1.

Ծրագրի նպատակը

Նվազեցնել սողանքների և քարաթափման ռիսկերը՝ Հայաստանի Հանրապետության Լոռու մարզի Ֆիոլետովո-Դիլիջան 12 կիլոմետրանոց Մ 8 միջպետական ճանապարհի 6-րդ կիլոմետրում (Կոորդինատ 40.715746, 44.772593) հարվածակայուն հենապատի կառուցման և քարաթափման դեմ ցանցապատման միջոցով։

2.

Ծրագրի բարեգործական որակման նպատակը

Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից:

3.

Բարեգործը

Ճապոնիայի կառավարություն՝ ի դեմս Հայաստանի Հանրապետությունում Ճապոնիայի դեսպանության (Հայաստանի Հանրապետություն, քաղաք Երևան 0037, Բաբայան փողոց 23/4):

4.

Ծրագիրը կատարողը

«Հայաստանի համայնքների միություն» հասարակական կազմակերպություն (Հայաստանի Հանրապետություն, քաղաք Աբովյան 2202, Բարեկամության Հրապարակ, շենք 1, Կոտայքի մարզ, ՀՎՀՀ՝ 03534085):

5.

Ծրագրի իրականացման վայրը և բնագավառը

Հայաստանի Հանրապետության Լոռու մարզի Ֆիոլետովո-Դիլիջան 12 կիլոմետրանոց Մ 8 միջպետական ճանապարհի 6-րդ կիլոմետրում (Կոորդինատ 40.715746, 44.772593), բնագավառը՝ արտակարգ իրավիճակների:

6.

Ծրագրի բյուջեն

26,767,119.80 դրամ

7.

Բարեգործություն ստացողը

Հայաստանի Հանրապետություն

8.

Ծրագրի իրականացման տևողությունը

2025 թվականի հուլիսի 20-ից մինչև 2026 թվականի հունվարի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Հարվածակայուն հենապատի կառուցում և քարաթափման դեմ ցանցապատում՝ 26,767,119.80 դրամ, նախատեսվում է իրականացնել 2025 թվականի հուլիսի 20-ից մինչև 2026 թվականի հունվարի 31-ն ընկած ժամանակահատվածում:

10.

Ձեռք բերվող (ներմուծվող) ապրանքների ու

ծառայությունների համառոտ նկարագիրը, ծավալները և նախատեսվող գինը

Հարվածակայուն հենապատի կառուցման և քարաթափման դեմ ցանցապատման աշխատանքների իրականացում՝ 26,767,119.80 դրամ,

առանց ավելացված արժեքի հարկի:

11.

Ծրագրի իրականացման հետ կապված

կազմակերպական ծախսերը

Չեն նախատեսվում

12.

Համագործակցությունը պետական կառավարման, տեղական ինքնակառավարման մարմինների, այլ

կազմակերպությունների հետ

Հայաստանի Հանրապետության Լոռու մարզի Ֆիոլետովոյի համայնքապետարան

13.

Ծրագրի արդյունավետության նկատմամբ վերահսկողության մեխանիզմների նկարագրությունը

«Հայաստանի համայնքների միություն» հասարակական կազմակերպության խորհրդի, վարչության ու վերստուգիչ հանձնաժողովի կողմից։ Ամենամսյա ֆինանսական ու ծրագրային հաշվետվություններ են ներկայացվելու դոնորին՝ Հայաստանի Հանրապետությունում Ճապոնիայի դեսպանությանը։ Հոգաբարձուների խորհուրդն ունենալու է ծրագրի արդյունավետության վերահսկման գործառույթ։ Ծրագրի շրջանակներում իրականացվելու է արտաքին աուդիտ, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: