ՀՀ ՍՅՈՒՆԻՔԻ ՄԱՐԶԻ ԿԱՊԱՆ ՀԱՄԱՅՆՔԻ ԱՎԱԳԱՆՈՒ ՈՐՈՇՈՒՄԸ ՀՀ ՍՅՈՒՆԻՔԻ ՄԱՐԶԻ ԿԱՊԱՆ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԱՐՏԱՔԻՆ ԳՈՎԱԶԴԻ ԵՎ ԱՐՏԱՔԻՆ ԳՈՎԱԶԴԻ ՄԻՋՈՑԻ ՏԵՂԱԲԱՇԽՄԱՆ (ՏԵՂԱԴՐՄԱՆ) ԵՎ ՇԱՀԱԳՈՐԾՄԱՆ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆԵԼՈՒ ԵՎ ԿԱՊԱՆ ՀԱՄԱՅՆՔԻ ԱՎԱԳԱՆՈՒ 2019 ԹՎԱԿԱՆԻ ՄԱՐՏԻ 29-Ի N 20-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

 

ՍՅՈՒՆԻՔԻ ՄԱՐԶ

 

ԿԱՊԱՆ ՀԱՄԱՅՆՔԻ ԱՎԱԳԱՆԻ

 

Ո Ր Ո Շ ՈՒ Մ

 

12 ՍԵՊՏԵՄԲԵՐԻ 2025թ. N 115-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ԿԱՊԱՆ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԱՐՏԱՔԻՆ ԳՈՎԱԶԴԻ ԵՎ ԱՐՏԱՔԻՆ ԳՈՎԱԶԴԻ ՄԻՋՈՑԻ ՏԵՂԱԲԱՇԽՄԱՆ (ՏԵՂԱԴՐՄԱՆ) ԵՎ ՇԱՀԱԳՈՐԾՄԱՆ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆԵԼՈՒ ԵՎ ԿԱՊԱՆ ՀԱՄԱՅՆՔԻ ԱՎԱԳԱՆՈՒ 2019 ԹՎԱԿԱՆԻ ՄԱՐՏԻ 29-Ի N 20-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 12-րդ կետով և 18-րդ հոդվածի 1-րդ մասի 41-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 13-րդ հոդվածի 9-րդ մասով և 37-րդ հոդվածի 1-ին մասով, համաձայն «Գովազդի մասին» Հայաստանի Հանրապետության օրենքի 11-րդ հոդվածի` Կապան համայնքի ավագանին որոշում է.

1. Սահմանել Հայաստանի Հանրապետության Սյունիքի մարզի Կապան համայնքի վարչական տարածքում արտաքին գովազդի և արտաքին գովազդի միջոցի տեղաբաշխման (տեղադրման) և շահագործման կարգն ու պայմանները՝ համաձայն N 1 հավելվածի:

2․ Հաստատել Կապան համայնքի վարչական տարածքում արտաքին գովազդի տեղաբաշխման (տեղադրման) և արտաքին գովազդի միջոց տեղաբաշխելու (տեղադրելու) թույլտվություն ստանալու դիմումի և արտաքին գովազդի տեղաբաշխման (տեղադրման) և արտաքին գովազդի միջոց տեղաբաշխելու (տեղադրելու) թույլտվության ձևերը՝ համաձայն N 2 հավելվածի:

3. ՈՒժը կորցրած ճանաչել Հայաստանի Հանրապետության Սյունիքի մարզի Կապան համայնքի ավագանու «Հայաստանի Հանրապետության Սյունիքի մարզի Կապան համայնքի վարչական տարածքում արտաքին գովազդ տեղադրելու կարգն ու պայմանները սահմանելու և Կապան քաղաքային համայնքի ավագանու 2013 թվականի դեկտեմբերի 12-ի թիվ 131-Ն որոշումն ուժը կորցրած ճանաչելու մասին» 2019 թվականի մարտի 29-ի N 20-Ն որոշումը։

4․ Սույն որոշումն ուժի մեջ է մտնում հրապարակման օրվանից երկու ամիս հետո:

 

Կողմ( 20 )`

 

ԳԵՎՈՐԳ ՓԱՐՍՅԱՆ __________________

ԳՈՌ ԹԱԴԵՎՈՍՅԱՆ __________________

ԳԵՎՈՐԳ ԴԻՆՈՒՆՑ __________________

ԶՈՐԱՅՐ ԳԱԼՍՏՅԱՆ __________________

ՅՈՒՐԻԿ ՀԱՐՈՒԹՅՈՒՆՅԱՆ __________________

ԱՆԺԵԼԱ ԱԼԵՔՍԱՆՅԱՆ __________________

ԱՐՇԱԿ ՀԱՐՈՒԹՅՈՒՆՅԱՆ __________________

ԱԼԵՆ ԱՐՄԵՆԻ ՄԱՐՏԻՐՈՍՅԱՆ __________________

ԱՐՏՅՈՄ ՀԱՐՈՒԹՅՈՒՆՅԱՆ __________________

ԱՐՄԵՆ ՀՈՎՀԱՆՆԻՍՅԱՆ __________________

ՀԵՐՄԻՆԵ ՄԻՔԱՅԵԼՅԱՆ __________________

ԱՐԹՈՒՐ ԳԵՎՈՐԳՅԱՆ __________________

ՍՊԱՐՏԱԿ ՀԱՐՈՒԹՅՈՒՆՅԱՆ __________________

ԶԱՐԻՆԵ ՇԱՀՆԱԶԱՐՅԱՆ ___________________

ՄՀԵՐ ՎԵԶԻՐՅԱՆ ___________________

ՍԱՍՈՒՆ ՀԱՅՐԱՊԵՏՅԱՆ ___________________

ՎԱՀԱԳՆ ՀԱՐՈՒԹՅՈՒՆՅԱՆ __________________

ԱՐՄԻՆԵ ՊԱՊԵՅԱՆ ___________________

ԱՐՍԵՆ ԲԱԴԱԼՅԱՆ ___________________

ԼԱՎՐԵՆՏ ՍՏԵՓԱՆՅԱՆ ___________________

 

Դեմ ( 0 )

Ձեռնպահ ( 0 )

 

ՀԱՄԱՅՆՔԻ ՂԵԿԱՎԱՐ	ԳԵՎՈՐԳ ՓԱՐՍՅԱՆ
2025 թ. սեպտեմբերի 12 ք. Կապան

 

Հավելված N 1 ՀՀ Սյունիքի մարզի Կապան համայնքի ավագանու 2025 թ. սեպտեմբերի 12-ի N 115-Ն որոշման

ԿԱՊԱՆ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԱՐՏԱՔԻՆ ԳՈՎԱԶԴԻ ԵՎ ԱՐՏԱՔԻՆ ԳՈՎԱԶԴԻ ՄԻՋՈՑԻ ՏԵՂԱԲԱՇԽՄԱՆ (ՏԵՂԱԴՐՄԱՆ) ԵՎ ՇԱՀԱԳՈՐԾՄԱՆ ԿԱՐԳՆ ՈՒ ՊԱՅՄԱՆՆԵՐԸ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով (այսուհետ՝ Կարգ) սահմանվում են Կապան համայնքի վարչական տարածքում արտաքին գովազդի (այսուհետ՝ գովազդ) և արտաքին գովազդի միջոցի տեղաբաշխման (տեղադրման) և շահագործման կարգն ու պայմանները և այդ գործընթացի մասնակիցների փոխհարաբերությունները:

2. Սույն Կարգը կիրառելի է արտաքին գովազդի և գովազդի միջոցների նկատմամբ ինչպես դրանց տեղաբաշխման, այնպես էլ տեղաբաշխումից հետո՝ շահագործման փուլում։

3. Գովազդի և արտաքին գովազդի միջոցի տեղաբաշխումն իրականացվում է «Գովազդի մասին», «Տեղական ինքնակառավարման մասին», «Տեղական տուրքերի և վճարների մասին» Հայաստանի Հանրապետության օրենքներին, այլ օրենքներին ու իրավական ակտերին և սույն Կարգի պահանջներին համապատասխան:

4. Կապան համայնքի վարչական տարածքում գովազդը կարող է տեղաբաշխվել, վահանակների, ցուցատախտակների, պիլլարների, պատի մեծանկարների, էլեկտրոնային էկրանների, բարձակների, տրանսպորտային միջոցների, հասարակական և այլ տրանսպորտի կանգառասրահների, ցուցափեղկերի, հեռախոսախցիկների, բանկոմատների, վճարային տերմինալների, առևտրի ավտոմատ (վենդինգային) սարքավորումների, սառնարանների, հովանոցների, հովհարների և գովազդի այլ միջոցների (այսուհետ՝ արտաքին գովազդի միջոց կամ գովազդի միջոց) կիրառմամբ (վրա)։

5. Գովազդը կամ գովազդի միջոցը կարող է տեղաբաշխվել (տեղադրվել) պետական, համայնքային կամ այլ անձանց սեփականության իրավունքով պատկանող հողամասերի, շենքերի, շինությունների (հիմնական կամ ոչ հիմնական) և դրանց վրա տեղակայված այլ կառույցների կամ կոնստրուկցիաների, անցումների, կամուրջների, տրանսպորտային միջոցների և այլ օբյեկտների (այսուհետ նաև՝ գովազդի օբյեկտ) կիրառմամբ (վրա):

6. Գովազդը, գովազդի միջոցը պետք է համահունչ լինի Կապան համայնքի ճարտարապետությանը և համապատասխանի այն օբյեկտին կամ միջավայրին, որտեղ տեղադրված (տեղակայված) է։

7. Գովազդը, գովազդի միջոցը պետական, համայնքային կամ այլ անձանց սեփականություն համարվող հողամասերում կարող է տեղաբաշխվել (տեղադրվել) Հայաստանի Հանրապետության հողային հարաբերությունները և քաղաքաշինական գործունեությունը կարգավորող իրավական ակտերին համապատասխան, պետական կամ համայնքային համապատասխան մարմնի համաձայնության դեպքում:

8. Բազմաբնակարան և ստորաբաժանված շենքերի ընդհանուր բաժնային սեփականության վրա գովազդ, գովազդի միջոց տեղաբաշխելու (տեղադրելու) թույլտվությունը տրվում է Հայաստանի Հանրապետության քաղաքացիական օրենսգրքով և «Բազմաբնակարան շենքի կառավարման մասին» Հայաստանի Հանրապետության օրենքով և այլ իրավական ակտերով նախատեսված համապատասխան համաձայնության առկայության դեպքում:

9. Պետական կամ համայնքային սեփականություն չհանդիսացող գովազդի օբյեկտի վրա գովազդ, գովազդի միջոց տեղաբաշխելու (տեղադրելու) թույլտվությունը տրվում է միայն տվյալ գովազդի օբյեկտի սեփականատիրոջ, օրինական օգտագործողի կամ տիրապետողի համաձայնության, իսկ օրենսդրությամբ նախատեսված դեպքերում՝ նաև համապատասխան քաղաքացիաիրավական պայմանագրի առկայության դեպքում:

10. Այն դեպքում, երբ գովազդ տեղաբաշխելու (տեղադրելու) թույլտվությունը հայցվում է այնպիսի ապրանքների կամ ծառայությունների գովազդի համար, որոնց իրացման (այլ անձանց փոխանցման) կամ մատուցման համար պահանջվում է թույլտվություն (լիցենզիա, այլ թույլատվական բնույթի փաստաթուղթ), գովազդ տեղաբաշխելու թույլտվությունը կարող է տրամադրվել միայն նման թույլտվության առկայության դեպքում և դրա գործողությունը չգերազանցող ժամկետով։

11. Այն դեպքում, երբ գովազդի, գովազդի միջոցի տեղաբաշխումը (տեղադրումը) կարող է առնչվել Կապանի համայնքապետարանի աշխատակազմի համապատասխան կառուցվածքային ստորաբաժանումների գործառույթներին, գովազդ կամ գովազդի միջոց տեղաբաշխելու(տեղադրելու) թույլտվություն տալու հարցը որոշելիս, պետք է հաշվի առնվեն այդ ստորաբաժանումների կարծիքները։

 

2. ԳՈՎԱԶԴԻ ԵՎ ԳՈՎԱԶԴԻ ՄԻՋՈՑԻ ՏԵՂԱԲԱՇԽՄԱՆ (ՏԵՂԱԴՐՄԱՆ) ԹՈՒՅԼՏՎՈՒԹՅՈՒՆ ՏԱԼՈՒ ԿԱՐԳԸ

 

12. Կապան համայնքում, այդ թվում` տրանսպորտային միջոցների վրա, գովազդ տեղաբաշխելու (տեղադրելու) թույլտվությունը տալիս է Կապան համայնքի ղեկավարը:

13. Գովազդ տեղաբաշխելու (տեղադրելու) համար գովազդատուն, գովազդակիրը սույն որոշման N 2 հավելվածով սահմանված ձևի (Ձև 1) դիմում է ներկայացնում համայնքի ղեկավարին: Մեկ դիմումով կարող է հայցվել միայն մեկ գովազդի վերաբերող թույլտվություն։

13․1. Սույն հավելվածի 13-րդ կետում նշված դիմումը պետք է պարունակի․

1) համայնքի ղեկավարի անունը, ազգանունը,

2) դիմողի անհատ ձեռնարկատեր լինելու դեպքում վերջինիս անունը, ազգանունը, պետական գրանցման համարը, իսկ իրավաբանական անձի դեպքում՝ նրա լրիվ անվանումը, պետական գրանցման համարը և հարկ վճարողի հաշվառման համարը,

3) դիմողի հասցեն (իրավաբանական անձի գտնվելու վայրը),

4) դիմողի հետ կապ հաստատելու միջոց հանդիսացող բջջային հեռախոսահամարը և էլեկտրոնային փոստի հասցեն,

5) գովազդի տեղաբաշխման ժամկետի սկիզբը և ավարտը։ Գովազդի տեղաբաշխման ժամկետի ավարտը չի կարող լինել ավելի ուշ, քան ընթացիկ տարվա դեկտեմբերի 31-ը,

6) տվյալներ այն գովազդային միջոցի մասին, որի վրա նախատեսվում է տեղադրել գովազդը, մասնավորապես՝ գովազդային միջոցի հասցեն, դրա տեսակը,

7) դիմումին կցվող փաստաթղթերի ցանկը,

8) դիմումը կազմելու տարին, ամիսը, օրը,

9) դիմողի ստորագրությունը։

13․2. Սույն հավելվածի 13-րդ կետում նշված դիմումին կցվում են.

1) դիմումատուի անձը հաստատող փաստաթղթի պատճենը,

2) գովազդի գունավոր ուրվանկարը (էսքիզը)՝ գովազդի չափերի և ընդհանուր մակերեսի, ինչպես նաև շենքի, շինության կամ այլ կառույցի վրա տեղադրվելու դեպքում, դրա ճարտարապետական տարրերից հեռավորության նշումով, իսկ էլեկտրոնային էկրանի վրա գովազդ տեղաբաշխելու (տեղադրելու) դեպքում՝ էլեկտրոնային գովազդային նյութերը,

3) գովազդի տեղադրման տեղանքի առկա վիճակի լուսանկարը առնվազն վեց մետր հեռավորությունից, այնպես, որ լիարժեք հասկանալի լինի, թե ինչ տարածքի, շինության կամ որևէ այլ մակերեսի վրա է նախատեսվում տեղադրել գովազդը,

4) եթե դիմումը ներկայացվում է դիմողի լիազորված անձի կողմից, ապա օրենքով սահմանված կարգով լիազորագիր և լիազորված անձի անձը հաստատող փաստաթղթի պատճենը,

5) դիմումին կարող են կցվել նաև այլ փաստաթղթեր, որոնք ըստ դիմողի կարող են նշանակություն ունենալ դիմումի վերաբերյալ որոշում կայացնելու համար։

6) տեղական տուրքի վճարումը հիմնավորող փաստաթղթի պատճենը:

14. Գովազդի միջոցի /այդ թվում տրանսպորտային միջոցի/ վրա տեղադրելու համար, անձը սույն որոշման N 2 հավելվածով սահմանված ձևի (Ձև 3) դիմում է ներկայացնում համայնքի ղեկավարին․

15. Սույն հավելվածի 14-րդ կետում նշված դիմումը պետք է պարունակի․

1) համայնքի անվանումը,

2) համայնքի ղեկավարի անունը և ազգանունը,

3) դիմողի անհատ ձեռնարկատեր լինելու դեպքում վերջինիս անունը, ազգանունը, պետական գրանցման համարը, իսկ իրավաբանական անձի դեպքում՝ նրա լրիվ անվանումը, պետական գրանցման համարը և հարկ վճարողի հաշվառման համարը,

4) դիմողի հասցեն (իրավաբանական անձի գտնվելու վայրը),

5) դիմողի հետ կապ հաստատելու միջոց հանդիսացող բջջային հեռախոսահամարը և էլեկտրոնային փոստի հասցեն (դրա առկայության դեպքում),

6) գովազդային միջոցի տեղադրման վայրը և ժամկետի սկիզբը և ավարտը։

7) դիմումը կազմելու տարին, ամիսը, օրը,

8) դիմումին կցվող փաստա թղթերի ցանկը,

9) դիմողի ստորագրությունը, իսկ իրավաբանական անձի դեպքում՝ նրա իրավասու պաշտոնատար անձի ստորագրությունը։

16. Սույն հավելվածի 14-րդ կետում նշված դիմումին կցվում են.

1) դիմումատուի անձը հաստատող փաստաթղթի պատճենը,

2) եթե դիմումը ներկայացվում է դիմողի լիազորված անձի կողմից, ապա օրենքով սահմանված կարգով լիազորագիր և լիազորված անձի անձը հաստատող փաստաթղթի պատճենը,

3) գովազդի միջոցի նախագիծը, այն կոնստրուկցիա, կառույց կամ տեխնիկական այլ միջոց լինելու դեպքում՝ սույն կարգի 41-րդ կետում նախատեսված եզրակացությունը կամ այլ փաստաթուղթ ,

4) դիմումին կարող են կցվել նաև այլ փաստաթղթեր, որոնք ըստ դիմողի կարող են նշանակություն ունենալ դիմումի վերաբերյալ որոշում կայացնելու համար։

5) տեղական տուրքի վճարումը հիմնավորող փաստաթղթերի պատճենները:

17. Համայնքապետարանի աշխատակազմի եկամուտների գանձման, առևտրի և սպասարկման բաժինը սույն որոշման 13-րդ կետում նշված դիմումը և անհրաժեշտ կից նյութերը ստանալուց հետո երկու աշխատանքային օրվա ընթացքում պարզում է դրանց համապատասխանությունը սույն որոշմամբ նախատեսված պահանջներին, բացառությամբ սույն որոշման 13․2-րդ կետի 2-րդ կետում նշված ուրվանկարի (էսքիզի) և էլեկտրոնային գովազդային նյութերի բովանդակության սույն որոշմամբ նախատեսված պահանջներին համապատասխանության պարզումը։ Վերոնշյալ գործողությունների կատարման արդյունքում, նույն երկօրյա ժամկետում կատարվում է սույն հավելվածի 18-րդ կամ 19-րդ կետերում նկարագրված գործողություններից մեկը։

18. Եթե սույն հավելվածի 17-րդ կետում նշված գործողությունների կատարման արդյունքում պարզվում է, որ ներկայացված դիմումում և դրան կից ներկայացված նյութերում առկա է որևէ անհամապատասխանություն սույն որոշմամբ նախատեսված պահանջներին, ապա գովազդի տեղաբաշխման (տեղադրման) թույլտվություն տալը մերժվում է։

19. Եթե սույն հավելվածի 17-րդ կետում նշված գործողությունների կատարման արդյունքում պարզվում է, որ ներկայացված դիմումում և դրան կից ներկայացված նյութերում բացակայում է որևէ անհամապատասխանություն սույն որոշմամբ նախատեսված պահանջներին, ապա դիմումը և դրան կից ներկայացված նյութերը փոխանցում է Աշխատակազմի քաղաքաշինության և հողաշինության բաժին, սույն հավելվածի 13․2-րդ կետի 2-րդ կետում նշված ուրվանկարի (էսքիզի) կամ էլեկտրոնային գովազդային նյութերի բովանդակության սույն որոշմամբ նախատեսված պահանջներին համապատասխանության պարզման նպատակով։

20. Աշխատակազմի քաղաքաշինության և հողաշինության բաժինը դիմումը և դրան կից ներկայացված նյութերը ստանալուց հետո ներկայացնում է իր դրական կամ բացասական եզրակացությունը ուրվանկարի (էսքիզի) բովանդակության սույն որոշմամբ նախատեսված պահանջներին համապատասխանության վերաբերյալ․

1) երեք աշխատանքային օրվա ընթացքում, եթե չի ծագել անհրաժեշտություն դիմել Աշխատակազմի այլ կառուցվածքային ստորաբաժանումների կամ այլ մարմինների եզրակացությունները ստանալու համար,

2) յոթ աշխատանքային օրվա ընթացքում, եթե դրական կամ բացասական եզրակացություն ձևավորելու համար առաջացել է անհրաժեշտություն դիմել Աշխատակազմի այլ կառուցվածքային ստորաբաժանումների վերջիններիս կարծիքը ստանալու նպատակով։

21. Համայնքի ղեկավարը, ստանալով սույն կարգի 20-րդ կետում նշված կարծիքներից որևէ մեկը՝ երկու աշխատանքային օրվա ընթացքում․

1) մերժում է գովազդի տեղաբաշխման (տեղադրման) թույլտվություն տալը, եթե Աշխատակազմի քաղաքաշինության և հողաշինության բաժնի կողմից ստացվել է բացասական եզրակացություն,

2) տրամադրում է գովազդի տեղաբաշխման (տեղադրման) թույլտվություն, եթե Աշխատակազմի քաղաքաշինության և հողաշինության բաժնի կողմից ստացվել է դրական եզրակացություն։

22. Այն դեպքում, երբ Աշխատակազմի Եկամուտների գանձման, առևտրի և սպասարկման բաժնի կողմից պարզվում է, որ սույն որոշման 13-րդ կետում նշված դիմումում և անհրաժեշտ կից նյութերում առկա է որևէ անհամապատասխանություն սույն որոշմամբ նախատեսված պահանջներին, ապա գովազդի տեղաբաշխման (տեղադրման) թույլտվություն տալը մերժվում է։

23. Աշխատակազմի եկամուտների գանձման, առևտրի և սպասարկման բաժինը սույն որոշման 14-րդ կետով նախատեսված դիմումը և անհրաժեշտ փաստաթղթերը ստանալուց հետո երեք աշխատանքային օրվա ընթացքում պարզում է դրանց համապատասխանությունը սույն Կարգի պահանջներին: Եթե դիմումում առկա են ձևական սխալներ, որոնք կարող են շտկվել, ապա դրանք մատնացույց է անում դիմողին` նրան հնարավորություն ընձեռելով դիմումը ստանալու պահից երեք աշխատանքային օրվա ընթացքում շտկելու այդ սխալները: Եթե դիմումին կից ներկայացված փաստաթղթերի ցանկն ամբողջական չէ, ապա դիմողին առաջարկվում է դիմումը ներկայացնելու պահից երեք աշխատանքային օրվա ընթացքում համալրել այն:

24. Եթե սույն Կարգի 14-րդ կետով նախատեսված դիմումում կամ կից փաստաթղթերում առկա են ոչ ձևական, էական սխալներ, կամ Կարգի 23-րդ կետում սահմանված ժամկետում ձևական թերությունները չեն շտկվել, ապա համայնքի ղեկավարը դիմումը ստանալուց կամ թերությունները շտկելու համար սահմանված ժամկետի լրանալուց հետո երեք աշխատանքային օրվա ընթացքում մերժում է դիմումը:

25. Եթե սույն Կարգի 14-րդ կետով նախատեսված դիմումը և կից փաստաթղթերը համապատասխանում են Կարգի պահանջներին, կամ դիմողի կողմից վերացվել են ձևական խախտումները, ապա դիմումի՝ Կարգի պահանջներին համապատասխանելու մեջ հավաստվելուց կամ ձևական խախտումները դիմողի կողմից վերացվելուց հետո երկու աշխատանքային օրվա ընթացքում դրանք ներկայացվում են համապատասխան փորձաքննություն անցած մոնտաժային նախագծերի համաձայնեցման, ինչպես նաև, ըստ անհրաժեշտության համապատասխան հողհատկացման հարցերի քննարկման և լուծման համար։

26. Կապանի համայնքապետարանի եկամուտների գանձման, առևտրի և սպասարկման բաժինը սույն որոշման 15-րդ կետով նախատեսված դիմումը ստանալուց հետո երեք աշխատանքային օրվա ընթացքում պարզում է ներկայացված փաստաթղթերի համապատասխանությունը Կարգի պահանջներին: Այն դեպքում, եթե համաձայնության տրամադրման համար անհրաժեշտ է հաշվի առնել համայքապետարանի համապատասխան կառուցվածքային ստորաբաժանումների կարծիքները, ապա ապահովելով այդ գործընթացը, դիմումը ստանալուց հետո յոթ աշխատանքային օրվա ընթացքում տալիս է համաձայնություն կամ մերժում դրա տրամադրումը:

27. Ըստ անհրաժեշտության Կապանի համայնքապետարանի աշխատակազմի քաղաքաշինության և հողաշինության բաժինը նախաձեռնում է նաև համայնքի ղեկավարի կողմից համապատասխան հողհատկացման գործընթացը, ինչպես նաև համաձայնություն է տալիս հենասյուների կամ այլ գույքի վրա գովազդի միջոցի տեղադրման համար: Եթե համապատասխան հողամասի տրամադրումը կամ հենասյուների կամ այլ գույքի վրա գովազդի միջոցի տեղադրման համար համաձայնություն տալը հնարավոր չէ կամ գովազդը, գովազդի միջոցը չի համապատասխանում Հայաստանի Հանրապետության օրենսդրության (այդ թվում՝ Կարգի) պահանջներին, կամ կարող է խախտել ճանապարհային երթևեկությունը կամ այլ անձանց իրավունքներն ու օրինական շահերը, ապա Աշխատակազմի Եկամուտների գանձման, առևտրի և սպասարկման բաժինը մերժում է համաձայնության տրամադրումը Կանոնների 26-րդ կետում սահմանված ժամկետում:

28. Սույն Կարգի 14-րդ կետով նախատեսված դիմումի և դրան կից փաստաթղթերի սույն Կարգի և Հայաստանի Հանրապետության օրենսդրությամբ նախատեսված այլ կիրառելի պահանջներին համապատասխանելու դեպքում, Աշխատակազմի Եկամուտների գանձման, առևտրի և սպասարկման բաժնի կողմից դիմումը ներկայացնելու օրվանից երեք աշխատանքային օրվա ընթացքում տրվում է համաձայնություն ներկայացված դիմումի հիման վրա համապատասխան թույլտվություն տրամադրելու վերաբերյալ։

29. Սահմանված չափի տեղական տուրքի վճարումը հաստատող փաստաթուղթը, փորձաքննություն անցած մոնտաժային նախագծերը, ինչպես նաև սույն կանոններով նախատեսված այլ փաստաթղթերը (հողհատկացման որոշում և այլն) ստանալուց հետո երկու աշխատանքային օրվա ընթացքում համայնքի ղեկավարի որոշմամբ տրվում է գովազդի միջոցի տեղադրման թույլտվություն՝ համաձայն սույն որոշման Հավելված 2-ի Ձև 4-ի: Թույլտվությունը կարող է տրվել դիմողի կողմից դիմումում նշված ժամկետից նվազ ժամկետով։

30. Գովազդի տեղաբաշխման կամ գովազդի միջոցի տեղադրման թույլտվություն տրամադրելուց հետո Աշխատակազմը պետք է պարզի գովազդի տեղաբաշխման և գովազդի միջոցի տեղադրման համապատասխանությունը դիմողի կողմից ներկայացված դիմումին և դրան կից նյութերին, ինչպես նաև տրված թույլտվությանը: Անհամապատասխանություն հայտնաբերելու դեպքում Աշխատակազմն այդ մասին անհապաղ տեղեկացնում է համայնքի ղեկավարին։

31. Առաջին անգամ անհամապատասխանություն հայտնաբերելիս՝ գովազդատուն (գովազդակիրը) գրավոր զգուշացվում է ողջամիտ ժամկետում այն վերացնելու մասին: Սահմանված ժամկետում տեղ գտած թերությունները չշտկելու կամ 2-րդ անգամ անհամապատասխանություն թույլ տալու դեպքում` գովազդատուն (գովազդակիրը) պարտավորեցվում է իր միջոցներով ապամոնտաժել գովազդը կամ գովազդի միջոցը: Գովազդատուի (գովազդակրի) կողմից գովազդը կամ գովազդի միջոցը չապամոնտաժելու դեպքում՝ այն (դրանք) ապամոնտաժվում է համայնքի միջոցներով, իսկ կատարված ծախսերը փոխհատուցում է գովազդատուն (գովազդակիրը):

32. Այն դեպքում, երբ գովազդը, գովազդի միջոցը տեղաբաշխվել (տեղադրվել) է առանց համապատասխան թույլտվության, այն կարող է ապամոնտաժվել Համայնքի կողմից առանց անձին նախապես ծանուցելու և սեփական միջոցներով այն ապամոնտաժելու հնարավորություն տրամադրելու։ Համայնքի կողմից գովազդը, գովազդի միջոցը ապամոնտաժվելու դեպքում, ապամոնտաժման հետ կապված ծախսերը փոխհատուցում է ապամոնտաժված գովազդը, գովազդի միջոցը տեղադրած անձը։

33. Թույլտվությունը հանդիսանում է հատուկ հաշվառման փաստաթուղթ, որը գրանցվում է աշխատակազմի եկամուտների գանձման, առևտրի և սպասարկման բաժնի թույլտվությունների հաշվառման մատյանում (թվային շտեմարանում)։

34. Գովազդի միջոց, գովազդ տեղաբաշխելու (տեղադրելու) դիմումը մերժելու դեպքում՝ պետք է հստակ նշվեն մերժման պատճառներն ու հիմքերը։

35. Գովազդի միջոցի տեղադրման վերաբերյալ դիմումը սահմանված ժամկետում ենթակա է մերժման հետևյալ դեպքերում`

1) ներկայացված փաստաթղթերը չեն համապատասխանում սույն հավելվածի 3-րդ գլխով նախատեսված չափորոշիչների և Կարգի պահանջներին,

2) խախտվում են սույն Կարգի և այլ իրավական ակտերի պահանջները:

36. Գովազդի միջոցի տեղադրման մոնտաժային աշխատանքները կատարվում են մասնագիտացված կազմակերպությունների կողմից մշակված և Աշխատակազմի Եկամուտների գանձման, առևտրի և սպասարկման բաժնի հետ համաձայնեցված նախագծով։ Արտաքին գովազդի միջոց տեղաբաշխելու (տեղադրելու) համար գովազդատուն, գովազդակիրն օրենքով սահմանված կարգով պատասխանատվություն են կրում գովազդի միջոցի մոնտաժման ապահովության և դրա անվթար շահագործման համար։

37. Գովազդի տեղաբաշխման, գովազդի միջոցի տեղադրման թույլտվության ժամկետը լրանալու, այն վաղաժամ դադարելու դեպքում գովազդատուն, գովազդակիրը, գովազդային միջոցի տեղադրման թույլտվություն ստացած անձը պարտավոր են թույլտվության ժամկետը լրանալուց կամ վաղաժամկետ դադարեցվելուց հետո երեք աշխատանքային օրվա ընթացքում իրենց միջոցներով ապամոնտաժել գովազդը, գովազդի միջոցը, իսկ զբաղեցրած տարածքը, շենքերը, շինությունները կամ այլ գույքը, որի վրա տեղակայված, տեղադրված է եղել գովազդը, գովազդի միջոցը, բերել նախկին վիճակին:

38. Կապան համայնքում գովազդի տեղաբաշխման (տեղադրման) գործընթացի նկատմամբ հսկողությունն օրենքով սահմանված կարգով իրականացնում է համայնքի ղեկավարը։

39. Գովազդատուն, գովազդ արտադրողը, գովազդակիրը Հայաստանի Հանրապետության օրենքով սահմանված պահանջների խախտման համար պատասխանատվություն են կրում օրենքով սահմանված կարգով:

 

3. ԿԱՊԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԱՐՏԱՔԻՆ ԳՈՎԱԶԴԻ ԵՎ ԱՐՏԱՔԻՆ ԳՈՎԱԶԴԻ ՄԻՋՈՑԻ ՏԵՂԱԲԱՇԽՄԱՆ (ՏԵՂԱԴՐՄԱՆ) ՉԱՓՈՐՈՇԻՉՆԵՐԸ

 

40. Գովազդը, գովազդի միջոցը պետք է նախագծված, արտադրված, տեղադրված լինի այնպես, որպեսզի չհանդիսանա վտանգի աղբյուր։ Վերոնշյալ պահանջին համապատասխանելու փաստը հաստատելու համար համայնքի ղեկավարը կարող է դիմողից պահանջել լիցենզավորված կազմակերպության կողմից տրված՝ տեխնիկական վիճակի և անվտանգության վերաբերյալ եզրակացություն կամ իր կողմից բավարար համարվող այլ փաստաթուղթ։

41. Այն դեպքում, երբ գովազդի միջոցի շահագործումը կապակցված է հոսանքի կիրառման հետ, այն պետք է ունենա հոսանքի վթարային անջատման համակարգ։

42. Գովազդը, գովազդի միջոցը բացառությամբ ազդագրերի (афиша), վահանակների և էլեկտրոնային էկրանների վրա տեղադրվող գովազդի, չպետք է պարունակի՝

1) կոնտակտային տվյալներ՝ հասցե, հեռախոսահամար, էլեկտրոնային փոստի, ինտերնետ կայքի կամ սոցիալական ցանցերի հասցեներ,

2) առաջարկների, ակցիաների կամ զեղչերի մասին տեղեկատվություն, բացառությամբ ցուցափեղկերում տեղադրվող գովազդի, գովազդի միջոցի,

3) ապրանքի կամ ծառայության արժեքի մասին տեղեկատվություն, բացառությամբ ավտոլցակայաններում տեղադրվող գովազդի,

4) հայտարարություն, բացառությամբ օբյեկտի բացման, գործունեության մեկնարկի կամ տարեդարձի մասին հայտարարության, որը կարող է տեղադրվել համապատասխան ժամանակահատվածում՝ առավելագույնը 1 (մեկ) ամիս ժամկետով։

5) երկուսից ավելի ծառայության կամ ապրանքի մասին տեղեկատվություն (ներառյալ թվարկում կամ բնութագիր) և երկու ծառայության կամ ապրանքի պատկերից ավել պատկեր։

43. Արտաքին գովազդի, գովազդի միջոցի տեղաբաշխումը (տեղադրումը) չի թույլատրվում.

1) մեկը մյուսի վրա,

2) դեկորատիվ-գեղարվեստական կամ տեքստային պատկերը շենքի, շինության, կառույցի որևէ մակերևույթին (ներառյալ դռան, պատուհանի, ցուցափեղկի, շրջանակի, կամարի հատվածները) նկարելու, ներկելու, կպչուն նյութերով և դեկորատիվ զարդերով փակցնելու կամ փորագրելու միջոցներով,

3) վազող տողով,

4) ձայների, ձայնային սարքերի կիրառմամբ,

5) լազերային համակարգերի և միջոցների կիրառմամբ,

6) նեոնային լամպերի կիրառմամբ,

7) արտաքին լուսավորության կիրառմամբ, բացառությամբ պատի մեծանկարի, կամուրջների և վերնանցումների,

8) մեկ տողի վրա գտնվող ծավալային տառերը տարբեր հորիզոնական առանցքների վրա տեղադրելով,

9) ոչ արդի, ժամանակավրեպ տեղեկատվությամբ,

10) երբ դրանք քաղաքացիների կյանքին, առողջությանը կամ գույքի համար առերևույթ վտանգ են ներկայացնում,

11) կոտրված, վնասված, գունաթափված, պատռված, հնամաշ, կեղտոտ վիճակում,

12) շենքի, շինության կամ այլ կառույցի դեկորատիվ կամ ինքնակպչուն թղթի, պաստառի կամ այլ փափուկ նյութերի կիրառմամբ, բացառությամբ միագույն թափանցիկ փայլատ (матовый) սպիտակ գույնի կամ դրա երանգի ինքնակպչուն ծածկույթի օգտագործման դռան, պատուհանի և ցուցափեղկի ապակու հատվածների վրա, ինչպես նաև տարածքի վերանորոգման կամ շինարարական աշխատանքների ժամանակահատվածում՝ շինարարական աշխատանքների ծածկման նպատակով տեղադրման դեպքերի,

13) կտորի կիրառմամբ, բացառությամբ հովարի, ծածկի, հովանոցի, դրոշակի

14) ստվարաթղթի վրա կամ դրա կիրառմամբ,

15) թղթի վրա կամ դրա կիրառմամբ, բացառությամբ ջրի թափանցումից պաշտպանված և համապատասխան թույլտվություն ստացած գովազդի միջոցում տեղադրման դեպքերի,

16) մասնակի կամ ամբողջությամբ ծածկելով պատուհանի, ցուցափեղկի, մուտքի արտաքին մակերեսը,

17) ձևափոխելով շենքի, շինության, մուտքի (դռան), պատուհանի, ցուցափեղկի, տանիքի, կամուրջի, գետնանցումի, վերնանցումի, անցումի ճարտարապետական ոճը և տեսքը կամ դուրս գալով դրանց կառուցվածքային տարրերի սահմաններից և եզրերից,

18) տեղեկատու մասը երթևեկելի մասի մակերևույթից առնվազն 7.0 մետրից ցածր բարձրության վրա, եթե գովազդի, գովազդի միջոցի որևէ մաս գտնվում է ճանապարհի երթևեկելի հատվածի վրա,

19) հուշատախտակներից 1.0 մետրից պակաս հեռավորության վրա,

20) փակելով փողոցների անվանումների կամ շենքի, շինության, կառույցի համարների համայնքի կամ շենքի կառավարման մարմնի կողմից տեղադրված նշանները և դրանցից 1.0 մետրից պակաս հեռավորության վրա,

21) բնության հուշարձանների, ծառերի վրա,

22) արգելափակող միջոցների՝ ցանկապատերի (բացառությամբ քարե ցանկապատերի), ուղեփակոցների, արգելափակոցների, կանգնակների, ճաղերի, պարսպի մուտքի (դռների), բազրիքների (перила) վրա, բացառությամբ նկուղային հարկերի։

23) տառերի և սիմվոլների ուղղահայաց դասավորվածությամբ, բացառությամբ դրոշի և 2.0 մետրից ավել բարձրություն ունեցող բարձակի վրա՝ տեղակայված ոչ բնակելի շենքի 6.0 մետրից բարձր ճակատային հատվածին՝ հաշվարկված գետնի մակերեսից, որոնց վրա գովազդը կարող է պատկերված լինել մեկ տողով դասավորվածությամբ

24) կրկնաձիգ գրաժապավենների (տրանսպարանտ) միջոցով,

25) տրանսպորտային հանգույցներում՝ վերգետնյա անցումների տակ,

26) ճանապարհային ցանցում, երբ այն անհամապատասխան է ճանապարհատրանսպորտային տվյալ իրավիճակի հետ կամ երբ այն տեսողական նմանություն ունի (արտաքին տեսքով, պատկերով) ճանապարհային նշաններին, ճանապարհային երթևեկության կազմակերպման այլ միջոցներին (գույքին),

27) էլեկտրաէներգիայի բաշխման, արտաքին լուսավորության և հեռահաղորդակցության սյուների, հանրային լուսավորության կայանքների, գազամատակարարման, ջրահեռացման, տրանսպորտի, ինչպես նաև ճանապարհային, երկաթուղային, ջրային կամ օդային երթևեկության հետ կապված տարրերի, հանրային սարքավորումների կամ գույքի վրա,

28) գերեզմանատան պատի, մուտքի կամ ճաղերի վրա, ինչպես նաև գերեզմանատան տարածք սահմաններին կից՝ 10.0 մետր շառավղով:

44. Գովազդը, գովազդի միջոցը չպետք է.

1) խոչընդոտեն անձանց ազատ տեղաշարժին և հանդիսանան հետիոտնի շարժման արգելք,

2) խանգարեն փողոցների ու մայթերի մաքրմանը,

3) սահմանափակեն պատմամշակութային և մշակութային օբյեկտների տեսանելիությունը, գերիշխեն և շեղեն ուշադրությունը տվյալ օբյեկտներից,

4) սահմանափակեն հանրային տրանսպորտի կանգառների սրահների և նշանների տեսանելիությունը,

5) խոչընդոտեն ճանապարհային երթևեկության կազմակերպանն ու անվտանգության ապահովմանը,

6) շփոթեցնեն կամ շեղեն վարորդի կամ հետիոտնի ուշադրությունը, խաթարեն ճանապարհային երթևեկությունը,

7) սահմանափակեն տեսանելիությունն ավտոճանապարհների վրա,

8) լինեն ճանապարհների վտանգավոր հատվածներում և տեղադրվեն ճանապարհային երթևեկության կազմակերպման տեխնիկական որևէ միջոցների՝ ճանապարհային նշանների, լուսացույցների և դրանց կանգնակների, ճանապարհային արգելափակոցների, բազրիքների, պարապետների, ուղղորդ կարճասյուների վրա կամ այնպես, որ փակվի կամ սահմանափակվի դրանց տեսանելիությունը,

9) փորագրվեն, քանդակվեն, որևէ նյութից (տառերի, սիմվոլների տեսքով կամ միջոցով) ներդրվեն պատի, գետնի, աստիճանների վրա կամ դրանց մեջ։

45. Սգո ծիսակատարությունների համար նախատեսված ապրանքների վաճառք իրականացնող առևտրի օբյեկտների գովազդը, գովազդի միջոցը պետք է բաղկացած լինեն «սգո պարագաներ» կամ «սգո ծառայություններ» բառերից` իրենց համապատասխան հոլովաձևերով և շաղկապներով:

46. Գովազդի, գովազդի միջոցի լուսավորումը թույլատրվում է, եթե այն՝

1) չի հանդիսանում աղմուկի, տատանման, ճառագայթման, էլեկտրամագնիսական դաշտի, թարթող, թրթռացող, անդրադարձող, տատանվող կամ ուժեղ լույսի աղբյուր (օրվա լուսավոր ժամերին՝ 4400 վատտից ոչ ավել, մութ ժամերին՝ 2750 վատտից ոչ ավել),

2) չի առաջացնում երթևեկության մասնակիցների կուրացում (լույսով, այդ թվում` նաև անդրադարձող, թարթող, թրթռացող), չի շփոթեցնում կամ շեղում վարորդի կամ հետիոտնի ուշադրությունը, չի խաթարում ճանապարհային երթևեկությունը,

3) չի ներթափանցում բնակելի տարածքներ,

4) ունի խլացված լուսարձակում, իսկ ստատիկ գովազդի դեպքում լույսի մեկ (միագույն)՝ սպիտակ կամ բնական գույն։

47. Վահանակը գովազդային տեղեկատվության տեղադրման համար կոնստրուկցիա է, որը սովորաբար բաղկացած է հիմքից (հիմնասյունից, պատվանդանից), շրջանակից (рамка) և տեղեկատու դաշտից:

48. Վահանակը կարող է լինել միակողմ և բազմակողմ։

49. Միակողմանի վահանակի հակառակ՝ չօգտագործվող կողմը (կողմերը), տեսանելի լինելու դեպքում, պետք է լինի դեկորատիվ ձևավորված:

50. Վահանակի տեղեկատու դաշտը չպետք է լինի առանց պաստառի (դատարկ)։

51. Վահանակի վրա տեղադրվող գովազդը չի կարող լինել միայն տեքստային բովանդակությամբ (բացառությամբ ապրանքային նշանի)` տեղադրված ֆոնի վրա։

52. Տեքստից և պատկերից բաղկացած գովազդում տեքստի չափաբաժինը չպետք է լինի գովազդի 60%-ից ավելին։

53. Վահանակը չի կարող տեղադրվել մայթի վրա:

54. Ճանապարհի կողային մասում գովազդի միջոց տեղակայելու (տեղադրելու) դեպքում այն պետք է լինի եզրաքար ունեցող ճանապարհի եզրաքարից 0.60 մետրից ոչ պակաս հեռավորության վրա, իսկ եզրաքար չլինելու դեպքում` ճանապարհի եզրից ոչ պակաս, քան 3.0 մետրը:

55. Վահանակի հիմքը պետք է տեղադրված լինի ուղղահայաց այն մակերևույթին, որի վրա տեղակայված է, և համապատասխան խորությամբ՝ ըստ համայնքի ղեկավարի հետ համաձայնեցված նախագծի:

56. Վահանակի շրջանակը և հիմնասյունը պետք է լինեն միագույն:

57. Վահանակի հենասյունը պետք է պատրաստվի այնպիսի նյութերից, որ քամու ազդեցության հաշվարկային բեռնվածության տակ և շահագործման ընթացքում ապահովի բավարար կայունություն:

58. Վահանակներն, ըստ իրենց տեղեկատու դաշտի չափերի (ներառյալ շրջանակը), լինում են՝

1) մեծ չափի` 3.0 մետրից ավել բարձրությամբ, 6.0 մետրից ավել լայնությամբ, 0.60 մետր խորությամբ, ներառյալ միմյանց կցված` համակառույց (մուլտիբորդ) վահանակները։

2) միջին չափի՝ առավելագույնը մինչև 3․0 մետր բարձրությամբ, 4.0 մետր լայնությամբ, 0.60 մետր խորությամբ:

3) փոքր չափի՝ առավելագույնը մինչև 3․50 մետր բարձրությամբ, 2.0 մետր լայնությամբ, 0.30 մետր խորությամբ:

59. Հիմնասյան բարձրությունը կարող է լինել 2.50 մետրից մինչև 3.0 մետր փոքր չափի վահանակի դեպքում, մինչև 4.0 մետր՝ միջին չափի վահանակի դեպքում և մինչև 8.0 մետր՝ մեծ չափի վահանակի դեպքում։

60. Փոքր չափի վահանակը կարող է տեղադրվել պատվանդանի վրա։ Տվյալ պատվանդանը կարող է լինել առավելագույնը 1.20 մետր բարձրությամբ, 1.40 մետր լայնությամբ և 0.30 մետր խորությամբ։

61. Վահանակի կոնստրուկցիայի հիմքի կամ շրջանակի վրա պետք է տեսանելի ձևով նշված լինի գովազդակրի անվանումը, հեռախոսահամարը:

62. Որպես առանձին տեղակայաված կոնստրուկցիա մեծ չափի վահանակների միջև հեռավորությունը չի կարող պակաս լինել 200.0 մետրից։

63. Մեծ չափի վահանակ Կապան համայնքում տեղադրվել (տեղադրված լինել) չի կարող, բացառությամբ պատի մեծանկարի։

64. Միջին չափի վահանակ կարող է տեղադրվել (տեղադրված լինել) խաչմերուկներում:

65. Հենասյան վրա տեղադրված միջին չափի վահանակի որևէ մաս չի կարող լինել ճանապարհի երթևեկելի հատվածի վրա։

66. Յուրաքանչյուր խաչմերուկում, որպես առանձին տեղակայաված կոնստրուկցիա, չի կարող տեղադրվել 1-ից ավելի միջին չափի վահանակ:

67. Որպես առանձին տեղակայված կոնստրուկցիա միջին չափի վահանակների միջև հեռավորությունը չի կարող պակաս լինել 150.0 մետրից։

68. Միջին չափի վահանակները չեն կարող լինել միմյանց կցված` համակառույց (մուլտիբորդ) վահանակների տեսքով։

69. Փոքր չափի վահանակ թույլատարելի է տեղադրել ցուցափեղկում, կանգառասրահում:

70. Փոքր չափի վահանակ որպես առանձին տեղակայված կոնստրուկցիա թույլատարելի է տեղադրել մայրուղիներում, պողոտաներում, փողոցներում, խաչմերուկներում, հրապարակներում՝ իրարից նվազագույնը 50.0 մետր շառավիղով հեռավորության վրա, բացառությամբ սքրոլլերների։

71. Փոքր չափի վահանակի որևէ մաս չի կարող լինել ճանապարհի երթևեկելի հատվածի վրա։

72. Սքրոլլերը ստատիկ գովազդային տեղեկատվության տեղադրման համար նախատեսված դինամիկ մակերեսով փոքր չափի վահանակ է ։

73. Սքրոլլերների միջև հեռավորությունը կարող է լինել նվազագույնը մինչև 8.0 մետր, եթե դրանց տեղեկատու մակերեսի և շրջանակի յուրաքանչյուր կողմը չի գերազանցում 2.60 քմ-ը, իսկ սքրոլլերների քանակը՝ 6-ից ոչ ավել է։

74. Պրիզմատրոնը գովազդային տեղեկատվության տեղադրման համար դինամիկ մակերես նախատեսող վահանակ է` բաղկացած շրջանակից և տեղեկատու դաշտից, որն ունի իր առանցքի շուրջը պտտվող եռանկյուն հատվածակողմեր (призма), երբեմն նաև հիմքից։

75. Պրիզմատրոնի նկատմամբ կիրառելի են վահանակին ներկայացվող պահանջները։

76. Էլեկտրոնային էկրանն (ցուցարկիչ, մոնիտոր, հեռուստաէկրան) արտաքին գովազդի միջոց է` նախատեսված տեղեկատու մակերեսի վրա պատկերներ վերարտադրելու համար՝ լուսադիոդների (LED), լամպերի, այլ լույսի աղբյուրների կամ արտացոլող տարրերի լույսի արտանետման կիրառմամբ:

77. Էլեկտրոնային էկրանը կարող է տեղադրվել որպես առանձին տեղակայված կոնստրուկցիա կամ որևէ օբյեկտի վրա տեղակայված կամ ներկառուցված գովազդի միջոց։

78. Էլեկտրոնային էկրանի տեղեկատու դաշտի չափերը, որպես առանձին կոնստրուկցիա տեղակայված լինելու դեպքում, պետք է համապատասխանեն վահանակին ներկայացվող պահանջներին։

79. Որպես առանձին տեղակայված կոնստրուկցիա էլեկտրոնային էկրանների հիմքի (հենասյան, պատվանդանի) բարձրությունը, լայնությունը և խորությունը, յուրաքանչյուր դեպքում համաձայնեցվում է Աշխատակազմի քաղաքաշինության և հողաշինության բաժնի հետ։ Միևնույն ժամանակ կոնստրուկցիայի առավելագույն չափը չի կարող գերազանցել վահանակի կոնստրուկցիային ներկայացվող պահանջների չափը՝ համապատասխան դրա տեղեկատու դաշտի տեսակի:

80. Էլեկտրոնային էկրանը, որպես առանձին տեղակայված կոնստրուկցիա, կարող է տեղադրվել խաչմերուկներում և ճանապարհների կենտրոնական բաժանարար գոտիներում և գետնի մակարդակից առնվազն 2.50 մետր բարձրության վրա։

81. Որպես առանձին տեղակայաված կոնստրուկցիա էլեկտրոնային էկրանի հիմքի կամ շրջանակի վրա պետք է տեսանելի ձևով նշված լինեն գովազդակրի անվանումը, հեռախոսահամարը:

82. Յուրաքանչյուր խաչմերուկում և ճանապարհների կենտրոնական բաժանարար գոտում, որպես առանձին տեղակայված կառույց, չի կարող տեղադրվել 1-ից ավելի էլեկտրոնային էկրան:

83. Որպես առանձին տեղակայված կառույց էլեկտրոնային էկրանների միջև հեռավորությունը չի կարող պակաս լինել 200.0 մետրից։

84. Շենքի, շինության, կառույցի կամ ցուցափեղկում տեղադրված էլեկտրոնային էկրանների (հեռուստացույցի) հեռավորությունը միմյանցից չի կարող լինել 6.0 մետրից պակաս։

85. Շենքի, շինության, կառույցի վրա տեղադրվող էլեկտրոնային էկրանի համար, բացառությամբ ցուցափեղկում տեղադրվող էլեկտրոնային էկրանների, Աշխատակազմի եկամուտների գանձման, առևտրի և սպասարկման և քաղաքաշինության և հողաշինության բաժինների կողմից կարող են սահմանվել առանձին չափորոշիչներ` կապված բարձրության և տեղեկատու դաշտի մակերեսի հետ, որոնք հաշվի են առնում տվյալ տարածքի ճարտարապետական առանձնահատկությունները:

86. Բարձակը ստատիկ մակերես նախատեսող վահանակային կոնստրուկցիա է՝ բաղկացած հիմքից, շրջանակից և տեղեկատու դաշտից, որը տեղադրվում է ամրակցող մակերեսին ուղղահայաց՝ ուղիղ անկյան տակ։

87. Բարձակը լինում է ուղղանկյուն կամ կլոր երկրաչափական ձևերի, բացառությամբ դեղատնային ապրանքների առևտրով զբաղվող սուբյեկտների կողմից տեղադրվող բարձակների։

88. Հենասյանն ամրակցվող բարձակի առավելագույն չափը՝ ներառյալ շրջանակը, չի կարող գերազանցել 2.0 մետր բարձրությունը, 1.40 մետր լայնությունը՝ ներառյալ ամրակները, և 0.30 մետր խորությունը:

89. Շենքի, շինության, կառույցի ճակատային հատվածին ամրակցվող բարձակի առավելագույն չափը, ներառյալ շրջանակը, չի կարող գերազանցել 0.5 մետր բարձրությունը, 0.5 մետր լայնությունը՝ ներառյալ ամրակները, և 0.50 մետր խորությունը, եթե այն տեղակայված է մինչև 6.0 մետր բարձրության վրա՝ հաշվարկված հողից:

90. Շենքի, շինության, կառույցի ճակատային հատվածին ամրակցվող բարձակի առավելագույն չափը՝ ներառյալ շրջանակը, չի կարող գերազանցել 3.0 մետր բարձրությունը, 1.0 մետր լայնությունը՝ ներառյալ ամրակները, 0.30 մետր խորությունը, եթե այն տեղակայված է 6.0 մետրից ավելի բարձրության վրա՝ հաշվարկված գետնի մակերեսից:

91. Շահագործման անվտանգության նպատակից ելնելով՝ բարձակի որևէ մաս չի կարող տեղադրվել ճանապարհի երթևեկելի հատվածի վրա։

92. Շենքի, շինության, կառույցի վրա կամ բոլոր այլ դեպքերում տեղադրվող բարձակները պետք է տեղադրվեն գետնի մակերևույթից ոչ պակաս, քան 2.50 մետր բարձրության վրա։

93. Բարձակը չպետք է գտնվի ամրակցվող հարթությունից ավելի քան 0.20 մետր հեռավորության վրա։

94. Բարձակների ամրակները պետք է լինեն միագույն՝ մուգ կամ բնական նյութերի գույնի (փայտի, քարի, մետաղական)՝ ամրակցվող մակերեսին կամ շենքի, շինության հիմնական գույնին համահունչ, որի վրա տեղադրվում են։

95. Բարձակների ամրակները կարող են լինել կախովի, թաքնված կամ պատից ամրացված։

96. Բարձակը կարող է ապահովված լինել միայն ներկառուցված ստատիկ լուսավորությամբ՝ արտաքին գովազդի լուսավորության չափանիշներին համապատասխան:

97. Բարձակները չեն կարող լինել առանց պաստառների (դատարկ)։ Դատարկ բարձակները ենթակա են ապամոնտաժման։

98. Արգելվում է բարձակները տեղադրել մեկը մյուսից 10.0 մետրից պակաս հեռավորության վրա։

99. Միևնույն հիմքի (հենքի, հենասյան) վրա չի կարող տեղադրվել մեկից ավելի բարձակ։

100. Միևնույն ճակատային կողմում մեկ սուբյեկտի կողմից չի կարող տեղադրվել մեկից ավելի բարձակ։

101. Բացառությամբ դեղատնային ապրանքների առևտրով զբաղվող սուբյեկտների կողմից շենքի տեղադրվող բարձակների, շենքի, շինության, կառույցի ճակատային հատվածում բարձակը տեղադրվում է որպես միակ գովազդ (գովազդի միջոց). բարձակի տեղադրման դեպքում նույն տնտեսվարողի կողմից չի կարող տեղադրվել այլ գովազդ (գովազդի միջոց), բացառությամբ ցուցափեղկում լուսային տուփի կամ էկրանի ձևով տեղադրվող գովազդի։

102. Միևնույն ճակատի վրա բարձակները պետք է տեղադրվեն մեկ հորիզոնական առանցքի վրա՝ պահպանելով միմյանց նկատմամբ չափերի համաչափությունը։

103. Դեղատնային ապրանքների առևտրով զբաղվող կազմակերպություններին թույլատրվում է բժշկական հավասարակողմ (1:1 հարաբերակցությամբ) խաչի տեսքով պատրաստված բարձակի տեղադրում պատից։

104. Բժշկական հավասարակողմ խաչի տեսքով բարձակը կարող է պարունակել տեղեկատվություն շուրջօրյա գործունեության մասին՝ ստատիկ պատկերված «24» թվի տեսքով` շուրջօրյա գործունեություն ծավալելու դեպքում:

105. Բժշկական հավասարակողմ խաչի տեսքով բարձակը պետք է լուսավորվի միայն դեղատան աշխատանքային ժամերին։

106. Շենքի, շինության, կառույցների արտաքին մակերևույթների վրա գովազդը, գովազդի միջոցը թույլատրվում է տեղաբաշխել (տեղադրել) ճակատի հարթ՝ ճարտարապետական տարրերից զերծ հատվածներում:

107. Շենքի, շինության, կառույցների արտաքին մակերևույթների վրա գովազդը, գովազդի միջոցը թույլատրվում է տեղաբաշխել բացառապես.

1) բարձակի միջոցով,

2) ճակատի հարթությանը զուգահեռ տեղադրվող ուղղահայաց տառերով (ներառյալ ապրանքային նշանի պատկերը)՝ առավելագույնը 2 տողով հորիզոնական դասավորվածությամբ, առանց տակդիրի կամ ամբողջությամբ թափանցիկ տակդիրի կիրառմամբ, եթե գովազդի (գովազդի միջոցի) երկարությունը չի գերազանցում 2․0 մետրը,

3) դրոշակի միջոցով, որի նկատմամբ կիրառելի են բարձակներին ներկայացվող չափորոշիչները։

108. Շենքի, շինության, կառույցների արտաքին մակերևույթների վրա գովազդի, գովազդի միջոցի առավելագույն միասնական հաշվարկված ընդհանուր բարձրությունը կարգավորվում է ըստ գովազդի, գովազդի միջոցի բարձրության.

1) մինչև 4․0 մետր բարձրության դեպքում տեղադրվող գովազդի, գովազդի միջոցի առավելագույն բարձրությունը, մեկ տողի պարագայում, չպետք է գերազանցի 0.30 մետրը, իսկ երկու տողի պարագայում՝ 0.50 մետրը,

2) 4․0-ից մինչև 9.0 մետր բարձրության դեպքում տեղադրվող գովազդի, գովազդի միջոցի առավելագույն բարձրությունը մեկ կամ երկու տողի պարագայում չպետք է գերազանցի 0.50 մետրը, իսկ երկու տողի պարագայում՝ 0.70 մետրը,

3) 9.0-ից մինչև 15.0 մետր բարձրության դեպքում տեղադրվող գովազդի, գովազդի միջոցի առավելագույն բարձրությունը մեկ կամ երկու տողի պարագայում չպետք է գերազանցի 1.0 մետրը,

4) 15.0 մետր և ավել բարձրության դեպքում տեղադրվող գովազդի, գովազդի միջոցի առավելագույն բարձրությունը, մեկ կամ երկու տողի պարագայում չպետք է գերազանցի 2.0 մետրը,

109. Շենքի, շինության, կառույցների արտաքին մակերևույթների վրա գովազդի, գովազդի միջոցի տեղադրումը չի թույլատրվում տակդիրի (подложка) կիրառմամբ, այդ թվում այն դեպքում, երբ գովազդատուի (գովազդակրի) կողմից տեղադրվող գովազդը, գովազդի միջոցը գրանցված է որպես ապրանքային նշան, բացառությամբ ամբողջությամբ թափանցիկ տակդիրի կիրառման:

110. Շենքի, շինության, կառույցների արտաքին մակերևույթի վրա հորիզոնական դասավորվածությամբ ուղղահայաց տառերով գովազդը, գովազդի միջոցը տեղաբաշխվում (տեղադրվում) են.

1) մուտքի կամ պատուհանների (ցուցափեղկերի) վերևում և դրանց սահմաններում՝ առանց ելուստի կամ սահմաններից դուրս առավելագույնը 0.30 մետր ելուստով ամեն կողմից՝ պահպանելով տեղադրվող գովազդի, գովազդի միջոցի համաչափությունը մուտքի և պատուհանի նկատմամբ,

2) տնտեսվարողի կողմից զբաղեցրած տարածքի սահմաններում՝ դռան և պատուհանների (կամ միայն պատուհանների) միջև ընկած միջնապատի վրա՝ պահպանելով ներդաշնակություն ճակատի վրա տեղադրված այլ գովազդների, գովազդի միջոցների հետ:

3) ճարտարապետական ֆրիզի վրա՝ առանց տակդիրի (подложка), բացառությամբ թափանցիկ տակդիրի կիրառման:

111. Շենքի, շինության, կառույցի արտաքին մակերևույթի վրա տեղադրվող գովազդի, գովազդի միջոցի մակերեսը չպետք է դուրս գա ճակատի հարթությունից ավելի քան 0.20 մետր:

112. Արգելվում է գովազդի, գովազդի միջոցի տեղաբաշխումը (տեղադրումը) բազմաբնակարան շենք-շինության 1-ին և 2-րդ հարկերի միջև ընկած բաժանարարից վերև։

113. Եթե տարածքը գտնվում է նկուղային կամ կիսանկուղային հարկում գովազդը, գովազդի միջոցը կարող է տեղադրվել.

1) նկուղի կամ կիսանկուղի մուտքի դռան և պատուհանի վերևում և դրանց սահմաններում՝ առանց ելուստի կամ սահմաններից դուրս առավելագույնը 0.15 մետր ելուստով ամեն կողմից՝ պահպանելով տեղադրվող գովազդի, գովազդի միջոցի համաչափությունը մուտքի և պատուհանի նկատմամբ,

2) նկուղի կամ կիսանկուղի տարածքում, բայց ոչ ցածր, քան գետնի մակարդակից մինչև գովազդի, գովազդի միջոցի ստորին եզրը պահպանելով 0.60 մետր բարձրություն:

3) նկուղի կամ կիսանկուղի աստիճանավանդակին կից հենապատի վրա տեղադրված մեկ լուսամփոփի վրա, որի արտաքին չափերը պետք է լինեն 1.45 մետր բարձրությամբ, 0.35 մետր լայնությամբ, որից հենասյան հատվածը պետք է լինի 0.35 մետր բարձրությամբ, լուսամփոփի բարձրությունը՝ 0.45 մետր, իսկ գովազդի, գովազդի միջոցի բարձրությունը՝ 0.65 մետր:

4) եթե չկա գովազդ, գովազդի միջոց տեղադրելու որևէ այլ հնարավորություն, նկուղի կամ կիսանկուղի աստիճանավանդակին կից հենապատի վրա տեղադրված բազրիքին ներկառուցման միջոցով՝ առավելագույնը (հանրագումարում) 1.0 քմ տարածքով։

114. Շենքի, շինության, կառույցի (բացառությամբ նկուղային կամ կիսանկուղային հատվածի) վրա տեղաբաշխվող (տեղադրվող) գովազդը, գովազդի միջոցը չի կարող կպած լինել դռան, պատուհանի կամ ցուցափեղկի շրջանակին և պետք է դրանցից լինի առնվազն 0.15 մետր հեռավորության վրա:

115. Շենքի, շինության, կառույցի արտաքին մակերեսի վրա գովազդը, գովազդի միջոցը պետք է տեղադրվի տվյալ տնտեսվարող սուբյեկտի կողմից զբաղեցրած արտաքին մակերեսի սահմաններում։

116. Շենքի, շինության, կառույցի արտաքին մակերեսների վրա տեղադրվող գովազդի, գովազդի միջոցի առավելագույն երկարությունը պետք է լինի շենքի ճակատի երկարության 70 տոկոսից ոչ ավել:

117. Արգելվում է շենքի, շինության, կառույցի արտաքին մակերեսը դեկորատիվ պանելներով, սալիկներով կամ այլ միջոցներով երեսպատելը, ֆասադի տեսքի, գույնի կամ այլ փոփոխություն կատարելը գովազդ, գովազդի միջոց տեղադրելու նպատակով կամ, երբ դրանք փաստացի օգտագործվում են գովազդի կամ գովազդի միջոցի տեղադրման համար։

118. Շենքի, շինության, կառույցի պատերի վրա տեղադրվող գովազդը, գովազդի միջոցը չի կարող ունենալ տակդիր (подложка), բառառությամբ ամբողջությամբ թափանցիկ տակդիրի կիրառման և չպետք է ծածկի ճարտարապետական տարրերը, պետք է տեղադրվի դրանցից 0.30 մետրից ոչ պակաս հեռավորության վրա։

119. Շենքի, շինության, կառույցի պատերի վրա տեղադրվող գովազդը կարող է ապահովված լինել միայն ներկառուցված կամ ետնային լուսավորությամբ՝ արտաքին գովազդի լուսավորության չափանիշներին համապատասխան։

120. Գովազդի միջոցը չպետք է գործածվի որպես ծածկ կամ տանիք։

121. Յուրաքանչյուր տնտեսվարող սուբյեկտ շենքի, շինության, կառույցի նույն կողմում գտնվող ճակատի վրա իրավունք ունի տեղաբաշխել (տեղադրել) ոչ ավելի, քան երկու գովազդ, գովազդի միջոց, բացառությամբ մարկիզների և ցուցափեղկերի։

122. Եթե շենքի, շինության, կառույցի միևնույն ճակատում տեղակայված է մի քանի գովազդ, գովազդի միջոց, ապա դրանք պետք է լինեն մեկ հորիզոնական առանցքի վրա ճակատի ուղղահայաց հարթության նկատմամբ:

123. Արգելվում է գովազդի, գովազդի միջոցի տեղաբաշխումը (տեղադրումը)․

1) շենքի, շինության, կառույցի եզրային կամ ճարտարապետական սահմաններից դուրս՝ ելուստով կամ դրանց կից՝ 0.50 մետրից մոտ հեռավորության վրա,

2) առանց շենքի, շինության ճարտարապետական բաժանումներն ու առանձնահատկությունները հաշվի առնելու կամ շենքի, շինության, կառույցի ճարտարապետական դետալների (այդ թվում՝ սյան, որմնասյան (пилястра), զարդանախշի, հարթաքանդակի (барельеф), քիվի (карниз) վրա կամ դրանց կից՝ 0․30 մետրից մոտ հեռավորության վրա,

3) շենքի, շինության, կառույցի պատշգամբի, դրա ճաղերի, ճաղաշարքերի (балюстрада) կամ ծածկի վրա,

4) շենքի, շինության, կառույցի տանիքի ճաղերին և դրանց տարրերի՝ ճաղավանդակների, սյուների, ձողերի, դեկորների, վրա ամրացնելու միջոցով,

5) շենքի, շինության, կառույցի ծածկի (ներառյալ մուտքի ծածկի) և ճարտարապետական հովհարի (козырек) վրա, ինչպես նաև հավելյալ կոնստրուկցիայի կամ գովազդի միջոցի դրանց վրա ամրակցմամբ, բացառությամբ ֆրիզի հատվածի սահմաններում տեղադրման դեպքի՝ առանց ելուստների և եզրերից 0.50 մետրից պակաս հեռավորության վրա։

6) ճարտարապետական ֆրիզի սահմաններից դուրս՝ առանց ելուստների և եզրերից 0.5 մետրից պակաս հեռավորության վրա,

7) շենքի բնակելի հատվածների սահմաններում, այդ թվում՝ ճակատի խուլ պատերին, բացառությամբ պատի մեծանկարների,

8) բազմաբնակարան շենք-շինությունների, կառույցի շքամուտքի տարածքում՝ դռան շրջանակի վրա կամ դրան կից՝ շրջանակից 0.50 մետրից ոչ պակաս հեռավորության վրա,

9) ոչ հիմնական, ոչ ստացիոնար կառույցի, կրպակի, կրպակաշարի, կցակառույց օբյեկտի, ավտոտնակի և դրանց տանիքների վրա, բացառությամբ դրանց ֆրիզային հատվածների (ներառյալ հովարներն ու ծածկերը) և ցուցափեղկի, որոնց վրա գովազդը թույլատրվում է տեղադրել յուրաքանչյուր ցուցափեղկի փեղկի մակերեսի 75 տոկոսից ոչ ավելի չափով,

10) շենքի և շինության կամարի, կամարանցումի և կամարակապ բացվածքով սահմանափակված տարածքի մեջ և դրանցից 1 մետրից պակաս հեռավորության վրա,

11) շենքի, շինության, կառույցի ճակատային այն հատվածի վրա, որտեղ նախկինում տեղադրված գովազդի, գովազդի միջոցի տեղադրման հետևանքով կամ այլ պատճառով առկա են անցքեր, վնասվածքներ։ Նշված հատվածում գովազդ, գովազդի միջոցի տեղադրելու թույլտվություն կարող է տրվել բացառապես նշված անցքերի, վնասվածքների վերականգնման (լցման) դեպքում,

12) պետական կառավարման և տեղական ինքնակառավարման մարմինների շենքերի վրա, բացառությամբ այն դեպքերի, երբ առկա է տվյալ մարմնի համաձայնությունը,

13) թանգարանների, պատմական և ճարտարապետական հուշարձանների, դրանց տարածքում և տանիքների վրա, բացառությամբ այն դեպքերի, երբ առկա է լիազոր մարմնի կամ հիմնադրի համաձայնությունը։

124. Շենքի, շինության, կառույցի վրա արտաքին գովազդ տեղադրելու այլ կանոններ սահմանված լինելու դեպքում, այդ կանոնները կիրառվում են, եթե չեն հակասում սույն որոշմամբ նախատեսված չափորոշիչներին։

125. Գովազդի միջոցների որոշակի տեսակների համար Կապանի համայնքապետարանը կարող է սահմանել ստանդարտ ձևեր, ինչպես նաև դրանց տեղադրման սկզբունքներ:

126. Պատի մեծանկարը գովազդային տեղեկատվության տեղադրման համար միակողմանի, ստատիկ մակերես նախատեսող վահանակ է՝ բաղկացած շրջանակից, տեղեկատու դաշտից և պատին կցվող ամրակներից:

127. Պատի մեծանկարը կարող է տեղադրվել շենքի, շինության, կառույցի առնվազն 4.0 մետր լայնություն ունեցող խուլ պատի վրա։ Սույն կանոնների իմաստով խուլ պատ է համարվում վերից վար առանց մուտքի, պատուհանի, ցուցափեղկի պատի հատվածը։

128. Պատի մեծանկարի թույլատրելի չափերը որոշվում են ըստ անհատական դեպքի և տեղաբաշխվում պատի անկյունային եզրերից առնվազն 0.50 մետր հեռավորության վրա:

129. Մեկ պատին կարող է տեղադրվել առավելագույնը մեկ պատի մեծանկար։

130. Պատի մեծանկարը ամրակցվում է անմիջապես պատին և չպետք է գտնվի ամրակցվող հարթությունից հեռավորության վրա։

131. Պատի մեծանկարի առավելագույն խորությունը կարող է լինել առավելագույնը 0.50 մետր խորությամբ։

132. Յուրաքանչյուր տեղադիրի համար Կապանի համայնքապետարանի քաղաքաշինության և հողաշինության բաժնի կողմից սահմանվում են առանձին չափորոշիչներ` կապված պատի մեծանկարի բարձրության հետ՝ հաշվի առնելով տվյալ տարածքի ճարտարապետական առանձնահատկությունները:

133. Ցուցանակի վրա պետք է տեղադրվի բացառապես արտադրողի /կատարողի, վաճառողի/ անվանումը /ֆիրմային անվանումը/, գտնվելու վայրն ու աշխատանքային ռեժիմը։

134. Ցուցանակները տեղադրվում են տեսանելի վայրում՝ ճակատի հարթ, ճարտարապետական տարրերից զերծ հատվածներում, անմիջապես մուտքի աջ և ձախ կողմում, կամ տարածքի մուտքի դռների վրա, որտեղ փաստացի գտնվում է (գործունեություն է իրականցնում) կազմակերպությունը կամ անհատ ձեռնարկատերը։ Դռան վրա տեղադրվող տեղեկատվական ցուցանակը կարող է նաև տեղադրվել տրաֆարետային տպագրության կամ նմանատիպ մեթոդների օգտագործամբ՝ անմիջապես փակցվելով դռան ապակու վրա։

135. Մի քանի կազմակերպությունների կամ անհատ ձեռնարկատերերի միևնույն մուտքի մոտ «Սպառողների իրավունքների պաշտպանության մասին» ՀՀ օրենքին համապատասխանող ցուցանակ տեղադրելու դեպքում տեղադրված տեղեկատվական միջոցների միասնական ընդհանուր մակերեսը չպետք է գերազանցի 2.0 քմ-ը, գետնի (հաշվարկված մուտքի հատակից) մակարդակից բարձրությունը մինչև ամենաբարձր մակարդակում տեղակայված ցուցանակի վերին եզրը չպետք է գերազանցի 2.0 մ-ը, իսկ ցուցանակաները պետք է տեղադրվեն միմյանց զուգահեռ և միանման ձևավորմամբ։

136. Դռան, 1-ին և 2-րդ հարկերի ցուցափեղկերի (պատուհանների) ապակեպատ հատվածներին, ինչպես նաև այդ հատվածներից դեպի ներս մինչև 0․60 մետր հեռավորության վրա (տեսանելի լինելու դեպքում), առանձնացված ապակեպատ պահարանում տեղադրված տեղեկատվությունը (տարբեր տեսակի տեղեկատվական միջոցները) համարվում են արտաքին գովազդ, այսուհետ նաև՝ ցուցափեղկային գովազդ (витринная реклама):

137. Ցուցափեղկային գովազդը թույլատրվում է տեղադրել.

1) ներսի կողմից,

2) առանց տակդիրի առանձին տառերի (ներառյալ ապրանքային նշանի պատկերը) միջոցով,

3) փոքր չափի վահանակների վրա,

4) փոքր չափի էլեկտրոնային էկրանների միջոցով,

5) կոմպոզիցիոն լուծումների միջոցով,

6) շրջանակի (փեղկի) բոլոր կողմերից պահպանելով առնվազն 0.30 մետր, իսկ ծավալային տառերի դեպքում՝ 0․15 մետր հեռավորություն

7) զբաղեցնելով (փակելով) փեղկի 75 տոկոսից ոչ ավելին, բացառությամբ տվյալ տարածքի վերանորոգման կամ շինարարական աշխատանքների ժամանակահատվածում՝ շինարարական աշխատանքների ծածկման նպատակով տեղադրման դեպքերի և առանձին տառերի։

138. Վերանորոգման կամ շինարարական աշխատանքների ժամանակահատվածում՝ շինարարական աշխատանքների ծածկման նպատակով, ցուցափեղկը թույլատրվում է ամբողջությամբ փակել ինքնակպչուն ծածկույթի օգտագործմամբ։

139. Ցուցափեղկի վրա հորիզոնական դասավորվածությամբ առանձին ծավալային տառերի տեսքով գովազդային տեղեկատվության թույլատրելի տարածքի միասնական հաշվարկված առավելագույն բարձրությունը կարող է լինել մինչև 0.50 մետրը, իսկ առանձին տողի առավելագույն բարձրությունը՝ մինչև 0.30 մետրը, տառերի հաստությունը՝ ոչ ավելի, քան 0.10 մետրը։

140. Ցուցափեղկում տեղադրվող գովազդը, գովազդի միջոցները պետք է պահպանեն միմյանց հանդեպ նույնաձև չափերի և տարածությունների համաչափություն՝ իրարից տեղադրվելով 0.30 մետրից ոչ պակաս հեռավորության վրա։

141. Ցուցափեղկում տեղադրվող գովազդի միջոցը կարող է ապահովված լինել բացառապես ներքին կամ ետնային լուսավորությամբ՝ արտաքին գովազդի լուսավորության չափանիշներին համապատասխան:

142. Կախովի գովազդը, գովազդի միջոցը ստատիկ մակերես նախատեսող վահանակային կոնստրուկցիա է՝ բաղկացած ամրակներից, շրջանակից և տեղեկատու դաշտից, որը տեղադրվում է ամրակցող մակերեսի տակ՝ կցվելով վերևից։

143. Կախովի գովազդը, գովազդի միջոցը թույլատրվում է տեղադրել շենքերի, շինությունների, կառույցների հետիոտնային անցումների ուղղանկյունաձև (առանց կամարի) սրահային տարածքներում։

144. Կախովի գովազդը, գովազդի միջոցը չպետք է դուրս գա ճակատի արտաքին կամ ներքին հարթություններից, իսկ դրա առավելագույն բարձրությունը չպետք է գերազանցի 0․5 մետրը։

145. Կախովի գովազդի միջոցը պետք է գետնից պահպանի առնվազն 2.50 մետր բարձրություն՝ վերին և կողային հատվածից պահպանելով 0.30 մետր հեռավորություն։

146. Հովարը (маркиза) շենքի, շինության, կառույցի դռան, պատուհանի, ցուցափեղկի վերևի հատվածում ծալվող կամ չծալվող կտորե ծածկույթ է:

147. Սույն կանոնների իմաստով ծածկը բացօթյա ոչ մեկուսացված կտորե կոնստրուկցիա է, որը տեղակայված է հենարանների (սյուների) վրա մի կողմից և ամրակցված է պատին մյուս կողմից:

148. Հովանոցը սովորաբար փայտյա կամ մետաղյա ելուստներով, մեջտեղի մասում հենասյան վրա ամրացված կտորե ծալովի ծածկույթով հարմարանք է՝ նախատեսված արևից կամ տեղումներից պաշտպանվելու համար։

149. Հովարի, ծածկի և հովանոցի վրա թույլատրելի է պատկերել միայն գովազդվող օբյեկտի ապրանքային նշանի պատկերը և անվանումը։

150. Հովարը կարող է տեղադրվել մուտքի, պատուհանի, ցուցափեղկի վերին եզրին և բացառապես դրանց սահմաններում։

151. Ծածկը կարող է տեղադրվել մուտքի, պատուհանի, ցուցափեղկի վերին եզրին կամ դրանցից բարձր, սակայն առավելագույնը մինչև 0.50 մետր բարձրության վրա և տնտեսվարողի կողմից փաստացի զբաղեցրած տարածքի սահմաններում։

152. Հովանոցի, հովարի և ծածկի վրա տեղադրվող գովազդը պետք է պատկերված լինի բացառապես ֆրիզի հատվածում մեկ տողով, որի բարձրությունը չպետք է գերազանցի 0.30 մետրը, իսկ տեղեկատու դաշտի տարրերը պետք է տեղադրվեն մեկ հորիզոնական առանցքի վրա։

153. Հովարը պետք է համահունչ լինի շենքի, շինության ճակատի ճարտարապետական ընդհանրական տեսքին և բաժանումներին:

154. Հովարի կոնստրուկցիայի չափը չի կարող ծածկել փեղկի բարձրության 1/4-ից ավելին:

155. Հովարի կոնստրուկցիայի չափը՝ բացված վիճակում, չի կարող լինել 1.20 մետրից ավելի խորություն (ճակատից դեպի առաջ):

156. Հովարի և ծածկի կոնստրուկցիաների ամրակները, տեսանելի լինելու դեպքում, պետք է լինեն միագույն, իսկ պատից ամրակցված լինելու դեպքում՝ մուգ գույնի (մետաղի, քարի, փայտի գույնի) կամ շենքի, շինության հիմնական գույնին համահունչ, որի վրա տեղադրվում են:

157. Շենքի, շինության, կառույցի տանիքներին թույլատրելի է տեղաբաշխել (տեղադրել) միայն առանձին ծավալային տառերից և սիմվոլներից բաղկացած գովազդի միջոց՝ տանիքի հանդեպ տառերի հորիզոնական և մինչև երկու տողով դասավորվածությամբ՝ առանց տակդիրի։

158. Շենքի, շինության, կառույցի տանիքին տեղադրվող գովազդ, գովազդի միջոց հանդիսացող տանիքային կոնստրուկցիաները պետք է ունենան հակահրդեհային և հոսանքի վթարային անջատման համակարգ: Ամրակցման տարրերը, ինչպես և կոնստրուկցիայի կրող մասի հակառակ կողմը պետք է պատրաստված լինեն մինիմալ տեսանելի, ամուր և հակակոռոզիոն նյութերից։

159. Շենքի, շինության, կառույցի տանիքներին տեղադրվող գովազդի միջոցում թույլատրվում է օգտագործել ներկառուցված լուսավորություն՝ արտաքին գովազդի լուսավորության չափանիշներին համապատասխան:

160. Շենքի, շինության, կառույցի տանիքներին տեղադրվող գովազդ, գովազդի միջոցը պետք է լինեն ճակատի ուղղահայաց բաժանումներին համապատասխան, առանց ելուստների և դուրս չգան ճակատի հիմնական հարթությունից՝ դեպի առաջ։

161. Շենքի, շինության, կառույցի տանիքներին տեղադրվող գովազդի, գովազդի միջոցի լայնությունը չի կարող գերազանցել ճակատի լայնության 4/5 մասը՝ մինչև 35.0 մետր ճակատային լայնության դեպքում, և ճակատի լայնության կեսը՝ 35.0 մետրից ավելի ճակատային լայնություն դեպքում։

162. Մինչև 50.0 մետր ճակատային լայնություն ունեցող շենքի, շինության, կառույցի տանիքի միևնույն կողմում նույն հարթության վրա չի կարող տեղադրվել մեկից ավելի գովազդի միջոց։

163. 50.0 մետրից ավելի ճակատային լայնություն ունեցող շենքի, շինության, կառույցի տանիքի միևնույն կողմում մեկ հորիզոնական հարթության վրա տեղադրվող մեկից ավելի գովազդի միջոցների միմյանցից հեռավորությունը չի կարող լինել պակաս, քան 50.0 մետրը, իսկ տարբեր բարձրությունների ճարտարապետական տարրերի վրա տեղադրվելու պարագայում՝ 10.0 մետրը։

164. Չի թույլատրվում գովազդ, գովազդի միջոց տեղադրել թեք տանիքի և ծածկի, ոչ հիմնական, ոչ ստացիոնար, շենքի, շինության, կառույցի, ավտոտնակի, կրպակի, կրպակաշարի, կցակառույց օբյեկտի տանիքի վրա։

165. Չի թույլատրվում գովազդ, գովազդի միջոց տեղադրել մինչև 4 հարկանի շենքի, շինության, կառույցի տանիքի կամ ծածկի վրա։

166. Շենքի, շինության, կառույցի տանիքների վրա գովազդի, գովազդի միջոցի առավելագույն բարձրությունը կարգավորվում է ըստ հարկայնության և պետք է լինի.

1) 4 հարկանի շենքի, շինության, կառույցի համար ոչ ավելի, քան 2.0 մետր,

2) 5-9 հարկանի շենքի, շինության համար ոչ ավելի, քան 3.0 մետր,

3) 10-14 հարկանի շենքի, շինության համար ոչ ավելի, քան 4.0 մետր,

4) 15 կամ ավելի հարկ ունեցող օբյեկտների համար՝ ոչ ավելի, քան 5.0 մետր:

167. Սույն որոշման իմաստով շենքի, շինության, կառույցի մեկ հարկի բարձրությունը 3.0 մետր է: Կոտորակային արժեքների դեպքում շենքի ընդհանուր բարձրության ամբողջ թվային արժեքի կլորացումը կատարվում է մաթեմատիկական կլորացման կանոններին համապատասխան, և 1, 2, 3, 4 թվերը փոխարինվում են զրոյով, իսկ 5, 6, 7, 8, 9 թվերը մեկով ավելացնում են դիմացի թիվը։

168. Եթե շենքի, շինության, կառույցի տանիքին տեղաբաշխվող (տեղադրվող) գովազդը, գովազդի միջոցը պարունակում է ապրանքային նշանի պատկեր, ապա վերջինիս որոշակի տարրեր կարող են գերազանցել սույն կանոններով սահմանված չափորոշիչները, բայց ոչ ավելի, քան գովազդի միջոցի ամբողջական մակերեսի 1/5-ը։

169. Կամուրջի, գետնանցումի, թունելների, էստակադաների վրա թույլատրելի է տեղաբաշխել (տեղադրել) միայն առանձին ծավալային տառերից և սիմվոլներից բաղկացած գովազդի միջոց՝ առավելագույնը մինչև երկու տողով դասավորվածությամբ՝ առանց տակդիրի կամ ամբողջությամբ թափանցիկ տակդիրի կիրառմամբ։

170. Ավտոմեքենաների՝ վառելիքի կամ էլեկտրական լցակայանների զբաղեցրած հողատարածքում թույլատրվում է վահանակի տեսքով տեղադրել միայն մեկ գովազդ, գովազդի միջոց, ներառյալ գնի ցուցատախտակը, և մեկ գովազդ, գովազդի միջոց կամ ցուցատախտակ լցակայանի զբաղեցրած տարածքից դուրս, նույն մայթին։ Այս կոնստրուկցիաների առավելագույն բարձրությունը չպետք է գերազանցի 8.0 մետրը (հաշվարկված գետնի մակերևույթից), լայնությունը՝ 3.0 մետրը, խորությունը՝ 0.80 մետրը:

171. Վառելիքի կամ էլեկտրական ավտոլցակայանների զբաղեցրած հողատարածքներում թույլատրվում է տեղադրել գովազդ, գովազդի միջոց, բացի առանձին վահանակից և ֆրիզի եզրերից պահպանելով 0.30 մետր հեռավորություն:

172. Ավտոմեքենաների՝ վառելիքի կամ էլեկտրական լցակայանների սահմաններից դուրս ցուցատախտակները տեղադրվում են երթևեկությանը համընթաց ուղղությամբ՝ լցակայանի զբաղեցրած հողատարածքի սահմաններից 30.0 մետրից ոչ ավելի հեռավորության վրա` պահպանելով 2.0 մետրից ոչ պակաս մայթի լայնություն։

173. Վառելիքի կամ էլեկտրական լցակայանների գովազդի, գովազդի միջոցի կամ գնի ցուցատախտակների էլեկտրոնային կրիչների (էկրանների) վրա գովազդի ցուցադրումը պետք է իրականցվի միայն ստատիկ պատկերների կիրառմամբ։ Պատկերի փոփոխությունը պետք է կատարվի 30 վայրկայնի ընթացքում մեկ անգամից ոչ ավելի։ Պատկերի փոփոխության արագությունը չպետք է պակաս լինի 2 վայրկյանից։

174. Դրոշակաձողը գետնի վրա առանձին տեղակայված միջոց է, որը բաղկացած է հիմքից և մետաղական հենքից, որի վրա բարձրանում է դրոշը։

175. Աշխատակազմի քաղաքաշինության և հողաշինության բաժնի կողմից կարող են սահմանվել դրոշակաձողի բարձրությանը ներկայացվող անհատական պահանջներ՝ հաշվի առնելով տվյալ տարածքի ճարտարապետական առանձնահատկությունները։ Յուրաքանչյուր դեպքում դրոշակաձողի առավելագույն բարձրությունը չպետք է գերազանցի 9.0 մետրը։

176. Միևնույն կողմում տեղակայվող մեկից ավելի դրոշակաձողերը պետք է տեղադրվեն միմյանց զուգահեռ, իսկ տեղեկատվական դաշտերը պետք է լինեն մեկ ուղղությամբ:

177. Դրոշակաձողը կարող է տեղադրվել փողոցներում, պողոտաներում, մայրուղիներում, խաչմերուկներում, հրապարակներում:

178. Դրոշի տեղեկատու թույլատրելի մակերեսի չափերը և համամասնությունները որոշվում են կախված դրոշակաձողի բարձրությունից և տեղանքից՝ Աշխատակազմի քաղաքաշինության և հողաշինության բաժնի հետ համաձայնեցմամբ:

179. Մեկ դրոշակաձողի վրա չի կարող տեղադրվել մեկից ավելի գովազդ:

180. Դրոշի վրա թույլատրելի է պատկերել գովազդատուի ապրանքային նշանը և անվանումը, իսկ տեղեկատվական դաշտը և նշանի դեկորատիվ ու գեղարվեստական տարրերը պետք է տեղադրվեն մեկ հորիզոնական առանցքի վրա։

181. Դրոշակաձողերի հիմքերի միջև, բացառությամբ համակառույց դրոշակաձողերի, նվազագույն հեռավորությունը չի կարող լինել 100.0 մետրից պակաս շառավիղով, իսկ համակառույց դրոշակաձողերի հեռավորությունը այլ դրոշակաձողից կամ համակառույց դրոշակաձողերից հաշվարկվում է վերջին (ծայրի) դրոշակաձողի հիմքից՝ դիտարկվելով տվյալ կողմի երթևեկության ուղղության տեսանկյունից:

182. Համակառույց դրոշակաձողերը պետք է ունենան միասնական ոճային լուծում, իսկ հիմքերն ու հենքերը լինեն միագույն:

183. Համակառույց դրոշակաձողերի առավելագույն քանակը չի կարող լինել 4-ից ավելի:

184. Համակառույց դրոշակաձողերի հիմքերի միջև հեռավորությունը չի կարող լինել 0.5 մետրից ավելի։

185. Շտենդերը տնտեսվարող սուբյեկտների կողմից աշխատանքային ժամերի ընթացքում տեղադրվող միակողմանի կամ երկկողմանի արտաքին գովազդի շարժական և ժամանակավոր տեղադրվող գովազդի միջոց է:

186. Շտենդերը կարող է տեղադրվել նվազագույնը 3.50 մետր լայնք ունեցող մայթերին և չի կարող զբաղեցնել 1քմ-ից ավելի տարածք:

187. Շտենդերի տեղադրման համար սահմանվում են հետևյալ չափորոշիչները`

1) շտենդերի կոնստրուկցիայի չափերը կարող են ունենալ առավելագունը 0․70 մետր լայնություն և 1․20 մետր բարձրություն։

2) շտենդերի հիմնակմախքը պետք է պատրաստված լինի փայտե նյութերից:

3) շտենդերը չի կարող տեղադրված լինել այն տեղակայած տնտեսվարող սուբյեկտի ոչ աշխատանքային ժամերին:

4) շտենդերի հիմնակմախքի ամենահեռու եզրը կարող է տեղադրվել տնտեսվարող սուբյեկտի տարածքից առավելագույնը 1.0 մետր հեռավորության վրա:

5) շտենդերի տեղեկատու մակերեսը պետք է ունենա միատարր մուգ գույնի ֆոն՝ նախատեսված բացառապես կավիճով գրառումներ անելու համար։

188. Մշակութային հաստատություններին կից տեղադրվող միջոցառումների ազդագրերի տեղադիրները յուրաքանչյուր դեպքում պետք է համաձայնեցվեն Աշխատակազմի Եկամուտների գանձման, առևտրի և սպասարկման բաժնի հետ։ Այդ նպատակով միջոցառման կազմակերպիչը ներկայացնում է դիմում՝ նշելով ազդագրի նախընտրելի տարբերակը։ Եռօրյա ժամկետում դիմումին չպատասխանելու դեպքում, այն համարվում է համաձայնեցված։

189. Վահանակի (ներառյալ սքրոլլեր, պրիզմատրոն) և բարձակի վրա տեղադրվող գովազդի մակերեսը հաշվարկվում է յուրաքանչյուր կողմի տեղեկատու դաշտի մակերեսով։

190. Էկրանային (վերարտադրող) սարքավորումների մակերեսը որոշվում է վերարտադրվող պատկերի տեղեկատու դաշտի մակերեսով:

191. Շենքի, շինության կամ այլ կառույցի վրա տեղադրված և իրարից առնվազն 1.0 մ հեռավորության վրա տեղակայված արտաքին գովազդի, գովազդի միջոցի մակերեսը հաշվարկվում է գովազդի ամբողջական կոմպոզիցիոն լուծման զբաղեցրած ընդհանուր մակերեսով: Հաշվարկը կատարվում է՝ կոմպոզիցիան ուղղանկյան մեջ տեղադրելով՝ ներառելով տառերի առավելագույն բարձրությունն ու լայնությունը, ինչպես նաև տառերի և բառերի միջև եղած բացատներն ու հեռավորությունները:

192. Ցուցափեղկում կամ ցուցափեղկի վրա տեղադրված (տեղակայված) արտաքին գովազդի, գովազդի միջոցի մակերեսը հաշվարկվում է փաստացի տեղադրված գովազդի ընդհանուր կոմպոզիցիոն չափով: Ցուցափեղկի ապակու հատվածի ներքին կողմից կամ առանձնացված ապակեպատ պահարանի միջոցով կոմպոզիցիոն լուծումներ ունեցող գովազդի մակերեսը հաշվարկվում է ցուցափեղկի ընդհանուր արտաքին մակերեսով:

193. Վերանորոգման կամ շինարարական աշխատանքների ժամանակահատվածում՝ շինարարական աշխատանքների ծածկման նպատակով, յուրաքանչյուր ցուցափեղկի վրա փակցված գովազդային տեղեկատու մակերեսի համար տեղական տուրք չի գանձվում, եթե այն չի գերազանցում 0.40 մետր բարձրությունը և 0.60 մետր երկարությունը և չի պարունակում «Սպառողների իրավունքների պաշտպանության մասին» ՀՀ օրենքով նախատեսվածից ավելի տեղեկություն։

194. Նկուղի կամ կիսանկուղի աստիճանավանդակին կից հենապատի վրա տեղադրված բազրիքին ներկառուցված գովազդի միջոցի մակերեսը հաշվարկվում է գովազդի տեղեկատու դաշտի մակերեսով։

195. Նկուղի կամ կիսանկուղի աստիճանավանդակին կից հենապատի վրա տեղադրված լուսամփոփի վրա գովազդի տեղեկատու մակերեսը հաշվարկվում է գովազդի միջոցի տեղեկատու դաշտի մակերեսով։

196. Հովարների, ծածկերի և հովանոցների վրա տեղադրվող գովազդի տեղեկատու մակերեսը որոշվում է դրանց ֆրիզային հատվածի ամբողջական մակերսով, որի վրա տեղադրված է գովազդը:

197. Դրոշակների տեղեկատու մակերեսները որոշվում են բոլոր կողմերի մակերեսով:

198. Շտենդերի վրա տեղադրվող գովազդի մակերեսը հաշվարկվում է կողմերի ընդհանուր մակերեսով՝ ներառյալ կոնստրուկցիոն մասը:

199. Տրանսպորտային միջոցի վրա տեղադրված գովազդի, գովազդի միջոցի մակերեսը հաշվարկվում է փաստացի տեղադրված գովազդի բոլոր երեսների ընդհանուր կոմպոզիցիոն չափով` ներառյալ հավելյալ կոնստրուկցիոն մասը:

200. Վառելիքի կամ էլեկտրական ավտոլցակայանների վահանակների՝ գովազդի տեղեկատու մակերեսը հաշվարկվում է փաստացի տեղադրված գովազդի միջոցի բոլոր երեսների ընդհանուր կոմպոզիցիոն չափով։

201. Հեռախոսախցիկների, բանկոմատների, վճարային տերմինալների, առևտրի ավտոմատ սարքավորումների (վենդինգային սարքավորուներ), սառնարանների, գովազդի տեղեկատու մակերեսի չափերը որոշվում են գովազդի տեսանելի կողմերի ամբողջական մակերեսների հանրագումարով։

202. Կանգառասրահների վրա տեղադրված գովազդի, գովազդի միջոցի տեղեկատու մակերեսի չափերը որոշվում են յուրաքանչյուր կողմի տեղեկատու դաշտի մակերեսով։

203. «Սպառողների իրավունքի պաշտպանության մասին» ՀՀ օրենքին համապատասխանող ցուցանակների համար տեղական տուրք չի գանձվում։

204. Պետական մշակութային հաստատությունների միջոցառումների ազդագրերի համար տեղական տուրք չի գանձվում։

205. Սույն կանոններով չնախատեսված, առանձին տեղակայված, եռաչափ կամ կոմպոզիցիոն (կոմպոզիցիաների տեսքով) կոնստրուկցիաներով գովազդի տեղեկատու մակերեսի չափերը որոշվում են յուրաքանչյուր դեպքում անհատապես՝ Աշխատակազմի Եկամուտների գանձման, առևտրի և սպասարկման և քաղաքաշինության և հողաշինության բաժինների հետ համաձայնեցված նախագծի հիման վրա։

 

Աշխատակազմի քարտուղար

Կարեն Ալավերդյան

 

Հավելված N 2 ՀՀ Սյունիքի մարզի Կապան համայնքի ավագանու 2025 թ. սեպտեմբերի 12-ի N 115-Ն որոշման

 

Ձև 1

______________________________________________

(համայնքի անվանումը)

______________________________________________

(համայնքի ղեկավարի անունը, ազգանունը)

______________________________________________

(դիմողի անուն, ազգանուն/անվանում, հասցեն)

______________________________________________

(իրավաբանական անձի պետական գրանցման համարը, գտնվելու վայրը)

______________________________________________

(իրավաբանական անձի հարկ վճարողի հաշվառման համարը)

______________________________________________

(անհատ ձեռնարկատիրոջ պետական գրանցման համարը, հասցեն)

______________________________________________

(դիմողի բջջային հեռախոսահամարը և էլեկտրոնային փոստի հասցեն)

______________________________________________

(պետական գրանցման համար)

 

Դիմում

 

Կապան համայնքի վարչական սահմաններում արտաքին գովազդ տեղաբաշխելու (տեղադրելու) թույլտվություն տրամադրելու մասին

 

Խնդրում եմ տրամադրել ստորև նշված պայմաններով արտաքին գովազդ տեղաբաշխելու (տեղադրելու) թույլտվություն:

Գովազդային միջոցի վայրը ___________________

Գովազդի տեղաբաշխման սկիզբը և ավարտը ___________________

Կից ներկայացնում եմ՝

1. դիմումատուի անձը հաստատող փաստաթղթի պատճենը,

2. գովազդի գունավոր ուրվանկարը (էսքիզը) և (կամ) էլեկտրոնային էկրանի վրա գովազդ տեղադրելու դեպքում՝ էլեկտրոնային գովազդային նյութերը,

3. եթե դիմումը ներկայացվում է դիմողի լիազորված անձի կողմից, ապա օրենքով սահմանված կարգով լիազորագիր և լիազորված անձը հաստատող փաստաթղթի պատճենը,

4. տեղական տուրքի վճարումը հիմնավորող փաստաթղթերի պատճենը,

5․ հարցի լուծման համար նշանակություն ունեցող այլ փաստաթղթեր։

 

Դիմող՝	________________ (ստորագրություն)	______________________ (անուն, ազգանուն)
«___» _______ թ.

Տրվում է

______________________________________________

գովազդակրի անունը, անվանումը

______________________________________________

արտաքին գովազդի տեղաբաշխման

(տեղադրման) վայրը (տեղը)

______________________________________________

արտաքին գովազդ տեղաբաշխելու (տեղադրելու) միջոցը

(վահանակ, լուսատախտակ, գրաժապավեն, պաստառ և այլն)

______________________________________________

գովազդի տեսակը

Գովազդի մակերեսը _____ քմ

 

Թույլտվության գործողության ժամկետը`		«__»___________ թ.
Կապան համայնքի ղեկավար` __________________
« ___ » _________ թ.		Կ. Տ.

Դիմում

 

Կապան համայնքի վարչական սահմաններում արտաքին գովազդի միջոց տեղադրելու թույլտվություն տրամադրելու մասին

 

Խնդրում եմ տրամադրել ստորև նշված պայմաններով արտաքին գովազդի միջոց տեղադրելու թույլտվություն:

Գովազդային միջոցի տեղադրման վայրը ___________________

Գովազդի միջոցի տեղադրման սկիզբը և ավարտը ___________________

Այդ նպատակով խնդրում եմ՝

□ տրամադրել հողամաս (եթե գովազդի միջոցը տեղադրվելու է հողամասի վրա)

□ տրամադրել Կապան համայնքին սեփականության իրավունքով պատկանող այլ գույքի օգտագործման համաձայնություն (եթե գովազդը, գովազդի միջոցը տեղադրվելու է հենասյուների կամ այլ գույքի վրա):

Կից ներկայացնում եմ՝

1. դիմումատուի անձը հաստատող փաստաթղթի պատճենը,

2. գովազդի միջոցի նախագիծը, այն կոնստրուկցիա, կառույց կամ տեխնիկական այլ միջոց լինելու դեպքում՝ համապատասխան փորձաքննության եզրակացությունը,

3. եթե դիմումը ներկայացվում է դիմողի լիազորված անձի կողմից, ապա օրենքով սահմանված կարգով լիազորագիր և լիազորված անձը հաստատող փաստաթղթի պատճենը,

4. տեղական տուրքի վճարումը հիմնավորող փաստաթղթերի պատճենները,

5․ հարցի լուծման համար նշանակություն ունեցող այլ փաստաթղթեր։

 

Տրվում է

______________________________________________

դիմումատուի անունը, անվանումը

______________________________________________

արտաքին գովազդի միջոցի

(տեղադրման) վայրը (տեղը)

գովազդի միջոցի մակերեսը _____ քմ

 

Թույլտվության գործողության ժամկետը`		«__»___________ թ.
Կապան համայնքի ղեկավար` __________________
« ___ » _________ թ.		Կ. Տ.

Աշխատակազմի քարտուղար

Կարեն Ալավերդյան

 

Պաշտոնական հրապարակման օրը՝ 22 սեպտեմբերի 2025 թվական: