ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ ՈՐՈՇՈՒՄԸ ԳՅՈՒՂԱՏՆՏԵՍՈՒԹՅԱՆԸ ՏՐԱՄԱԴՐՎՈՂ ՊԵՏԱԿԱՆ ԱՋԱԿՑՈՒԹՅԱՆ ՈԼՈՐՏՈՒՄ ԲԵԼԱՌՈՒՍԻ ՀԱՆՐԱՊԵՏՈՒԹՅԱՆ ՊԱՐՏԱՎՈՐՈՒԹՅՈՒՆՆԵՐԻ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

ԳՅՈՒՂԱՏՆՏԵՍՈՒԹՅԱՆԸ ՏՐԱՄԱԴՐՎՈՂ ՊԵՏԱԿԱՆ ԱՋԱԿՑՈՒԹՅԱՆ ՈԼՈՐՏՈՒՄ ԲԵԼԱՌՈՒՍԻ ՀԱՆՐԱՊԵՏՈՒԹՅԱՆ ՊԱՐՏԱՎՈՐՈՒԹՅՈՒՆՆԵՐԻ ՄԱՍԻՆ

Ղեկավարվելով «Եվրասիական տնտեսական միության մասին» 2014 թվականի մայիսի 29-ի պայմանագրի 106-րդ հոդվածի 3-րդ կետով և «Գյուղատնտեսությանը տրամադրվող պետական աջակցության միջոցների մասին» արձանագրության 8-րդ կետի երրորդ պարբերությամբ՝ Եվրասիական տնտեսական բարձրագույն խորհուրդը որոշեց.

1. Բելառուսի Հանրապետության համար Եվրասիական տնտեսական միության անդամ պետությունների գյուղատնտեսական ապրանքների փոխադարձ առևտրի վրա խաթարող ազդեցություն ունեցող միջոցների մակարդակի հաշվարկը 2025 թվականի հունվարի 1-ից իրականացվում է Եվրասիական տնտեսական հանձնաժողովի 2016 թվականի հոկտեմբերի 18-ի թիվ 163 որոշմամբ հաստատված՝ Եվրասիական տնտեսական միության անդամ պետությունների գյուղատնտեսական ապրանքների փոխադարձ առևտրի վրա խաթարող ազդեցություն ունեցող, գյուղատնտեսությանը տրամադրվող պետական աջակցության միջոցների թույլատրված մակարդակի հաշվարկման մեթոդաբանությանը համապատասխան։

2. Սահմանել, որ Բելառուսի Հանրապետության համար գյուղատնտեսությանը տրամադրվող պետական աջակցության՝ սույն որոշման 1 ին կետին համապատասխան հաշվարկվող թույլատրված ծավալը 2025 թվականի հունվարի 1-ից մինչև 2030 թվականի հունվարի 1-ը չպետք է գերազանցի 10 տոկոսը։

3. Սույն որոշումն ուժի մեջ է մտնում 2025 թվականի հունվարի 1-ից: