ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅԳԱԶԱՐԴ» ՊԵՏԱԿԱՆ ԿՈՆՑԵՌՆԻ ՀԱՄԱՐ ՀԱՐԿԱՅԻՆ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

նախագահ Լ. ՏԵՐ-ՊԵՏՐՈՍՅԱՆ

«29» հոկտեմբերի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 հոկտեմբերի 1996 թ. N 344

Քաղ. Երևան

«Հայգազարդ» պետական կոնցեռնի ֆինանսատնտեսական վիճակը բարելավելու, Հայաստանի Հանրապետություն բնական գազի անընդհատ ներկրման համար նպաստավոր պայմաններ ապահովելու նպատակով և, հաշվի առնելով Հայաստանի Հանրապետության Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. «Հայգազարդ» պետական կոնցեռնը ազատել հարկերի վճարման սահմանված ժամկետների ուշացման համար 1996 թվականի օգոստոսի 1-ի դրությամբ հաշվարկված և չվճարված տույժերից` 364568 հազ. դրամի չափով, և հարկային օրենսդրության խախտման համար հաշվարկված ու չվճարված տուգանքներից` 43096 հազ. դրամի չափով:

2. «Հայգազարդ» պետական կոնցեռնի 1996 թվականի օգոստոսի 1-ի դրությամբ հաշվարկված և չվճարված հարկերի` 1509212 հազ. դրամի չափով, վճարման ժամկետը հետաձգել մինչև 1997 թվականի հուլիսի 1-ը:

3. Սույն որոշումն ուժի մեջ է մտնում 1996 թվականի հոկտեմբերի 29-ից։

Հայաստանի Հանրապետության վարչապետ

Հ. ԲԱԳՐԱՏյան