ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՈՒՄԸ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐԻ՝ ՏՐԱՆՍՊՈՐՏԻ ՈԼՈՐՏՈՒՄ ԼԻԱԶՈՐՎԱԾ ՄԱՐՄԻՆՆԵՐԻ ՂԵԿԱՎԱՐՆԵՐԻ ԽՈՐՀՐԴԻ ՄԱՍԻՆ ՀԻՄՆԱԴՐՈՒՅԹԻ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

21 փետրվարի 2025 թվականի

թիվ 16

քաղ. Մոսկվա

Եվրասիական տնտեսական հանձնաժողովի խորհուրդը որոշեց.

1. Հավանություն տալ «Եվրասիական տնտեսական միության անդամ պետությունների՝ տրանսպորտի ոլորտում լիազոր մարմինների ղեկավարների խորհրդի մասին հիմնադրույթի մեջ փոփոխություններ կատարելու մասին» Եվրասիական տնտեսական բարձրագույն խորհրդի որոշման նախագծին (կցվում է) և այն ներկայացնել Եվրասիական տնտեսական բարձրագույն խորհրդի քննարկմանը։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ`

Հայաստանի Հանրապետությունից՝	Բելառուսի Հանրապետությունից`	Ղազախստանի Հանրապետությունից`	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Դ. Ամանգելդիև	Ա. Օվերչուկ

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ

ԽՈՐՀՈՒՐԴ

Ո Ր Ո Շ ՈՒ Մ

«   »   ի 20 թվականի

թիվ

քաղ.

«Եվրասիական տնտեսական միության մասին» 2014 թվականի մայիսի 29-ի պայմանագրի 12-րդ հոդվածի 2-րդ կետի 1-ին և 23-րդ ենթակետերին համապատասխան՝ Եվրասիական տնտեսական բարձրագույն խորհուրդը որոշեց.

1. Եվրասիական տնտեսական բարձրագույն խորհրդի 2018 թվականի մայիսի 14-ի թիվ 13 որոշմամբ հաստատված՝ «Եվրասիական տնտեսական միության անդամ պետությունների՝ տրանսպորտի ոլորտում լիազորված մարմինների ղեկավարների խորհրդի մասին» հիմնադրույթի մեջ կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում դրա պաշտոնական հրապարակման օրվանից։

Հայաստանի Հանրապետությունից`

Բելառուսի Հանրապետությունից՝

Ղազախստանի Հանրապետությունից՝

Ղրղզստանի Հանրապետությունից՝

Ռուսաստանի Դաշնությունից`

ՀԱՎԵԼՎԱԾ Եվրասիական տնտեսական բարձրագույն խորհրդի 20 թվականի   ի թիվ  որոշման

1. 4-րդ կետի «բ» ենթակետը լրացնել հետևյալ բովանդակությամբ պարբերությամբ՝

«եվրասիական տրանսպորտային միջանցքների և երթուղիների զարգացում:»:

2. 8-րդ կետը լրացնել հետևյալ բովանդակությամբ «դ» ենթակետով՝

դ) ստորագրում է Ղեկավարների խորհրդի նիստերի արձանագրությունները:»։

3. 10-րդ կետի «գ» ենթակետը հանել։

4. 11-րդ կետը շարադրել հետևյալ խմբագրությամբ՝

«11. Ղեկավարների խորհրդի նիստին կարող են մասնակցել Հանձնաժողովի այն պաշտոնատար անձինք և աշխատակիցները, որոնց իրավասությանն են վերապահված Ղեկավարների խորհրդի նիստում քննարկվող հարցերը, անդամ պետությունների լիազորված և այլ պետական մարմինների ներկայացուցիչներ։

Ղեկավարների խորհրդի անդամների հետ համաձայնեցմամբ՝ Ղեկավարների խորհրդի նիստին կարող են մասնակցել անդամ պետությունների գիտական և կրթական հաստատությունների, հասարակական կազմակերպությունների, գործարար համայնքների, միջազգային կազմակերպությունների ներկայացուցիչները և անկախ փորձագետները, ինչպես նաև Միությանը կից դիտորդ երկրների պետական մարմինների ներկայացուցիչները։»։

5. 13-րդ կետը շարադրել հետևյալ խմբագրությամբ՝

«13. Ղեկավարների խորհրդի անդամները Ղեկավարների խորհրդի նիստերին մասնակցում են անձամբ կամ իրենց լիազորված ներկայացուցիչների միջոցով՝ տրանսպորտի ոլորտում լիազորված մարմնի ղեկավարի տեղակալի պաշտոնից ոչ ցածր մակարդակով։

Ղեկավարների խորհրդի նիստին լիազորված ներկայացուցչի մասնակցության դեպքում, Ղեկավարների խորհրդի անդամը գրավոր տեղեկացնում է այդ մասին Ղեկավարների խորհրդի ղեկավարին՝ նիստի անցկացման օրվանից առնվազն 3 աշխատանքային օր առաջ։

Ղեկավարների խորհրդի նիստն իրավազոր է համարվում նիստին յուրաքանչյուր անդամ պետությունից Ղեկավարների խորհրդի առնվազն մեկ անդամի կամ լիազորված ներկայացուցչի մասնակցության դեպքում։

6. 14-րդ կետի երկրորդ պարբերության երկրորդ նախադասությունը «ցուցաբերում» բառից հետո լրացնել «Հանձնաժողովին՝» բառով:

7. Լրացնել հետևյալ բովանդակությամբ 141 կետով.

«141. Ղեկավարների խորհրդի նիստերը, որպես կանոն, անցկացվում են առկա ձևաչափով։

Ղեկավարների խորհրդի անդամների առաջարկների հիման վրա, բացառիկ դեպքերում, նիստերը կարող են անցկացվել տեսակոնֆերանսի ձևաչափով կամ խառը ձևաչափով։»։

8. Լրացնել հետևյալ բովանդակությամբ 161 կետով.

«161. Ղեկավարների խորհրդի անդամներն իրավունք ունեն ներկայացնելու Ղեկավարների խորհրդի նիստի օրակարգում լրացուցիչ հարցեր ներառելու կամ դրանից լրացուցիչ մշակում պահանջող հարցեր հանելու վերաբերյալ առաջարկներ (համապատասխան հիմնավորումներով)՝ ոչ ուշ, քան Ղեկավարների խորհրդի նիստի անցկացման օրվանից 10 օրացուցային օր առաջ։

Ղեկավարների խորհրդի այն անդամները, որոնք առաջարկել են Ղեկավարների խորհրդի նիստի օրակարգում ներառել լրացուցիչ հարցեր, ապահովում են Ղեկավարների խորհրդի ղեկավարին համապատասխան նյութերը (տեղեկանքները և արձանագրային որոշումների նախագծերը) ներկայացնելը։»։

9. 18-րդ կետը շարադրել հետևյալ խմբագրությամբ՝

«18. Ղեկավարների խորհրդի նիստի արդյունքները ձևակերպվում են արձանագրությամբ, որում ամրագրվում են Ղեկավարների խորհրդի անդամների կամ նիստին մասնակցած՝ նրանց լիազորված ներկայացուցիչների դիրքորոշումները։

Արձանագրությունը ենթակա է համաձայնեցման՝ Ղեկավարների խորհրդի նիստը, Ղեկավարների խորհրդի անդամների կամ նիստին մասնակցած՝ նրանց լիազորված ներկայացուցիչների հետ անցկացնելու օրվանից ոչ ուշ, քան 5 օրացուցային օր հետո, և ստորագրվում է Ղեկավարների խորհրդի ղեկավարի կողմից՝ ոչ ուշ, քան նիստի անցկացման օրվանից 7 օրացուցային օր հետո։»։

10. 20-րդ կետը լրացնել հետևյալ բովանդակությամբ պարբերությամբ՝

«Ղեկավարների խորհրդի գործունեությանն անդամ պետությունների գիտական և կրթական հաստատությունների, հասարակական կազմակերպությունների, գործարար համայնքների, միջազգային կազմակերպությունների ներկայացուցիչների և անկախ փորձագետների մասնակցության հետ կապված ծախսերը նշված անձինք ինքնուրույն են հոգում։»։

Պաշտոնական հրապարակման օրը՝ 29 օգոստոսի 2025 թվական: