ՀՀ ԳԵՐԱԳՈՒՅՆ ԽՈՐՀՐԴԻ ՈՐՈՇՈՒՄԸ «ՀՀ ՊԵՏԱԿԱՆ ՍԱՀՄԱՆԻ ՄԱՍԻՆ» ՀՀ ՕՐԵՆՔԸ ԿԻՐԱՐԿԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Ո Ր Ո Շ ՈՒ Մ Ը

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՍԱՀՄԱՆԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԿԻՐԱՐԿԵԼՈՒ ՄԱՍԻՆ

Հայաստանի Հանրապետության Գերագույն խորհուրդը որոշում է.

1.«Հայաստանի Հանրապետության պետական սահմանի մասին» ՀՀ օրենքը կիրարկել հրապարակման պահից:

2. Հայաստանի Հանրապետության կառավարությանը` օրենքի հրապարակման պահից եռամսյա ժամկետում.

ա) սահմանել Հայաստանի Հանրապետության պետական սահմանի սահմանանշանների ձևերը և չափերը,

բ) հաստատել Հայաստանի Հանրապետության պետական սահմանի պահպանման կանոնները,

գ) սահմանել Հայաստանի Հանրապետության պետական սահմանի այն անցման կետերը, որոնցով իրականացվելու է երկաթուղային, ավտոմոբիլային, օդային և այլ հաղորդակցություններ,

դ) սահմանել սահմանային գոտու և սահմանային շերտի որոշման և փոփոխման կարգը,

ե) վերանայել սահմանային շերտում կատարված հողի սեփականաշնորհման և հետգնման հարցը` այն սահմանապահ զորքերի տնօրինությանը հանձնելու համար,

զ) սահմանել սահմանային գոտում Հայաստանի Հանրապետության քաղաքացիների և այլ անձանց մուտք գործելու, ժամանակավոր գտնվելու, բնակվելու, տեղափոխվելու, տնտեսական գործունեություն իրականացնելու կանոնները կարգավորող սահմանային ռեժիմի կարգը:

Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ`	բ. արարքցյան
26 ապրիլի 1994 թվականի, քաղ. Երևան Հ. Ն-1048-I.