ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱՅԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

նախագահ Լ. ՏԵՐ-ՊԵՏՐՈՍՅԱՆ

«15» հունիսի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 հունիսի 1996 թ. N 173

Քաղ. Երևան

Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների նախարարությանը` համաձայն Հայաստանի Հանրապետության վարչապետի 1995 թվականի նոյեմբերի 25-ի «Հայաստանի Հանրապետության կառավարության 1994 թվականի հուլիսի 30-ի N 352 որոշման մեջ փոփոխություն կատարելու մասին» N 306 որոշման, Հայաստանի Հանրապետության գիտությունների ազգային ակադեմիային հատկացնել 280.000 ԱՄՆ-ի դոլար, 1996 թվականի հանրապետական բյուջեի միջոցների հաշվին (Հունաստանի Հանրապետությանը վաճառված դեսպանատան շենքի արժեքից):

2. Հայաստանի Հանրապետության գիտությունների ազգային ակադեմիային` 10-օրյա ժամկետում ավարտել Հունաստանի Հանրապետության դեսպանատան շենքի (Մոսկովյան 22) ազատման աշխատանքները:

3. Ուժը կորցրած ճանաչել Հայաստանի Հանրապետության վարչապետի 1995 թվականի նոյեմբերի 25-ի «Հայաստանի Հանրապետության կառավարության 1994 թվականի հուլիսի 30-ի N 352 որոշման մեջ փոփոխություն կատարելու մասին» N 306 որոշման 2-րդ կետը:

4. Սույն որոշումն ուժի մեջ է մտնում 1996 թվականի հունիսի 15-ից։

Հայաստանի Հանրապետության վարչապետ

Հ. ԲԱԳՐԱՏյան