ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅՏԱՐԲԵՐՆՅՈՒԹՄԵԾԱՌ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ՀԱՐԿԱՅԻՆ ՕՐԵՆՍԴՐՈՒԹՅԱՆ ԽԱԽՏՈՒՄՆԵՐԻ ՀԱՄԱՐ ՊԱՏԺԱՄԻՋՈՑՆԵՐԻՑ ԱԶԱՏԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

նախագահ Լ. ՏԵՐ-ՊԵՏՐՈՍՅԱՆ

«13» սեպտեմբերի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 սեպտեմբերի 1996 թ. N 292

Քաղ. Երևան

Հաշվի առնելով, որ Բագրատաշենի սահմանամերձ առևտրի շուկայում 1995 թվականին տեղի ունեցած պայթյունի հետևանքների վերացման համար Հայաստանի Հանրապետության առևտրի, սպասարկումների և զբոսաշրջիկության նախարարության «Հայտարբերնյութմեծառ» պետական ձեռնարկությունը սեփական միջոցների հաշվին շուկայի տարածքում իրականացրել է անհետաձգելի շինարարական աշխատանքներ, որի հետևանքով հարկային պարտավորությունները ժամանակին չեն կատարվել, ինչպես նաև` Հայաստանի Հանրապետության Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. Հայաստանի Հանրապետության «Հայտարբերնյութմեծառ» պետական ձեռնարկությունն ազատել սահմանված ժամկետներում հարկերի վճարումներն ուշացնելու համար 1996 թվականի հուլիսի 1-ի դրությամբ հաշվարկված և բյուջե չվճարված 12942,8 հազար դրամ տույժերից: 

2. Սույն որոշումն ուժի մեջ է մտնում 1996 թվականի սեպտեմբերի 13-ից։

Հայաստանի Հանրապետության վարչապետ

Հ. ԲԱԳՐԱՏյան