մեծությունների պայմանական այն միավորներով, որոնց անվանումն ու նշագրումը համապատասխանում են Միավորների միջազգային համակարգին (ՄՀ) և (կամ) Եվրասիական տնտեսական հանձնաժողովի կոլեգիայի 2015 թվականի ապրիլի 21-ի թիվ 34 որոշմամբ հաստատված՝ Եվրասիական տնտեսական միության տեխնիկական կանոնակարգերի մշակման ժամանակ կիրառվող մեծությունների արտահամակարգային միավորների ցանկին համապատասխան, այդ թվում՝ Միավորների միջազգային համակարգի (ՄՀ) հետ դրանց հարաբերակցությունը։

12. Փորձարկումների արդյունքների հիման վրա լիազորված կազմակերպության կողմից ձևակերպվում է համապատասխան ակտ՝ դրա հավելվածների հետ միասին (փորձարկումների ծրագիր, չափման միջոցների փորձարկումների արձանագրություններ, չափման միջոցների տեսակի նկարագրության նախագիծ, չափման միջոցների ստուգաչափման մեթոդիկա)՝ լիազորված կազմակերպության ձևաթղթի վրա 2 օրինակից (այսուհետ՝ փորձարկումների ակտ)։

13. Փորձարկումների ակտում նշվում են հետևյալ տեղեկությունները՝

ա) փորձարկման ներկայացված չափման միջոցների լրիվ անվանումը և հայտատուի լրիվ անվանումը.

բ) փորձարկումների անցկացման մասին տեղեկությունները (լիազորված կազմակերպության անվանումը, փորձարկման ներկայացված չափման միջոցների տեսակի լրիվ անվանումը, չափման միջոցներ պատրաստողի անվանումը, փորձարկումների անցկացման ժամկետը, փորձարկումների անցկացման հիմքերը՝ նշելով հայտի ամսաթիվն ու համարը, փորձարկումների անցկացման վայրը).

գ) փորձարկումների անցկացման համար ներկայացված չափման միջոցների նմուշների մասին տեղեկությունները, այդ թվում՝ փորձարկումների ծրագրի անվանումը.

դ) փորձարկումների արդյունքների գնահատականը (դրական կամ բացասական).

ե) փորձարկումների արդյունքների մասին տեղեկությունները (չափագիտական և տեխնիկական բնութագրերի սահմանված այն նշանակությունները, որոնք անհրաժեշտ են չափման միջոցների բոլոր տեսակների վրա փորձարկումների արդյունքների տարածման մասին որոշում կայացնելու համար, չափման միջոցների ստուգաչափման մեթոդիկայի փորձարկման փաստը, ստուգաչափումների միջև այն ժամանակային ինտերվալը, որը խորհուրդ է տրվում, չափման միջոցների տեսակի նկարագրության նախագծի մշակման փաստը)։

14. Հայտատուի հետ համաձայնեցնելուց հետո փորձարկումների ակտի մեկ օրինակը, դրա հավելվածների հետ միասին, տրամադրվում է լիազորված կազմակերպության կողմից կամ ուղարկվում է պատվիրված փոստային առաքանիով՝ հայտատուին հանձնելու մասին ծանուցմամբ։

15. Տեսակի հաստատման դեպքում լիազորված մարմինը, սույն կարգի 7-րդ կետով նախատեսված տեղեկություններ և փաստաթղթեր պարունակող՝ հայտատուի հայտի հիման վրա, այդ հայտն ստանալուց հետո՝ 30 աշխատանքային օրը չգերազանցող ժամկետում՝

ա) ուսումնասիրում է հայտատուի կողմից ստացված փորձարկումների ակտը.

բ) կայացնում է տեսակի հաստատման մասին որոշում.

գ) ձևակերպում է չափման միջոցների տեսակի հաստատման մասին սերտիֆիկատ՝ թիվ 1 հավելվածի համաձայն սահմանված ձևով և չափման միջոցների տեսակի նկարագրություն՝ թիվ 2 հավելվածի համաձայն սահմանված ձևով (այսուհետ, համապատասխանաբար՝ տեսակի հաստատման մասին սերտիֆիկատ, տեսակի նկարագրություն).

դ) սահմանում է տեսակի հաստատման մասին սերտիֆիկատի գործողության ժամկետը (չափման միջոցների եզակի օրինակների համար՝ անժամկետ, սերիական թողարկման չափման միջոցների համար՝ 5 տարի).

ե) սահմանում է հաստատվող տեսակի չափման միջոցների ստուգաչափումների միջև ժամանակային միջակայքը.

զ) սահմանում է հաստատվող տեսակի չափման միջոցների ստուգաչափման մեթոդիկան.

է) տեսակի հաստատման արդյունքների ճանաչման նպատակով կատարում է աշխատանքներ՝ Եվրասիական տնտեսական հանձնաժողովի կողմից հաստատվող՝ չափումների միասնականության ապահովման աշխատանքների արդյունքների փոխադարձ ճանաչման կանոններին համապատասխան.

ը) մյուս անդամ պետությունների լիազորված մարմինների կողմից աշխատանքների արդյունքների ճանաչման մասին ծանուցում ստանալու դեպքում տեսակի հաստատման և տեսակի հաստատման փոխադարձ ճանաչման մասին տեղեկությունները մուտքագրում է իր անդամ պետության՝ չափումների միասնականության ապահովման ոլորտում տեղեկատվական ֆոնդ՝ այդ պետության օրենսդրությամբ սահմանված կարգով.

թ) հայտատուին տրամադրում է տեսակի հաստատման մասին սերտիֆիկատ։

16. Սույն կարգի դրույթներին փորձարկումների ակտի անհամապատասխանության դեպքում լիազորված մարմինը կարող է կայացնել տեսակի հաստատումը մերժելու մասին որոշում։ Կայացված որոշման մասին ծանուցումը (հիմնավորմամբ) հայտատուին ուղարկվում է գրավոր՝ որոշումը կայացնելու օրվանից հետո՝ 3 աշխատանքային օրվա ընթացքում։

17. Մինչև տեսակի հաստատման մասին սերտիֆիկատի գործողության ժամկետը լրանալը՝ հայտատուի հայտի հիման վրա լիազորված մարմնի կողմից կայացվում է տեսակի հաստատման մասին նոր սերտիֆիկատի տրամադրման մասին որոշում այն փորձարկումների դրական արդյունքների հիման վրա, որոնք անցկացվում են չափումների միասնականության ապահովման ոլորտում անդամ պետության օրենսդրությամբ սահմանված կարգով։ Ընդ որում, օգտագործվում են այն փորձարկումների արդյունքները, որոնք ավելի վաղ անցկացվել են չափման միջոցների տեսակի հաստատման նպատակով։

18. Տեսակի հաստատման մասին սերտիֆիկատը և տեսակի նկարագրությունը լրացվում են ռուսերենով, էլեկտրոնային տպիչ սարքերի օգտագործմամբ և անդամ պետության օրենսդրության մեջ համապատասխան պահանջի առկայության դեպքում՝ տեսակի հաստատումն անցկացնող անդամ պետության պետական լեզվով։

Տեսակի հաստատման մասին սերտիֆիկատի և տեսակի նկարագրության լրացումը ռուսերենով և անդամ պետության պետական լեզվով իրականացվում է տեսակի հաստատման մասին սերտիֆիկատի և տեսակի նկարագրության տարբեր կողմերում՝ սույն կարգի 21-րդ և 22-րդ կետերի համաձայն, համապատասխանաբար։

19. Տեսակի հաստատման մասին սերտիֆիկատում և տեսակի նկարագրությունում սույն կարգով չնախատեսված փոփոխությունների կատարում, ինչպես նաև բառերի (բացի համընդհանուր ճանաչվածներից) հապավումների օգտագործում և տեքստի ուղղումներ չեն թույլատրվում։

20. Տեսակի հաստատման մասին սերտիֆիկատը կամ տեսակի նկարագրությունը կորցնելու կամ վնասելու դեպքում լիազորված մարմնի կողմից տրվում է կրկնօրինակը։ Ընդ որում, տեսակի հաստատման մասին սերտիֆիկատի կամ տեսակի նկարագրության կրկնօրինակի վերին աջ անկյունում կատարվում է հետևյալ գրառումը՝ «Կրկնօրինակը տրված է 20 թվականի -ին»՝ նշելով տեսակի հաստատման մասին սերտիֆիկատի կամ տեսակի նկարագրության բնօրինակի համարը և տրամադրման ամսաթիվը։

Տեսակի հաստատման մասին սերտիֆիկատի կամ տեսակի նկարագրության մեջ սխալների (վրիպակների) հայտնաբերման դեպքում թույլատրվում է տեսակի հաստատման մասին այդ սերտիֆիկատի կամ տեսակի նկարագրության փոխարինում՝ նշելով փոխարինող փաստաթղթի համարը և տրամադրման ամսաթիվը։

21. Տեսակի հաստատման մասին սերտիֆիկատում նշվում են՝

ա) 1-ին դաշտում՝ 1 տողով կատարված գրառում՝

«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ».

բ) 2-րդ դաշտում՝ լիազորված մարմնի լրիվ անվանումը.

գ) 3-րդ դաշտում՝ 2 տողով կատարված գրառումներ՝

1-ին տող՝ «ՍԵՐՏԻՖԻԿԱՏ».

2-րդ տող՝ «չափման միջոցների տեսակի հաստատման մասին».

դ) 4-րդ դաշտում՝ հաստատման մասին սերտիֆիկատի գրանցման 9-նիշանոց համարը և դրա տրամադրման ամսաթիվը։

Տեսակի հաստատման մասին սերտիֆիկատի գրանցման համարը տառաթվային ծածկագիր է, որի նիշերի յուրաքանչյուր խումբ առանձնանում է կետով և ձևավորվում է հետևյալ կարգով՝

առաջին և երկրորդ նիշեր՝ անդամ պետության 2-նիշանոց տառային ծածկագիր՝ միջազգային ISO 3166-1:2013 ստանդարտին համապատասխան.

երրորդ նիշ՝ 1-նիշանոց տառային ծածկագիր, որը նույնականացվում է ռուսերեն այբուբենի մեծատառերի հետ և ունի հետևյալ նշանակությունը՝

С՝ չափման միջոցների սերիական արտադրություն.

Е՝ չափման միջոցների եզակի օրինակ.

չորրորդից յոթերորդ նիշեր՝ ընթացիկ տարում ձևակերպված տեսակի հաստատման մասին սերտիֆիկատի հերթական համարը, որը հաջորդաբար ձևավորվում է տարվա սկզբից (0001 համարից).

ութերորդ և իններորդ նիշեր՝ տեսակի հաստատման մասին սերտիֆիկատի տրամադրման տարվա թվային 2-նիշանոց ծածկագիրը (նշվում են տարվա վերջին 2 թվերը՝ 00-ից մինչև 99):

Տեսակի հաստատման մասին սերտիֆիկատի ձևակերպման ամսաթիվը նշվում է բառաթվային եղանակով՝ օրը՝ արաբական երկու թվանշաններով (չակերտներում), ամիսը՝ բառով, տարին՝ արաբական չորս թվանշաններով (տարվա կրճատ նշումով՝ «թ.»).

ե) 5-րդ դաշտում՝ սերտիֆիկատի գործողության ժամկետը.

զ) 6-րդ դաշտում՝ չափման միջոցների տեսակի անվանումը.

է) 7-րդ դաշտում՝ չափման միջոցներ պատրաստողի անվանումը, իրավաբանական անձի գտնվելու վայրը (հասցեն) կամ ազգանունը, անունը, հայրանունը (առկայության դեպքում), որպես անհատ ձեռնարկատեր գրանցված ֆիզիկական անձի բնակության վայրը.

ը) 8-րդ դաշտում՝ անդամ պետության չափումների միասնականության ապահովման ոլորտում տեղեկատվական ֆոնդում առկա չափման միջոցների տեսակի գրանցման համարը.

թ) 9-րդ դաշտում՝ չափման միջոցների ստուգաչափման նորմատիվ փաստաթղթի տեսակը, անվանումը և համարը.

ժ) 10-րդ դաշտում՝ չափման միջոցների ստուգաչափումների միջև ժամանակային միջակայքը.

ժա) 11-րդ դաշտում՝ լիազորված մարմնի ակտի համարը և դրա ընդունման ամսաթիվը (առկայության դեպքում).

ժբ) 12-րդ դաշտում՝ տեսակի հաստատման մասին սերտիֆիկատը տրամադրած լիազորված մարմնի ղեկավարի (լիազորված անձի) պաշտոնը, ստորագրությունը, ազգանունը, անունը, հայրանունը (առկայության դեպքում)՝ այդ մարմնի կնիքով վավերացված (առկայության դեպքում).

ժգ) 13-րդ դաշտում՝ տեսակի հաստատման մասին սերտիֆիկատի ձևաթղթի վրա` դրա պատրաստման ժամանակ զետեղվող տպագրական համարը (սերիան և հերթական համարը)։

22. Տեսակի նկարագրի մեջ նշվում են՝

ա) 1-ին դաշտում՝ 1 տողով կատարված գրառում՝

«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ».

բ) 2-րդ դաշտում՝ լիազորված մարմնի լրիվ անվանումը.

գ) 3-րդ դաշտում՝ 1 տողով կատարված գրառում՝

«ՉԱՓՄԱՆ ՄԻՋՈՑՆԵՐԻ ՏԵՍԱԿԻ ՆԿԱՐԱԳՐՈՒԹՅՈՒՆԸ».

դ) 4-րդ դաշտում՝ չափման միջոցների տեսակի լրիվ անվանումը՝ տեսակի հաստատման մասին սերտիֆիկատին համապատասխան.

ե) 5-րդ դաշտում՝ 1 տողով կատարված գրառում՝

«չափման միջոցների տեսակի հաստատման մասին սերտիֆիկատի».

զ) 6-րդ դաշտում՝ հաստատման մասին սերտիֆիկատի գրանցման 9 նիշանոց համարը և դրա տրամադրման ամսաթիվը.

է) 7-րդ դաշտում՝ չափման միջոցների տեսակի նշանակությունը.

ը) 8-րդ դաշտում՝ չափման միջոցների նկարագրությունը՝ նշելով կառուցվածքները, գործողության սկզբունքը, մոդիֆիկացիաների թիվը, դրանց նշագրերը և առանձնահատկությունները, նույնականացման տվյալները և ծրագրային ապահովման պաշտպանության եղանակը (առկայության դեպքում).

թ) 9-րդ դաշտում՝ չափագիտական և տեխնիկական բնութագրերի, այդ թվում՝ չափման միջոցների ճշգրտության ցուցանիշների անվանումները.

ժ) 10-րդ դաշտում՝ չափման միջոցների լրակազմությունը.

ժա) 11-րդ դաշտում՝ չափումների միասնականության ապահովման ոլորտում անդամ պետության օրենսդրությամբ նախատեսված՝ չափման միջոցների տեսակի հաստատման նշանի զետեղման տեղը և եղանակը (չափման միջոցների կամ դրանց ուղեկցող փաստաթղթերի վրա).

ժբ) 12-րդ դաշտում՝ չափման միջոցների տեսակի ստուգաչափման մեթոդիկայի անվանումը և նույնականացման տվյալները (նշագիրը, գրանցման համարը).

ժգ) 13-րդ դաշտում՝ ստուգաչափման միջոցների մասին տվյալները.

ժդ) 14-րդ դաշտում՝ չափման մեթոդիկաների (մեթոդների) մասին տեղեկությունները (այդ չափման մեթոդիկան (մեթոդը) պարունակող նորմատիվ փաստաթղթի նշագիրը և անվանումը (առկայության դեպքում)).

ժե) 15-րդ դաշտում՝ 1 տողով կատարված գրառում՝

«Նորմատիվ և տեխնիկական փաստաթղթեր, որոնցով սահմանվում են՝».

ժզ) 16-րդ դաշտում՝ անդամ պետությունների այն նորմատիվ փաստաթղթերի անվանումն ու նշագիրը, որոնք պարունակում են չափման միջոցների նկատմամբ պահանջներ.

ժէ) 17-րդ դաշտում՝ չափման միջոցների ստուգաչափման մեթոդը՝ չափման միջոցների ստուգաչափման սխեմային համապատասխան.

ժը) 18-րդ դաշտում՝ չափման միջոցներ պատրաստողի անվանումը, իրավաբանական անձի գտնվելու վայրը (հասցեն) կամ ազգանունը, անունը, հայրանունը (առկայության դեպքում), որպես անհատ ձեռնարկատեր գրանցված ֆիզիկական անձի բնակության վայրը, ինչպես նաև հեռախոսի ու ֆաքսի համարը, էլեկտրոնային փոստի հասցեն (առկայության դեպքում).

ժթ) 19-րդ դաշտում՝ լիազորված կազմակերպության անվանումը, դրա գտնվելու վայրը (հասցեն), հեռախոսի և ֆաքսի համարը, էլեկտրոնային փոստի հասցեն (առկայության դեպքում), հավատարմագրման վկայագրի համարը, տրամադրման ամսաթիվը և գործողության ժամկետը կամ լիազորության մասին փաստաթղթի հրապարակման ամսաթիվը.

ի) 20-րդ դաշտում՝ սերտիֆիկատը տրամադրած լիազորված մարմնի ղեկավարի (լիազորված անձի) պաշտոնը, ստորագրությունը, ազգանունը, անունը, հայրանունը (առկայության դեպքում)՝ այդ մարմնի կնիքով վավերացված (առկայության դեպքում).

իա) 21-րդ դաշտում՝ թերթիկի համարը և տեսակի նկարագրության թերթիկների ընդհանուր քանակը։

ՀԱՎԵԼՎԱԾ ԹԻՎ 1 Չափման միջոցների տեսակի հաստատման կարգի

ՁԵՎ

չափման միջոցների տեսակի հաստատման մասին սերտիֆիկատի

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ					(1)
___________________________________________________________________________					(2)
(Եվրասիական տնտեսական միության անդամ պետության լիազորված մարմնի լրիվ անվանումը)
ՍԵՐՏԻՖԻԿԱՏ   չափման միջոցների տեսակի հաստատման մասին					(3)
թիվ ________ «___» __________________թ.					(4)
Գործողության ժամկետը մինչև __________ թվականի «___»-ը					(5)
Չափման միջոցների տեսակի անվանումը ___________________________________					(6)
Պատրաստողը ___________________________________________________________					(7)
Գրանցման համարը ______________________________________________________					(8)
Ստուգաչափման փաստաթուղթը ___________________________________________					(9)
Ստուգաչափումների միջև ժամանակային միջակայքը _______ թվական (տարի)։					(10)
Չափման միջոցների տեսակը հաստատված է Եվրասիական տնտեսական միության անդամ պետության չափումների միասնականության ապահովման հարցերով լիազորված մարմնի _____ թվականի «___»-ի թիվ ___ ակտով (նշվում է համապատասխան ակտի առկայության դեպքում)։ Չափման միջոցների տեսակը թույլատրվում է կիրառել Եվրասիական տնտեսական միության տարածքում՝ չափման միջոցների տեսակի նկարագրությանը համապատասխան։					(11)
________________________________________	Կ.Տ.	_________________		________________	(12)
(Եվրասիական տնտեսական միության անդամ պետության լիազորված մարմնի ղեկավարի (լիազորված անձի) պաշտոնը)		(ստորագրություն)		(Ա.Ա.Հ.)
Սերիա ______ թիվ ____					(13)

ՀԱՎԵԼՎԱԾ ԹԻՎ 2 Չափման միջոցների տեսակի հաստատման կարգի

ՁԵՎ

չափման միջոցների տեսակի նկարագրության

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ					(1)
_________________________________________________________________________					(2)
(Եվրասիական տնտեսական միության անդամ պետության լիազորված մարմնի լրիվ անվանումը)
ՉԱՓՄԱՆ ՄԻՋՈՑՆԵՐԻ ՏԵՍԱԿԻ ՆԿԱՐԱԳՐՈՒԹՅՈՒՆԸ					(3)
_________________________________________________________________________					(4)
(չափման միջոցների տեսակի լրիվ անվանումը)
չափման միջոցների տեսակի հաստատման մասին սերտիֆիկատի					(5)
թիվ _____ «_____» ______________________թ.					(6)
Նշանակությունը ___________________________________________________________					(7)
Նկարագրությունը __________________________________________________________					(8)
Չափագիտական և տեխնիկական բնութագրերը _______________________________					(9)
Լրակազմությունը __________________________________________________________					(10)
Տեսակի հաստատման նշանը զետեղվում է ____________________________________					(11)
Ստուգաչափումն իրականացվում է __________________________________________					(12)
Ստուգաչափման միջոցների մասին տեղեկությունները ________________________					(13)
Չափման մեթոդիկաների (մեթոդների) մասին տեղեկությունները (առկայության դեպքում) __________________________________________________________________					(14)
Նորմատիվ և տեխնիկական փաստաթղթեր, որոնցով սահմանվում են՝					(15)
չափման միջոցների տեսակի նկատմամբ պահանջները ________________________					(16)
ստուգաչափման մեթոդները _________________________________________________					(17)
Պատրաստողը _____________________________________________________________					(18)
Փորձարկման կենտրոնը (լիազորված կազմակերպությունը) ____________________					(19)
___________________________________________	Կ.Տ.	________________		_________________	(20)
(Եվրասիական տնտեսական միության անդամ պետության լիազորված մարմնի ղեկավարի (լիազորված անձի) պաշտոնը)		(ստորագրություն)		(Ա.Ա.Հ.)
թերթ _____, ընդամենը՝ թերթեր __________					(21)

                                                                                __________