«08» մայիսի 2015 թ.

թիվ 18

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ 2014 ԹՎԱԿԱՆԻ ԴԵԿՏԵՄԲԵՐԻ 23-Ի ԹԻՎ 112 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Հայաստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» 2014 թվականի հոկտեմբերի 10-ի պայմանագրի թիվ 3 հավելվածի 57-րդ կետի իրագործման նպատակով և Եվրասիական տնտեսական հանձնաժողովի տեղեկությունը հաշվի առնելով՝ Եվրասիական տնտեսական բարձրագույն խորհուրդը որոշեց.

Փոփոխություններ կատարել «Եվրասիական տնտեսական միության շրջանակներում Բելառուսի Հանրապետության, Ղազախստանի Հանրապետության և Ռուսաստանի Դաշնության համար սահմանափակումների, բացառումների, լրացուցիչ պահանջների և պայմանների անհատական ազգային ցանկեր հաստատելու մասին» Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 112 որոշման մեջ՝ համաձայն հավելվածի:

Եվրասիական տնտեսական բարձրագույն խորհրդի անդամներ՝

ՀԱՎԵԼՎԱԾ Եվրասիական տնտեսական բարձրագույն խորհրդի  2015 թվականի մայիսի 8-ի  թիվ 18 որոշման

ՓՈՓՈԽՈՒԹՅՈՒՆՆԵՐ

(Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 112 որոշման մեջ կատարվող)

1. Անվանման մեջ և 1-ին կետում «շրջանակներում» բառից հետո ավելացել «Հայաստանի Հանրապետության,» բառերը:

2. Ավելացնել Եվրասիական տնտեսական միության շրջանակներում Հայաստանի Հանրապետության համար սահմանափակումների, բացառումների, լրացուցիչ պահանջների և պայմանների անհատական ազգային ցանկը հետևյալ բովանդակությամբ՝

«ՀԱՍՏԱՏՎԱԾ Է Եվրասիական տնտեսական  բարձրագույն խորհրդի՝ 2015 թվականի մայիսի 8-ի թիվ 18 որոշմամբ

ԱՆՀԱՏԱԿԱՆ ԱԶԳԱՅԻՆ ՑԱՆԿ

Եվրասիական տնտեսական միության շրջանակներում Հայաստանի Հանրապետության համար սահմանափակումների, բացառումների, լրացուցիչ պահանջների և պայմանների

Սահմանափակումների, բացառումների, լրացուցիչ պահանջների և պայմանների նկարագրությունը	Սահմանափակումների, բացառումների, լրացուցիչ պահանջների և պայմանների տեսակը (Պայմանագրի թիվ 16 հավելվածի կետեր)	Միջազգային պայմանագիր, նորմատիվ իրավական ակտ
«Ծառայությունների առևտրի, հիմնադրման, գործունեության և ներդրումների իրականացման մասին» արձանագրության 38-րդ կետի 1-ին ենթակետի հիման վրա («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 16 հավելված (այսուհետ՝ Պայմանագիր)) ծառայությունների այն ոլորտներում, որտեղ Եվրասիական տնտեսական միության շրջանակներում գործում է ծառայությունների միասնական շուկա, չեն կիրառվում սահմանափակումներ, բացառումներ, լրացուցիչ պահանջներ և պայմաններ՝ «Հայաստանի Հանրապետության՝«Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» 2014 թվականի հոկտեմբերի 10-ի պայմանագիրն ուժի մեջ մտնելու օրվանից: «Ծառայությունների առևտրի, հիմնադրման, գործունեության և ներդրումների իրականացման մասին» արձանագրության 38-րդ կետի 1-ին ենթակետի հիման վրա (այսուհետ՝ թիվ 16 հավելված) ծառայությունների այն ոլորտների (ենթաոլորտների) ցանկերում, որոնց կապակցությամբ Եվրասիական տնտեսական միության շրջանակներում ծառայությունների միասնական շուկայի ձևավորումն իրականացվելու է ազատականացման պլաններին համապատասխան, սահմանափակումներ, բացառումներ, լրացուցիչ պահանջներ և պայմաններ չեն կիրառվում այդպիսի ազատականացման պլանների իրագործումից հետո: Թիվ 16 հավելվածի՝ սույն ցանկի երկրորդ սյունակում նշված կետերը կիրառվում են Եվրասիական տնտեսական միության անդամ պետությունների կողմից (այսուհետ՝ անդամ պետություններ) սույն ցանկի առաջին սյունակում նշված ծավալներով և պայմաններով: Սույն ցանկը կիրառվում է Պայմանագրի 66-րդ և 67-րդ հոդվածներին չհակասող մասով։

Սահմանափակումների, բացառումների, լրացուցիչ պահանջների և պայմանների նկարագրությունը	Սահմանափակումների, բացառումների, լրացուցիչ պահանջների և պայմանների տեսակը (Պայմանագրի թիվ 16 հավելվածի կետեր)	Միջազգային պայմանագիր, նորմատիվ իրավական ակտ
1. Պայմանագրի XVI, XIX, XX և XXI բաժիններում ընդգրկվող ծառայությունների և գործունեության տեսակների նկատմամբ Հայաստանի Հանրապետությունը պահպանում է սահմանափակումներ, բացառումներ, լրացուցիչ պահանջներ և պայմաններ կիրառելու իրավունքը Հայաստանի Հանրապետության նորմատիվ իրավական ակտերին և միջազգային պայմանագրերին համապատասխան՝ այնպես, որ դրանք չհակասեն նշված բաժիններին և այն պայմանավորվածություններին, որոնք ձեռք կբերվեն անդամ պետությունների միջև նշված բաժիններին համապատասխան	16-րդ, 17-րդ, 23-րդ, 26-րդ, 28-րդ, 31-րդ, 33-րդ և 35-րդ կետեր	Պայմանագիր Հայաստանի Հանրապետության միջազգային պայմանագրեր, Հայաստանի Հանրապետության նորմատիվ իրավական ակտեր
2. Այն գործունեությունը, որի իրականացման համար պահանջվում է լիցենզիա, կարող է իրականացվել միայն Հայաստանի Հանրապետության իրավաբանական անձանց կողմից կամ անհատ ձեռնարկատերերի կողմից, որոնք սահմանված կարգով գրանցված են Հայաստանի Հանրապետությունում։ Գործունեության այն տեսակները, որոնց իրականացման համար պահանջվում է լիցենզիա, ինչպես նաև լիցենզավորված անձի կազմակերպական-իրավական ձևի որոշման կարգը սահմանվում են Հայաստանի Հանրապետության օրենսդրությամբ	23-րդ, 26-րդ և 31-րդ կետեր	«Լիցենզավորման մասին» Հայաստանի Հանրապետության 2001 թվականի մայիսի 30-ի թիվ ՀՕ-193 օրենք
3. Նոտար, նոտարի ստաժյոր կարող է լինել միայն Հայաստանի Հանրապետության քաղաքացին, եթե այլ բան նախատեսված չէ Հայաստանի Հանրապետության միջազգային պայմանագրերով	23-րդ, 26-րդ և 35-րդ կետեր	«Նոտարիատի մասին» Հայաստանի Հանրապետության 2001 թվականի դեկտեմբերի 4-ի թիվ ՀՕ-274 օրենք
4. Օտարերկրյա փաստաբանը չի կարող իրավաբանական օգնություն ցույց տալ պետական կամ ծառայողական գաղտնիքի հետ կապված հարցերով	26-րդ և 35-րդ կետեր	«Փաստաբանության մասին» Հայաստանի Հանրապետության 2004 թվականի դեկտեմբերի 14-ի թիվ ՀՕ-29-Ն օրենք
5. Թիկնապահի ու պահնորդի կարգավիճակ ձեռք բերելու և թիկնապահական ու պահնորդական գործառույթներ իրականացնելու (այդ թվում` զենքի և հատուկ միջոցների գործադրմամբ) իրավունք ունեն Հայաստանի Հանրապետության միայն այն քաղաքացիները, որոնք ունեն թիկնապահի կամ պահնորդի որակավորում	23-րդ, 26-րդ և 35-րդ կետեր	«Մասնավոր պահնորդական գործունեության մասին» Հայաստանի Հանրապետության 2012 թվականի փետրվարի 9-ի թիվ ՀՕ-6-Ն օրենք
6. Պահպանվում է ցանկացած այնպիսի միջոց ներմուծելու և կիրառելու հնարավորությունը, որը հիմնված է համատեղ արտադրության այն համաձայնությունների վրա, որոնց միջոցով տրամադրվում է ազգային ռեժիմ տվյալ համաձայնություններում ընդգրկված տեսալսողական ստեղծագործությունների առնչությամբ	28-րդ կետ	Հայաստանի Հանրապետության միջազգային պարտավորությունները, որոնք վերաբերում են ծառայություններին և բխում են «Հայաստանի Հանրապետության՝ «Առևտրի համաշխարհային կազմակերպության հիմնադրման մասին» Մարաքեշի 1994 թվականի ապրիլի 15-ի համաձայնագրին միանալու մասին» 2002 թվականի դեկտեմբերի 10-ի արձանագրությունից
7. Պահպանվում է ցանկացած այնպիսի միջոց ներմուծելու և կիրառելու հնարավորությունը, որով երաշխավորում են տեսալսողական ստեղծագործություններին, ինչպես նաև այդպիսի ստեղծագործությունների մատակարարներին աջակցելու ծրագրերում ունեցած մասնակցությունից բխող օգուտները՝ ծագման որոշակի չափանիշները պահպանելու դեպքում	28-րդ կետ	Հայաստանի Հանրապետության միջազգային պարտավորությունները, որոնք վերաբերում են ծառայություններին և բխում են «Հայաստանի Հանրապետության՝ «Առևտրի համաշխարհային կազմակերպության հիմնադրման մասին» Մարաքեշի 1994 թվականի ապրիլի 15-ի համաձայնագրին միանալու մասին» 2002 թվականի դեկտեմբերի 10-ի արձանագրությունից
8. Հեռուստառադիոընկերությունների կանոնադրական կապիտալում օտարերկրյա կապիտալի բաժինը չի կարող հավասար լինել կամ գերազանցել այն բաժնետոմսերի 50 %-ը, որոնք անհրաժեշտ են հեռուստառադիոընկերությունների կողմից որոշումներ կայացնելու համար, եթե այլ բան նախատեսված չէ Հայաստանի Հանրապետության միջազգային պայմանագրերով	28-րդ և 31-րդ կետեր	«Հեռուստատեսության և ռադիոյի մասին» Հայաստանի Հանրապետության 2000 թվականի հոկտեմբերի 9-ի թիվ ՀՕ-97 օրենք
9. Հայաստանի Հանրապետության տարածքում այլ անդամ պետության անձի կողմից հաստատության նկատմամբ կիրառվում է ցանկացած սահմանափակում՝ միջուկային էներգետիկայի և ռադիոակտիվ թափոնների հետ վարվելու բնագավառում գործունեություն և գործառություններ իրականացնելու համար	23-րդ, 26-րդ, 31-րդ, 33-րդ և 35-րդ կետեր	«Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության 1999 թվականի փետրվարի 1-ի թիվ ՀՕ-285 օրենք