ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՖՈՒՏԲՈԼԻ ՖԵԴԵՐԱՑԻԱՅԻ ԿՈՂՄԻՑ ՎԱՐՁԱԿԱԼՎՈՂ ԳՈՒՅՔԻ ԵՎ ՏԱՐԱԾՔՆԵՐԻ ՀԱՄԱՐ ՎԱՐՁԱԿԱԼԱԿԱՆ ՎՃԱՐԻ ՉԱՓԻ ՍԱՀՄԱՆՄԱՆ ՀԱՄԱՐ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

«Վավերացնում եմ»

Հայաստանի Հանրապետության

նախագահ Լ. ՏԵՐ-ՊԵՏՐՈՍՅԱՆ

«6» սեպտեմբերի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 սեպտեմբերի 1996 թ. N 285

Քաղ. Երևան

Հաշվի առնելով Հայաստանի Հանրապետության ֆուտբոլի ֆեդերացիայի ծանր ֆինանսական վիճակը, ինչպես նաև Հայաստանի Հանրապետությունում ֆուտբոլի զարգացումը խթանելու նպատակով ՈՒԵՖԱ-ի կողմից համապատասխան ֆինանսական միջոցների տրամադրման հնարավորությունը, Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության մշակույթի, երիտասարդության հարցերի և սպորտի նախարարության ու Հայաստանի Հանրապետության կրթության և գիտության նախարարության առաջարկությունը և բացառության կարգով թույլատրել նրանց Հայաստանի Հանրապետության ֆուտբոլի ֆեդերացիայի հետ Հայաստանի Հանրապետության մշակույթի, երիտասարդության հարցերի և սպորտի նախարարության Ձորաղբյուրի հանրապետական գլխավոր մարզաբազայի գույքի ու տարածքի և Հայաստանի Հանրապետության կրթության և գիտության նախարարության արդյունաբերական տեխնիկումի հանրակացարանի մասնաշենքի (քաղ. Երևան, Գարեգին Նժդեհի 23) ու տարածքի վարձակալության վերաբերյալ կնքվելիք պայմանագրում նշված գույքի և տարածքների վարձակալական վճարի չափը որոշել կողմերի փոխադարձ համաձայնությամբ:

2. Սույն որոշումն ուժի մեջ է մտնում 1996 թվականի սեպտեմբերի 6-ից։

Հայաստանի Հանրապետության վարչապետ

Հ. ԲԱԳՐԱՏյան