ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՄԱՍՆԱԿԻ ԱՆՀԱՏՈՒՅՑ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ ԿԱՐԳԱՎՈՐՄԱՆ ՈՐՈՇ ՄԻՋՈՑԱՌՈՒՄՆԵՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 դեկտեմբերի 1994 թվականի N 603

քաղ. Երևան

ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՄԱՍՆԱԿԻ ԱՆՀԱՏՈՒՅՑ ՍԵՓԱԿԱՆԱՇՆՈՐՀՄԱՆ ԳՈՐԾԸՆԹԱՑԻ ԿԱՐԳԱՎՈՐՄԱՆ ՈՐՈՇ ՄԻՋՈՑԱՌՈՒՄՆԵՐԻ ՄԱՍԻՆ

Պետական ձեռնարկությունների մասնակի անհատույց սեփականաշնորհման հետևանքով ստեղծվող բաժնետիրական ընկերությունների կանոնադրական ֆոնդի մեծության և անհատույց սեփականաշնորհման ենթակա գույքի որոշման հաշվարկները վերահսկելու նպատակով Հայաստանի Հանրապետության կառավարությունը որոշում է.

1. Ստեղծել աշխատանքային խումբ հետևյալ կազմով`

2. Հայաստանի Հանրապետության նախարարությունների, պետական վարչությունների, գերատեսչությունների, պատգամավորների Երևանի քաղաքային խորհրդի գործադիր կոմիտեի մասնակի անհատույց սեփականաշնորհման ճյուղային հանձնաժողովներին` 10-օրյա ժամկետում Հայաստանի Հանրապետության կառավարություն ներկայացնել մասնակի անհատույց սեփականաշնորհման ենթակա ձեռնարկությունների վերաբերյալ հետևյալ տվյալները`

ա) տեղեկանք գույքագրման արդյունքների մասին.

բ) ձեռնարկության հաշվեկշիռ (ձև 1) (մասնակի անհատույց սեփականաշնորհման ենթակա ձեռնարկությունների աշխատավորական կոլեկտիվների ժողովի (առաջին ժողովի) անցկացման ամսվա 1-ի դրությամբ).

գ) հաշվետվություն ֆինանսական արդյունքների և դրանց օգտագործման մասին (ձև 2).

դ) ձեռնարկության հաստիքային աշխատողների թվաքանակը.

ե) բաժնետիրական ընկերության կանոնադրության նախագիծը:

3. Աշխատանքային խմբի աշխատանքների կոորդինացման պարտականությունը դնել Հայաստանի Հանրապետության կառավարության գործերի կառավարչական տնտեսագիտական վարչության վրա:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉի առաջին տեղակալ

Վ. ՄԱՆՈՒԿՅԱՆ