ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՈՒՄԸ ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՐԴԻ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ՄԻՆՉԵՎ 2030 ԹՎԱԿԱՆՆ ԱՐԴՅՈՒՆԱԲԵՐԱԿԱՆ ՀԱՄԱԳՈՐԾԱԿՑՈՒԹՅԱՆ ՀԻՄՆԱԿԱՆ ՈՒՂՂՈՒԹՅՈՒՆՆԵՐԻ ՄԱՍԻՆ» ՈՐՈՇՄԱՆ ՆԱԽԱԳԾԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

6 սեպտեմբերի 2024 թվականի

թիվ 71

քաղ. Մոսկվա

Եվրասիական տնտեսական հանձնաժողովի խորհուրդը որոշեց.

1. Հավանություն տալ Եվրասիական միջկառավարական խորհրդի որոշման «Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների մասին» նախագծին (կցվում է) և այն ներկայացնել Եվրասիական միջկառավարական խորհրդի քննարկմանը:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից`	Ղազախստանի Հանրապետությունից`	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ

«   »   ի 20   թվականի

թիվ

քաղ.

«Եվրասիական տնտեսական միության մասին» 2014 թվականի մայիսի 29-ի պայմանագրի 92-րդ հոդվածի 6-րդ կետի իրագործման նպատակով՝ Եվրասիական միջկառավարական խորհուրդը որոշեց.

1. Հաստատել կցվող՝ Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունները։

2. Եվրասիական տնտեսական միության անդամ պետությունների կառավարություններին՝ Եվրասիական տնտեսական հանձնաժողովի հետ համատեղ ապահովել սույն որոշմամբ հաստատված՝ Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների իրագործումը։

3. Սույն որոշումն ուժի մեջ է մտնում դրա պաշտոնական հրապարակման օրվանից։

Եվրասիական միջկառավարական խորհրդի անդամներ՝

Հայաստանի Հանրապետությունից՝

Բելառուսի Հանրապետությունից`

Ղազախստանի Հանրապետությունից`

Ղրղզստանի Հանրապետությունից՝

Ռուսաստանի Դաշնությունից՝

ՀԱՍՏԱՏՎԱԾ ԵՆ Եվրասիական միջկառավարական խորհրդի   20 թվականի թիվ    որոշմամբ

ՀԻՄՆԱԿԱՆ ՈՒՂՂՈՒԹՅՈՒՆՆԵՐ

Եվրասիական տնտեսական միության շրջանակներում մինչև 2030 թվականն արդյունաբերական համագործակցության

I. Ընդհանուր դրույթներ

Սույն հիմնական ուղղությունները մշակվել են «Եվրասիական տնտեսական միության մասին» 2014 թվականի մայիսի 29-ի պայմանագրի (այսուհետ՝ Պայմանագիր) 92-րդ հոդվածին համապատասխան, միջնաժամկետ ռազմավարական փաստաթուղթ է, և դրանով սահմանվում են Եվրասիական տնտեսական միության (այսուհետ՝ Միություն) շրջանակներում արդյունաբերական համագործակցության համար տնտեսական գործունեության խնդիրները, ուղղությունները, մեխանիզմները, գործիքները (միջոցառումները), այն առաջնահերթ տեսակները, որոնք, թիվ 1 հավելվածով սահմանված ցանկի համաձայն, դասվում են մշակող արդյունաբերությանը (բացառությամբ սննդի վերամշակման), և Միության անդամ պետությունների (այսուհետ՝ անդամ պետություններ) արդյունաբերական համագործակցության համար առաջնահերթ զգայուն ապրանքների ցանկը։

Սույն հիմնական ուղղությունները չեն տարածվում վառելիքաէներգետիկ օգտակար հանածոների արդյունահանման, կոքսի և նավթավերամշակման արտադրանքի արտադրության, սպառազինության և զինամթերքի արտադրության, սննդային և ծխախոտային արտադրության, ինչպես նաև էներգետիկ ռեսուրսների մատակարարման վրա։

Պայմանագրի 92-րդ հոդվածի 3-րդ կետով սահմանված նպատակների ձեռքբերման ու մինչև 2030 թվականն ընկած ժամանակահատվածում արդյունաբերական համագործակցության զարգացման համար, հաշվի առնելով Միության շրջանակներում արդյունաբերական համագործակցության ստացված արդյունքներն ու ներկայիս մակարդակը, ինչպես նաև անդամ պետությունների զարգացման ազգային առաջնահերթությունները, կպահանջվի հետևյալ խնդիրների լուծում՝

անդամ պետությունների արդյունաբերական արտադրության առաջանցիկ աճի խթանում՝ Միության ներքին շուկայի ներուժի օգտագործման հիման վրա.

անդամ պետությունների համար առաջնահերթ ուղղություններով արտադրությունների տեղայնացման ջանքերի միավորում՝ անդամ պետությունների տարածքներում.

արդյունաբերական ոլորտում կոոպերացիոն փոխգործակցության ամրապնդում.

արդյունաբերական ճյուղերում համատեղ կոոպերացիոն նախագծերի իրականացմանն օժանդակության մեխանիզմների զարգացում, այդ թվում՝ նշված նախագծերին ֆինանսական օժանդակության գործիքների կատարելագործում.

խոչընդոտների վերացում և բացառումների ու սահմանափակումների առավելագույն կրճատում՝ Միության ներքին շուկայում ապրանքների, ծառայությունների, կապիտալի և աշխատուժի ազատ տեղաշարժի նպատակով.

աջակցություն՝ անդամ պետությունների փոքր և միջին ձեռնարկատիրության սուբյեկտներին արդյունաբերական կոոպերացիայի մեջ ներգրավելուն.

պայմանների ստեղծում՝ տեխնոլոգիական զարգացման արդիական ուղղություններով եվրասիական կոմպետենցիաների ձևավորման համար.

համատեղ արտադրված արդյունաբերական արտադրանքի մրցունակության բարձրացում և աջակցություն դրա արտահանմանը երրորդ երկրների շուկաներ.

համագործակցության զարգացում հետևյալ ոլորտներում՝

«կանաչ» տեխնոլոգիաներ.

արդյունաբերական արտադրությունների էկոլոգիականության բարձրացում. բնական ռեսուրսների ռացիոնալ օգտագործում.

անդամ պետությունների արդյունաբերական արտադրության նորարարական և տեխնոլոգիական զարգացում.

արդյունաբերության թվային փոխակերպում։

Սույն հիմնական ուղղությունների իրագործման նպատակով՝ անդամ պետություններն ապահովում են Միության շրջանակներում արդյունաբերական քաղաքականության իրականացումը՝ Միության իրավունքին համապատասխան։

Սույն հիմնական ուղղությունների իրագործումը չպետք է խոչընդոտի արդյունաբերության ոլորտում անդամ պետությունների քաղաքականության մշակումը, ձևավորումը և իրագործումը։

Միության շրջանակներում արդյունաբերական համագործակցության զարգացման ուղղություններով սահմանվում են մոտեցումներ՝ անդամ պետությունների փոխգործակցության դեպքում հարցերի մշակման և նախագծերի իրագործման նկատմամբ։

Կարելի է առանձնացնել Միության շրջանակներում մինչև 2030 թվականն արդյունաբերական համագործակցության հետևյալ հիմնական ուղղությունները։

Ուղղություն 1։ Միության ներքին շուկայի ներուժի օգտագործումը

Միության շրջանակներում կոոպերացիոն կապերի, խոչընդոտների վերացման, համատեղ արտադրությունների տեղայնացման, փոքր և միջին արդյունաբերական ձեռնարկությունների՝ Միության շրջանակներում արտադրական շղթաների մեջ ներգրավման համար ավելի լիարժեք և արդյունավետ կօգտագործվի Միության ներքին շուկայի ներուժը՝ հնարավոր տարածաշրջանային տնտեսական ինտեգրացիայի օգտագործմամբ։

Մասնավորապես, Միության ներքին շուկայի ներուժն ուղղված կլինի հետևյալի վրա՝

անդամ պետությունների արդյունաբերական համալիրների կոոպերացիոն կապերի զարգացում և արտադրական շղթաների ձևավորում տնտեսական գործունեության առաջնահերթ տեսակների մասով՝ Միության շրջանակներում արդյունաբերական համագործակցության համար.

Միության շրջանակներում արդյունաբերական համագործակցության համար առաջնահերթ զգայուն ապրանքների մասով ազգային արդյունաբերական քաղաքականությունների մասին անդամ պետությունների փոխադարձ տեղեկացման մեխանիզմի իրագործում՝ թիվ 2 հավելվածով սահմանված ցանկի համաձայն՝ թիվ 3 հավելվածով սահմանված կարգին համապատասխան.

անդամ պետությունների համար առաջնահերթ ուղղություններով համատեղ արտադրությունների զարգացում և տեղայնացում՝ անդամ պետությունների տարածքներում.

համատեղ կոոպերացիոն նախագծերի իրագործմանը օժանդակության մեխանիզմների զարգացում՝ արդյունաբերական ճյուղերում.

Միության ներքին շուկայում խոչընդոտների վերացման և բացառությունների ու սահմանափակումների առավելագույն կրճատման հետ կապված հարցերի մշակում.

աջակցություն՝ անդամ պետությունների փոքր և միջին ձեռնարկատիրությունների սուբյեկտներին արդյունաբերական կոոպերացիայի մեջ ներգրավելուն։

Ուղղություն 2։ Միության շրջանակներում արդյունաբերատեխնոլոգիական համագործակցության զարգացում

Միության շրջանակներում արդյունաբերատեխնոլոգիական համագործակցության ոլորտում կիրականացվի անդամ պետությունների փոխգործակցություն՝ տեխնոլոգիական կանխատեսման, արդյունաբերական արտադրության մեջ տեխնոլոգիական գործընթացների նորարարությունների ներդրման, թվային տեխնոլոգիաների մասշտաբային օգտագործման հարցերի վերաբերյալ։ Պահանջվում է նաև համատեղ ջանքերի գործադրում՝ տեխնոլոգիական զարգացման՝ անդամ պետությունների համար արդիական ուղղություններով եվրասիական կոմպետենցիաների ձևավորման համար։

Նշված խնդիրները կլուծվեն հետևյալի միջոցով՝

Միության շրջանակներում տեխնոլոգիական կանխատեսում.

համագործակցության իրականացում «կանաչ» տեխնոլոգիաների ոլորտում և արդյունաբերական արտադրությունների էկոլոգիականության բարձրացում.

փոխգործակցություն հետևյալ ոլորտներում՝

արդյունաբերական-նորարարական ենթակառուցվածքի ձևավորում.

արդյունաբերության թվային փոխակերպում և Միության ինտեգրացված տեղեկատվական համակարգի հնարավորությունների օգտագործում։

Ուղղություն 3։ Համագործակցության զարգացում արտահանման շուկաներում

Նոր արտադրությունների ստեղծմանը և գործող արտադրությունների բազմազանեցմանը (դիվերսիֆիկացմանը) նպաստող պայմանների ստեղծման համար հիմնական կողմնորոշիչներից է արտադրանքի իրացման շուկաների ընդլայնումն անդամ պետությունների սահմաններից դուրս։ Տվյալ ուղղության դեպքում պահանջվում է այնպիսի գործիքների գործարկում, որոնք կնպաստեն համատեղ արտադրված արտադրանքի դիրքավորմանը երրորդ երկրների շուկաներում, մշտական երկխոսությանը միջազգային մակարդակում, ինչպես նաև արդյունաբերական համագործակցության զարգացմանը՝ անդամ պետությունների ու երրորդ երկրների միջև կնքվող առևտրային համաձայնագրերի շրջանակներում։

Նշված առաջադրանքները կիրագործվեն հետևյալի միջոցով՝

փոխգործակցություն՝ երրորդ երկրների հետ արդյունաբերական համագործակցության զարգացման հարցերի վերաբերյալ՝ հաշվի առնելով Եվրասիական տնտեսական միության միջազգային գործունեության հիմնական ուղղությունները.

փոխգործակցություն՝ անդամ պետությունների համատեղ արտադրված արդյունաբերական արտադրանքը երրորդ երկրների շուկաներ առաջ մղելու ոլորտում։

Սույն հիմնական ուղղությունների իրագործման վերլուծական ուղեկցումն իրականացվում է՝ հաշվի առնելով ըստ թիվ 4 հավելվածի համաձայն սահմանված ցանկի ցուցիչները, ինչպես նաև հաշվի առնելով սույն հիմնական ուղղությունների իրագործման տեղեկատվական-վերլուծական ուղեկցմանն ուղղված միջոցառումների պլանը՝ թիվ 5 հավելվածի համաձայն։

ՀԱՎԵԼՎԱԾ ԹԻՎ 1 Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների

1. Ավիաշինություն։

2. Ավտոմոբիլաշինություն։

3. Մեքենաշինություն՝ ջրածնային էներգետիկայի մեջ։

4. Մեքենաշինություն՝ վերականգնվող էներգետիկայի մեջ և էներգիայի կուտակման աղբյուրներում։

5. Երկաթուղային մեքենաշինություն։

6. Տիեզերական տեխնոլոգիաներ։

7. Թեթև արդյունաբերություն։

8. Կահույքագործական արդյունաբերություն։

9. Մետալուրգիական արդյունաբերություն։

10. Նավթագազային մեքենաշինություն։

11. Փայտանյութի մշակում և փայտե արտադրատեսակների արտադրություն։

12. Ավտոմոբիլային էլեկտրատրանսպորտի, դրա համալրողների և լիցքավորման ենթակառուցվածքի արտադրություն։

13. Շինարարական նյութերի արտադրություն։

14. Թաղանթանյութի, թղթի և թղթից արտադրատեսակների արտադրություն։

15. Մասնագիտացված մեքենաշինություն (գյուղատնտեսական մեքենաշինություն. սննդամթերքի և հյութերի արտադրության համար մեքենաներ ու սարքավորումներ. ճանապարհաշինարարական մեքենաշինություն՝ ներառյալ հողափորման մեքենաները, ճանապարհների շինարարության և պահպանման մեքենաները, ճանապարհաշինարարական նյութերի տեղափոխման մեքենաները, ամբարձիչ-փոխադրող մեքենաները, շինարարական նյութերի արտադրության մեքենաներ և սարքավորումներ. լեռնային աշխատանքների մեքենաներ և սարքավորումներ. անտառատեխնիկա. աերոդրոմային տեխնիկա. հրդեհաշիջման տեխնիկա, կոմունալ մեքենաներ. աղբի տեսակավորման տեխնիկա, կցորդային տեխնիկա և ամրաշրջանակի վերնակառույցներ. մոտոցիկլային տեխնիկա. բարձր անցունակությամբ տեխնիկաներ. նավահանգստային տեխնիկա. պահեստավորման տեխնիկա, ինչպես նաև վերոթվարկյալ խմբերում չներառված այլ մեքենաներ և սարքավորումներ)։

16. Ռադիոէլեկտրոնային արդյունաբերություն (այդ թվում՝ հաշվողական, էլեկտրոնային և օպտիկական տեխնիկայի արտադրություն և միկրոէլեկտրոնիկա)։

17. Հաստոցաշինություն։

18. Նավաշինական արդյունաբերություն։

19. Ծանր մեքենաշինություն։

20. Դեղագործական արդյունաբերություն և բժշկական արտադրատեսակների արտադրություն։

21. Քիմիական արդյունաբերություն։

22. Էներգետիկ մեքենաշինություն, էլեկտրատեխնիկական և մալուխային արդյունաբերություն։

23. Ոսկերչական արդյունաբերություն։

24. Մեքենաշինություն՝ միջուկային ու ճառագայթային տեխնոլոգիաների ոլորտում։

ՀԱՎԵԼՎԱԾ ԹԻՎ 2 Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների

ՀԱՎԵԼՎԱԾ ԹԻՎ 3 Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների

1. Սույն կարգը մշակվել է «Եվրասիական տնտեսական միության մասին» 2014 թվականի մայիսի 29-ի պայմանագրի 92-րդ հոդվածի 8-րդ կետին համապատասխան՝ Միության շրջանակներում արդյունաբերական համագործակցության համար առաջնահերթ զգայուն ապրանքների (այսուհետ՝ զգայուն ապրանքներ) մասով արդյունաբերական քաղաքականության միջոցներ ձեռնարկելուց առաջ Եվրասիական տնտեսական միության անդամ պետությունների կողմից (այսուհետ համապատասխանաբար՝ Միություն, անդամ պետություններ)՝ միմյանց դիրքորոշումները հաշվի առնելու նպատակով, և սահմանում է զգայուն ապրանքների մասով խորհրդակցությունների (այսուհետ՝ խորհրդակցություններ) անցկացման և ազգային արդյունաբերական քաղաքականության իրագործման պլանավորվող ուղղությունների մասին անդամ պետությունների փոխադարձ տեղեկացման (այսուհետ՝ փոխադարձ տեղեկացում) ժամանակ ազգային արդյունաբերական քաղաքականության իրագործման հարցերով նորմատիվ իրավական ակտերի մշակման բնագավառում լիազորված՝ անդամ պետությունների պետական իշխանության մարմինների (այսուհետ՝ լիազորված մարմիններ) և Եվրասիական տնտեսական հանձնաժողովի (այսուհետ՝ Հանձնաժողով) գործողությունների ժամկետներն ու հաջորդականությունը։

2. Անդամ պետության առաջարկով և մյուս անդամ պետությունների համաձայնությամբ՝ խորհրդակցությունների անցկացումը և փոխադարձ տեղեկացումը կարող են իրականացվել Եվրասիական տնտեսական միության շրջանակներում արդյունաբերական համագործակցության համար առաջնահերթ զգայուն ապրանքների ցանկում չներառված ապրանքների մասով (Եվրասիական միջկառավարական խորհրդի 2024 թիվ որոշմամբ հաստատված՝ Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների թիվ 2 հավելված):

3. Խորհրդակցությունների անցկացումն ու փոխադարձ տեղեկացումը չեն խոչընդոտում անդամ պետությունների կողմից նորմատիվ իրավական ակտերի նախագծերի ներպետական համաձայնեցման իրականացումն ու նրանց կողմից այդպիսի ակտերի ընդունումը:

Սույն կարգի նպատակներով՝ նորմատիվ իրավական ակտեր (ակտերի նախագծեր) ասելով հասկանում ենք արդյունաբերության ոլորտում ազգային արդյունաբերական քաղաքականության իրագործման հարցերով անդամ պետությունների նորմատիվ իրավական ակտերը, անդամ պետությունների պետական իշխանության մարմինների ակտերը (այդպիսի ակտերի նախագծերը), պետական և գերատեսչական ծրագրերը (այդպիսի ծրագրերի նախագծերը):

4. Խորհրդակցությունների անցկացման կազմակերպման և փոխադարձ տեղեկացման ժամանակ անդամ պետությունները և Հանձնաժողովը տեխնիկական հնարավորության առկայության դեպքում օգտագործում են օպերատիվ կապուղիներ (էլեկտրոնային փոստ, ֆաքսիմիլային կապ):

5. Խորհրդակցություններն անցկացվում են լիազորված մարմինների առաջարկների հիման վրա։

Հանձնաժողովը, անդամ պետությունների հետ համաձայնեցմամբ, կարող է նախաձեռնել խորհրդակցությունների անցկացում այն դեպքում, երբ նորմատիվ իրավական ակտերի (ակտերի նախագծերի) մասով անդամ պետությունների կողմից չի ապահովվել նախնական տեղեկացում՝ սույն կարգի 17-րդ կետին համապատասխան։

6. Խորհրդակցությունների անցկացման մասին առաջարկները լիազորված մարմնի կողմից Հանձնաժողով են ուղարկվում խորհրդակցությունների անցկացման առաջարկվող ամսաթվից ոչ ուշ, քան 20 աշխատանքային օր առաջ:

7. Խորհրդակցությունների անցկացման մասին առաջարկ ստանալու օրվանից 3 աշխատանքային օրվա ընթացքում Հանձնաժողովը համապատասխան տեղեկատվությունն ուղարկում է մյուս անդամ պետությունների լիազորված մարմիններ՝ նշելով խորհրդակցությունների անցկացման առաջարկվող ամսաթիվը, տեղը և ձևաչափը:

8. Հանձնաժողովից տեղեկատվությունն ստանալու օրվանից հետո 7 աշխատանքային օրվա ընթացքում լիազորված մարմինները Հանձնաժողովին տեղեկացնում են խորհրդակցությունների անցկացման մասին առաջարկը համաձայնեցնելու վերաբերյալ կամ ուղարկում են խորհրդակցությունների անցկացման մասին իրենց առաջարկները, ինչպես նաև խորհրդակցությունների մասնակիցների մասին տեղեկատվությունը:

9. Խորհրդակցությունների տեղեկատվական ուղեկցումը (արձանագրության նախագծի կազմումը, անդամ պետությունների դիրքորոշումների մասին տեղեկատվության ուղարկումը) իրականացվում է Հանձնաժողովի կողմից:

10. Խորհրդակցությունները կարող են անցկացվել Արդյունաբերության հարցերով խորհրդատվական կոմիտեի շրջանակներում և (կամ) Հանձնաժողովի հարթակում:

Խորհրդակցությունների անցկացումը կարող է իրականացվել նիստի անցկացման ճանապարհով՝ ինչպես առկա ձևաչափով, այնպես էլ տեսաժողովի ձևաչափով:

11. Տեսաժողովի ձևաչափով խորհրդակցությունների անցկացման ժամանակ տեսաժողովի կապի կազմակերպումն ինքնուրույն է ապահովվում լիազորված մարմինների և Հանձնաժողովի կողմից:

12. խորհրդակցություններին կարող են մասնակցել՝

ա) անդամ պետություններից՝ լիազորված մարմինների և այլ շահագրգիռ մարմինների ներկայացուցիչներ, ինչպես նաև լիազորված մարմինների հրավերով՝ գործարար համայնքների, արդյունաբերական արտադրանք արտադրող կազմակերպությունների և սպառողների, արտադրողների ու սպառողների ասոցիացիաների և այլ միավորումների ներկայացուցիչները.

բ) Հանձնաժողովից՝ արդյունաբերական քաղաքականության հարցերին վերաբերվող իրավասություններ ունեցող դեպարտամենտի, ինչպես նաև Հանձնաժողովի այլ շահագրգիռ դեպարտամենտների ներկայացուցիչները:

13. Խորհրդակցությունների անցկացման արդյունքներով կազմվում է արձանագրություն, որն ուղղվում է անդամ պետություններ՝ խորհրդակցությունների անցկացման օրվանից 5 աշխատանքային օրվա ընթացքում:

14. Անդամ պետության առաջարկով՝ խորհրդակցությունների ընթացքում կարող է քննարկվել շահագրգիռ անդամ պետության կողմից Միության մարմնի ակտի համապատասխան նախագիծը մշակելու և Հանձնաժողով ներկայացնելու հարցը:

15. Խորհրդակցությունների անցկացման հետ կապված ծախսերն ինքնուրույն են իրականացվում անդամ պետությունների և Հանձնաժողովի կողմից:

16. Անդամ պետություններն ապահովում են զգայուն ապրանքների մասով ազգային արդյունաբերական քաղաքականության իրագործման պլանավորվող ուղղությունների վերաբերյալ լիազորված մարմինների կողմից Հանձնաժողովի տեղեկացումը՝ ուղարկելով նորմատիվ իրավական ակտերի նախագծեր, ինչպես նաև դրանց մասին տեղեկատվություն ըստ ձևի՝ համաձայն հավելվածի։

17. Նորմատիվ իրավական ակտերի նախագծերը և դրանց մասին տեղեկատվությունը լիազորված մարմինների կողմից Հանձնաժողով են ուղարկվում անդամ պետությունների պետական իշխանության շահագրգիռ մարմինների հետ նորմատիվ իրավական ակտերի այդ նախագծերը համաձայնեցնելուց հետո, իսկ նորմատիվ իրավական ակտերի նախագծերը, որոնք չեն պահանջում անդամ պետությունների պետական իշխանության այլ մարմինների հետ համաձայնեցում և դրանց մասին տեղեկատվություն՝ ներգերատեսչական համաձայնեցում անցկացնելուց հետո:

18. Հանձնաժողովն ապահովում է լիազորված մարմնից ստացված նորմատիվ իրավական ակտի նախագծի և դրա մասին տեղեկատվության ուղարկումը մյուս անդամ պետությունների լիազորված մարմիններ՝ նշված նախագիծը և տեղեկատվությունը Հանձնաժողովում ստանալու օրվանից 3 աշխատանքային օրվա ընթացքում, ինչպես նաև լիազորված մարմնից ստացված նորմատիվ իրավական ակտերի նախագծերը և դրանց մասին տեղեկատվությունը ներմուծում է զգայուն ապրանքների մասով անդամ պետությունների կողմից ընդունված (մշակված) նորմատիվ իրավական ակտերի (ակտերի նախագծերի)՝ փակ հասանելիությամբ Միության պաշտոնական կայքում արդյունաբերության պորտալում տեղադրված ռեեստր։

19. Լիազորված մարմինները նորմատիվ իրավական ակտի ստացված նախագծի վերաբերյալ դիտողությունները և առաջարկները (առկայության դեպքում) Հանձնաժողով են ուղարկում ակտի նախագիծը և դրա մասին տեղեկատվությունն իրենց կողմից ստանալու օրվանից ոչ ուշ, քան 20 աշխատանքային օրում կամ նորմատիվ իրավական ակտի նախագիծը սույն կարգի 18-րդ կետում նշված ռեեստր ներմուծելու օրվանից ոչ ուշ, քան 20 աշխատանքային օրում։

20. Լիազորված մարմիններից նորմատիվ իրավական ակտի ստացված նախագծի վերաբերյալ դիտողություններ և առաջարկներ ստանալու օրվանից 3 աշխատանքային օրվա ընթացքում Հանձնաժողովը դրանք ներկայացնում է այդ նախագիծը ներկայացրած լիազորված մարմին, որն ուսումնասիրում է դրանք և դիտողությունների ու առաջարկների ստացման օրվանից ոչ ուշ, քան 10 աշխատանքային օրում Հանձնաժողով է ներկայացնում դրանց ուսումնասիրման արդյունքների մասին տեղեկատվություն:

21. Հանձնաժողովը սույն կարգի 20-րդ կետում նշված տեղեկատվությունն ստանալու օրվանից 3 աշխատանքային օրվա ընթացքում այն ուղարկում է մյուս անդամ պետությունների լիազորված մարմիններ։

22. Նորմատիվ իրավական ակտերի նախագծերի մասին Հանձնաժողովի և անդամ պետությունների տեղեկացումը չի խոչընդոտում ներպետական համաձայնեցման ընթացակարգն անցնելը և անդամ պետության կողմից այդ ակտերն ընդունելը։

ՀԱՎԵԼՎԱԾ Եվրասիական տնտեսական միության անդամ պետությունների փոխադարձ տեղեկացման և Եվրասիական տնտեսական միության շրջանակներում արդյունաբերական համագործակցության համար առաջնահերթ զգայուն ապրանքների մասով խորհրդակցությունների անցկացման կարգի

__________________

ՀԱՎԵԼՎԱԾ ԹԻՎ 4 Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների

I. Արդյունաբերական արտադրության աճի և կառուցվածքի ցուցիչները

1. Արդյունաբերական արտադրության աճի տեմպերն ընդհանուր առմամբ և մշակող արդյունաբերության մեջ մասնավորապես՝ համադրելի գներով

2. Հաշվետու ժամանակահատվածում Եվրասիական տնտեսական միության անդամ պետությունների (այսուհետ համապատասխանաբար՝ Միություն, անդամ պետություններ) արդյունաբերական ապրանքների արտադրության ծավալներն ընդհանուր առմամբ և մշակող արդյունաբերության ապրանքների արտադրության աճի ծավալները՝՝ մասնավորապես

3. Արդյունաբերության կառուցվածքում մշակող արդյունաբերության մասնաբաժինն ըստ համախառն ավելացված արժեքի

4. Անդամ պետությունների համախառն ներքին արդյունքի մեջ մշակող արդյունաբերության համախառն ավելացված արժեքի մասնաբաժինը

5. Մշակող արդյունաբերության ապրանքների արտադրության մեջ բարձր տեխնոլոգիական մակարդակի տնտեսական գործունեության տեսակների մասնաբաժինը

6. Մշակող արդյունաբերության դինամիկայի համեմատ համադրելի գներով անդամ պետությունների մշակող արդյունաբերության աճի տեմպերը

7. Հիմնական կապիտալում ներդրումների աճի տեմպը համադրելի գներով՝ նախորդ տարվա համեմատ

8. ՀՆԱ-ի նկատմամբ մշակող արդյունաբերության հիմնական կապիտալում ներդրումների հարաբերակցությունը

1. Անդամ պետությունների մշակող արդյունաբերության մեջ աշխատանքի արտադրողականությունն ըստ համախառն ավելացված արժեքի՝ մշակող արդյունաբերության մեջ աշխատանքի արտադրողականության համաշխարհային մակարդակի համեմատ

2. Անդամ պետությունների արդյունաբերության մեջ աշխատանքի արտադրողականության աճի տեմպերն ըստ համախառն ավելացված արժեքի՝ ընդհանուր առմամբ և մշակող արդյունաբերության մեջ՝ մասնավորապես․

3. Տեսակարար ներդրումներ մեկ միջին ցուցակային աշխատողի մասով

1. Հաշվետու ժամանակահատվածում նախորդ ժամանակահատվածի համեմատ Միության շրջանակներում արդյունաբերական ապրանքների շուկայում անդամ պետությունների մշակող արդյունաբերության ապրանքների մասնաբաժնի փոփոխությունը (ցուցանիշը հաշվարկվում է ընդհանուր առմամբ մշակող արդյունաբերության մասով և գործունեության առանձին տեսակների կտրվածքով)

2. Հաշվետու ժամանակահատվածում անդամ պետությունների մշակող արդյունաբերության արտադրված ապրանքների արժեքի մեջ ներմուծման (միջանկյալ սպառման) մասնաբաժինը

1. Երրորդ երկրներ՝ անդամ պետությունների մշակող արդյունաբերության ապրանքների արտահանման աճի ծավալները և տեմպերը

2. Երրորդ երկրներ՝ մշակող արդյունաբերության ապրանքների արտահանման հարաբերությունն անդամ պետություններում արդյունաբերական ապրանքների արտադրության ծավալի նկատմամբ

3. Երրորդ երկրներ՝ անդամ պետությունների մշակող արդյունաբերության ապրանքների արտահանման մեջ ապրանքների մասնաբաժինը՝ ըստ բարձր տեխնոլոգիական մակարդակի տնտեսական գործունեության տեսակների

4. Երրորդ երկրներ՝ անդամ պետությունների մշակող արդյունաբերության ապրանքների արտահանման մասնաբաժինը համաշխարհային արտահանման ընդհանուր ծավալի մեջ

V. Կոոպերացիոն համագործակցության ցուցիչները

1. Անդամ պետությունների միջև կոոպերացիոն մատակարարումների աճի ծավալն ու տեմպերը

2. Երրորդ երկրների հետ առևտրի շրջանակներում կոոպերացիոն մատակարարումների աճի ծավալը և տեմպերը

3. Անդամ պետությունների արդյունաբերության արտադրական կոոպերացիայի ինդեքսը, որը որոշվում է որպես անդամ պետությունների մշակող արդյունաբերության մեջ արդյունաբերական արտադրության ծավալի նկատմամբ անդամ պետությունների միջև կոոպերացիոն մատակարարումների ծավալների հարաբերություն

4. Միության շրջանակներում կուտակված փոխադարձ ուղղակի ներդրումների ծավալները

5. Գլոբալ համաշխարհային շղթաներում ներգրավվածության ինդեքսը, որը որոշվում է որպես անդամ պետությունների մշակող արդյունաբերության մեջ արդյունաբերական արտադրության ծավալի նկատմամբ երրորդ երկրների հետ առևտրի շրջանակներում կոոպերացիոն մատակարարումների ծավալի հարաբերություն:

ՀԱՎԵԼՎԱԾ ԹԻՎ 5 Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների

Եվրասիական տնտեսական միության շրջանակներում մինչև 2030 թվականն արդյունաբերական համագործակցության հիմնական ուղղությունների իրագործման տեղեկատվական-վերլուծական միջոցառումների

Պաշտոնական հրապարակման օրը՝ 29 օգոստոսի 2025 թվական: